منتدى عالم الأسرة والمجتمع

منتدى عالم الأسرة والمجتمع (http://www.66n.com/forums/index.php)
-   المطلقات والأرامل والمتأخرات (http://www.66n.com/forums/forumdisplay.php?f=36)
-   -   مجتمعنا مجتمع جاااائر!!!!!!!!!!! (http://www.66n.com/forums/showthread.php?t=91040)

شوبارد 25-06-2006 06:25 AM

عزيزتي

صمت المشاعر وش معنى قلتي الجنوب؟؟

انا ماقلت الجنوب وماكنت اقصد منطقة الجنوب كلها .. يمكن منطقة وحدة اللي اقصدها ماهو كلها ياأختي!!

وأدري والله ياصمت ان فيه مهور هناك مخفضة كثير وهذا اللي خلاني ماخصص لأني عارفة ان المنطقة ماهي كلها غالية مهورها.



وأختي انا قصدت منعا للإحراج عشان مايحرج نفسه لأني لاحظت كلمة غلاء مهور وشروط وطلبات وحفلة الزواج بقصر!!

انا اول مرة اسمع ان فيه ناس يشرطون الزواج بقصر؟؟ فيه ناس يدورون التوفيق لبنتهم ولا الطقطقة والرقص بس!!

لذلك قلت يروح للي من ثوبه عشان ماينحرج.. مافرقت بينهم ولانقصت من حق أحد ياأختي

هذا قصدي واتمنى تفهمين كلامي زين!!

الحمدالله 25-06-2006 06:36 AM

لا تستغربي ولا شي

هذا الدنيا
أخر الاخبار

انا خطبت بنت عن طريق خوها يوم الخميس من عند ناس سمعت عنهم بانهم غير متشرطين في المهر والبنت ذات دين
واخلاق وجمال

طبعآ قبلها بكم شهر خطبتها من ابوها في البداية قال بنسأل عنك وما ردو علي

رحت استفسر عن الرد قابني ابوها من عند الباب وقال لي ما فيه نصيب سألته عن السبب وهل في اخلاقي عيب او

اي سبب يخليك ترفض قال لا ولكن ما فيه نصيب

طبعآ نصحوني ناس قالو لا تخطبها من ابوها تراة رافض يجوزها مع العلم ان عمرها 36 سنة اكبر مني 5 سنوات

ورحت عند خوها يوم الخميس وخطبتها منه والله يكتب الي فيه الخير البنت احس انها مظلومة وقد سبق وتقدم لها اكثر

من شخص ولكن ابوها رافض يجوزها ومعقدها في حياتها

ولا اخفيك سر رحمتها وحبيت اريحها من العذاب لي هي فيه

والله يسهل الامر

شوبارد 25-06-2006 06:46 AM

^
^

اخوي الله يجزاك خير ترى الزواج مافيه رحمة لاتتقدم لها لأنك راحمها

الحين هزتك العاطفة والشفقة بكرة تتزوجها سنة سنتين وقلبك يحن للبنت الصغيرة هي وش ذنبها بكرة!!

ماراح تصير ارحم من امها عليها ماراح تصير ارحم من ربي عليها اللي هوارحم عليها من نفسها صح ولالا؟؟

صراحة 5 سنوات فرق شاسع.. اخوي أصبر شوي وخل أهلك يدورون لك بنت حلال وسهلها وربي يسهلها عليك

صاحب رأي سديد 25-06-2006 11:56 AM

بسم الله الرحمن الرحيم
المشكلة ليست في المهر
سجلو عندكم :
بنك التسليف 20.000 ريال
مساعدات وفزعات
جمعية الشيخ بن باز تقريبا 5000 ريالا
يعني من رغب الزواج لا يخاف
الله بيرزقه
لكن المشكله
وين البنات ؟
وينهن ؟
اعرف شباب قمه
يدورون دوره
كأن البنت عمله نادره
والاتصال مقطوع
يعني فيه عوائل عندهم بنات ولا احد يدري عنهم

أه بس قلتها من قلب
والله يوفق

الحب والحبيب 26-06-2006 12:58 AM

يامعشر الشباب
ياالحمد للله
ارجع واقولك الزواج مرزوق
من يسأل الله العفاف يعفه
انا في عائلتي عندنا شباب ماشاء الله عليهم اقل راتب ياخذ الواحد فيهم 5000 ريال ومع كدا بناتنا مهورهم بسيطة لا تتجاوز 30000 ريال
لكن شبابنا واجهتم مشاكل مالية
كل شي محتاج فلوس
اذا المشكلة مو في المهور بس
لكن سبحان من ينوي الواحد يتزوج تجيه المساعدات
ابوه شال القاعة عنه
امه اعطته هدية الملكة او الشبكة وان له اخوات ساعدوه في فرش البيت

وكمان يسافر هو وزوجته شهر عسل

من جد الزواج مرزوق
انا شفت بعيني خالي خطب وهو في الجامعة واشتغل مدرس من اول راتب دخل جمعيات وجمع المهر واتزوج في احلى قاعة واتزوج احسن البنات واعطاها 3000 ريال مهر وماقصر معاه في الهدايا
سبحان الله الحلال سهل
هذا الشيطان يكرره الحلال ويعجزكم ويحبط معناوياتكم
اتوكلوا على الله ةاختاروا ذات الدين تربت يداكم


ورجااااااااء خاص لاخي الحمد الله
مافي بنت كبرت في السن وتنازلت عن مهرها لا تصدق
ومن قال انه المهر البنت تحدده
يالله اسال كل المتزوجات في المنتدى هل هن من حدد قيمة المهر ؟؟؟؟؟؟

اتمنى لك السعادة وان يرزقك الله بالزوجة الصالحة

الحمدالله 26-06-2006 01:03 AM

شو بارد

هل تنصحينني بفسخ الخطبة ؟؟

الحمدالله 26-06-2006 01:14 AM

اقتباس:

المشاركة الأصلية كتبت بواسطة الحب والحبيب
ورجااااااااء خاص لاخي الحمد الله
مافي بنت كبرت في السن وتنازلت عن مهرها لا تصدق
ومن قال انه المهر البنت تحدده
يالله اسال كل المتزوجات في المنتدى هل هن من حدد قيمة المهر ؟؟؟؟؟؟

اتمنى لك السعادة وان يرزقك الله بالزوجة الصالحة

رجأك علي عين ورأسي يابنت الأجواد

وانا لم اقصد انها تنازلت عن مهرها بالكامل بل انقصت منه سوى هي او ولي امرها

يعني بدل ما كان 0 6 الف اصبح 40 الف هذا كان قصدي

وشكرآ لك علي الدعاء
رزقكي الله من فضلة وكرمة

شوبارد 26-06-2006 01:14 AM

أخوي الحمدالله

انا أنصحك أنك تقرر بما يمليه عليك عقلك وتفكيرك

هذا ماهو مشروع صداقة وماهو مشروع مؤقت هذا مشروع مستقبل فيه حياتك كلها

وبتصير المرأة أم لأبناءك وبتصير لك فراش صح ولالا؟ لذلك لاتقول راحمها بتزوجها وانت ماعندك رغبة!!

اذا مقتنع فيها ومقتنع بعمرها والبنت ماعليها كلام توكل على الله

واذا بس مجرد رحمة وانك دخلك المادي قليل وماتلقى من يوافق عليك عشان المادة اصبر اصبر

والله اني اعرف بنات يبون ملتزم حتى لو ماهو موظف تصور!

أخوي ماشالله مافيه شي ناقصه وجلسنا تقريبا سنتين ندور له اسباب الرفض مرة مننا ومرة من البنت

الله يكتب لك الخير ويرزقك عاجلا غير آجل

اميh 26-06-2006 01:31 AM

الله واكبر

يقدر الشاب يسدد فواتير الجوال والانترنت ويشتري سيارة باغلى الاثمان عشان يفاخر فيها الشباب واكل من المطاعم االماكدونالز وبيتزا هت وبرجر كنج مع ان البيت مليان اكلات

لكن الزواج مستحيل مرة لغلاء المهور ومرة لعدم جمال بنات البلد ومرة لانه مافيه بنات يقبلون وان البنات صارو دلوعات0000الخ

وكل يوم جايبيللنا عذر


لنا اخوان واقارب ماشفنا ولا واحد جاه زي العذر اللي تتكلمون فيهن
بالعكس تزوجو بعد اسبوعين وبعضهم بعد شهرين من فكرة الزواج

فاتقو الله ياشباب 0000000كافي وكافي اذيه لاخواتكم المسلمات00000

والله ان البنات صارو يكرهون الشباب من اللي يسمعونه عنهم وعن اعذارهم00000000

النحلة الصغيرة 26-06-2006 01:32 AM

يارب ترزق كل البنات وتيسر امر الشباب ويلاقو عمل
ولد خالتي له اربع سنوات متخرج وملقي عمل الأ بعد ماطلعت روحة وفي النهاية الراتب الفين ريال ولاعلاج ولا سكن ولا اي بدلات وكل ما تقدم يخطب ترفض بشدة عشششششششششششان الراتب الفين مع ان امه تفهم اها العروس انه راح يدفعو مهر وراح يعملو فرح كبيرر وراح يفرشو البيت لأنه ابو راح يساعدة لكن حياتهم تكون على قد الرتب لكن مين يسمع ابو الفين مررررررررررفوض بعنف


الساعة الآن 08:37 PM.

Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©