|
رد : وصلنا الى طريق مسدود
موهبة وشرايك تدلين زوجك على
المنتدى الطيب هذا .. والأخوان العقلاء ماراح يقصرون بإذن الله.. أما اللي قلتيه عن زوجك وعلاقته بامه وهذا هو استقراره... هذا يشرح شي كثير أولها ان زوجك ماعنده ثقة في النساء وبطلبك للطلاق تزيدين الفجوة بينك وبينه أكثر ويشعر انك شي مو ثابت في حياته وممكن يزول.. الاولى وضعها غريب جداً لا بيت لا حياة ولا كأنها زوجة أصلاً .. يعني من الآخر عيشه تقصر العمر وحالك احسن بكثير اللي ماخذه حقها وزياده اتوقع امه... عندي احساس انه يتشرب كل شي منها وهي نافذته على الحياة .. ان اعجبها شي صار معجب فيه وان اخذت فكرة سيئة عن اي شي صار ولدها مثلها؟ موهبه هالكلام اللي كتبته صحيح؟ |
رد : وصلنا الى طريق مسدود
اي نعم بالضبط هي تدور ابوه واخوه وهو بصبعها
وبما اني ما عجبتهم ولا حققت هدفهم فصرت من البلاك لست هي تموت بولدها وتحبه حب تملك حتى الايام المعدودة اللي ايينا فيها تدق عليه وان البنات محتاجينك وتتمسكن عشان يروح لها الوضع الان عاجبها 1000٪ ما همها ولدها مستقر او لا المهم يكون تحت سيطرتها ويمها حسبنا الله ونعم الوكيل والصراحة يا عقد انا مو مازومه ارد اريبه وابين له الصح من الخطا خلاص هو ما يبيني ليش اتمسك فيه والله يا جماعة عشت 3 سنوات اجاهد واكافح بس عشان بيتي وعشان الاستقرار الوهمي اللي ابحث عنه اخر مشكلة احس اني باتشنج منه ومن فعايله خلاص الله يكفيني شره وهو بطريج وانا بطريج |
رد : وصلنا الى طريق مسدود
متفاءلة توني اقرا ردج عدل
لا والله ما احبه احب الاستقرار ومو لاقيته ليش احب انسان اذاني وما عنده نية يوقف اذية لي لا احبه ولا اكره بس اتمنى من الله ان يشوف اللي وراني اياه بدنيته هو مو حاس ولا مدرك باللي سواه فيني بس سبحان ربي اللي ينصر المظلومين مرده بيشوف اذا هو بيرجعني ويوعدني ان يتعدل كان بها يبي يصر على ظلمي فرقاه عيد |
رد : وصلنا الى طريق مسدود
الان هو سافر
وان شاء الله اليوم او باجر ببدا الم اغراضي وواستقر في بيت اهلي اتوقع ماراح يسوي شي الى ان تاتي امه |
رد : وصلنا الى طريق مسدود
شبكم يا جماعة بتطلبو من المرأة تتحمل و تضحي باعصابا و كرامتا و حقوقها .. مقابل بس يرضا الرجل عنها
هادا النوع من الرجال اسمو دلول الماما .. وقد ما حاولت معو مافي فادة شوفي موهبة انتي حاليا عملي تجربة لحالك اعتبري حالك مطلقة منو لا تحكي معو و لا تبحثي عن اخبارو شوفي حالك رح ترتاحي على الوضع الجديد او لا حاليا لا تاخدي قرار على ارض الواقع خدي قرار بخيالك و حاولي تجربيه ازا عجبك الوضع. طبقيه على ارض الواقع |
رد : وصلنا الى طريق مسدود
سهر الشام هذا اللي قاعدة اسويه
من ناحية نفسي مرتاحة من لسانه ومن ناحية بنتي قلبي معورني انها مشتتة بيني وبينه ولو اني اقول اهي بهالسنة مو واعية وراح تكبر على على هالحال احسن من ما بعدين تالف ان ابوها يكون عندها وبعدين يتبدل الحال وانا علاقتي مع بنتي صارت اروع واهدا واروق |
رد : وصلنا الى طريق مسدود
موهبه انت ترتاحين في بيت اهلك؟!
انت الان مشحونهرجداً لكن اذا هديتي احتمال تبدءين تتضايقين من بيت اهلك من ثلاث سنين قلت لك يبي لك تتعلمين الكيد وانت ما فيك من الكيد والصبر وطولة البال شي |
رد : وصلنا الى طريق مسدود
:22:
اقتباس:
|
رد : وصلنا الى طريق مسدود
الطلاق ليس حلاً
جميع المشاكل لها حلول والصبر مفتاح الفرج انتي الآن في مرحلة ابتلاء يقول أحد الصالحين اني افرح حين أكون في بلاء لأن القادم هو الفرج انصحك بتشغيل سورة البقرة وحصني بيتك وزوجك ونفسك |
رد : وصلنا الى طريق مسدود
انا اشهد اني مافيني كيد
حاولت اغير نفسي ما قدرت لا يكلف الله نفسا الا وسعها وانتوا يزاكم الله خير عملتوني الكيد بس ما اعرف اطبقه واذا طبقا اطبق جم يوم وارجع حق طبيعتي وامه ام المكر وزوجته كذلك والصراحة انا ما احب اعيش في جو من المعارك كل وحدة تبيه لها ابي اعيش بسلام وبس |
رد : وصلنا الى طريق مسدود
ومن قالك غيري نفسك بحيث تضغطين عليها مو تريحينها؟!
شفتي الروج اللي تحصله مهره كل مره هذا كيد نساء عشان تحر مهره وتقهرها وتخليها تتهاوش مع زوجها ما نبيك تكيدينها هي نبيك تكيدينه هو تعلمي وشلون تاخذين حقك بدون كلام |
رد : وصلنا الى طريق مسدود
عندي نظرة مختلفة تماما عن نظرتك لزوجك ... زوجك مو عاطفي أبببببدا ..
المسألة مو مسأله كيد نسا وهو كان واضح معك من البدايه .وقالج غرضه من الزواج امرأة تربي بناته .. وهو لا زال يدور هالمرأة ... وبتقديري الثالثة جايه عالطريق تحل مشاكله كلها ويخلص من دوامتك ودوامة زوجته الأولى .. يمكن يلاقي عند الثالثة اللي ما لقاه عندكم . برأيي ما دام طليقك تقدري تتقبليه بعيوبه وزوجك مو قادره تبلعي عيوبه معناها طليقك لسه ما طلع من قلبك فتطلقي أحسن ..لا تنتظري زوجك يصالحك |
رد : وصلنا الى طريق مسدود
والله يا شوك جان زين تفيديني
لا تقولين لي كسبي امه امه ما تبيني لانها ما حققت هدفها فيني والحين تشوفني عقبه وعثرة بحياة ولدها وهو حاليا ما ابيه لا ابيه ايي ولا يبات ولا شي بس والله صبرت وايد اقولج تخيلي يقولي اذا راحت مرتي انتي تعالي؟؟؟؟ بالله هذي شنو تفسرينها؟؟ غير استهتار بمشاعري وهو اشكره عنده رضا زوجته افضل من رضا الله عليه عادي يظلم في سبيل رضا زوحته الله يصلحه |
رد : وصلنا الى طريق مسدود
بيتا واخيرا لقيتج
مو هو اللي قالي ابي وحدة تربي بناته هذا كلام امه هو قالي متزوجج عشان امي وحاليا يقولي هذا اللي عندي تبين اهلا وسهلا ما تبين براحتج ويقول راح تصبرين وراح ينفد صبرج وانا هذا اللي عندي هذا كلامه يعني ما يبي يتغير كيفه بسلامتها ومن قال ابي يصالحني انا قلت يا اما يتعدل ويعيشيني حياة مستقرة غشان بنته او يفتح الله |
رد : وصلنا الى طريق مسدود
موجوده معك يا موهبة من بداية موضوعك
بنبهك لحاجة واحده بس حبيبتي انتبهي تبني حكمك على اي تصرف لزوجك بناءا على تخمين او نتيجة تحليل او افتراض .. لا تخلي الغيرة هي اللي تتحكم فيكي وتعطيكي افتراضات من عندها مثلا تقولي ما يتغدا عندك معناها يتغدا عندها .... مش ممكن انه لا عندك ولا عندها ... مش ممكن انه يتغدا عند بناته مع اللي تحضر |
رد : وصلنا الى طريق مسدود
خالتي بيتا
لو ما يتغدا عندنا 4 ايام بالاسبوع امنا بالله بس هو صار له شهور ما يتغدا وهو يتغدا مع امه مثل ما قالت سهر الشام هو دلوع امه وامه مدلعته الله يصلحه |
رد : وصلنا الى طريق مسدود
امه هي اللي مسكت بناته
امه هي اللي ساعدته بمحنته وخذلتيه مثل ما خذلته زوجته الأولى فلا تحطي السبب أنه يحب زوجته وميت عليها ... العلة مو هنا . هي خذلته وممكن بالاخر يشوف له زوجة ثالثة تريحه الأولى مجرد أنه متوافق معها بالعلاقة ويروح لها بيتها ياخذ حاجته ويطلع .. والله ماني عارفه كيف أهلها وكيف هي قابله بهالوضع المهين .. مثلها مثل زواج المسيار على أحسن وأأدب وصف |
رد : وصلنا الى طريق مسدود
انا ابي استقرار كزوجة ثانية
مابي اكثر يوم وليلة لي ويوم وليلة حق بيته الثاني سواء زوجته موجودة او لا بس هو ما همه الا امه وبناته وزوجته خليه براحته |
رد : وصلنا الى طريق مسدود
خالتي بيتا انا ما خذلته ابدا
هو اللي خذلني واهاني وكسر كل شي فيني يبي يتزوج كيفه اثام على ظهره |
رد : وصلنا الى طريق مسدود
حبيباتي فهموني
انا تزوجته ابي الاستقرار وحاولت وحاولت وحاولت وجاهدت وما لقيته خلاص وهو ما يبي يتغير الله واياه |
رد : وصلنا الى طريق مسدود
زوجته الحين ردت بشكل كامل لبيتها ولا شلون
|
رد : وصلنا الى طريق مسدود
مبتعثة زوجته رد نص ردة
تجي يوم الاثنين وتروح يوم الاربعاء تقريبا بس ما تبي تستقر عنده |
رد : وصلنا الى طريق مسدود
خلاص وش مزعلك
مصيرها بتترك البيت لاردت امه |
رد : وصلنا الى طريق مسدود
مو هي اللي مزعلتني والا هي لها حق في بيتها وعيالها مثل مالي حق
ولكن الللي مضايقني اني ادور الاستقرار ولا لقيته غير اسلوبه وجفاءه |
رد : وصلنا الى طريق مسدود
طيب هو ماتصل فيك هاليومين
|
رد : وصلنا الى طريق مسدود
يتصل عشان بنته ويرسل مسجات عشان بنته فقط
|
رد : وصلنا الى طريق مسدود
زوجته الاولى ما هندها كبير يصحيها
ما حولهم ناس ينقدون عليها ما يوجعها قلبها على بناتها ما تحس بالاهانه وهي تروح لها ثلاث ايام بعدين ترجع بيت اهلها في سر فيه شي بسالفة زوجته الاولى شكلها يتيمة ومالها كبير ومو مرتاحه في بيت اهلها ونفس الوقت مو راعية مسءولية اذا فهمنا سالفة زوجته ممكن نساعدك لكن كذا مو فاهمين ولا عارفين ولا تصرفاتهم طبيعية!! |
رد : وصلنا الى طريق مسدود
عندي صديقة مخلصة وصادقة كلمتها عن مشكلتي
قالت حياتج ما يبيلها طلاق ولكن يبي لها تعديل وزوجج ما راح يتعدل بالكلام لازم يحس ان راح يخسرج ذيج الساعة راح يتعدل ويعطيج الاستقرار لان هو عباله ان بازعل جم يوم وبارضى ولكن انتي خلج قوية وثبتي واخذي اجازة شهر وهو اذا ارجعت امه اكيد راح يكلمها وذيج الساعة ربج يحلها شرايكم؟؟ |
رد : وصلنا الى طريق مسدود
يا شوك ولا انا فاهمه
عندها ابوها واخوانها شباب اثنين وعايشة احلى عيشة في بيت اهلها بيتهم كله بنات فمستانسة من القعدة وبعدين هي الظاهر تدري اذا رجعت رجعة كاملة راح تخسره وهي ما تبي عشان جذي تعطيه بالقطارة شوك علميني شلون اكتسب المكر |
رد : وصلنا الى طريق مسدود
اقتباس:
كلام زميلتك مضبوط والتعديل اللي تقصده هو انك تلاعبيه يحس انه يملكك وما يملكك انك له وفي يوم ممكن يخسرك انك تنشغلين عنه وما تاخذين حقك منه بالمطالبة الصريحة يعني حقك بالمبيت ما تطلبينه بالصريح الرجل مثل الطفل تكسبينه بلعبة بسالفة مشوقة بغموض وانت الله بالخير " عطيتك يالله عطني وبادلني" ما فيك نفس طويل وتطنيش حتى لو راسك يفور من الغضب والقهر يبي لك كيييييييييد بارد ودي افيدك ورب البيت لكن ما ينفع اشكره بالمنتدى |
رد : وصلنا الى طريق مسدود
زوجته معتقد عندها مكر هذا صراحه اغرب شي مر علي
ماندري ممكن كلام رفيجتج صح ويتعدل ويمكن يلقاها فرصه ويطلق يعني مجازفه وهو قبل هالمره كنتو على وشك طلاق لما كنتي بالاربعين على مااظن وكان بيخسرك لولا رحمه ربي معناته ماتفرق معاه حتى لو وصلتو للطلاق مش راح تلوين ايده والرجال يبيع بسهوله الرجال الشاري المره يبين والمره ماتطلب الطلاق ابد ولا تستخدمه مع انه مايجوز هالاسلوب الا وهي ضامنه الرجال وميت عليها لكن واحد مستبيع وعنده بعد مره شلون تادبينه بهالاسلوب انا اقول لا تساومينه وهذا زوجك ممكن مايتغير غيري من نفسك و دوسي على مشاعرك |
رد : وصلنا الى طريق مسدود
شوك حبيبتي هذا يالضبط اللي تقصده
عشان جذي لازم فعلا يحس ان بيخسرني صح اني سيئة بس محد ناقص 100٪ هم بعد فيني شي من الزين يكفي مستحملة ظررفه شوك ما اعرف شلون اراسلك بشكل خاص حبيبتي مبتعثة اي فعلا لما كنت بالنفاس كان بايع وهالمرة رد عاد نفس الكلام بس لو بتشوفين في ارض الواقع وايد اشياء سواها ما كان يسويها اولها ان طلعني بشقة بروحي زوجي ماله كلمة وكلمته مو ثابته وهو يقولي استقرار البنت وراحتها من راحتج وانا ما اقدر اسعدج ولا راح اعطيج الاستقرار اللي تبينه طبعا هذا بعد المطالبة الصريحة عموما يبي يبي ما يبي كيفه |
رد : وصلنا الى طريق مسدود
مبتعثة لما كنت بالنفاس ما كان متعلق بالبنت كثر الحين
الحين يقولي لا تنامين بيت اهلج عشان راحة البنت طبعا هالكلام قبل المشكلة |
رد : وصلنا الى طريق مسدود
حبيبتي إذا بدأتي بالتغيير استمري اصبري ولاتيأسين
واحتسبي الأجر من عند الله سبحانه الله يصلح حالكم ويحنن قلبه عليك |
رد : وصلنا الى طريق مسدود
حبيبتي موهبة
مابقولك دلليه ودلعيه واحتويه الخ الخ الخ لانك الان بنفسيه مش متحمله غاليتي طالما انك اذا تطلقتي ماراح تتزوجي وراح تقعدي تربي بنتك طيب الشهرين الجايةً جربي تعيشي معاه حياة انفصال وانتي معاه عيشي ببيتك ولا تتواصلي معاه. ولا تساليه عن اي شي وقت مافتح الباب ودخل حيا به .. يشوف بنته ويلاعبها ويجلس معاكم ويلبي طلباتكم وقت مايروح الله معه وانتهينا وانتي قاعدة ببيتك معززة مكرمة .. تروحي شغلك وترجعي لبيتك انتي الوحيدة ملكته مع بنتك الله يحفظها الاسم انك على ذمة رجال تطلعي وترجعي براحتك ( اذا تطلقتي حتا طلعاتك محسوبة) بيتك لحالك انتي ملكته ( لو تطلقتي انتي ببيت اهلك صح راحة لكن مش مثل بيتك) بنتك ببيت ابوها عندها راحتها وغرفتها وحريتها ( ببيت اهلك حتى لو يموتو عليها بيجي يوم تكبر وتحتاج مساحة اكبر ماراح تتوفر ببيت اهلك) بيضل ملزوم بيكم ماديا وهذا واجبه لعل الله يحدث امرا طال الزمن امً قصر وتتعدل الاوضاع بصراحة اشوف في وضعك الاريح انك تضلي ببيتك بدون طلاق بشرط انك تنجنبي النكد معاه ( المطالبة بالعاطفة) الله يصلح الحال يارب |
رد : وصلنا الى طريق مسدود
هلا بنورة حبيبتي
جربنا هالطريقة اكثر من مرة فاشلة جدا يا اما انا انقض الاتفاق او هو يقول غيرت رايي وينقض الاتفاق قلنا على الاقل اسبوعين ما استمرت واخر مرة قبل تقريبا اسبوعين او عشرة ايام قلت له ابي نكون ام وابو للبنت فقط قالي اوكي بعدين قالي البنت تشتت فيما بينا لازم نكون اثنينا موجودين عندها وبعدين اللي صار اني طعمتها وارتفعت حرارتها فخفت يصير شي بالليل وقلت حق اخوي ينام عندنا بس كان عنده امتحان وما قدر وقلت حق زوجي هالكلام فجاة لقيته عندنا طبعا وطاح الحطب بس قالي وقتها كلام يسد النفس انتي خفيفة ومالج غنى عني وكلام يجرح بعدها بيومين بالضبط صارت سالفة العشا مع مرته لما قالي اذا هي راحت انتي تعالي حقيقة ما استحملت وصليت استخارة اني اقوله ان كل واحد بطريج وصار اللي صار طريقة ان نكون منفصلين بس مو منفصلين ما ضبطت معانا للاسف والا هي احسن طريقة |
رد : وصلنا الى طريق مسدود
موهبة مشكلتك تضخيم المواقف و تحميلها اكثر مما تحتمل
تعلمى تحجيم الموقف بعرضه على عقلك مثال:لما قالك لا تأتى حتى تروح هى شو كان بامكانه يقولك’تعالى تسلى معاها مثلا ,ما لقى الا هذا الحل حسيتي بالاهانة ,قولى خلاص اصلا هونت عندى صداع مثلا او طلعى سبب من تحت الارض من غيرى ما تخشى فى جدال معاه و تعرضى نفسك للكلام الجارح بالنسبة لعصبيته و مزاجيته انت قلت لما توقفت عن استفزازه صار مليح خلاص لاتستفزيه حتقولي تصير مواقف ما اقدر امسك نفسي و فعلا تصير هنا تعلمى اسمعى و اطنشى غالبا الكلام وقت العصبية قول بدون فعل زوجك ليس سيئ ظروفه صعبة و انت و انت ما عندك صبر |
رد : وصلنا الى طريق مسدود
حبيبتي سابين اسفة اذا الاسم غلط
لما قلت له ليش تقولي جذي قالي عيل تبين تتواجهين معاها يقول الكلمة ولا يحط لها اي حساب من اخذته هو لسانه متبري منه |
رد : وصلنا الى طريق مسدود
وانا اقولك مثله تبين تتواجهين معاها
انا شايفة تصرفه منطقى ,حب يجنبك و يجنبها الموقف ويجنب نفسه وجع الراس لما قالك انت خفيفة و ما تستغنى عنى خليك ذكية يعنى هو الى ثقيل و مستغنى (جاك ركض) وفى نفس الوقت اتعلمى المرات للمرات القادمة تمنعى و اثقلى بذكاء |
رد : وصلنا الى طريق مسدود
والحين كاني صايرة ثقيلة وما ارد على مسجاته الا وين ووين
واعتقد هو عباله اني بارضخ بسرعة نفس كل مرة بس يارب تقويني وتلهمني الصبر |
| الساعة الآن 09:08 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©