![]() |
عزيزتي
صمت المشاعر وش معنى قلتي الجنوب؟؟ انا ماقلت الجنوب وماكنت اقصد منطقة الجنوب كلها .. يمكن منطقة وحدة اللي اقصدها ماهو كلها ياأختي!! وأدري والله ياصمت ان فيه مهور هناك مخفضة كثير وهذا اللي خلاني ماخصص لأني عارفة ان المنطقة ماهي كلها غالية مهورها. وأختي انا قصدت منعا للإحراج عشان مايحرج نفسه لأني لاحظت كلمة غلاء مهور وشروط وطلبات وحفلة الزواج بقصر!! انا اول مرة اسمع ان فيه ناس يشرطون الزواج بقصر؟؟ فيه ناس يدورون التوفيق لبنتهم ولا الطقطقة والرقص بس!! لذلك قلت يروح للي من ثوبه عشان ماينحرج.. مافرقت بينهم ولانقصت من حق أحد ياأختي هذا قصدي واتمنى تفهمين كلامي زين!! |
لا تستغربي ولا شي
هذا الدنيا أخر الاخبار انا خطبت بنت عن طريق خوها يوم الخميس من عند ناس سمعت عنهم بانهم غير متشرطين في المهر والبنت ذات دين واخلاق وجمال طبعآ قبلها بكم شهر خطبتها من ابوها في البداية قال بنسأل عنك وما ردو علي رحت استفسر عن الرد قابني ابوها من عند الباب وقال لي ما فيه نصيب سألته عن السبب وهل في اخلاقي عيب او اي سبب يخليك ترفض قال لا ولكن ما فيه نصيب طبعآ نصحوني ناس قالو لا تخطبها من ابوها تراة رافض يجوزها مع العلم ان عمرها 36 سنة اكبر مني 5 سنوات ورحت عند خوها يوم الخميس وخطبتها منه والله يكتب الي فيه الخير البنت احس انها مظلومة وقد سبق وتقدم لها اكثر من شخص ولكن ابوها رافض يجوزها ومعقدها في حياتها ولا اخفيك سر رحمتها وحبيت اريحها من العذاب لي هي فيه والله يسهل الامر |
^
^ اخوي الله يجزاك خير ترى الزواج مافيه رحمة لاتتقدم لها لأنك راحمها الحين هزتك العاطفة والشفقة بكرة تتزوجها سنة سنتين وقلبك يحن للبنت الصغيرة هي وش ذنبها بكرة!! ماراح تصير ارحم من امها عليها ماراح تصير ارحم من ربي عليها اللي هوارحم عليها من نفسها صح ولالا؟؟ صراحة 5 سنوات فرق شاسع.. اخوي أصبر شوي وخل أهلك يدورون لك بنت حلال وسهلها وربي يسهلها عليك |
بسم الله الرحمن الرحيم
المشكلة ليست في المهر سجلو عندكم : بنك التسليف 20.000 ريال مساعدات وفزعات جمعية الشيخ بن باز تقريبا 5000 ريالا يعني من رغب الزواج لا يخاف الله بيرزقه لكن المشكله وين البنات ؟ وينهن ؟ اعرف شباب قمه يدورون دوره كأن البنت عمله نادره والاتصال مقطوع يعني فيه عوائل عندهم بنات ولا احد يدري عنهم أه بس قلتها من قلب والله يوفق |
يامعشر الشباب
ياالحمد للله ارجع واقولك الزواج مرزوق من يسأل الله العفاف يعفه انا في عائلتي عندنا شباب ماشاء الله عليهم اقل راتب ياخذ الواحد فيهم 5000 ريال ومع كدا بناتنا مهورهم بسيطة لا تتجاوز 30000 ريال لكن شبابنا واجهتم مشاكل مالية كل شي محتاج فلوس اذا المشكلة مو في المهور بس لكن سبحان من ينوي الواحد يتزوج تجيه المساعدات ابوه شال القاعة عنه امه اعطته هدية الملكة او الشبكة وان له اخوات ساعدوه في فرش البيت وكمان يسافر هو وزوجته شهر عسل من جد الزواج مرزوق انا شفت بعيني خالي خطب وهو في الجامعة واشتغل مدرس من اول راتب دخل جمعيات وجمع المهر واتزوج في احلى قاعة واتزوج احسن البنات واعطاها 3000 ريال مهر وماقصر معاه في الهدايا سبحان الله الحلال سهل هذا الشيطان يكرره الحلال ويعجزكم ويحبط معناوياتكم اتوكلوا على الله ةاختاروا ذات الدين تربت يداكم ورجااااااااء خاص لاخي الحمد الله مافي بنت كبرت في السن وتنازلت عن مهرها لا تصدق ومن قال انه المهر البنت تحدده يالله اسال كل المتزوجات في المنتدى هل هن من حدد قيمة المهر ؟؟؟؟؟؟ اتمنى لك السعادة وان يرزقك الله بالزوجة الصالحة |
شو بارد
هل تنصحينني بفسخ الخطبة ؟؟ |
اقتباس:
وانا لم اقصد انها تنازلت عن مهرها بالكامل بل انقصت منه سوى هي او ولي امرها يعني بدل ما كان 0 6 الف اصبح 40 الف هذا كان قصدي وشكرآ لك علي الدعاء رزقكي الله من فضلة وكرمة |
أخوي الحمدالله
انا أنصحك أنك تقرر بما يمليه عليك عقلك وتفكيرك هذا ماهو مشروع صداقة وماهو مشروع مؤقت هذا مشروع مستقبل فيه حياتك كلها وبتصير المرأة أم لأبناءك وبتصير لك فراش صح ولالا؟ لذلك لاتقول راحمها بتزوجها وانت ماعندك رغبة!! اذا مقتنع فيها ومقتنع بعمرها والبنت ماعليها كلام توكل على الله واذا بس مجرد رحمة وانك دخلك المادي قليل وماتلقى من يوافق عليك عشان المادة اصبر اصبر والله اني اعرف بنات يبون ملتزم حتى لو ماهو موظف تصور! أخوي ماشالله مافيه شي ناقصه وجلسنا تقريبا سنتين ندور له اسباب الرفض مرة مننا ومرة من البنت الله يكتب لك الخير ويرزقك عاجلا غير آجل |
الله واكبر
يقدر الشاب يسدد فواتير الجوال والانترنت ويشتري سيارة باغلى الاثمان عشان يفاخر فيها الشباب واكل من المطاعم االماكدونالز وبيتزا هت وبرجر كنج مع ان البيت مليان اكلات لكن الزواج مستحيل مرة لغلاء المهور ومرة لعدم جمال بنات البلد ومرة لانه مافيه بنات يقبلون وان البنات صارو دلوعات0000الخ وكل يوم جايبيللنا عذر لنا اخوان واقارب ماشفنا ولا واحد جاه زي العذر اللي تتكلمون فيهن بالعكس تزوجو بعد اسبوعين وبعضهم بعد شهرين من فكرة الزواج فاتقو الله ياشباب 0000000كافي وكافي اذيه لاخواتكم المسلمات00000 والله ان البنات صارو يكرهون الشباب من اللي يسمعونه عنهم وعن اعذارهم00000000 |
يارب ترزق كل البنات وتيسر امر الشباب ويلاقو عمل
ولد خالتي له اربع سنوات متخرج وملقي عمل الأ بعد ماطلعت روحة وفي النهاية الراتب الفين ريال ولاعلاج ولا سكن ولا اي بدلات وكل ما تقدم يخطب ترفض بشدة عشششششششششششان الراتب الفين مع ان امه تفهم اها العروس انه راح يدفعو مهر وراح يعملو فرح كبيرر وراح يفرشو البيت لأنه ابو راح يساعدة لكن حياتهم تكون على قد الرتب لكن مين يسمع ابو الفين مررررررررررفوض بعنف |
الساعة الآن 08:37 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©