|
استاذتي الغاليه عندي عرض بور بوينت
مسويته لاختي عن طرق طي مناديل المائده تبغيه ؟؟؟؟ |
هلا وغلا بام السوسة
ليش لأ يسلمو حبيبتي ( نستفيد خصوصا انه من شغلك الشخصي يعطيك ) معلش تعبناك معنا ام السوسة بس لا يهمك لك 10 درجات شكلك بتتنافسي ع الأولى مع قمر وبس ههه |
باذن الله انزله لكم
|
هذا هو الرابط
C:\Documents and Settings\user\My Do...وط المائده.ppt |
مشكورة ام السوسة بس للأسف الرابط ما فتح معايا غلبتك حبيبتي
اذا بيفتح مع احد يخبرني >> لانه ممكن تكون المشكلة من جهازي وشكرا |
رح نتكلم اليوم عن عمل سفرتين رجالي ونسائي ((
في نفس الوقت الأسئلة هل بيكون في اختلاف بالأصناف اذا كانت للرجال او النساء وجود اطفال هل بيكون لهم سفرة لوحدهم او مع امهاتهم ترتيباتك بالمنزل للسفرتين سوال خاص لمن ليس لديهم خادمة << كيف توفقين بين العمل على الضيافة وترتيب المنزل والسفرة بوجود الضيوف اجاباتب انا ( سمسمة مرة ) اختلاف السفرة للرجال عن النساء بيكون في المقبلات اقل عند الرجال بصراحة الرجال تفضل تبدأ بالأكل الدسم الأساسي بس ما يمنع اني اضع المقبلات والمخلللات واشوفها ترجع مثل ما هي ؟؟ احاول عند الرجال اضع كل شئ ممكن يحتاجوه >>وصراحة يتعبني بالتفكير << لاني ما اقدر اشوفهم واشوف ايش ناقصهم بعكس سفرة النساء الي ممكن اتفادى النقص واوفره اذا في اطفال حسب الأعمار اذا المفروض مع امهم بوفر للطفل صحن خاص من صحون الأطفال ومع الكاس واجلسة جانب امه (( هي اعرف له )) واذا عندي الخادمة اجلسها مع سفرة الأطفال بس لازم تكون على مرأى من سفرتنا علشلن ما أقلق امهاتهم ترتيبات سفرتين مرهق جدا اجهز له من يومين واروح اشتري الي ناقص من مغارف وكؤؤس وغيره وعموما انا عندي دولاب خاص للضيوف فيه كل الأواني احافظ عليها جديدة احيانا كثيرة لا يكون عندي خادمة اضطر بصراحة لني اصير مثل افراشة بس طيران من مكان لمكانانظف واشيل بسرعة وارجع اتكلم مع ضيفاتي شوي وعموما لما ارتب كل اموري بالمطبخ من قبل حتى فناجين الشاي والقهوة اضبطهم قبل العزيمة والعمل ما هو سهل علشان كذا غالبا ما استأجر خادمة للعزايم وخصوصا المختلطة الحين دوركم وسلامتكم |
ياحليل قلبك ياسمسمه
العزايم الكبيره رجال وحريم مرهقه شوي ومتعبه لكن بالتنظيم والتخطيط المسبق لها ان شاء الله بترتاحين واذا مافيه شغاله مساعده الزوج لها دور الاشراف / ان شاء الله تكتب علي هذا النحو مستكة_مستكة |
بسم الله الرحمن الرحيم
معليش والله منحرجه منكم لكن عتدي عذر وواجبي حالته هذا هو (^_^) بالنسبة للعزايم انا دائما عزايمي صغيره وغالبا تكون مخصصه اما رجال او نساء لكن اللي اعمله هو كالتالي قبلها بيوم انزل السوبر ماركت وابدأاشتري اللوازم ولازم في كل مره ابحث عن جديد للتميز:22: سواء في العصير او الحلى او المثلجات (كبه - كفته -شيش طاووق الخ) طبعا هذي ماراح تكون الوجبه الرئيسيه راح تكون من المكملات وبكذا توفير للجهد والوقت علشان اتفرغ للاساسيات ////بالنسبة لترتيب السفره//// لازم يكون لون المناديل طقم مع السفرة او مناسب لها كان تكون السفره سماوي والمناديل سماوي وكحلي (((رجالي))) او السفره سكري وتكون المناديل سكري مع اورنجي او احمر (((نسائي)))(*_^) المناديل عددهم اثنين لكل شخص واحد متحرر للاستخدام والف فيه الملعقه والشوكه والاخر يكون عليه كاس للعصير واخر للماء وزبديه صغيره للسلطه والاطباق اوزعها بصحون متساويه ومتشابهه في النص الاطباق قصدي الاكل^_^ وطبعا كل صحن يكون فيه ملاعقه الخاصه فيه للغرف ويكون فيه طالوله جانبيه خاصه بصواني الحلى غالبا ثلاث صواني اذا العدد متوسط 7 ويكون فيها المناديل والصحون والملاعق الخاصه بالحلى ايه نسيت عالسفره:p يكون فيه صحنين للفاكهه واحبها تكون مميزة كان تكون سلات تهز زي الهندول ^_* يعني سرير البيبي وبالنسبه لطريقة الضيافه مااادري ايش فيني ماشيه بالعكس مخليه الضيافه بالاخير المهم اقدم العصير لحد مايكتمل العدد وبعدين القهوه اللي يتاخر مره اعطيه قهوه على طووول واكتفي بنوع واحد حلى ويكون خفيف علشان ما يسد نفوسهم عن الوجبه وبعد الوجبه اكون مجهزه الترامس قهوه / شاي / نعناع / قرفه واللي بيطول طلعت الفاكهه و و و سلامتكم بلييز يا أبله ماتزعلي مني تحياتي (^_^) |
برافووووووووووووووووو ما شا الله المستعينه بالله واجبك كامل الله لا يجيب الزعل
بس حلوة فكرة الفواكه الهزازة لو عندك صورتها نشوفها << بعدين انت تحطيها ع سفرة الأكل والا ع طاولة الحلا حياك الله حبيبتي يالله اعطينا واجب اليوم عن العزيمة المختلطة يعني سفرتين يا حلوة !! |
|
بالنسبه للعزومه الكبيره
بيتي صغير ومافيه الا مجلس واحد كبييييييييير باقي الغرف وسط يعني ما تشيل وانا بمنطقه بعبده عن الاهل يعني نادرا ما تكون العزومه كبيره المهم اذا صارت اكون مجهزه السفره من بدري خصوصا اذا ما كان عندي شغاله وارتب عليها كل شي قبل ما يجو الضيوف من مناديل وكاسات الخ عدا الاكل طبعا (*_^) واقفل الباب علشان مايدخلوا الحلوين الصغار ورايه وبعد ما يجو الضيوف اختصر للرجال واعطيهم بس قهوه من غير حلى واجهز اكلهم بسرعه وندخلهم في هذي الاثناء يكونوا الحريم باقي في القهوه والحلى وقبلها اكون قدمت لهم العصير والرجال اسم الله عليهم :11: ما يطولوا بالاكل مثل الحريم بعد ما يخلصوا اشيل سفرتهم بالمساعده طبعا وافرش وحده جديده وتكون الاغراض جاهزه (نفس سفرة الرجال) ذكرت ترتيب السفره سابقا والحريم عالسفره بيكونوا الرجال مشغولين باكل الحلى لان كل واحد يعبي صحنه ويطلع من الحلى اللي مجهزته على طاوله خاصه وبالنسبه للفاكهه ياابله سمسمه اخليها عالسفره لانه بعضهم يحب ياكلها مع الوجبه بالنسبه للاطفال اجهز سفرتهم في نفس وقت الرجال بس في غرفه ثانيه علشان ما يبهذلوا امهاتهم:eek: واخيرا الشاي للرجال والحريم وبعدين العود وبعدين مع السلامه:17: انتهى (^_^) |
هلا بام جمانه ابداعات ما شاء الله الله يديم جمعاتكم العائلية ولا يفرق بينكم ودايما تكونو مبسوطين مع بعض
حلوة "" ما بعد العود قعود "" من جد ترى انا احط لهم عود وبخور بس ليصيرو بيفهموها مع السلامة |
المستعينة بالله
حتى البيت الصغير بس اهلا وسهلا منك تخليه قصر بعيون الضيوف بدل ما تحطي سفرة الرجال وتنتظري لما يخلصو بذلك التعب عليك مضاعق واقصد كمان التعب الذهني والتفكير عندي لك فكرة يمكن تصلح لك اذا تقدري تعملي عند الحريم شبه بوفيه يعني على جنب طاولة عليها الأكل والصحون وما الى ذلك وهم ياخذو بالصحن ويجلسو علشان القصد يخلصو الرجال والنساء مع بعض " وتخلصي " حياك الله انت طرحت فكرة مناقشة حلوة " اذا البيت صغير ايش المقترحات "" ان شاء الله الأخوات يتجاوبو مع فكرة المناقشة بارك الله في الجميع |
الآن نتكلم عن عزومة وضيوف عددهم فوق 15 :d واعتقد عندما يكون العدد كبير دائما نما نلجأ للإستراحات و اكل من المطاعم وذبايح الجاهزة
لكن حلو نتعلم ونحاول عمل البوفيه الكامل سواء رجال او نساء وسواء داخل البيت او في استراحة او في مزرعة من تجاربي "" لم يتسنى لي حضور حفلة زواج اخي كانت في غير البلد الي انا فيه لذلك عند عودته من شهر العسل عزمت صديقاتي وقريباتي وصديقات الوالدة الله يحفظها وجيراني وطبعا صديقاتي احضرن امهاتهن وصديقات امي احضرن بناتهن وابنتي طبعا لازم تعزم صديقاتها المهم بعد حساب المجموع الغير متوقع وبعد ما عزمت وخلصت (( يعني تورطت ) كان العدد 35 امراة:25::23::30: ايش تسوي يا سمسومة فتحت صالتين كبار على بعض مع الممر وفرغتهم تقريبا استأجرت كراسي وثلاث طاولات مع مفارش كان الون حلو خمري على ابيض وضعت الطاولات بالوسط ورصصت الكراسي على الجدران يا ريتني صورت قهر :11: المهم رتبت البوفية والصاله الثانية فيها الكنب ( مجلس الضيوف ) ورتبت ايضا مجلس الأسرة الداخلي >> طبعا تم طرد ابو العيال << جزاه الله خير الصبايا مع ابنتي بالمجلس الداخلي والنساء بالخارجي وتم تقديم القهوة وحلا عبارة عن حلا النسكافيه مررة حلو والتمر البوفيه رتبت طاولة صغيرة عند الباب الرئيسي عليها العصير واكواب وصحون و ملاعق وشوك << الصحون كانت ورقيه مزخرفة والأكواب من نفس لونها والبوفية يتوسط الغرفة بحيث ن الضيفات يدرن حوله وتعبي الصحن وتجلس على الكراسي الي عند الجدران ورتبت بالممر بوفيه الحلا والفاكهه مع صحونها وملاعقها اطباق البوفيه الي انا سويته كانت اربع انواع سلطة "" سلطة كنتاكي "الملفوف " سلطو التبولة وسلطة البطاطس ورق عنب كبة حمص اربع انواع فطائر صحنين كبار رز مغلف باللحم المفروم والبازيلا وبجانبهم صحنين مشويات مختلفة " لحم اضلاع دجاج كفته اسياخ " كان بودي اعمل السمك بس بصراحة ما اعرف له وطبعا الترتيب والتزويق والورد المجفف حول الأطباق و سلات خبز ومخل منتشرة الأخوات عارفين اني ما اعرف للحلويات كثيير فلما سالوني احتاج مساعدة قلت صحن حلو فصار عندي بوفيه حلويات روعه " قدرة قادر / كيكة محشية /بسبوسة وكنافة وبقلاوة وو < الممر استفدت منه وضعت مرايتي الكبيرة وعلاقات وعطر ومناديل يعني صار محل للتزين ووضع العبايات والطرح والغراض الشخصية كانت فكرة روووعة << فخورة بنفسي ههه << والحمد لله عدى اليوم وكانت سهرة رائعة وزفيت العروسة مرة ثانيه :14: بس خسارة ما صورت حاجة من اللخمة الي كنت فيها نسيت بعد ما راحو الضيوف وبقي القريبات طلبت منهن حمل ما يريدون من الطعام لانه بكميات كثيرة ولم يتبقى لرمضان الا يومين او ثلاثة :30: بانتظار تجاربكم |
السلاااااااااااااااااااام علييييييييييييييييييييييييييييييكم
معليش ابله امس ماحليت الواجب (فيس مستحي) اما واجب اليوم عزيمه حريم صارت معاي مره شرفوني 20 حرمه وكان ايام رمضان نفس وضعي في ترتيب البوفيه زي ماذكرت قبل كيف اني اهتم بمنكهات الطعام واحب اضافتها على الطاوله بس تصدقين ما اذكر الاصناف اتذكر كان فيه تبوله ورق عنب كشري بليله مرقوق صينيه دجاج بالخضار هذا الي اتذكره والله هههه والحلا بعد ما اذكر الا كنت حاطه صينيه فيها بيبي دونات وبيبي قاتوه :d بس عموما ماقد صار عندي عزيمه رجال وحريم الا مره او مرتين فقط وكانت بسييطه على الغدا واقدم الاكل الرئيسي ومعاه طبق ثاني يعني مثلا رز وجريش او رز ومحاشي ومعاه مرقه مثلا وسلطات ولبن ومخللات وبس وبس |
السلام عليكم
طبعا احنا الحين باجازة الويك اند ما في دراسة ادري بسسسسسسسسسسس حبيت اذكر الطالبات بالواجب وهو تجهيز بوفيه كامل لأكثر من 15 شخص وكمان سؤال المناقشة اذا البيت صغير ايش الأفكار طريقة ترتيب الأثاث وسوال مرررررررة ضروري تناقشوني فيه وتكتبو لي افكاركم اذا تواجد الأطفال كيف نتصرف وماذا نفعل لهم هل يدخلون مع امهاتهم للبوفيه بالنسبة لي بصراحة انا احاول اضع لهم شريط فيديو واجلسهم امام التلفزيون مع وجود بعض الأطعمة الخفيفة "" الشبس والعصير والبسكويت "" بانتظار مشاركاتكن هابي ويك اند |
اختي متزوجه حديثا وناويه اعزم اهل زوجها ببيتي
الاطفال ممنوع نهائي حتى عيالي ابو ديهم بيت اخوي ابرتب البيت كله بحيث الضيوف يجلسون بجلسات الحريم وممكن البنات يجلسون بمجلس الرجال الاستقبال بالبخور والترحيب التقديم بالبدايه عصير انا اسويه بالبيت بفوكهه المجمده فراوله ومنقا واضيف جوافه شئ لحاله او مع بعض باضافة فواكهه اخرى تشكيله يعني مع القهوه نقدم الشوكلاته فقط لان العشاء بو فيه متكامل بعد القهوه العشاء البوفيه ابتعاقد مع احد المطاعم اريح وحتى نتفرغ للضيوف والاستقبال والجلسه معاهم لاننا لو طبخنا بالبيت انشغلنا ولا جلسنا معاهم والمثل يقول لاقيني ولا تغديـــــــــــــــــــني :) البو فيه بالحوش عندي فيه بايكه للسيارات ابفرشها مؤقت من الفرش اللي بالايجار عند محلات تجهيز الحفلات ومن ثم البوفيه وطاولاته من نفس المطعم واطلب منهم زهور طبيعيه على الطاولات وممكن اضيف شموع يتفضلوا على العشاء بعد العشاء طاولات عليها علك لبان وعطور ومناقيش وغيرها من التنويع اسويه بتغليفه يكون عليها كرت فيه فائده دينيه ومن ثم الشاي مع تنويع بالسكر لان فيه تشكليه رائعه بالاسواق ومن ثم يودعوا بمثل مااستقبلوا به من حفاوة وتكريم نضع مباخر ولان اغلبنا مع سائقين نخليها على الطاولات اللي تبغاها نقربها لها |
[QUOTE=سمسمة مرة;1822196]السلام عليكم
طبعا احنا الحين باجازة الويك اند ما في دراسة ادري بسسسسسسسسسسس حبيت اذكر الطالبات بالواجب وهو تجهيز بوفيه كامل لأكثر من 15 شخص بوفيه كامل نسائي ماقد سويت ولكن قبل فتره خططنا على عزيمه وكانت الافكار انه نستقبلهم في المجلس ونفتحهم على بعض ونقدم العصير وبعد كذا قهوه وحلى قهوه وتمر ونباشر الضيافه لين يكتمل العدد وبعدها يتفضلوا على البوفيه ويكون البوفيه من مطعم معروف وكان واعدنا يسوي لنا البوفيه على الطراز السوري وكمان بالامكان ان نقوم انا والاهل والاقارب بعمل اصناف منوعه من الاطباق ولابد من وجود صحن رز كبير وهذا اكيد من برى راح يكون وبعدها يحلوا وقهوه تركي او قهوه عربي لان اغلب ضيوفنا مدمنين قهوه وبالعافيه على قلوبهم وكمان سؤال المناقشة اذا البيت صغير ايش الأفكار طريقة ترتيب الأثاث البيت صغير افضل انه مانسوي فيه نستاجر استراحه ونسوي فيها وسوال مرررررررة ضروري تناقشوني فيه وتكتبو لي افكاركم اذا تواجد الأطفال كيف نتصرف وماذا نفعل لهم هل يدخلون مع امهاتهم للبوفيه بالنسبة لي بصراحة انا احاول اضع لهم شريط فيديو واجلسهم امام التلفزيون مع وجود بعض الأطعمة الخفيفة "" الشبس والعصير والبسكويت "" فكرتك حلوه انا ماحب الاطفال يجلسوامع الكبار ونفس طريقتي اجلسهم في غرفه الالعاب وعند التلفزيون واحد عندهم خدامه اذا فيه وحده زايده وبعد مايخلصوا ادخل الصغار لازم يتعشوا وفي بعض الامهات يفضلوا اطفالهم معاهم ما اقدر امنعهم وهذا مايحضرني حاليا ولكن اغلب الضيوف عندنا رجال ونساء يعني عزومه كبيره |
.......
يلا صبايا المدرسة مفتوحة اليوم سبت صباح الخير |
اخواتي الغاليات
هذا رابط موضوع الأخت ماء القمر سوت عزيمة وحصل لها موقف ارجو ان تمرو عليه وبامكانكن التعليق هنا على الموقف اذا اردتن ذلك وشكرا لماء القمر http://www.66n.com/forums/showthread...=1#post1823819 |
الحضور والغياب 0
|
ابله انا موجوده :)
بس وشو واجب اليوم <<<<مشكله الكسل :d |
هلا بالغالية jeans شكل الأخوات كسلو على اخر الأيام الواجب كان عن البوفيه وانت شطورة حليتي بس اذا تحبي
تشاركي باسئلة المناقشة المطروحة اذا البيت صغير وايش نتصرف بوجود الطفال وكمان موضوع الأخت ماء القمر وسؤالها اذا سويتي العزيمة وتكلفت واعتذر الغالبية في آخر لحظة كيف تتصرفي مشكورة لأهتمامك عقبال الباقي ان شاء الله ع فكرة ما بقي الا موضوع واحد ونقفل المدرسة |
مساء الخير انا حليت كل الواجبات اذا فيه شي نقصته يااستاذه بليز ذكريني
|
بالنسبه للاطفال اخليهم بغرفه بناتي
خصووصا اان الغرفه تتحمل وفيها تي في وبلاي ستيشن والخ من الالعاب المسليه واخليهم يتسلون بسناك لحد مايخلصون الحريم وبعدها ادخلهم على البوفيه وبكذا الحريم ياخذون راحتهم والاطفال بعد بس القهر لا نط لي ولد والا بنت الا يبي يتزاحم مع الحريم على البوفيه وامه تسوي نفسها ماتشوفه :d والحقوه باقي البزران وخربو السالفه :d اما لو يصادفني زي الي صار مع اختي ماء القمر طبيعي ابكلم اقرب جمعيه خيريه والله يكتب لنا الاجر ولايحرمنا |
......
غدا سيكون آخر مواضيع المدرسة عدد الحضور 2 ماشا ءالله ع الهمة !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! ! |
السلام عليكم ورحمةو الله وبركاته
آخر مواضيع المدرسة اتمنى التفاعل يا رب موضوع المغاسل وطريقة ترتيبها وما يوضع بجانبها من ادوات \ بالنسبة لي انا اضع سله كبيرة شوي وفيها مناشف يد صغيرة متعدة الألوان ( منسقة وبين المناشف ورود كبيرة احيانا طبيعية ) وسلة ثانية صابون صلب باشكال والوان متعددة + صابون سائل ملون واضع علب مناديل مناشف وعلب مناديل عادية وفي صحن مرتب اضع انواع عللك وبولو وحبات هيل داخل دانتيل وعلى جانب مرطب بالمسك ورائحة كولونيا خاصة وطبعا المبخرة تشتغل مع تقديم الشاهي بالنعناع والقهوة التركي والشاهي الخضر وسلامتكم ونودعهم بريحة العود والبخور ونقولهم سامحونا ع التقصير بانتظار ختام عزائمكم وسلامتكم |
ياهلا والله وغلا
بالنسبه لموضوع المغاسل فلها كل مره حركتها احط على المغاسل ورد مجفف وتحف صغيره وشموع وصدف يعني كل مره اغير واعط علب الصابون السائل وعلبه الصابونه وتكون طبعا طقم ضيوف واحجار ملونه يكون التنسيق حسب ذوقي واحط عود اسنان (خلاله) وتكون في سلال صغيره واحط كمان على كل مغسله علبه عوده فخمه ومناديل واكيد شي اساسي وجود المناديل والمناديل المعطره وسله فيها لبان اكياس صغيره وبعد مايجلسوا الف بالبخور واكيد لابد من الابتسامه والبشاشه اللي تخلي كل الضيوف مرتاحين ومنبسطين الا اصحاب النفوس السيئه الله يبعدهم عنا ويكفينا شرهم ويهدينا ويهديهم الى طريق الخير هذى اضافتي وان شاء الله انجح واسير من الاوائل يارب الاشراف / ان شاء الله تكتب علي هذا النحو مستكة_مستكة |
انــــــــــــــــــــــــــــــــــــــــا موجوده:17:
بس لاني ماكان عندي كرسي فجلست عالارض علشان كذا ما شفتوني:25: بالنسبه للمغاسل اجهز المناديل في الحمالات الخاصه فيها والف مجموعة مناشف صغيره بنفس لون الاكسسوارات الموجوده وكولونيا شي اساسي واعواد اسنان والصابون طبعا نوعين السائل والصلب ويكونون في مكانهم المخصص والفواحه وسلامتكم بشري نتيجتي يا ابله سمسمه كيف؟؟:20: |
السلاااااااااااااااااااام علييييييييييييييييييييييييييييكم
انا الله يسلمكم لازم يكون على المغسله اكسسوارات ورود مجفف وفواحه عطريه وفوط وصابون سائل وقطع صابون وبعد علك وبولو والذي منه واحرص ان يكون طقم المغسله متكامل اما البخور ابخرهم مع تقديم الشاهي وبس وبس هاه بشري عساني نجحت بس :d |
السلام عليكم ورحمة الله وبركاته
اعتذر عن الإنقطاع لظروف اجتماعية ومهنية >> بصراحة لي اسبوع بدورة سواش << وابشركم ضبطتها اخواتي مررررررررررررررررررررررررررررررررة اشكر تفاعلكم مع المووضوع والإن الى الإختبارات النهائية "" ان شاء الله ما يكون عندكم فوبيا الإمتحانات مثلي والله انا ما احبها ابدا علشان كذا قرار الغاء الإمتحانات الى نتائج المدرسة ع طوووووووووول وبدون مقدمات المركز الأول حصل على المركز الأول > > > > كل من شارك بالمدرسة صراحة لم استطع المفاضلة جميعكن ما شاء الله مبدعات و لديكن تأكيد انكم ربات بيوت تسترو الوجه >> هههههههه<<< الف مبروك النجاح والف مليون شكر ع التفاعل المميز لكل من شارك او اكتفى بالزيارة وسامحونا وحللونا واتمنى لو في طريقة للستفادة من مواضيع المدرسة دائما >> ارجو المساعدة من ادارة المنتدى والى لقاء قريب مع افتتاحية مدرسة ثانية >> انا جالسة افكر الحين << السلام عليكم ورحمة الله وبركاته |
وعليكم السلام ورحمه الله
الحمد الله نجحنا كانت الدروس مرررررررررررره صعبه وخفنا كثييييييييييييييير من النتائج الله يسعدك وفعلا مدرسه رائعه ومميزه افادتنا جميعا ولكي كل الشكر والتقدير |
مشكوره اختي الغاليه
وياليت نبدأ بحفلات الاطفال والحفلات الرومنسيه زي ما اتفقت معاكِ اختي :) حتى لو بعد فتره قصيره لاننا الحين نبي اجازه عقب المدرسه :d وبعدها ان شاء الله اتحفينا بالموضوع يالغاليه :d |
| الساعة الآن 08:50 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©