|
بارك الله فيك يا مخمليه الاحساس انتي واخواتك
انا كان مهري 40الف والملكه علينا واخواتي 30الف يعني نعمه من الله الحمد لله اما عن البركه فالحاله كسيفه شوي بس ربك يفرجها انا كنت اقول قبل الزواج ابي مهر خمسين الف بس بعد الزواج كلش تغير اهم شي التوفيق مو مهم ذي كم مهرها وذي كم ياللي ماتزوجتو لين الحين ارجوكم راعو الشباب في مهوركم لاتبالغون فيها عشان شبابنا مايضيع من بين يدينا ونقعدبحسرتنا الله يوفق الجميع |
الأخوات اللي يقولو خمسين ألف كثيرة.....
والله أنا ما أعرف ان كانت كثيرة أو لأ .... لأني ما اهتميت بالموضوع .... بالعكس أنا أقل وحدة في اخواتي ..... لأن أصلي من الجنوب .... وكمان اللي كان خاطبني من الجنوب .... وعاداتهم اللي من نفس القبيلة تكون خمسين واللي من قبيلة ثانية تكون سبعين .... واللي من الجنوب لكن من منطقة ثانية تكون ثمانين أو مائة .... وأنا من منطقة غير منطقته .. غير ام العروسة .... 10 آلاف ,,, وكسوة أخواتها ....و و و و ....الخ بس هذا حرام .... والله حرام ....يعني هو بيتزوجني ولا بيتزوج اهلي ... غير كذا أهلي الحمد لله مو ناقصهم شيء .... عشان كذا احنا نرفض هذي الخرابيط .... |
انا تزوجت بمهر 100 الف ريال كاش ، وزواجي ما كمل شهور معدودة
وكان مثل الكابوس!! يعني الفلوس ما فادتني ، والله اني اتحسر على فستاني الابيض وعلى شناطي وعلى ذهبي وعلى كل شئ المهم انه مقدر ومكتوب بالنسبة لأختي الاصغر مني ، كان مهرها اقل مهر في قرايبنا كلنا!!!!!!!!! والحمد لله مبسوطه معه ، ولا يحرمها من اي شئ تتمناه!!! (مع وجود المشاكل البسيطه ) والله يوفق الجميع |
كلمة حق اقولها
أني منذ أن نويت الزواج انفتحت أمامي ابواب الرزق والحمد لله وبدات احس بالبركه فيي كل شي بفضل الله وبدأت الامور تتيسر بحمد الله وكما جاء في الحديث ثلاثة حق على الله اعانتهم وذكر منهم المتزوج يريد العفاف او كما قال عليه الصلاة والسلام فالحديث لا يحضرني بالنص أخي الكريم بارك الله فيك فقد وفقت في اختيار الموضوع |
اقتباس:
الله يفرجها عليكم ويسهل امركم ورزقكم الحلال الطيب |
اقتباس:
بس ممكن توضيح معنى ((( البركه ))) بالضبط........يكون افضل؟ |
البركة في الزوجة و المال والولد
هذا هو المقصود والله اعلم |
| الساعة الآن 10:58 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©