|
من وجهة نظري هذا المبلغ يكفي ، صحيح مالي تجربة بس كل الي اشوفهم من معارفنا و اقاربنا يتزوجون بمهر 30 الف و اقل شوي ، المهم السعادة ، للأسف اغلب الناس في مجتمعاتنا صاروا مايهتمون بجوهر الزواج و هدفه كل الي يهمهم المظهر
|
انا واختي مهرنا 30الف والحمد لله كفت احسن تجهيز لكن بحسن الدبره وحدة من خواتي دفع لها زوجها 40الف يوم درى ابوي انه ماشاء الله حافظ للقران رجع له 20الف والحمد لله كفت اهم شئ التوفيق
|
يكفي لانه بصراحة العروس تشتري اشياء واجد وترمي نصها عقب
شهرين اول شي المقاسات تختلف وممكن يصير حمل وغيره اختلاف الجو يعني لا تكثر ملابس واجد والله يعين الرجال يشري لزوجته بعد العرس لكن اهم شي تعطيها ونفسك راضية عشان ربي يبارك فيها |
بصراحة بصراحة بصراحة أنا مصعوقة 30000 ألف ريال مهر ؟؟؟؟؟؟؟؟؟ 10000 دولار ؟؟؟؟ ليش ؟؟؟ ماذا يمثل المهر بالنسبة لكم ؟؟ هي العروس مش المفروض تجهز نفسها او يجهزها ابوها ؟؟؟ وهو المهر مش المفروض يكون امان لها من ويلات الدهر تخبيه ان تصرفه او تعمل بيه الي بدها ؟؟؟ يعني هي مستنية فلوس خطيبها تتجهز بيها ؟؟؟ الحمد لله احنا مهورنا كلها رمزية "أقلهن مهرا اكثرهن بركة " وأعتذر من الأخوات فأهل مكة أدرى بشعابها |
اخوي رجل متسامح ليش انت مخلي مسألة المهر شي مهم وايد
والله والله لو انك بترتبط بنت حلال واهلها يخافون الله ما بتكون مشكله كبيره بالعكس اللي بتدفعه بيكون خير وبركه ولا بيقولون لك شي . على العموم اخوي انا بعتقادي انها تكفي ونص بالذات انك بتجيب الشبكه . طبعاً انا ما اعرف الوضع عندكم بالسعوديه كيف بس عندنا تكفي وانشاء الله بزياده ربي يوفقك ببنت الحلال المناسبة وتكون ذات خلق ودين وتكون كما يتمناها قلبك وعقلك واكثر :14: قول امين اللهم امين بشرنا اذا حصلتها |
اخوي رجل طيب ومتسامحك الله يعطيك على قد نيتك تطمن المبلغ يكفي وزيادة بس انت دور على بنات ما تهمهم المظاهر وناس معروفين بهالشئ وافضل انك ما تروح عند بنات صغار في العمر يعني كل همها تكشخ وبس.. لان البنت في العادة اذا كبرت تبدأتفكر في الزواج انه مسؤلية ولازم الوحدة تراعي زوجها ... الخ والله يوفقك . . اسماء |
اختي ( وهج الدموع )
للأسف الصور الرمزية تخدش حياء رجل , فضلا أن يكون حياء امرأة , فاتقي الله فيها ولا تأتين يوم القيامة وعليك أوزار الذين يشاهدونها . |
اقتباس:
كلام سليم مليون 100% اسعي يا أخي[blink] للبركه[/blink] في زواجك |
والله يا أخ (رجل متسامح) والله انك مباااااااااااااااالغ كثير , معظم الزملاء متزوجين 20 ألف ريال وبس
حق اش 30 ألف , في انسان عاقل يروح يتدين ويكسر ظهره . حقيقة احنا يالسعوديين فشيلة , قدام العرب كلهم حتى الخليجيين , مهورهنا تدل على جشعنا , الرجل ضعيف ما يقدر يقول ما أقدر , خلص لا شاف البنت قال بدفع , وقام يلهث يمين شمال ومن بنك لبنك وفي الأخير الزواااااااااج ماله أي طعم والبنت شايفه نفسها عليه . |
مهري كان مع الشبكة..
لأن أنا طلبت إني أخذها على ذوقي.. كلف 30 ألف.. يعني المهر 20 ألف والشبكة مع الدبلة خذتها ب 10 آلاف... والحمد لله المهر يكفي لجميع المستلزمات.. أهم شي الوحدة ماتبذر.. |
| الساعة الآن 05:03 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©