|
هلا اميره
لا مارجعت اتصلت من امس اخر مكالمه كانت العصر تقريبا امس وبس وكلامك صحيح وانا كمان احيان اشوف منهم اشياء تضايقني واحيان اقله وعادي يبرر لي تصرفهم بس هنا الوضع يختلف تماما والله لو عرف راح يعمل مصايب انا اعرفه علشان كذا ما ابغى اتدخل هو واهله احرار مع بعض لا مالمحت |
سابنا
هلا احيان اروح واحيان لا وهو اصلا معاناته مو دايم يعني احيان بس الفتره الاخيره زادت لا تقلقي ان شاء الله حتى العمليه تتكنسل مو اكيده وموضوع البلع الطبيب طمنا انها بتخف مع الوقت بس تحتاج فتره مو قصيره تقارير عنده كثير بس اغلبها تبع عملياته |
اهلين اخت بنت غامد
والله يكون في عونك.. ويوفقك ويجزاك خير على تحمل زوجك انا متابعة موضوعك من اوله بس للاسف كنت مشغوله هاليومين و مامداني اكتبلك..اعذريني انا راي من راي الاخوات انك ما تتدخلي بينه وبين اهله بس ممكن توضحين لام زوجك انه الى يسير غلط ... ولازم تعرفين هما وش بيسون ..يعني كيف بيقولوله .. لانه حررررااام زوجك يعرف عن نيتهم .. لانه راح يكرهم وزي ما قالتي احتمال يقطعهم .. ولازم تقولي لام زوجك ردة فعله لو عرف ...لانها في الاخيير هي ام ولاراح ترضى ان عيالها يتقاطعون عشان موضوع تافه وفكرتك انك تقولين لدكتور ..فكرة حلوه بس ممكن تقولين هالفكرة لام زوجك هي الي تكلم الدكتور وتشرحله وتخليه يكلمه وبعدين هي امه تكلمه انها خايفة عليه يروح وممكن لو شافها خايفه عليه بيبطل يروح بس لاتخليه يروح اخاف يسمع كلام يجرحه والله يسيرلك امرك ويحفظلك زوجك من كل شر |
طبعا رأيي مع الاخوه لاتتدخلين..
وبالعكس ادعي له ولهم يهدي امرهم.. والله قري موضوعك.. اقرأ نزلت دموعي لانه اعرف زوجك من خلال كلامك.. وقفت على طول ودعيت الله لك وله.. ولله يرزقكم الذرية الصالحه.. ويبعد عنكم الهم.. ويحنن قلب اهله عليه... وما تردين يمكن هذا تصرف امه بس.. يمكن خوه وابوه مالهم دخل... بعض الامهات تفكيرها معووج...تحب واحد اكثر من واحد.. |
والله الى الآن عجزت ألقى لها مخرج الوضع جدا حساس الله يكون بعونك لكن أحاول عسى ربي ينور بصيرتي وأقدر أحلها لك من دون مايصير فيه ضحايا..دعواتي لكم وقلبي معك..
|
تالا
هلا فيك اوعدك بحاول دلوعه شكرآ حبيبتي ولا تبكين ادعيلنا سابنا خجلتيني بمتابعتك لا تقلقين الله كريم |
حياك الله اختي بنت غامد .. اختي في بعض الامور لا تستطيعين ان تجدي لها حل ... الزمن هو الكفيل بحلها ... انتظري اختي واصبري و ادعي ربك ان يفرجها من اوسع ابوابه .. وربي يعطيك على قد نيّتك ... |
الله المستعان الطيب ماله حظ ولا نصيب المفروض انك تبلغيه السالفة عقب حتى ما يقطع قلبه زيادة عن اللزوم الله يعين على الدنيا بخير
|
هلا اميرات
رأيي من رأيك ام بدر شكرا لكي وسعدت بمرورك امس اتصلت على امه وقالت ترا العيال وابوهم بيسافرون ثاني او ثالث رمضان للشرقيه قلت وفلان؟ قالت بنقله ليلة رمضان وطبعا مابيلقى حجز واكيد ماراح يروح انا انصدمت بتفكيرهم بس حسيتها انسب فكره طبعا انا امس كنت متضايقه كثير ودمعتي بطرف عيني جاني هو بالليل قال وشفيك؟ قلت تعبانه قال مبين عليك حتى النت تركتيه وطلبلي عشا من برا وجلس عندي ويحاول يخفف عني وفجأه بكيت لأني حسيت اني دخلت طرف في لعبتهم وهو مايدري ولو اكتشف والله ماراح يسامحني واساسا انا ضميري متعبني انا ابغى اقله علشان ضميري ماني قادره اتحمل وشرايكم؟ |
عزيزتي بنت غامد13 اختى هداكي الله وانتي على طول حكمتي انهم ما يبونه على شان مريض طيب يمكن ما يبونه يروح خوفا عليه يا اختى مافي ام بالدنيا ماتحب ولدها لو ما تحبه ما كلمتك وتترجاكي انتي انك تقنعيه مع انها امه ولو طلبت منه ما راح يمانع خاصه وهو بار فيها زي ماتقولي
عزيزتي راجعي نفسك وفكري بتمعن تجدي الموضوع ما يحتمل انك تكدري خاطركي وتشيلي همه عزيزتي لاا تكبري الموضوع وعجبني ردك على امه انك قلتي لها هذا ولدكم وانا مالي دخل بينكم انتي انسانه فاهمه وعاقله بكره لو يطيح عندك اول من بيفزع له اهله فلا تكوني لك عداوات او حزازيات عند اهله هو زوجك وتحبيه مافيها كلام بس برضوا هذول اهله وماله غناة عنهم |
هدي نفسك واهتمي بصحته و اسعديه :)
والله يقومك لك بالعافيه ويخفف عنه من جد ما تتخيلين قد ايش تضايقت وانت تتكلمين عن وضعه الله القادر على شفائه سبحانه اكثري من الدعاء له وسالفه يحضر والا ما يحضر مو مهم المهم يسوي العمليه ويرجع لبيته سالم باذن الله وانت اغرسي هذا الشي فيه ولو صار وعرف بعدين ان معك علم قولي له ما حبيت اضايقك وبس ومعك عذرك وصدقيني هو الحين باله مشغول بمرضه (الله يشفيه ) وانتي تكفين اذا تحبينه انسي الموضوع خلاص وشيليه من بالك حرام تعذبينه زياده يعني هو متضايق ويشوفك تعبانه ؟؟؟ ليه تحمليه كل هذا ؟؟؟ عيشي يومك واطلعي وتمشي معاه ودلعيه واذا على الاكل الله يسهل ولا تخافين بتلاقين اكل بس لا تحسسينه بشي ابد |
دلوعه
انا تعبانه غصبآ عني مو قادره اتحمل خصوصآ وانا مالي احد اشكيله أهلي واغلبكم عارف وضعي معهم وتحديدآ مع اخوي واهله وانكشفت اقنعتهم انا جالسه احاول ابسطه واشغله بأمور يحبها امس جلس يكتب مقاضي رمضان بمشاركتي ولقيته كاتب ست علب سيريلاك! قلت وش ناوي تتبنى طفل؟ جلس يضحك قال لا اتوقع اخر شي باكل سيريلاك قصده على صعوبة البلع وجلسنا نضحك طول اليوم كل لحضه احس ودي اقله بس ارجع بكلامي بسرعه |
اكثري اختي بنت غامد من ترديد هذه الايه .. (( أمن يجيب المضطر اذا دعاده و يكشف السوء)) اقرأي سورة البقره يوميا بنية ان الله يعدي هذه الازمه على خير .. وربي يفرجها عليكم .. قلبي معك خيتووو .. |
الله يديم الضحك والوناسه
واصحي تقولين له او حتى تلمحين له خلي الامور تمشي طبيعي وربك يحلها |
اميرات جزاكي الله خير
دلوعه رأيك على راسي بس اخاف يكتشف بعدين واتورط معاه اهله راح يسامحهم بس انا لاااا وحتى لو ما اكتشف انا بصراحه لن اكون مشاركه ولو بالصمت انا بإذن الله ببلغه لأنه مايستاهل الخداع وراح اقنعه يستهبل ويتركهم يخططوا بصمت وبقله اذا مو مصدقني انتظر ليلة العيد الخبر وبكذا راح يتأكد من نواياهم ولكن انتظر رأيكم واللي معارضه اقله تقلي ايش اعمل لو اكتشف اني كنت عارفه وسكت؟ |
ايش اعمل لو اكتشف اني كنت عارفه وسكت؟
تقولى له انا شايفه ان الطلب بتاعهم هايف وغير منطقى فماحبتش اوجع راسك بهيافات اخوك |
أنا أشوف يا أختي إذا أخبرتيه بنواياهم راح تصير فجوة بينه وبينهم
واحنا المفروض نصلح بين الناس حتى لو بالكذب عليك بالدعاء وإن شاء الله ما يصير الا الخير |
والله يااختي ماعرف شقولك
خلك بعيدة لاتقولين روح ولا تقولين لاتروح خليه يتصرف على كيفه ولاتقولين له شي الله يعطيه على قد نيته .. |
استهدي بالله أختي بنت غامد.. لنفرض انك أخبرتي زوجك بتخطيط أهله .. و فجأه غيروا رأيهم و اتصلوا علي زوجك و قالوا له حجزنا لك معنا .. وش راح يكون موقفك بعد ما نقلتي له تخطيط أهله السيئ ؟؟ الأفضل لك أن تسكتي لحد ما يجي وقت الخطبة.. و إذا قال لك ليه ما قلتي لي.. قولي له كنت متأمله إنهم يغيرون رأيهم و يأخذونك معهم .. |
شكرآ للجميع
زوجي عرف كل شي وما اعرف مين قله طبعا نفسيته مره نازله وطلب مني اروح لأهلي كم يوم لأنه محتاج يجلس لحاله حاولت اقنعه بالعدول عن رأيه بس أصر اروح وفعلا انا الآن ببيت اهلي علمت امي واخواتي بالحقيقه اما الرجال قلنا لهم بنعمل صيانه لمواسير الحمامات والمطبخ دقيت على جواله ورد علي وصوته مخنوق طبعا حاولت اخفف عنه بس هو مو مقتنع طبعا اكيد نام بدون عشا ولا ادويه لأن الشغاله معي وهو قلي اذا ابغى شي بنادي السواق يساعدني امه دقت علي وجلست تعاتبني على خروجي من البيت وجلست تتهمني اني انا قلتله قلت والله مو انا وبعدين ابنك اصر اروح عند اهلي انا للآن مانمت جالسه افكر بالمصيبه هذي ساعدوني تكفون ايش اعمل؟ اخواتي قالوا من بكره روحي عنده غصبآ عنه لأنه يحتاجك وانا معهم بس هو رافض قال لمن اناديك تعالي |
الله يكون بعونك المهم اكثري من الدعاء والله ييسرها
وهل زوجك زعل من موقف اهله او من انك خبيتي عنه الموضوع وتأكدي انه في هالفتره محتاجلك اكثرمن قبل. |
هلا كلمات
مادري حبيبتي هو زعلان مني ولا من أهله بس الظاهر زعلان منهم لأنه يرد علي ولمن كنت ارتب اغراضي قلي خذي شنطه صغيره |
الله ييسر الأمور
غريبة صراحة طلبه انه يقعد لحاله ولكنه كبير وعاقل فأكيد هو عارف مصلحة نفسه ولكن هذا لايمنع أن تذهبي للبيت من وقت لآخر ، وإن كان لايريد ان تلحي عليه ، فلا يمنع أن تذهبي للبيت من غير وجوده وترتبي البيت لكي يشعر بأنك مهتمة به |
أختي الكريمة :
زوجك الأن عرف بالموضوع وماتعرفي مين خبره طيب ليش يقول لك روحي بيت أهلك؟؟ لايكون اللي نقل له الكلام دخلك في الموضوع علشان كذا قال لك روحي عند أهلك برأيي لازم ترجعي البيت وماتتركي زوجك وتشرحي له الموضوع بكامله وتحاولي تلطفي موقف أهله لاتزيدينه سوء من باب قول عليه الصلاة والسلام (سددوا وقاربوا) بمعنى قولي له أهلك أكيد قصدهم خايفين عليك من التعب ومن هذا القبيل ...لاتزيدي النار إشتعال مهما كان هم اهله وارجعي لزوجك وقولي له مستحيل أتركك لوحدك أبداااااا لأني مااقدر أعيش من غيرك وكوني سند له لاني بصراحة اخاف يسوي في نفسه شيء من الضيق والزعل فلازم تنتبهي عليه. |
اقتباس:
صح لسانك .. |
هلا كلمات
مادري حبيبتي هو زعلان مني ولا من أهله بس الظاهر زعلان منهم لأنه يرد علي ولمن كنت ارتب اغراضي قلي خذي شنطه صغيره |
اخي في الله
ام جمانه اميرات لمن عرف كان برا البيت ورجع وقلي عالموضوع وهو نت عليه بس كان متضايق كثير لأول مره اشوفه كذا وعلى طول قلي ممكن تروحي عند أهلك طبعا رفضت وقلت مستحيل بس حسيته فعلآ محتاج يجلس لحاله وقلي وانا خارجه خلي الجوال قريب منك قلت اكيد بس احساسي يقول مو زعلان مني حتى اليوم صحيته للدوام بالجوال ورد علي عادي ولمن سألته مين قلك؟ قال بعدين احكيك كل شي تصدقون امي لمن عرفت بكت لأنها قالت الولد ماشفنا منه إلا الخير ودايم يكلمني ويزورني وموظف وساتر نفسه وساترك ليش أهله كذا؟ الله يعينه ويجبر خاطره |
ام جمانه
لا حبيبتي انا اعرف زوجي انسان مؤمن وانا جا في بالي اللي جا في بالك بس تعوذت من إبليس والله يستر لا يكون وصله كلام عني غلط انا ما استبعد شي بس انا اعرفه من طريقة تعامله معي |
كان الله بعونك
وليس سهل الانسان ان يطعن من اقرب الناس له اهله ووالدته فاكيد نفسيته بالنازل وهو التعبان لظرف العمليه داومى على الاتصال به وان رفض ان ترجعى البيت قولى له فقط اود ان اراك ومن ثم اخرج وانتى حسب الوضع مكن ان تبقى |
أختي .. قد صار قبل كدا قال لك روحي لبيت أهلك ؟؟
بس غريبة من فين عرف .. يعني الموضوع بينك وبين أمه .. أو أمه قالت لأحد أو أخوه أتعنى يوصل الخبر لأحد يقول له .. !!!!!!!!!!!! طيب زوجك لما قال لك روحي لبيت أهلك ما وصاكي لا أحد يعرف من أهلك بالموضوع ؟؟ أنتظري كم يوم وبكرة تصير حكاية بإذن الله .. وتتيسر .. أهم شي قوي علاقتك بأمه .. وأتصلي عليها كأنك تبغي تسألي عن زوجك .. وقوليلها وأسأليها ها رحتو له ولا لا ؟ جاكم ولا لأ ؟ عرفتو عنه شي حتى تحس أمه أنك معاها ومو ضدها وأنو مو أنتي اللي وصلتي الخبر له .. |
هل هناك احتمالية ولو 1% انه قرأ موضوعك في المنتدى ؟؟
|
اقتباس:
صح .. كيف راح عن بالنا المنتدى .. صحيح يمكن زوجك شاف موضوعك هنا .. ومو شرط من البيت يمكن دخل المنتدى من عمله .. |
منى
بجلس لبكره اذا ماقلي تعالي برحله بعد بكره واشوف ايش يصير اميره فعلآ انا ما اعرف مين قله ولا عندي شك بأحد نهائي ولا وصاني بشي غير الجوال رسيل خوفتيني بس ما اعتقد لأن اذا بالبيت قفلت المنتدى وطبعا ما يقد يقرأ إلا بادخال كلمة السر وأصلآ هو مايفتح جهازي ابدآ ولا قد سواها إلا اذا جهازه خربان ويستأذن قبلها بس ممكن انا ما اجزملك بأنه ما قرأ بس هو جا من برا عارف مو من البيت |
امير
رسيل من جد خفت ياويلي ياسواد ليلي |
^^^^^^^^^
من إيش ؟؟ خفتي من المنتدى ؟؟ أختي تأكدي أول .. أنتي بتسوي تسجيل خروج ولا لا عارف معرفك ولا لا ترا والله قلقت عليكي وبدأت أخاف مثلك |
اميره
هو مايعرف المنتدى ولا معرفي بس انا ما اعمل تسجيل خروج اكتفي بقفل الصفحه او تنزيلها تحت فقط بس هو مو متطفل بس مادري؟ انا الآ ن ملخبطه |
حبيبتي
قولي أعوذ بالله من الشيطان الرجيم وبقول لك شغلة لو عرف من المنتدى فهذه أرادة رب العالمين .. وأنتي كل الكلام اللي كاتبته ماشاء الله تبارك الرحمن يصف مقدار حبك له المفروض زوجك يحبك أكثر .. عادي لا تشيلي هم هونبها وتهووون والحمد لله وصل له الخبر بهذه الطريقة ... وأنتظري ردة فعل زوجك |
شوفي حبيبتي
حتى لو قرأ ما كتبتيه بالمنتدى وين المشكله؟؟ بالعكس اذا فكر منيح رح يعرف مدى محبتك له وخوفك وحرصك على مشاعره من خلال موضوعك تانيا : افضل انك تتركيه لفتره بسيطه لحد ما يروق وينسى شوي هالمشكله بس ادعميه معنويا بالسؤال عنه عن طريق الجوال وحسسيه انه بالنسبه لك اهم شي بحياتك وانك تفتخرين فيه مو مثل اهله الي يستحون منه لمجرد انه من ذوي الاحتاجات الخاصه تالتا انتبهي فاذا كان قرأ موضوعك بالمنتدى فهو الان يقرأ الردود وممكن يكون هاد السبب الي خلاه يطلب منك الذهاب لبيت اهلك وذلك ليراقب ردة فعلك دون معرفتك |
اهون الضررين انه قرأ الموضوع ...فلا تشيلي هم ..
كل من في المنتدى يعرف غلاه عندك ... واذا كنا يا بعيدين شفنا هذا الشي .. أكيد هو شايف أكثر ... الله يخليلك اياه بالصحة والعافية ويخليك له ولا يعدمكم بعض ... بالعكس لا تخافين ... الله اعرف بنيتك واللي في قلبك والله لن يضيعك ولا يضيعه .. دمت في حفظ الرحمن .. |
اميره
فلسطينيه انا خوفي انه يعرف الموضوع بسببي انا كنت اسعى لإخفاءه اقوم بغبائي اكشفه علشان كذا انا مقهوره بس احساسي يقول مو من المنتدى قلبي وتصرفاته يقولوا من شخص آخر والله يعلم |
| الساعة الآن 06:09 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©