|
اقتباس:
الشكوى على الله تعودت على كذا وطبعاً هي المسكينة والمظلومه ترى انا الي غلطان وليه اجي من الدوام مانام المفروض اني اول مافصخ ثوبي انام ولا اعكر عليها |
اقتباس:
شايفه نفسها وعنيده وحاسة اني سبب حرمانها من كل شي واني انسان مريض نفسي طبعاً هذا كله من امي الله يهديها هي الي عطتها اكبر من حجمها وحسستها انها افضل الخلق وحنا رعاة عندها |
ابسالك سؤال هل هي تحبك وايش تحس انت بعلاقتك معها
|
ننتظر جديدك بفااارغ الصبر ..
دمت بأمان =) يسر الله اموركم .. |
انت الحين حطيت نفسك الملاك وهي الشيطان
اكيد فيك عيوب مثلها ثانيا وش حادك وصبرك عليها اكيد فيه سبب |
لي عوده لتعليق مفصل بعد مااخلص من عيالي
وزوجي خفيف الدم مع الكل وسليط اللسان معي انا لاضفي تعليقي الذي لا يسمن ولا يغني من جوع |
اقتباس:
وأنا قلت أني ملاك الله يصلحك أنا مجرد شخص فيني عيوب بس ماهو مثلها ع الاقل |
اقتباس:
وابلغ من يصف تلك الحاله قول الشاعر.. ان انت اكرمت الكريم ملكته... وان انت اكرمت اللئيم تمردَ متابع لك بصمت وروية... عسى الله ان ينفع بك ولك |
اقتباس:
مايربي الحرمه الا حرمه ثانيه لاكن فيه شي ماعجبني في موضوعك باي حق حاولت تنزل الجنين هي امنا بالله ماتخاف الله ولا تصلي لاكن انت من حللك تنزل الجنين ومن الي قالك انه بشهور الاولى يجوز تنزل الجنين ؟؟؟؟؟؟؟؟؟؟؟؟؟؟؟؟؟ |
اقتباس:
اسعدني مرورك اختي الفاضلة هو اكيد مايربيها الا حرمة مثلها وبالنسبة للجنين انا يوم عرفت طبعها كنت عارف انها عوبا ولا قلت شي وسئلت الشيخ قال اذا في الشهور الاولى يجوز مادام انه ماتخلق وهي ماعندها مانع في شي لو تقول لها بنغير الديانة اتوقع توافق اعوذ بالله |
اقتباس:
لاكن دامك سئلت شيخ فالله وحده اعلم |
شفت العقال اللي تلبسه فوق الشماغ أدخل عليها ومحطها بكم ضربه على ظهرها
هي من البدايه شافت فيه تساهل وتستر وأمك لاتتدخلها في مشاكللك اتوقع منت بصغير علشان تنادي أمك وتقول تعالي شوفي سلة الفواكه لها كم يوم بمكانها خذ كلمتك من رأسك وسو اللي تشوفه يريحيك من غير أخذ أي رأي وثاني شئ أنوقع نسبة الغلط منك أنت أكبر لأنك عطيتها وجه أكثر من البدايه لابد من الشد والحزم والله يعينك على مابلاك |
اخواني اقدم لكم نشرة المساء لهذا اليوم الهادئ من مقرنا في ( ابو غريب ) :23: اليوم وبعد اخر نشرة رحت وصكيتها نومه جنب المعزبة وفي وسط احضاني ماي بيبي طفلي يعني,,,,,, المهم مادريت الا راحت علي نومه لان صار لي فترة من يوم اجي من الدوام اقعد صاحي العصر ولا انام الا 11 بالليل مالكم بالطويلة قمت وتوضيت وصليت المغرب ويوم جيت اجلس واحصل قهوة قدامي حسيت بدهشة وذهول وسويت نفسي عادي تقهويت وجلسنا ساكتين كلن مبرطم :25: قالت تعشا هنا قلت لا جت صلاة العشاء قلت قومي صلي وقعدت تطالع فيني وتضحك وهي حاطه البطانيه عليها في المجلس وتفرج تلفزيون كأني يوم قلت صلي حسيت في نظرتها تقول ماتعرف ديانتي انت :30: نزلت تحت لا اهلي ومشيت ورحت العب ولدي مع خواتي وعيالهم المهم جلست انا واختي ونسولف وجا طاريها !! وابشركم لقيت نصير لي وحسيت اني فعلاً ماظلمتها بعد ماكنت متوقع رغم الي تسويه ان العيب يمكن مني جلسنا نسولف وصارحتني اختي وقالت ولله ياختك تراها عوبا وماكنا متوقعين انها كذا بس وش نسوي طاح الفاس في الراس قلت اخيراً عرفتو لاحد يلومني اذا جيت اعرس اجل وعلمت اختي يوم تقول خذ فضلتك ميد ولدي وقالت بصراحه الكلمة هاذي قويه وماتستحتي على وجهها هاذي... المهم قلت اذا جا عندك فرصة انصحيها وضحي لها بدون ماحد يدري قالت يارجال امها عجزت فيها بس بسوي الي علي بطريقتي طلعت فوق وهاذي هي قدامي وقلت غسلي ملابسي وراحت وغسلتها والحين قلت لها اكويها قالت بكويها الفجر وسكت والى الان انتظر تفتح موضوع منبطحه تطالع في التلفزيون والبلاك بيري في يدها هاذي نشرة المساء لهذه اللحظه اي اخبار عاجلة سوف اوافيكم بها في حينها تابعونا بإستمرار اعزائي المتابعين :30: |
ترا البزر اللي ماتجاوز عمر سبع سنوات لابد ينضرب علشانه مايصلي
وانت اللي عندك مدلعها ومعطيها على جوها لاحول ولاقوة إلا بالله مدري وشلون قبلت للك نفسك تعيش مع وحده ماتصلي هذا بغض النظر عن وسخاتها |
اقتباس:
|
^^^^^
مافهمت وش يعني حكم قرقوش |
حاول أخي الكريم نقاشاتك معاها ماتخبر أحد فيها سواءاً أهلك أو أهلها بدأً من الخطة الجديده ربي يسعدكـ والله يا أضحكـ جالس على كلمة (عربجيه) وغييرها |
صلحت قهوه
يعني بدأت خطوه إيجابيه طيب ما رأيك أن تبدأ بمساعدتها بتنظيف المنزل بس إنت خلك زي المشرف او امسك الولد الله يهديها ويسخركم لبعض عطها فرصه للإصلاح من نفسها |
الاخبار العاجلة توني الحين جالسين في المجلس وكلن منبطح وقلت لها يابنت الحلال تبين تستقيم الحياة وتزين امورنا كلها لازم تصلين قالت اصلي وطبعاً الرد كالعادة ماهو لازم اصلي قدامك لا وش قالت بعد قالت ياخي انت تصلي ماتوضي قلت وانتي وش دراك انا على طهارة ! قالت لا قلت خلاص يكفي انك تشوفيني كل مره اوضي راحت قالت طيب تصلي بسرعه قلت ماشاء الله يعني تدورين اي شي عشان تحطيه عذر لك ! يعني انا لو اشرب حشيش بتقولي انت تحشش لازم احشش معك ! انت في راسك تنسيم ولا وش شفيك استحي ترى الله فوقك والكلام هذا لنفسك يابنت الناس سواء معي ولا مع غيري ان بقيتي على الطبع هذا ولله ماحد يقعد عندك كل مانقولك يمين تقولين يسار تكذبين عيونا ادوخت راسي في دقيقتين قلت جعلني ماتسلف منك ولله ان تطلعينها مع خشمي انتي مشروع محامية لو يسوون لك وكالة في الامم المتحدة حررتي القدس في ساعة اخر شي قلت الله يرحم والديك فكيني من لسانك وبس قالت تستاهل الي يجيك قلت فعلاً استاهل الي يجيني متعودة على طولة اللسان وانطميت ورجعت ابرطم مره ثانيه انسانه ياجماعة والله العظيم ان الجدال معها عقيم ياناس ماتخلي لك فرصة ان قلت لها انا هاوشتك عشان كذا تقول لا انت تدور المشاكل طيب من حقي اوضح عيوبك والي قاعد يصير عشان تلتفتي له قالت ياخي كل انسان فيه عيوب قلت يابنت الناس في حسنات تغطي العيوب قالت شف عيوبك قلت الحمد الله حسناتي اكثر من عيوبي قالت انت اصلاً شايف نفسك ومغرور،،، وهذا الي صار طولة لسان مافيه مجال للتفاهم اهــــب ياوجهها |
:: صدقني أنتم الاثنين مناسبين لبعض وفاهمين على بعض بس هي ناقصها مروض شاطر وراح تطلع شيءء أعتبرها فرس ومحتاجه لسايس جيد وأنا بدأت أحس أنها ممكن تتعدل ياهووه سوت لك قهوة وصحت قبلك هذا بحد ذاته إنجاز:d وأختك مو حلو تعلمها بأسرارك مع زوجتك خلك كتوووم وحل أمورك معها بالخفيه :: :: |
الله يعينك ويصبرك
خلك شديد معهاااااا لاترخي خصوصا أنكم ببدايه اذا انت شديت عليها وصرت قاسي ورايك ماتغيره بتكون كذا تعودت على هالشي بقولك قصه واحد من الجماعه زوجته عوووووووووبا وزعلت وراحت لأهلها المهم الرجال اندبلدت كبده وراح اخووه يخطب من جيرانهم الحرمه من عرفت انه يخطب انهبلت ورجعت لبيتها وصارت سسسنعه |
اخوي
مع اني والله ما الومك على جفاف اسلوبك معها ببعض الاحيان لكن .. بما انها قاعدة تتحسن شوي شوي .. فحسن اسلوبك انت بعد عشان ماتتحطم هي وتقول اسلوبه هو هو خدمته ولا ماخدمته وشو له اتعب نفسي يعني مثلا المفروض يوم سوت لك القهوة تمدحها بكم كلمة لو من لتحت .. تحسسها انك تشوف بها حسناتها مو بس عيوبها .. انتبه اسلوبك لا يظل نفسه وشي ثاني مهم : تبيها تتغير بس مافي احد يتغير بيوم وليلة ... ابدا بالاهم ثم المهم يعني انت سوت قهوة ما مدحتها بعدين غسلي ثيابي غسلتها بعدين اكويها ردت الفجر شوي شوي لا تدقق بكل شي وتعطيها اوامر ورى بعض انتبه ترى تحس انك تستفزها كذا الله يسخرها لك ويجعلها قرة عين لك ويجعلك قرة عين لها ويالف بين قلوبكم امين |
بالعكس زوجتك عسل تهبل بسم الله عليهاا شوف ماشالله عليها سوتلك القهوه من دون ماتقوولهاهذي هي
البدايه ماراح تتعدل من يوم وليله اصبر عليهااا شوي وبعدين تقولك انت ماتوضي وصلاتك سريعه يعني هي تقتدي فييك استغل هذي النقطه زوجتك سريعة التاثيير بسرعه تتأثر اذا جيت بتوضي حااول توضي قدامهاا وارفع صووتك (قوول لااله الا الله) <<<<<يعني ياعالم قوموا صلوا واذا جيت بتصلي صل قدامها كوود يليين قلبهاا وارفع صوتك وانت تقرا خلهاا تسمع الايات واثبتلهاا انك احسن منهااا واسلوبك خلك جاااد معهااا اكثرر لانها بأسلوبك هذا بتاخذ الوضع عادي وتتمادى |
يبدولي إنها قابله للتغيير ..
واصل .. ويبغالك نفس عميق وحلم وصبر طووويل للترويض .. لكن قبل كل شي : علاقتك مع الله يا أخي .. (( من أصلح مابينه وبين الله , أصلح الله مابينه وبين الناس )) الدعااااء.. أقوى سلاح للأصلاح .. والأستغفاار .. مع الأخذ بأسبااب التعامل معها.. أصلح الله حالكم .. |
لاحول ولا قوه الا بالله اخوي هذا مو اسلوب تنقل لنا بس احداث اليوم وبكذا مارح توصلون لحل ضروري تجلس معاها وتكون شوي حازم وخليها تحس انك هاذي المره غير كل مره الموضوع جدي ولازم تتخذون قرار عشان حياتكم ولازم تعرف انه يلزمك الصبر الكثير فوق صبرك وتقتنع انه التغير مارح يكون بيوم ليله يعني خطوه خطوه الله يعدل احوالكم وان شاء الله جديدك يبشرنا بالخير الكثير |
السلام عليكم
أخي الكريم إذا أردت التغيير عليك أن تسعى إليه ، عليك أن تحسن نفسك أيضا قبل زوجتك يجب عليك أن تغير من بعض طبائعك التي تزيد الطين بلة عليك اكتساب الهدوء، في الكلام و الأفعال ، لكي تصل لأهدافك لقد تجاوزت نقطة مهمة و هي إدخال أهلك في المشكلة ، أنا أرى إذا أعاب أحد أفراد الأسرة زوجتك أن لا تكون معها و لا عليها ، كان يمكنك أن ترد بأنك ستحاول إصلاحها وتذكر زوجتك ليست عدوك بل هي نصف دينك فإن أحسنت إليها فقد أحسنت دينك زوجتك صغيرة في السن ، هي كالعجينة في يدك أنت من يصنعها كما يريد ،أفسدتها في البداية بالدلال لكن يمكنك تدارك الأمر فلا تعجل في الحكم عليها البلاك بيري أرى أن تتخلص منه لأن خطير في يد مراهقة 0أقصد زوجتك0 ، حاول أن تتخلص منه بطريقة غير مباشرة لا لالالالالالا تدخل أهلك في الموضوع و لا تشتكي إليهم تذكر دوما في حياتك و في أي مجال أن بعد العسر يأتي اليسر |
1) إصلاحها للقهوة دليل إحساسها بالخوف منك..وهذا شيء حسن.
2) يا ليتك أجبرتها للقيام إلى الصلاة، وهذا هو الأهم...حاول أن تراك تتوضأ أمامها، وادعها للوضوء والصلاة أمامك..لا تتهاون في الصلاة أبداً. 3) اجعلها تكوي الملابس، ثم امدحها بقولك (جزاك الله خيراً)، ولا تزد عليها..وامدحها لأفعالها الحسنة في الأيام القادمة. 4) أخرج أختك وأهلك من الموضوع..واحذر أن تنصحها أختك؛ كي لا ينقلب الأمر ضدك، وليس كل النساء يقبلون النصح من أهل الزوج، فانتبه لهذا. 5) لا تدخل معها في جدالات عقيمة، وإنما اكتفي بالأمر وتوجيهه، ولا تناقش وإن حاولت أن تناقشك إلا إذا رأيت النقاش مهم. 6) وافنا بالجديد من جبهة (متورط بمرتي:d). |
فيها شوفة النفس يجوز ! لكن انت تراك منت خلي فيك كبررره .. اعتقد زوجتك لصغر سنها ولجهلها ويمكن من طريقة حياتك معهاا اعتبرت تدليعك لها بس لجل تشوف حالك عليها وانك قادر وسويت لها اللي ماسووه اهلها ولا ازواج خواتها لها ومن هالكلام فماحسته انه لها كل هالدلع مو لسواد عنونها لا لجل ترضي غرورك انت لااكثر "انا اقول احتمال هيك " ونتيجة كل ذا تصرفات زوجتك معاك انت راجع نفسك وتصرفاتك معها من اول شهر ان لاحظت انك كل شي منيته عليها بوقت الزعل فاعتبر نفسك ماقدمت لها شي لجل تحاسبها عليه كل شي بمنننه ينعاف حبها لنفسها ودلعها لنفسها مو تقدم لجل تنتظر الجزاء ع طول ولا انتي فيك وفيك وماتسوين ومن هالتجريح شي ثاني البنت صغيره .. ماعليك من اللي يقولون بعمرها وفاتحين بيوت و وو وهالخرابيط زوجتك مدلعه ببيت اهلها فتحملها اذا جد تبي حياتكم تمشي وامش معها حبه حبه .. البنت يمكن جد حامله بقلبها مثل اللي انت حامله واكثررر بس مهي مثلك ع الطالعه والنازله تعاتبها او تنتقدها او تعلم اهلك او اهلها كل شي استخدمته وهالشي يسبب لها تبلد بالعكس مايخليها تتعدل تقول فاضحني فاضحني وشوله اتعب عشانه خذ مابخاطرها قالت لك انت فيك شوفة نفس اسمع لها لو مره بجديه بدون استظراف وبدون تجريح وقول قولي كل اللي بخاطرك علي من تزوجنا لليوم وحسسها انك جاد بليز لاتجرحها بكلامك ولاتتضحك ولا شي امسك يدينها وحط عينك بعينها وقولها كلمتين حلوه وبعدها قول اطلبك طلبه تقولين كل اللي بخاطرك علي ونبهيني لكل شي غلطت فيه بحقك وخلاك تعامليني كذا حسسها انها مظلومه حتى لو انت حاس العكس .. وان فضفضت وبكت بعد لاتستغرب وان قالت اصلن مو هامني انت لجل افضفض لك و قول انتي هامتني احرجها بكلامك وخلها تفضفض وان رفضت قول الا ترسلين لي ايميل فيه كل اللي بخاطرك علي اذا اريح لك كذا وخذ وعددد منهاااا ترسله ولزم عليها بهالشي اتوقع بتتضح لك اشياء واجد انت غايب عنها لانك حاط نفسك المظلوم وبس فمركز على عيوبها انا ماشوووف كل اللي تسويه الا (( رددددة فعل )) لان مافيه انثى تقدر توصل لهالمرحله من اللامبالاة بكل شي الا ان قلبها مليااان وتعبان بليز اذا شاري بيتك خذ مابخاطرها كلللله قبل تاخذ نصايح العالم باللي لازم تسويه معهاااا لانك سويت وكفيت ووفيت وكل شي سويته خل زوجتك مره تسوي وتقول مابخاطرها بدون تتحرش فيها لجل تنفعل ويتطاول لسانها وتقول عوبا وطويلة لسان تعالها بالحسنى وشووووووف شي اخير نومها بهالشكل يمكن انه هرووووب منك او البنت مكتئبه فتهررررررررررررب من الواقع بهالشي لاتستبعد شي الله يسخركم لبعضضضض |
أكره هالنوعيه من بنات هالوقت
يجيبن المرض ويقصرن العمر والمشكله انهن على قفا من يشيل من كثرهن اللهم اكفنا شرهن |
اخوي الكريم
اذا ماخذ راي اختك اسمحلي الاخت لو زوجتك ملاك لازم تطلع فيها عيوب الا ماندر ولا تاخذ البي بي منها لانك كذا تعتدي على خصوصيتها ومسالة تهديدك لها بالزوااااااااااااااااااج هالسالفه وربي وربي وربي اني كرهتها امس كله متنرفزه من هالراي الغبي الي مدري من وين طلع لنا انا الحين افقد للامان بحياتي وربي احس باي لحظه بتطلق او ان زوجي بيعافني بسبب الافكار الغبيه زي كذا راي اخونا البليغ عن اعطاءها توجيهات صارمه اايدك عليه تماما وبالنسبه للجامعه قلها انا ماراح احرمك منها بس ناجلها سنه لين تادين واجباتك الزوجيه وتتعودين عليها وابشري بالجامعه لما اشوف طلباتي قدامي وكرر عليها طلباتك من دون اي اهانه او طولة لسان واكرر بدون اي اهانه او طولة لسان لو سمحت لانك ماتقصر بهالناحيه واستعمل معها الثواب والعقاب بادب يعني لما شفت القهوه جاهزه ابتسم لها شفت شي مو نظيف او موب جاهز قل بصوت متذمر مااقصد تصارخ لابنبره هي تسمعها لا حول ولا قوة الا بالله ولا ترد على تعليقها ابدا لانك اذا رديت عليها ونقاشها خصوصا العقيم منه راح يكون تفكيرها بكيف اجادله واذا سكتت راح يكون تفكيرها كيف احل هالمشكله وهذا الي احنا نبيه متابعه من وراء الكواليس وموفق اخوي |
نومها بهالشكل يمكن انه هرووووب منك او البنت مكتئبه فتهررررررررررررب من الواقع بهالشي لاتستبعد شي انا معك اختي بهالنقطه وصحيح انا عانيت اكتئاب وربي اني اتعب من النوم واتضايق منه واحاول اني اهرب من زوجي وكلامه الي يذبحني بدون رحمه بكل وقت واي حال مع انه ماقصر باي شي ودائما انا الملامه ويقولون لي ماقصر معك بس هو يقدم لي بنفس منانه ولسان لاذع ونظره منتقده تطور معي الاكتئاب الى ان وصلت لحاله من عدم الاستغناء عن حبوب الاكتئاب وابشرك تعلمت ارد عليه بنفس الطريقه الي يكلمني بها والان ماحس بالذنب لاني اطول لساني عليه لان المعامله بالمثل مع نمونة زوجي مريحه جدا خبره 10 سنوات زواج ولله الحمد |
أخبارك اخي متورط بمرتي صراحة انت تمتع بروح فكاهية عالية وهذا شي جميل وأما زوجتك لو أنا مكانك امسيها بكف وأصبحها بكفوف عشان ماتلحق تنسى من جد اذا هذا دلع اعذرني دلع ماسخ وزايد عن حدة لكن نصيحة من اخوى مالة تقريبا اسبوع يعرف قيمة الحياة الزوجية اتبع اسلوب الصمت ولاتجادلها أبدا كلمتين ورد غطاها خاصة اذا كانت على غلط صدقني مرة واثنين بتجي من نفسها تصالحك اصبر ورح تشوف عجب العجاب نتيجة صبرك واكبر دليل صبر زوجتي على اخي ماالمانع بان تكمل دراستها دعها تذهب تختلط بناس لان قعدت البيت بنظري شينة وهي السبب الرئيسي للمشاكل ماتشوف الا انت طبيعي بتمل او تختلق مشاكل دعها تذهب وسترى اختلاف في تعاملها اتمنى أني فدتك بشي *
|
اقتباس:
|
لي عوده على الردود
|
اقتباس:
الله يعينك ولكن حاول معها |
اقتباس:
لو كل الناس تفكر نفس تفكيرك كان مابقى للمرجلة وجود... حيوانة هي عشان يضربها؟؟ |
اقتباس:
الله يسخرررره لك ياقلبي .. ويريح قلبك وعقبال مايمل اسلوبك معاه ويتسنع لجل يشوف السنع يارب :22: النار مايحس فيها الا اللي واطيها .. انا انسانه احب المثاليه وابي كل شي كامل ومثالي ومانتبهت لاسلوبي انتقد اي شي يسويه زوجي بشكل ناقص ! وفكرت هالانتقادات ماتزعل وانه شي عادي :25: لين صار زوجي يدوّر الزله بأي شي ناقص بالبيت واتضايق وعرفت انه يبي يوصلي احساسه لاأكثر هذا اللي اتوقع تمر فيه زوجة اخونا "متورط بمرتي" الله يهدي سرهم ويوفقهم معليش اعذرني اخوي ع الرد من جديد احترامي |
الحمد لله إن شاء الله بتتحسن أموركم بس عليك أول شيء بتحسين علاقتك بربك والدعاااااء وابدا فيها والله إذا حسنت العلاقة بينك وبين رب العالمين تتصلح كل امور دنياك .. بالنسبة لنوم .. إذا زوجتك نومها ثمان ساعات فطبيعي لكن وقته مو حلو لازم تعدل وقت النوم فقط ... أما إذا أكثر من ثمان ساعات فروحوا أكشفوا على غدتها الدرقية يمكن فيها خمول وتراها تسبب الكسسسسل ... انا عانيت منها والحمد لله الحين اتعالج وتحسنت حالتي ياربي لك الحمد .. |
لدي الكثير من الكلام .. لكن ما الفائدة منه .. لأني ودي اتأكد هل زوجتك تحبك ومقتنعه فيك
بالنسبه لي .. مستحيل جدااااااااااا .. وأنت قاعد تدور في حلقه مفرغه .. ومنت قادر على اتخاذ القرار الصارم معها .. فمشكلتك منك وفيك , أنت عارف الحل وضعيف تتخذه وزوجتك أدرى بضعفك ولهذا تتجرأ عليك |
اقتباس:
لايجي يقول لي صاحب الموضوع حكم قرقوش ولا فرفوش الصدق ينقال |
| الساعة الآن 01:14 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©