|
اقتباس:
فكرة والله حلوة يمكن تفيدنا بس انا احب تتكلم معانا بلهجتنا وبنفس الوقت ماتنسى الفصحى وتبدع في هالمجال اهي مشكلتها للحين مو قادرة تفرق وتعتقد واعتقادها طبعا صحيح وبمحله انه العربية الفصحى هي اللغة الاولى لانه كل شي قدامها فصحى هههههههههه تخيلي بالمسنجر تكلم صاحبتها اجوف محادثاتها لانهي اخزنهم للحرص الاقيها تتكلم فسحى اين ستذهبين اليوم ياصديقتي ومتى سوف تذاكرين للقصيدة انا حفت معاني الكلمات اليوم هذا م كلامها مع صديقاتها لما سألتها تقول لانه حروف الكبيورد باللغة العربية ههههههه شرفتيني بتواجدج يالغلا لاحرمني الله طلاتج ^__^ |
بسم الله على قلبها ...
شوفي حبيبتي أبصم لك بالعشر والعشرين إنها بتصير شي إذا كبرت بإذن الله .. بتصير كاتبة أدبية مشهووووووورة ... وقوليلها بهذاك الوقت تكتب كل اللي يصير معها الحين من معارضة الأهل واستخفاف الناس ! تكتبها كمذكرات إذا صارت أديبة معروفة وخليها تسميها "مذكرات أديبة صغيرة" عشان أعرفها بعدين :d .. لازم تدون هالمذكرات الآن عشان توعي المجتمع إنهم مايستهينون بهالمواهب الرهيبة ... أتكلم جادة ترى :d بسم الله عليها ضحكتني كلمة وارف هههههههههههههههههههههههههههههه |
اقتباس:
هههههههه كلنا ضاربه عندنا اللغة العربية واللغة الانجليزية الله يعين بس تسلمي لي يارب الله يخليج اسعدني تواجدج وتعقيبج لاهنتي وان شاء الله نهتم فيها اكثر بفضل نصايحكم |
اقتباس:
اشوى على بالي بس اختي تمر بهذي الفترة طلع في من مر بمثل حالتها يعني اختج رجعت تتكلم بلهجتكم اتمنى تتكلم بلهجتنا علشان لا تصير شاذة بالنسبة لاقرانها ان كما يراها الناس اما بداخلها بودي تنمو هذي البذرة وتكبر بس بعيد عن عيون المتطفلين شكرا على المرور الوتعقيب اسعدتني تواجد ج |
اقتباس:
وعليكم السلامو الرحمة والاكرام اي والله صادق الله يعينها على اذية ونظرة الناس لها على بالهم انها تفوشر قدام الناس انها تعرف فصحى واهي لا شعوريا تنطلق منها الكلمات يلا الله يعينها ويعينا ويحفظها لنا من كل شر وتكبر ونجوفها معلمة مثل ماتبي امنيتها الصغيرة تكون مدرسة :15: شكرا للمرورو التعقيب لاهنت اخوي ابو سند |
اقتباس:
احليلها ربي يخليها لج وتفرحين فيها عروسة يااارب ومتخرجة باعلى الدرجات حلو فيهم هالعفوية والبراءة اختي كانت جذيه بالبداية ونضحك عليها ومعاها على بالنا تمزح بس بعدين انقلب جد الموضوع الحمدلله على كل حال ربي يحفظج لها ويحفظها لج يارب تسلمي يالغالية على المرور والتعقيب لاهنتي حبيبتي |
اقتباس:
^_^ ضحكوا علبها كثير بس سخرية واستهتار وعلى بالهم انها تتفاخر او احنا نتفاخر بها وتعالوا يانس شوف بنتنا بس يلا تعدي اهم شي نفسيتها ههههههههه كل الناس تأثرت ببباب الحارة لا عادي خيوتو الله يحفظ لج هالبدرات ويخليج لهم انتي وابوهم شرفني مرورج يالغالية لاهنتي |
اقتباس:
تصدق ياخوي نبهتني على شي مهم ولا عمرنا فكرنا بالعين او الحسد من هالشي مع انها بفترة من الفترات بصف ثاني ابتدائي صارت نفسيتها زفت وماترضى تدرس وتبي تتغيب عن المدرسة وتأذي امي على قومتها الصبح من بعد ماكانت تقعد لوحدها وتحب شي اسمه مدرسة وتدريس وواجبات وتفوق وشهادة تقدير انعفست علينا مرة واحده بس بعدين الحمدلله رجعت لطبيعتها بس مو بذيك اللهفة الاولى واول ماتعلمت الصلاة كان عمرها 6 سنين من كثر شغفها وحبها للصلاة وانها صارت تعرف تسوي شي يسونه الكبار تصلي الفرض مرتين او 3 وراء بعض ولمكن جافتها وحده قريبتنا تقول لامي زين عاد درينا بنتج تعرف تصلي ليش كل شوي تعيد بالصلاة خليها تروح تلعب مع انه من نفسها بس تسمع صوت الاذان توقف تصلي والله انك نبهنتنا لشي مهم جدا بخبر الوالدة تحصنها ماقصرت والله مشكوووور واسعدني تواجدك وتعقيبك |
اقتباس:
اعتقد شفت الموضوع كامل ولو يات على كلمة سمك مافتحت موضوع متشعب بعدة ملاحظات ومحطات من حياتها وانا صدقا مو انتقادي لها على كلامها بالفصحى او كتاباتها انا خايفة عليها يأثر عليها هالشي من تخلف الناس الي ماتفهم وضعها شكرا للمرور |
غموض سنين
ويخليج حبيبتي تسلمين يارب فراولة 2007 الله يخليج ياارب تسلمين ويحفظج من كل شر يارب ان شاء الله حبيبتي انا ماتفشلمنها بس خايفة على نفسيتها من تخلف الناس معاها لاهنتي واسعدني تواجدكم ومروركم |
اقتباس:
لا هنتي يالغلا ترى بعترف لج بشي :25: طريقة تعاملي مع اختي مثل طريقة تعاملج مع اخواتج بس السنة هذي خفيت عليها وبديت احاسب نفسي على قسوتي وصرت احن عليها اكثر وامس يوم ييت انا من السفر ودخلت البيت تخبت لي ورى الباب ولمن جافتني حضنتني وتهمس لي في اذوني وحشتيني اختي الغالية ماحاولت اردها ولا اعنفها احتضتنا بقوة حاولت ادوس على مشاعر القاسية بقلبي عليها واعليه واايد قاسية عليها اكون احيانا مشكور جميكم على المرور والدعاء والتقيب الله يخليكم ويحفظ لكم اخوانكم وابنائكم وبنتهم لكم نبات حسن يااارب |
ربنا يحفظها و يبارك فيها يا رب تصدقى يا دمعات الواحد بيعز عليه جدا لما يشوف الموازين مقلوبه و الصح اصبح خطأ و الخطأ اصبح صح فى عيون و عقول الناس كنت لسه بأقرأ فى موضوع لاخونا اخى فى الله عن ما يتميز به الغرب عنا و كثير من الاخوه و الاخوات الذين جربوا الاغتراب اشاروا الى ميزة مهمه و هى حسن التعامل و الاهتمام بالاطفال و تنمية مواهبهم و هذه حقيقه فعلا هم ينبشون داخل الصغار بشتى الطرق لاكتشاف مهاراتهم و مواهبهم و يهتمون اشد الاهتمام بأبدعاتهم و يتابعونهم من الصغر فى المدارس حتى يصلوا بهم الى مبدعين كبار فى شتى المجالات فى الكبر اما نحن فنسخر و نضحك و نؤنب الطفل صاحب المهارة و الموهبه و نقتل فيه ابداعه البكر و نخمد بداخله جذوة التوهج و الانفراديه لذا ارجو ان تأخذى بيدها و تساعديها على تنمية هذه المهارات بداخلها و التأكيد لها على انها هى الصواب لا من يغضبون او يضحكون منها ساعديها قبل فوات الوقت و قبل ان يتسبب الاخرون بسوء فهمهم الى وأد ما بداخلها من تميز و موهبه دعيها تقرأ الردود هنا حتى تكون على ثقه من صواب موقفها و حتى تستطيع ان تدرك شىء مهم و هو ان تعامل الناس قدر عقولهم دون ان تهتز ثقتها بنفسها و لها خالص تقديرى على ما متعها الله به من صفات ... حفظها الله و لكى كل الود على خالص محبتك و اهتمامك بأمرها |
اقتباس:
حرام توها صغيرة !! أنا اخواني الصغار أعاملهم زين بس المشكلة في المراهقين :29: زين فضحيتنا كذا عند العالم وأنا ماصدقت الموضوع ينزل :d لأني تحسفت يوم كتبته !! حسيت إنه مافيه أمل مني :29: تخيلي بس تخيلي !!!! شريتلهم هدايا واستعديت أسوي حفلة ولاقدرت أسويها إلى الآن !! أحس فيه مليون حاجز :24: لاومن زين الطبايع هم 3أخوات وأنا شارية للكبيرة هدية قلادة فخمة وذاك اليوم انعزمت ومالقيت شي يناسب للبسي إلا هالقلادة ! وأروح أقول لأختي: شوفي يافلانة أنا شريت هذي لك وناوية اسويلكم حفلة بس ممكن ألبسها اليوم ؟؟ مسكينة طارت من الفرحة !! :23: هالكلام بنص رمضان وإلى يومك لاشافت حفلة ولاشافت هدية :d ماأقولك ميؤوس مني !! |
السلام عليكم ورحمة الله وبركاته
أختي بالعكس هي الصح وأنتو الغلط دنيا الصح صار غلط المفروض تتنمى مواهبها لتوصل للابداع وبالنسبة للي يضحك عليها او يستهزأ هذي مشكلتنا يالعرب الأصل والعلم عندنا ويحطمونه اذا فينا مبدع حطموه واستهزو فيه بس خل يشووفن مبدع غربي قامو وحطو وصار عظمة عند العالم اولهم العرب الله يحفظها ويسلمها من كل شر |
اقتباس:
العرب فالحين في الرجوع الى الوراء في العلم لا دخيلج اجيبها تقرى الردود يعني بعدين تناشبني على دخول الموقع هههه وتصير صديقتكم سلمتي ياغالية على هذا الرد المقنع والمفيد جدا بالنسبة لي وعاني على اشياء وااايد وكل رد في الموضع وعاني على نقطة مهمة شكرا لكم جميعا |
اقتباس:
مادري ليش هالحواجز اهي الصغيرونة والمفروض تكون مدلعة ولكن بالعكس انا المدللة حتى ويوم تزوجت والله صرت اخاف يكبر هالحاجز بيني وبينها في التعبير عن المشاعر الى تكبر وتصير مراهقة مع اها الحين حتى لو غضبانة منها وفي شي مهم تيجي على خوف وتستأذن الا بتقول لي والله خيو قلوبهم طاهرة وبريئة بس تعاملنا معاهم يخليهم ناس ثانية علشان جذيه ويوم جفت موضوعج بالذات في الفترة الاخير وايد غيرت من معاملتي لها واحاول اكسر حاجز العجز والقسوة وتبلد المشاعر اتجاهها الله كريم خيوتو حاولي تقهرين القسوة وتكسرين الحواجز بينج وبين خواتج خليهم يذكرونج بخير وين مارحتي ووين ماجيتي تراهم والله يفاخرون بج الله يهدينا جميع وشرفتيني بحضورج ياغالية الله يهدينا ويحنن قلوبنا عليهم |
اقتباس:
وعليكم السلام والرحمة والاكرام اي والله صدقت ياخوي هذي مشكلة العرب الازلية التحطيم والتخلف والرجوع الى الخلف في مراحل التعليم وعند الغرب حتى الموهبة الي ماتثير الدهشة والي تعتبر عادية سووا لها دعايات وانشهرت بس يالله ربنا كريم وشكرا على الحضور والتعقيب لاهنت |
ماشاء الله تبارك الله ... ماشاء الله تبارك الله
أختك جوهرة ... لها مستقبل كبير ... انتبهوا عليها |
| الساعة الآن 07:22 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©