|
السلام عليكم ورحمة الله وبركاته
الله يعيينج يا ام وداد .. ويفرج همك .. اختي بس بعلق على السريع ولي عودة .. قولي لامك .. من قال لها انك اذا تطلقتي لا قدر الله راح ترتاحون من ام زوجك .. وانا بقول لك ليه .. الحين لو رجعتوا لبعض .. ممكن انه زوجك يحاول يكون وسط بينك وبين امك يعني لاتتوقعينه يكون في صفك دوم .. لكن لاقدر الله لو تطلقتوا .. زوجك راح يتضايق .. راح تشيشه امه .. راح يلتهون البنت ... وكل يوم يطلعون بسالفة .. ولاتنسين اذا كبرت ممكن يخربونها عليج .. يعني طلاقك من زوجك ابد ماراح يبعدكم عنهم لانه عندكم بنت عرفتي .. فهمي امك هالنقطه عدل .. ووضحي لها اش ممكن تسوي ام زوجك بننتك ولو اشتكيتوا عليها ماراح يمنعونهم من شوفتها .. لانه القانون فقط ينظر للشي الملموس وماراح يكون عندكم دليل ضدهم ... الله يهدي امك ويصلحها يارب :( |
الاخت أم وداد
أعانك الله وسدد خطاك وفرج همك سألتيني عن الشخص الذي من الممكن أن يتدخل أنا أقول من الافضل والاجمل أن يكون هذا الشخص من أقاربكم جميعا أو شخصية تحضى باحترام الجميع أي محبوب لدى الاسرتين ومعروف لديهم وتربطه بهم ولو علاقة بسيطة فيها شئ من الاحترام لا أفضل مسالة المحامي الشيخ أبدا أبتعدي عنها قدر المستطاع لانها تعطي الامر شئ من الرسمية لكن إذا ولا بد ولا يوجد من يقوم بهذا الدور وأنا أستبعد ذلك فليكن إمام المسجد على سبيل المثال لكن أحرصي كل الحرص أن يكون شخص يحمل الصفات التي ذكرتها ابتداء خاصة صفة القبول والاحترام لدى ومن الطرفين أهلك وأهله أعانك الله |
الله يكون بعونك ويفرج همك يارب
ويشرح صدر أمك ويحنن قلبها عليك وعلى بنيتك وييسر أمورك ويسخر لك زوجك ويبعد عنكم شر الحساد هذا اللي أقدر أقوله لك يالغلا |
السلام عليكم ورحمة الله وبركاته
ادري اني غثيتكم .. غثا ماصار ولا استوى ... بس والله مو بيدي.. ان شاء الله هذا اخر هم في حياتي يارب... حاملة الهم: امي .. تفكيرها مادري شلون صاير.. بس برد بقول لها ان سوالف ام زوجي ماراح تخلص عقب الطلاق.. بكرر هالكلام على مسامعها لحد ماتصدقني وتبتدي اتفكر في الموضوع.. أبو محجن الثقفي: دخلت مرت عم ابو زوجي في السالفة والحين هي بفرنسا .. حاولت تصلح مابيني وبين زوجي وقالت لامي اجلو سالفة المحاكم .. واجمعتني هي وبنتها بزوجي.. من غير ما امي تدري.. ووعدني بالاشياء الي قلتلكم عنها .. وقالت لي بنتها خلاص امي بتتفاهم مع امك بتحاول اتكلمها شوي شوي بالبداية اقنعت امي اتاجل موضوع المحاكم .. وحاولت اتكلمها عن زوجي وان الطلاق مو لصالحي انا ومن هالكلام .. قالت امي هذيل يفكرون بمصلحتهم.. لانه ولدهم .. ومايبون اسم العايله يصير في المحاكم ومن هالخرابيط .. وقالت عنهم انانييين لان بالاخير سافرو وخلونا بروحنا بالهم .. والمشكله الكبيرة .. مافي حد يتدخل من اهلي لان اهلنا قلال.. واهلي الي في الكويت .. يعني خالاتي .. يقولون عن اهل زوجي انانيين مايبون الفضيحة حق ولدهم .. يعني محد معي غيركم .. عشان جذي يوم ضاقت بي السبل فكرت في شبخ دين ولا المحامي الي غصبن عني لازم اروح له .. شو تشوف؟ الالمعية .. آمين .. ظلي ادعيلي يالغالية... وان شاء الله تنفرج وينكتب لي الي فيه الخير يارب.. |
أختي ام وداد ..
قبل قليل قرأت عن معاناتك والوضع الذي تمرين فيه , فأسأل الله باسماءه الحسنى وصفاته العلى ان يحقق لك ما تريدين بالعودة الى زوجك وأن يسخره لك ويحنن عليك .. الأخوان والأخوات ان شاء الله ما قصروا معاك والكل اعطى مالديه , أما أنا فلن أزيد على ما قالوه سوى أن الدنيا دار ابتلاء وامتحان فاصبري .. عليك بقيام الليل والالحاح بالدعـــاء فالله بيده ملكوت كل شي وعباد الرحمن بين اصابعه يقلبهما كيف شاء .. فإليه اشتكي وتضرعي .. ولا تيأســــــــــي .. أشكر كل من ساعدك وادلى بدلوه ولكـــــــــن : يجب الأنتباه الى العبادات انها تكون صحيحة وموافقه للسنة حتى لا نبتدع ونحن لا ندري .. كالتي ذكرت هذا ...( اقري سوره الكهف وبعدين ادعي لنفسج مباشره وصلي على النبي 100 مره وبعدين ادعي ...) ما ورد عن النبي صلى الله عليه وسلم انه يقرأ سورة الكهف وقت الضيق او يس ..او...... انما الذي ورد الإستغفار وقول لا حول ولا قوة الا بالله ..... وهكذا .. أسأل الله ان يفرج كربتك عاجلا غير آجل .. أختك : رارا.. |
ان شاء الله حبيبتي
ادعيلي دايم يالغالية |
السلام عليكم ورحمة الله وبركاته
اليوم طلعت مع امي ورحت لشيخ دين وقرا علي وقال لي الحمدلله مافيني شي ايد :) باقي زوجي ابيه يروح .. |
اقتباس:
|
اقتباس:
جميل الله يعطيك العافية ملاحظة ممتازة نعم جميل أن تكون المشاركة تحمل إضافة تحية |
اقتباس:
أم وداد أعانها الله أستغرب أن لا يوجد رجل من الاقارب من الممكن أن يتدخل ويكون مقبول من الطرفين على أي حال ركزي معي جديدا في هذه النقطة أدخلي من ترين لكن بشرط أن يكون مقبول من الطرفين لان هذا في غاية الاهمية أما بالنسبة لزوجة عم زوجك فأذا كانت مقبوله لدى أمك وأمه وهي صاحبة شخصية متزنه وقوية فلا بأس حتى لو تنتظرينها تعود من السفر أسأل الله لك الاعانه والتوفيق والسداد |
بالمناسبة
من ا لمهم جدا أن تتحرين عن الشخص الذي تريدينه أن يتدخل بأن يكون لدية القدرة على الاقناع وأن يبدأ بزوجك أولا ثم والده ثم والدته لماذا؟؟ حتى إذا وصلنا لمرحلة اقناع الام نجد الدعم الكافي من الزوج وأبيه أعانك الله |
الله يكتب لك الخير والتوفيق
|
ربنا يفرج همك و غمك و ييسر لك طريق الخير و الصلاح لك في الدنيا و الآخرة
|
دنيا الفرح ..
امي اتصلت في المحامي وردو عليها وقالولها لازم اتروحون المحكمة اول .. للتوجيه الاسري يعني الحين لازم انروح عند الاستاذة وداد .. قلت لامي انتي روحي اول قوليلها الي تبينه بعدين انا بكلمها بروحي.. بس بغيت اسالك .. يعني هي تقدر اتحل مشكلتي من غير ما امي تزعل؟! ان شاء الله تدخلين واتردين علي |
امي مشكلتها اتشوفهم انانيين ومايحبون الا انفسهم لان الله يهداهم بوقت عصبيتهم يصرخون ويسبون في زوجي لكن بس يهدون ويراجعون حساباتهم يتصلون في امي ويقعدون يطلعون له اعذار.. فامي اتشوف انهم خايفين على ولدهم ...
ماينفع ياخوي ابو محجن الثقفي.. مالت التوجيه الاسري تساعدني؟ |
راقي في التعامل..
لا تسناني بالدعاء ..ومشكور وماتقصر سن اوف مي.. اميييييييييييييين ادعيلي يالغلا دوم |
أسأل الله أن يعجل بفرجك يا ام وداد
نصيحتي لكي: أن تعودي إلى زوجك فهو المسؤول عنك في الأول والأخير بما انه وعد انه يعتدل فأرى انه من الافضل الرجوع لزوجك |
انا ودي بس انا بموقف بايخ يا اخسر اهلي ولا اخسر زوجي
ادعيلي يالغاليه |
أختي أم وداد
الله يفرج همك يارب والله يصلح مابينك وبين زوجك ياااااااااااااااااااااااارب والله أحس إنك طيبه مره وإنك نيتك تحافظي على بيتك وزوجك وصدقيني ماراح يضيعك رب العالمين أحسني الظن بالله أبغأسأل إيش أخر أخبارك ؟ وإيش صار مع زوجك ؟ |
هلا سمو الاميرة يالغالية ..
والله انتي الطيبة .. انا شوي تعبانة لاني مو عارفه راسي من رجلي.. مو عارفه الصح من الغلط .. مخي مشوش.. لكن اخر الاخبار بكره امي بتمر التوجيه الاسري..لان مايصير اتوكل محامي الا لما انمر هناك .. وتبين الصراحة .. هذي اشارة زينه الحمدلله .. لان الاستاذة وداد لوتاه هناك وعلى كلام وحدة من الخوات تسمع للطرفين ... واتحاول تصلح الامور.. امي خلاص ماقدر اقنعها انا .. اتشوفني تافهه وميتة على الرجال وماقدر اعيش من غير زواج!! وافكر بمصلحتي وبس .. وكلام مادري شلون صاير ومادري من وين اتجيبه ... فان شاء الله يساعدوني... وبقول لهم كل الي صار من الاول للاخير.. بشوف شو رايها .. وبعدين ان شاء الله هي بتكلم زوجي.. وبتسمع منه .. طبعا بهدوء.. يعني هذي ان شاء الله ماتعتبر مرمطة محاكم .. وبتعرف منه شوجهة نظره ... واذا كان الاستمرار هو الحل.. بنظرها.. بترجعنا لبعض.. ان شاء الله يارب... اشكرك حيل على اهتمامك والله .. ان شاء الله يارب اسمعكم اخبار حلوة |
ادعولي يا جماعة الخير.. قرب الصبح .. وبطني صار يعورني من الخوف.. اخاف يصير فيني قولون
|
الله يفرج همك
الله الله بالدعاء قوي صلتك بربك ومابيضيعك بإذن الله إحنا مانقدر نساعدك بشئ ربي وحده اللي يقدر ينقذك من هالموقف إدعيه يالغاليه أدعيه ومابيضعك |
كان الله في عونك..
|
السلام غليكم ورحمة الله وبركاته
اختي ام وداد الله يفرج همك يا رب .. ولاتنسين تطمنينا عليك .. |
الله يفرج همك وييسر امرك
آمين يا رب العالمين يا رب يحنن قلب امك عليك وعلى بنتك وعلى زوجك ان شاء الله نسمع منك اخبار طيبة بالتوفيق ان شاء الله |
السلام عليكم ورحمة الله وبركاته
رحنا اليوم الصبح ومالقينا الاستاذة وداد .. لانها مزحومة .. فان شاء الله خذينا موعد معها يوم الاحد الصبح... احس الحمدلله بالراحة .. وان شاء الله يارب كل همومي بتنفرج... يارب... ظلوا ادعولي دايما انا بحاجة .. |
الالمعية .. اشكرك على تواجدك الدايم معي
حبيبة بسام .. الله يكون بعون الجميع مشكورة يالغلا حاملة الهم .. والله مادري شقول بس مابنسى وقفتك معاي مرجانه امييييييييييييييييييييين لا عدمناكم |
اختي قرات كلامك
لكن حاسة ان هناك مشكلة اساسية بينكم ممكن اختي تعطيني روابط مشكلتك او تكتبيها لي وانا انشاء الله عند وعدي |
يا ام وداد اولا شي تسوينه تصلي الاستخاره في ساعات الاجابه بعد المغرب واخر اليل وقبل صلاة الفجر وبعدها وثانيا ادعي ربي يعطيكي اللي فيه الخير وبأوقات الاستجابه مايرد القدر الا الدعاء ومن قلب متضرع وخاشع لله وثالثا لا احد يأثر فيك اسمعي اراء اهلك بس مو بالضروره تمشي فيها رابعا اذا بقناعاتك النفسيه تبين زوجك لا تترددي وارجعي لزوجك بس بشروووووووووووووووووووووووووط مو بساهل زعلك وقعدتك عند اهلك اشرطي المعامله والعشره الطيبه اولا واهتمامه ببيته وبنته وكمان هزيه شوي اطلبي مبلغ يكون سند لك اذا صارت لك ظروف لاقدر الله بعدين اذا رجعتي والله يسخر لك زوجك
|
اميh
http://www.66n.com/forums/showthread.php?t=123877 مشكلتي كبيرة شو حلها http://www.66n.com/forums/showthread.php?t=129587 ساعدوني حياتي في خطر http://www.66n.com/forums/showthread.php?t=131573 مرض الثلاسيميا http://www.66n.com/forums/showthread.php?t=131123 إلى كل مطلقة http://www.66n.com/forums/showthread.php?t=130597 سوف أطلق من زوجي .. احتاج لكم http://www.66n.com/forums/showthread.php?t=133967 أريد زوجي مشكورة يالغلا واتمنى اتساعديني شهرية قمر... الحمدلله انا اصلس استخارة كل وقت لاني ماعدت اعرف شو اريد وشو الصح .. ان شاء الله برد له بكرامتي... ادعيلي دايما يالغلا ومشكورة حبيبتي |
ان شاء الله ترجع المياه لمجاريها
|
| الساعة الآن 02:19 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©