إختي بالنسبة للنسيان ، إذا كنت ممن ينسى بسرعة ،فأنصحج بأنج كل يوم الصبح أو في الليل ( لليوم التالي ) تسوين جدول صغير بالمهام ، وخانة للوقت ، وخانة أخرى لوضع علامة صح عند الانتهاء مباشرة من الشيء اللي فعلتيه ، أنا الصراحة أيام الدوام أجربها والحمد لله من كثرة الضغوطات اللي عندي أحصل نفسي مرتبة شغلي ومصنفتنه مثلاً شغل الجامعة / شغل النادي / تنمية ذاتية ...الخ .
الطريقة سهلة ما بتاخذ خمس دقايق ، وهالخمس دقايق تستاهل مني أرتب يومي كامل :22:

أما بالنسبة للكلام :
فإما تكون عين ، أو احتمال تكون قريبة من الثقة ، حاولي تطورين نفسج من هذي الناحية ، فركزي ع الكلام اللي ينقال لج أو تقولينه من دون أي سرحان مجرد توجيه النظر على المتكلم أو الملتقي بيساعدج في إنج تنصتين وتركزين ، حاولي ما تسوينن عدت أشيا بوقت واحد ، اطلبي من المتكلم " بذوق " أن يقف لحظة رثما تردين ع الجزئية اللي ذكرها ، حاولي أثناء الكلام أن تفكري بما ستقولين بطريقة سريعة ، وجربي أهم من هذا كله إنج تطبقين .:18:
وأكيد لا تنسين الأشيا اللي ذكروها خواتي لج من قراءات .

وبالتوفيق بإذن الله :22:

تحياتي لج ، إختج :
خلك إيجـــــــــابي !