الجواب يا اخوي ان كل شي يلقاه عندي وابد ما قصرت معه وكل شي يبغاه اسويه له وانا وزجي صريحيين مع بعض مره الى درجة انه مثلا اذا زاد وزني لو كيلو واحد
عن الوزن اللي هو يبغاه يقولي ما يسكت اذا حطيت عطر ما يعجبه يقولي بس زوجي شخصيته غريبة شوي يعني يحب كل شي ممنوع يعني اي حركة يطلب مني اسويها
وما اسويها عالاطول ينبسط وهو يطلبها مني لحد ما اسويها وبعدين خلاص تصير عادي عنده وما يحب يسوي العلاقة الا باوقت الضيق مثل اذا شافني مشغوله بالطبخ والا نايمة والا اذا شافني جايه بطلع
يحس بمتعه اكثر عكس لما يكون كل شي جاهز ويشوفني متجهزه له وقاعده انا وياه لحالنا بالعكس يبعد عني مره وما يقرب لي ولا يحب اني انا اللي اطلبه الا قليل وهذي المشكلة بعد متعبتني
من تزوجنا وهو كذا وتكلمنا بالموضوع كثير بس هو يقول انا كذا ما اقدر اتغير غصب عني
وبعدين ما ادري ليش يتضايق مني اذا شافني كل يوم البس واتزين مع اني والله ما اتكلف بسيطة جدا واحب اشكل بملابسي وشعري وكل شي حتى المكياج ما يحبه الا في حالات نادرة جدا ينبسط اذا شافني
لابسه ومتزينه بس انا اتكلم عن الغالب ما ادري ليش ينبسط كثير اذا شافني على طبيعتي وببيجامه قطنية عادية

مشكوره يا اختي الغالية رقة
على ردك الجميل والنصائح المفيدة
وجزاك الله خير على الروابط
بس زوجي الله يهديه ما يتاثر ابد اذا شافني اقرا قران او مشغله شريط قران عادي عنده وبعدين ما يتقبل النصيحة مني بخصوص الامور الدينية ابد

اختي الكريمة (اين قلبي)
مشكلتك هي مشكلة كثير من النساء.
واناهنا اود الافصاح عن حقيقة تغفل عنها النساء,فحينما يكون التقصير في حق الله تتساهل المرأة وتقبل الاعذار وتستهل الامور ,وتجامل الزوج .وهذا بداية الخطر فكيف ترضى ان تعيش او توافق انسان يتجرا على حرمات الله دون ان تتحرك ولو باضعف الايمان وهو الانكار بالقلب فانا اقول يجب ملاحظة مثل هذه الامور.
ثم ان زوجك بين يديك وانصحك بالتالي:
اولا/اللجوء الى الله بالدعاء فهو مقلب القلوب
ثانيا /حاولي ان تذكريه بالله في اوقات صفاء نفسه او بالطرق غير المباشرة مثل الرسائل مثلا
ثالثا/ابحثي عن من يساعده على التوبة جار او اخ او قريب او بزوج صديقة .
رابعا/قدمي له بعض الاشرطة المؤثرة .
خامسا/ساعديه على حفظ الصلوات الخمس في المسجد وبعدها ابشري.
سادسا /قدمي له كل حقوقه وان ظلمك او تجاهلك فالعاقبة للمتقين




.


يمنع وضع الايملات وطلب التواصل من الاعضاء

الله يكون في عوننا وعونك
عليك اختي بالدعاء ثم الدعاء ثم الدعاء

السلام عليكم
حبيبتي زوجي كان يشوف هذه الصور او الافلام ولكن اتخذت معه موقف حازم بعد الصبر اخذت الاسلاك في الاجهزه اللي كان يشوف بيها وقطعتها وقلت خليه يسوي إلا يبغى فيني المهم جا وخاصم ومالك دخل فيها تهاوشت معه وقلت خاف الله الله يشوفك طيب لومت وانت عليها ويش مصيرك ياعيوني خاف علي وعلى أولادك في البيت ترامن راقب الناس وتتبع عوراتهم فضحه الله في بيته وها ياعيوني حرام اللي تسويه وإلى متى تقعد في هذه المعاصي ووالله من حبي لك إني أخاف عليك من النار وكنت وهو في غرفته أدق عليه الباب وأقوله صلاتك أولى وبتتحاسب على كل شي وجلست فتره ادعيله واصلي الليل إلى إن تاب عنها والحمد لله والله لايعيد هذيك الأيام ......
عليك بنصحه دائما وقليله لا تسكتين هذا حرام وانتبه لمين يشاهدك الآن وانت بهذا الوضع والنار للعاصي وانصحيه دايم وشوفي طلباته أول بأول خلي أهتمامك الأول له شوفي طلباته الجنسيه بالذات أقنعيه وقولي أنا أقدر وأصونك من الحرام وإللي تبغاه أسويه وعلى كيفك أهتمي به لأنه هو زي الطفل يبغى أحد يدلعه ويعطيه أهتمام زياده وتواصلي معه في الحوار والله يهديه ويصلحه ويخليه لك ولأولاده يارب ويؤلف مابين قلبك وقلبه يارب.........واسفه للاطاله

مشكوره اختي راماالجنوبية على ردك وجزاك الله خير

اشكر كل من رد على مشكلتي وجزاكم الله خير

:14: ابشركم زوجي الحمد الله له تقريبا اكثر من شهر تاب من الصور
والعادة اللي كان يسويها
وبقولكم وش سويت اول شي ما فقدت الامل ابد بصلاح زوجي
كنت كل يوم ادعي واقول اذا ربي ما استجاب لي اليوم اكيد
بكره بيستجيب لي واهم شي الصبر وكسرت المفتاح حق غرفة الكمبيوتر
وخلاص صار يستخدمه قدامنا ولا يسكر الباب ابد ومن ذاك اليوم اللي وعدني
فيه انه بيتغير نسيت كل شي وبديت معه صفحة جديدة واهم شي اني ما اذكره
ابد بالسالفة هذي واذا دخل البيت احاول اني ما انشغل عنه ابد
وصرت اقعد معه على الكمبيوتر واشاركه بعض المواضيع واقترح عليه
بعض المواقع واذا حسيت انه مل والا طفش نطلع عن البيت
ادعو لي الله يخليكم ان ربي يثبت زوجي ويبعد عنه الفتن

أنا أحس أنه حبيب وطيب لكن يبيلك ياختي صير واستشعري الأجر المترتب على ذلك وأكثري من الدعاء واسألي نفسك ماذا عن الكلام الحلو ولايكون العتاب والمغالطه دائما وثق بالله أنا متأكد ان اخرته لكي لأنه يبدولي أنه طيب

جميل اختي وجعل الله ايامك كلها سعاده
واصلاح الله لكي زوجك كمان وكمان اخوكي habeb