|
اقتباس:
وعليكم السلام ورحمة الله والله يا اختي هالعائله انا مستغرب منها مرره احسهم كذا لحالهم الله خالقهم من جد احسهم مادري كيف .. والله انا كلمت ابوها من باب انه اي أب يفرح انه بنته بترجع لزوجها واظن هالشي ييفرحه وبعدين انا اقولك هو من ايش زعلان بالظبط .. زعلان من كلمتي اللي قلتها اني ما ابي بنت وابي بنتي بس انا قلت اذا بتقعد على هالحال انا مابيها .. يعني حددت ماقلت هالكلام بس . وحرمتي تقول انها خافت من ابوها لانه مدري وش مسوي لهم حالة رعب في البيت ويقول عمي بنتي ما اخذتها من الشارع وقت تبغاها تقول ابغاها و وقت ما تبغاها تجي ترميها عندي ومن ناحية ابوي .. ماراح اوديه له لو يحلم وهو بكيفه الحرمه خايفه من ابوها وماتقدر تكسر كلامه فاهمتني وبعدين هو متوقع مني لارجعت حرمتي قلة حيا يعني بحرمه من شوفة بنته الا بالشهر مره وانا والله ناوي اغير الوضع كله مره وحده وقلت لحرمتي انا جيت لين بيتكم وطلعت كذاب عشان خاطرك ومشيتها بكيفي لكن ماراح يصير الا كل خير انشاء الله انتي ارجعي بس ومالك الا طيبة الخاطر وربي يا اني حاقد على البيت كله |
اقتباس:
اللهم آمين يارب ربك يجيب الخير ان شاء الله |
لا حول ولا قوة الا بالله
ابو جوري يبدو لي ان في مشكلة ثانية تخرب علاقتك بمرتك .. خوفها من ابوها واضح ان علاقتها معه فيها خلل اشوف لو تقول لها حلي مشكلتك مع الوالد اول بعدين تعالي تفاهمي معي .. يكون احسن .. لاني احس من الي صار انها تفاهمت معك بدون ابوها مايدري ويوم انت قلت لها اننا تفاهمنا راح من وراك مدري وش سوى بس اكيد سوى لهم فلم رعب .. ويمكن هذا السبب الي خلى البنت تكذب تقول ما كلمني !! انا انقهرت منها للعلم ومن كذبتها بس اتصور ان هذا السبب الي خلاها تكذب خوفها من ابوها الله يكون بعونك ابو جوري |
اقتباس:
بس اب زي ذا صعب جداً التفاهم معه وغير كذا .. يفسر الأمور على مزااااجه هو مايدري ايش انا اقصد يعني لو اقول اي كلمه هو يفهمها بكيفه هذا اكثر شي قاهرني |
[QUOTE=ابو جـــــوري;2341063][CENTER][COLOR="Purple"]وعليكم السلام ورحمة الله
والله يا اختي هالعائله انا مستغرب منها مرره احسهم كذا لحالهم الله خالقهم من جد احسهم مادري كيف .. انا متابعة الموضوع بصمت بس صراحه الجملة هذي تموت ضحك :dشكلها من جد طالعه من القلب شكل ابوها موب صاحي ولا فية ابو يخرب بيت بنتة لكن ماقول الا الله يردكم لبعض ويالف بين قلوبكم بس انتبة لا عاد ادخل ابوها باي مشكلة بعدين حلو مشاكلكم بينكم |
[QUOTE=بياعةالورد2010;2341334]
اقتباس:
اصلاًَ قد قلت له احسبك معين .. طلعت تبي من يعينك قلت له والله ما عاد اشتكيك ياشيخ لو على رقبتي هههههههههههههههه |
اقتباس:
اي انزال مضلي وصاعقه :d المره الجايه كل شي حيكون ارض ارض تجي من فوق يطخونك ههههههههههههه قلنا ابوها الراس الكبيره طلع مسلح :d وجات على راسي تسلملي ويسلم مرورك فديتك |
البشاره ابشركم الحمد لله انحل الموضوع اليوم اكيد بتسألون شلون انحل :) اخذت ابوي ورحنا بعد صلاة العشاء قعد ابوي وعمي يسولفون ويتكلمون وانا قاعد وسطهم لحالي مادري وش الهرجه ويضحكون ويتذكرون ايام زمان وبعد ساعه ونص من القعده والله انه جاني الغثى الا عمي قام يقولي .. ابوك لي عنه سنه وثلاثه شهور وهذي الطريقه الوحيده اللي اقدر اجيبه فيها عشان اشوفه واجلس معاه والدنيا يبغالها صبر ياولدي وقال لأبوي ولدك لسانه طويل وقال اني قلت سبات بصراحه ارتقي اني اذكر او أللمح لها في هذا المكان وقلت له ياعم والله انك تجيب الكلام ذا من كيسك سيب الحركات اللي مالها داعي ويقول انا اخذت بنتي و وديتها المستشفى وكشفت عليها طلعت مضروبه قلت بس ياشيخ وما بين انها مضروبه بسكين ولا بخشبه ولا مرميه من الدور الرابع قال ذحين اجيب لك التقرير .. قلت والله ماعندك سالفه جيب التقرير قام يقول لاماله داعي وقعدو ينصحوني الأثنين ويشتكون من حريمهم اللي يقول انا صابر عليها ثلاثين سنه واللي يقول انا طلعت لي نخله فراسي قلت طيب والنهايه قال قوم شيل مرتك وبنتك وتوكل على الله وحطو العشا وتعشينا واخذت مرتي وبنتي وتوكلة على الله وهذي نهاية القصه الطويله العريضه حرق دم وحرق اعصاب ع الفاضي وعمي يقولي انا تعمدت اسوي فيك هالحركات بس عشان احرق دمك واحسسك ان الضنا غالي وفي الأخير واشكر كل من اهتم لموضوعي و واساني ودعالي وأسال الله ان يرزقهم من حيث لا يحتسبون وكل الأخوان القائمين على هالمنتدى والله يكتب لنا ولكم السعاده ولا يحرمكم منها ويرزقكم الجنه ويرزكم الذرية الصالحه يارب العالمين اخوكم / أبو جـــــوري |
كلللللللوووووووووووووووووويييييييييييييش
الف الف مبروووووووووووووووووووك ياابو جوري الله يسخركم لبعض وان شاء الله حياتكم الجايه كلها سعاده وتفاهم واكيد انتو الاثنين اخذتو دروووووس بهالفتره الله يسعدكم ويخليكم لبعض |
:14::14::14::14::14::14::14::14::14::14::14::14::1 4::14::14::14::14::14::14:
الف ملييييييييييييييييييييون مبروووووووووووووووووووووك والله الله بأم جوري وان شاء الله على طوووووووووووووووول نسمع هالاخبار الحلوة |
الف مبرووووووووووووووووووووك
تدري ياخوي ؟؟؟ شفت كيف بنتك غالية عندك و تحبها و يطير عقلك عشانها ؟؟؟؟ نفس الشئ عمك ،، بنته غالية عليه بس حاولوا تتعلموا من اللي صار علشان لا ترجع الحكاية من جديد لا سمح الله بس شكلك إنت ( حار و عصبي ) و زوجتك نفس الشئ الله يسهل لكم |
هههههههههههههههههههههههههه :23: والله جالس أضحك من عمك وحركاته .... باقي شوي ويقول كانت معك الكاميرا الخفية، شوفها هنااااااااك ............:23: مبارك والله يجمع شملكم ويبعد عنكم تحريش الشيطان وأعوانه ويحفظ لك أم جوري وجوري عزوبي:22: بس:d رجل:30: |
مبرووووووووك ماشاء الله اخيرآ التم الشمل بجوري وام جوري
الله يهنييكم يارب وتكون آآآآآآآآآآخر الزلات والمشاكل وترجع بعدها احسن من اول فالتفاهم والنضوج يارب ام جوري تاخذ درس من الي جرا وتتغير للاحسن... وانت يابو جوري لانوصيك بالصبر والحكمه وماعد تطلع مشاكلكم لخارج بيتكم...... |
اقتباس:
اكيد درس ومو اي درس الله يسعدك واشكر مرورك يا اختي |
اقتباس:
مايحتاج خلاص تعلمت والغلطه ماتكرر ان شاء الله اللهم آمين |
اقتباس:
اي والله غاليه واغلى مابحياتي هي بنتي ان شاء الله مايصير اللي صار مره ثانيه بإذن الله والله لاعصبي ولا هم يحزنون بس لا قفلة معاي تقفل وزوجتي استفزازيه ولا هي داريه وين الله حاطها الله يسهل حياتك ويفرج أمرك يارب |
اقتباس:
انا شايفك من امس مبسوط وضحكتك شبرين علي انا وعمي :d ان شاء الله ماتطب بعم مثله قل آمين يارجال طفشني وطلع روحي بحركاته لو قال الكامرا الخفيه مادري ايش ممكن اسوي فوجهه بس يتبلى علي مادري ليش :d ربنا كريم يعطيك العافيه على مرورك واهتمامك حبيب قلبي انت وربي يجيب الخير ويزوجك وحده على مزاجك ويحلي حياتك فيها وحياتها فيك اكرر شكري على مرورك واهتمامك ياعزوبي ويااااااااااااارب انك ترزقه ببنت الحلال يارب |
اقتباس:
اكيد يا اختي درس ما انساه قاعد لحالي سبعطشر يوم من جد طفشت ربي يحفظ لك بناتك وتشوفيهم عرايس يارب ويناولك مرادك بإذن الله |
اقتباس:
|
الحمدلله
الف الف مبروك اخوي ابو جوري وان شالله تكون هي تعلمت من الدرس واهم شي بنتك الله يخليها لك يارب وربي فرحنا لك |
اقتباس:
الحمد الله انها انحلت لكن ترجع المشاكل الكبيرة لوضعها وأزماتها ,,الا اذا كبرت "عقلك "بأمور تجلب الراحة لك ولزوجتك ,, "وعقلها" بتحمل وصبرها على مسؤليات الحياة الزوجية والتزام الهدوء في كل امورها ليطمئن حالها ويسكن زوجها اليها .... والشئ الثاني تزعلون ويطق فيكم عرق لما الواحد يجيب كلمة على"" ام الزوج ""وتبدأ الادله وووو!! (معليش على التصريح لكن هذا هو الحال) وكله عشان انها مقدرة وماتنزل قدرها واحترامها >>طيب ماختلفنا !! لكن لما توصل عند ابو الزوجه كانه من عالم اخر ولا واحد من اخوانكم تتكلموا عليه ,,, بـــــركم للوالدين واجب فالبر للوالدينا والاحترام من حق الأخرين ومقدم على الوالدين الغير ,, ونعلم ان في بعض المواقف الرد معنا ولكن قد يكون من الصعب الرد عليهم او جرحهم ,,,, فالمقبول مستحسن ولانعاملهم بالمثل ,, وحتى اذا ذهب الغضب لايكون هناك سوء ادب.. هذا تعليق ذكرته على موضوعك لأني لاأحب ولا اريد ان توصل المشاكل الزوجية الى اهانة احد الوالدين سواء من الزوج أو الزوجة .. واتمنى يكون مايزعجك الرد ؟؟؟ |
الله يبعد عنكم الشيطان
ويصلح بالكم اجمعين |
اقتباس:
ان شاء الله يارب وربي يبارك فعمرك اخوي خيال |
اقتباس:
مع ارسااال نسخة للمشاكل المحلوله |
| الساعة الآن 12:35 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©