|
رد : يتهمني بال.................والله ماعمري قذفني أحد إلا زوجي!
اقتباس:
يتصرف الان كانه شايف مني شي بينما الوضع مختلف انا طول عمري معه احط خطوط وناارضى يغلط علي هذا طبعه ماله دخول بخطوط ولا مربعات صراحة أنا صايرة مااجلس معه في نفس الجلسة كلمته لي كبيرة صديت عنه بحجمها فحذها هو عناد صدت بصد ماعاد تكلنني صار يدخل ويشوفني كني علبة منديل حتى سلام مايسلم معليش الواحد يأخذ موقف لو فرضنا يبي يسوي اكشن بس حجم تعامله مبالغ فيه جداً لو يشوفني مسوية فعلاً غلط كبير كيف بيكون رد فعله اجل! اوقات اخاف من تفكيره لانه مايختلق مشكلة الا وبراسه شي |
رد : يتهمني بال.................والله ماعمري قذفني أحد إلا زوجي!
يااختي انا اشوف ان زوجك ماينفع معه التعامل الند بالند
تعاملي معه كانه مريض وسايسيه اوتعاملي معه كأنه احد ابنائك الحين جو التوتر الي عايشين فيه بيجيب لكم اﻻمراض انتي وابوابنائك انا لو مكانك بروح عنده وقت يكون فيه مروق وبقول له جو التوتر الي احنا فيه بيجيب لنا اﻻمراض والشهر الفضيل داخل علينا سامحني اذا غلطت في حقك من غير قصد وانا مسامحتك على كل الي حصل ﻻني عارفه انه وقت غضب وﻻانااعرف غلاتي عندك وانت ماتعرف قد ايش انت غالي عندي وﻻيرضيني اشوفك زعلان علي ولوبداء يعاتب اويتكلم خليه لين يخلص ﻻتقاطعينه دائم الحريم الكبار يقولون الرجل ان هاديتيه طفل وان عاندتيه جبل المعذره لو الكلام ماهو مرتب ﻻني اكتب من الجوال |
رد : يتهمني بال.................والله ماعمري قذفني أحد إلا زوجي!
الله يعينك ،،،
لحد الان عند نصيحتي السابقة وبكل صراحة ما احب ان سالفة السحر وغيرها تكون شماعه لهالحركات خصوصا انها تبين انها مكابرة ومقصودة! اضحكي وقت ما يبغيك مقهورة ! ابتسمي وقت اللي يرجع وشوفي اللي ما يبطل عينه مثل الفنجان ههههه صدقيني سوي عكس ماهو متوقع .. هو معيش نفسه ومعيشك في توتر وضغط على شنو انتي مو فاهمه واغلب الظن كأنه يركبك ذنب شي متعرض له هو وانتي مالك دخل ! .. ايضا حالته النفسية يحط الذنب عليك فيها في حين انك تتجنبيه بالاساس .. عادي ،، هو رافض يسلم انتي اللي ابتدي السلام ،، لاترسلين له رسائل خليه يطبخ على نار هادية هو اتوقع تعود على طريقتك ورده فعلك ، ما كلمك انتي اللي تكلمي قولي موضوع مثلا حتى لو ما رد بالنهاية غصب راح يرد واذا رد برد يقهرك اضحكي او ابتسمي وعطيها تنهيده ، هو تعدى على انوثتك راويه انك مليانه انووثه اخذي ورد وشمشميه قدامه وتأملي فيها وامدحيها ههههههه شوفي بعدها الرد اكيد بيبط جبدك بس بعد حطي على قلبك بطيييخة واضحكي .. ادري صعبة شووية وانتي حااسة بضغط وتوتر وعدم فهمك لافعاله وقهرر وزعل ولكن حاولي.. الله يهديه ويسخره وببركة الشهر الفضيل يحس بغلطه ويراجع نفسه ان شاء الله ،،، |
رد : يتهمني بال.................والله ماعمري قذفني أحد إلا زوجي!
تدرين ليه مايكلمك !!
يخاف تسفهينه وتطنشينه لاحظي نفسك حتى انت ما تتكلمي معاه وإذا زعل تبتعدي الوضوح يامليت ، قد زعل منك وجيتي طيبتي خاطره او تمدي البوز زيه ؟ اثنينكم ماتراضو بعض والأحرى تجهلو كيف تراضو ؟؟ تخافو من ردة فعل بعض لذلك كل منكم يسلك طريق ويمشي الى ان تتسهل وتنفك عليكم فجأه وتتكلمو .. شوفي طريقتك كيف في تحضير الغداء تنتظريه يسأل عن الغداء ومن المفترض عليك انه لما تخلصيه تقولي جاهز الغداء حتى ينزلو مافي يدهم ع بال تحضري .. حتى لو كنت زعلانه ما تروحي ترسلي احد انت بنفسك روحي .. هو يبغى يحس ان له تقدير واهتمام عندك .. زوجك يحبك ويموت فيك لذلك مايتغاضى عن اخطائك .. ويشوف ها كبيره أضافه الى انك تسفهينه من دون قصد منك يقوم يستفزك بأشياء اكبر ، وايضاً ما أعطيتيه ردة فعل ، كان تقدري تقولي عند أهلي ، اهلك أشباه رجال وعارفه مامنهم رجا ، قولي ان عدتها بيني وبينك المحكمة انت قذفتني وبأخذ حقي منك ، بيستهبل عشان يسوي انه ما اهتز بكلامك لكن صدقيني مستحيل يعيدها ... صدقيني متخيله زوجك وعارفته آيش يبغى بالضبط ، وعلى فكره شخصيته من الشخصيات المتعبة يبغالها سياسة ولعب حتى تمشيه ع كيفك .. يلا قولي لي نفذتي طلبي ؟؟ |
رد : يتهمني بال.................والله ماعمري قذفني أحد إلا زوجي!
شوفي الواحد اذا جاء يقراء الرقيه هو محسود (( يصير عنده عدم الخشوع + وعدم تركيز زي ماقلتي اقراء كانه واجب علي + وسبحانه اذا جاء يقراء يجي احد يخرب عليه ياعياله والا احد جايه في البيت ((
صراحه شي غريب في زوجك ]] من متى صارت له الحاله [[ وعلى الكلام الحريم ابد اعزميهم وخوذي غسالهم واذا جاك احد خوذي غساله والله يعينك يارب |
رد : يتهمني بال.................والله ماعمري قذفني أحد إلا زوجي!
اعترف اني مااسايسه زي ماتقولون
كنت اسايس بس مادري مو جوي المشاحنات والانتقاد يعني بنظري الحياة ابسط من تخلفنا وعقليتنا وسياستنا في الحياة المعقدة انا كنت اسايس بس لمن صار يزودها ويختلق مشاكل بكثرة صرت اقل كلام معه واكثر صدود مااحاول احتك عشان اتجنب قذائف الارض جو جلستنا وان هدينا يصير فيها توتر جو مشحون مايصبر عن التوجيه واللوم ويخلق فجوة كل هذا كنت امشيها واتقبله بس لمن احس اني مرفوضة منه من جميع النواحي لايتكلم معي بهدوء ولا ينام معي مافيه شي يعني يرقع لسوء خلقه معي فصايرة متبلده معه ان زعل تركته يزعل خاصه اذا كان بلا وجه حق اذا صد تركته يصد اذا مابغاني وبين رفضه لي صعب اسلوبه حتى مايتقبلني بسهوله صرت كذا منه.... |
رد : يتهمني بال.................والله ماعمري قذفني أحد إلا زوجي!
سكر كنت اراضيه
ماكنت احب زعله مااحب الزعل ابد ولا جو المشاحنات كنت الطف الجو معه بس الفترة الاخيرة ملييت وبجد مشاعري له تغيرت ماعاد اتقبل اراضيه ولا تقبل نفسي منه اي تصرف |
رد : يتهمني بال.................والله ماعمري قذفني أحد إلا زوجي!
اقتباس:
الان يعني مرتاحة من وضعك او قبل وانت تراضيه ؟ وبناء على الرد طبقية .. الجنس عند بعض الشخصيات من الرجال اذا كانت العلاقه متوترة يأخذ وقت ع بال ما يرغب لابد يحس بالأمان والاطمئنان معك ، كيف تكون هذه ؟؟ بكيدك ( كيد الحريم) حتى يمارس بكل اريحيه ومتعه ، لأن الشخصية الحساسة تحب أن تؤديها بمثاليه وحب أيضاً .. وان طالت المدة بين لقاء وآخر فهو تفريغ فقط .. راجعي حساباتك من أول وجديد اذا حابة تكملي حياتك مع شخصية كهذه . غيّري نفسك اولا بالتالي يتغير لكن بعد فترة زمنيه ليست بالطويلة .. بالأخير لن تنسجمو مع بعض ، الا اذا حاولت تتمسكي بالمركب وتكوني قبطان بطل يستطيع التحدي مع الامواج الثائرة .. |
رد : يتهمني بال.................والله ماعمري قذفني أحد إلا زوجي!
الله يعينه على نفسه
ويعينك يارب ويرزقك الصبر وصلاح الحال |
رد : يتهمني بال.................والله ماعمري قذفني أحد إلا زوجي!
من اللي قالت كلميه عادي كن ماصار شي تجي اتفاهم معها
زوجي واعرفه حقيرر واستكثر اتنازل عن ذاتي بسببه قبل شوي كلمته مافيه الا انا وهو كنت لافه سمبوسه سالت تبي احمر لك منها مارد حسبته ماسمعني كان يلبس شماغه بيروح يصلي عدت السؤال ومارد عرفت انه قاصد وش وضعه معي ابي افهم فوق مشكلتي اللي ذكرت تعامله معي هاجر الغرفة ومايرد على اتصالاتي ولا رسايلي ولا يسللم لو دخل ولو كلمته مارد بالله وش هالموقف اللي أنا فيه خانقتني العبرة ودي اصيح |
رد : يتهمني بال.................والله ماعمري قذفني أحد إلا زوجي!
جربتي التطنيش
|
رد : يتهمني بال.................والله ماعمري قذفني أحد إلا زوجي!
هو عندي حل غيره الحين
ماراح اكلمه نهائي ولا ارسل ولا شي مهما كانت الاسباب بس ماراح اتهرب منه بحرص اقعد معه اذا العيال موجودين وسماعاتي باذني عشان مااسمع شي |
رد : يتهمني بال.................والله ماعمري قذفني أحد إلا زوجي!
الله يفرجها عليك بيوم هالجمعه امين
وينك طمنينا عليك |
رد : يتهمني بال.................والله ماعمري قذفني أحد إلا زوجي!
ياحبي لك...
والله مامن جديد... الغبي أعتقد يعاملني على أساس إني ناشز فيعاقبني على هالأساس... الحس والإدراك عنده معدوم... مافكر للحظة إن كلمة شذوذ قذف لايجوز وفوق إنه لايجوز قايلها لأم عياله! وش ينتظر منها! تضمه...والا تنصرع من حبه! ولا فكر للحظة إن الحرمة وش غلطت فيه! عمرها ماجتني وهاجمتني ولا سبتني بس أنا لمن أكلمها وأوجها وأنصحها ترد ورد بأدب عمرها ماقللت إحترام لي زي ماأنا أقلل إحترامي لها! صحيح اللي أختشوا ماتوا يقذفني ويقول كلي ز...ويشبهني بالكلب ويردد عبارات قبيحة عمري ماسمعتها إلا منه ويجي يحط الغلط علي اللي مهما تكلمت ودافعت أبقى محترمه بردودي! شي ثاني...الغبي...يعاقبني الحين! أصلاً متعوده إنه ماينام معي ومتعوده كلامه معي نصايح وفلسفه ومتعودة كل أنواع الحرمان..على باله الحين حارمني من وشو! بالعكس أرتحت من لسانه صار ساكت... للحين وهو ينام تحت..مرة وحده يمكن كان يحلم طلع ينام فوق مايرد لا يسلم إذا أنا بروحي... أنا مرتاحة حالياً لكن فقط إحساسي بالظلم كاتم على قلبي.. |
رد : يتهمني بال.................والله ماعمري قذفني أحد إلا زوجي!
الله يعينك ويفرج همك عليك بالدعاء لرب العالمين
ثاني شي زوجك الظاهر حاسس بنقص كبير خاصه م الناحيه الجنسيه وعشا كدا يحط حرته فيك ويحس اك افضل منه يمكن مشاعر زوجك صارت قريبه من مشاعر الطفل المتمرد تعاطفي معاه اعملي ليالي رومنسيه حسسيه ان عدم قدرته ع الجنس ماهي مشكله عندك اهم شي بالرجل اخلاقه وطيبته مع اهل بيته لاتتركي الدعاء له وربي يسخره له |
رد : يتهمني بال.................والله ماعمري قذفني أحد إلا زوجي!
اقتباس:
شكله يائس من الحياه.. الله يفكك من شره لي ملاحظه.. انتي كثيرة السب له امامنا بغض النظر عن جرحه لك واذاه لك.. ارجو ان تحل محل السباب دعوه.. علها تستجاب وتريحك |
رد : يتهمني بال.................والله ماعمري قذفني أحد إلا زوجي!
تسلمون حبيباتي..الله لايحرمني منكم وطيبة قلبكم...
من الله في خير..والله معاك حق.. بس والله من غيضي وقهري.. اصلاً صايرة مو طايقة شي منه من كثر مو حاسة بالقهر والظلم... اليوم أستغليت غياب زوجي ورحت لواحد يقرأ.. أنا قاعدة أحاول ألملم الموضوع بأي شكل... قرأ علي وسألني اسئلة... بعد ماخلص قال فيك حسد بس طبيعي الأغلبية محسودين.. بس قال البلا الله وأعلم بزوجك خليه يجي.. للأسف زوجي ضد هالأمور تماماً ومو لاقيه حيله.. لكن بديت أقتنع الآن إن المسألة ماعاد فيها حسد ولا سحر.. كنت ماخذه هالجانب عشان أغطيه هو الثاني وبالفعل أنا صايرة أقرأ وأرش البيت وو.....الخ بلا أي تأثير.. وزوجي قبل أكثر من سنة أقنعته يروح لشيخ وحسب كلامه ومادري عن مصداقيته يقول رحت وقالوا مافيك شي! يعني أرجح المسألة إنها فقط بسبب ضعفه زي ماقلتوا... ماقدرت يسيطر على إحساسه بالنقص..ربما... الجانب الثاني...ممكن ظنونه وتفكيره وسوء النية مترسبه بباله ومخليته مو مرتاح معي...... أنا مو مقصرة..و مهما بدر مني تقصير..فبذلت جهدي... الباقي على ربي........ بيتا وينك... فقط أحتاج أعرف رمضان قرب... أستمر معه على نفس الوضع...يعني أظل أطنش؟؟ انا مو راغبة أبد إني أبادر بشي جميل كعادتي مليت أقدم هدايا وورود...مليت أبادر بالطيب رغم إنكساري... مو راغبة شي منه وله بس أبي رأيك...اللي تقولينه بأخذ فيك... وكمان أخواتي اللي ردوا...ماقصروا وقفتهم جميلة وردودهم حكيمة.. هذا وضعي الآن شوروا علي.. |
رد : يتهمني بال.................والله ماعمري قذفني أحد إلا زوجي!
اختي عائلتك فقط يعني تحملتي كل هذي المده وعرفتي اسلوبه خلاص ريحي وتعاملي مع مواقفه كما كنتي ولاتفرطي في كيانك واسرتك وممكن ناره أفضل من جنت اهلك
|
رد : يتهمني بال.................والله ماعمري قذفني أحد إلا زوجي!
اقتباس:
يعني لو كان السبب مشكلة عنده فالأفضل أنك تعامليه كأخ .. ترتاحي وتريحيه .. يخي خلصنا من الجنس .. ما عاد مطلب ولا رغبة ولا لنا حاجة فيه. وأظهري هذا الموقف فعليا مو بالكلام .. تصرفي على أنه فعلا الجنس أستبعد من حياتكم . لبسك .وجهك . اهتمامك بنفسك . واهتمامك فيه كرجل وزوج اتركيه تماما اهتمي فيه كأب لأطفالك وكانسان عايش بينكم بس. ركزي اهتمامك على الأولاد وعلى الجانب الديني فقط بدال اهتمامك بنفسك كأنثى واهتمامك فيه كرجل . ولو كان السبب نظرة غلط منه عنك فما يستحق تقابلي اتهامه بورود ودلال ... على أحسن تقدير تعامليه برضه كأخ كرمال أولادكم وعشان ما يظل جو البيت مشحون حتى لو ظل الوضع مشحون داخليا عندك وعنده . |
رد : يتهمني بال.................والله ماعمري قذفني أحد إلا زوجي!
مليت حبيبتي خففي احتكاك وكلام مع زوجك بقدر المستطاع ..
بنفس الوقت خلي الأولاد يتعاملوا معاه أكثر .. |
رد : يتهمني بال.................والله ماعمري قذفني أحد إلا زوجي!
سلطان معاك حق..والله مالي غيره اصلاً...
بيتا قلبي كيف مااهتم بنفسي كانثى...? أنا ابداً مو معطيه الجنس اهميه ابداً ابداً ومااتكلم بالشي هذا.. أنا محترمة عدم قدرته وان هالشي مو بيده.. بس هو تفكيره اني ابي هالشي وهو مو قادر يعطيني. .. |
رد : يتهمني بال.................والله ماعمري قذفني أحد إلا زوجي!
اقتباس:
صح أنه اللي على راسه بطحة بيحسس عليها وبالتالي لانه عارف وضعه راح يكون متحسس ويحسب كل حاجة منك وكأنها طلب جنس وبالتالي لازم تبالغي بإظهار عدم رغبتك بالجنس . لا تهتمي بنفسك كأنثى:) راح أوصف لك قصدي بس حاسه أنه كلامي راح يكون وكأنه تدخل قوي بخصوصيتك قصدي مثلا بلا منه الميك اب بالبيت .. لو مضطرة ممكن قلم كحلة وبزيادة لبس عادي جدا ... بلايز طويلة واسعه لو تحبي تلبسي بناطيل .. أو جلابيات .. لبس ما يظهر تفاصيل جسمك بالمختصر يا مليت اللبس اللي تلبسيه لو لا سمح الله مو عايشه ببيت زوجك وعايشه ببيت أخوك مو معطيه الجنس أهمية لكن معطيه العواطف أهمية والعواطف معروف انها باب الجنس عند المرأة . بعرف انه غرضك تحسي بحنان زوجك ومودته لكن حاليا وبوضعكم الحالي أي طلب ولو غير مباشر لمودة أو حنان راح يشوفه طلب للجنس . شعوره مبالغ فيه لكنه ناتج عن حساسيته سواء حساسيه ناتجة عن مشكلة ضعف أو مشكلة شك .. الحل نفسه بالحالتين |
رد : يتهمني بال.................والله ماعمري قذفني أحد إلا زوجي!
اوكي هذا وضعي ياقلبي...
لبسي عادي ..ع الأغلب بساطة وقميص بيت عادي فقط أكون نظيفة ومرتبة,,,سالفة ميك أب حسب مزاجي الله يكتب لي الخير يارب... الحين أنا محتارة... أنا كارهته بصراحه وكارهه إني اقدم بأي تصرف مؤدب معه.. يعني سالفة أعمل خير وأحتسب الأجر ومادري ايش..صح بس والله مايستاااهل.... فأنا مو عارفة أتصرف بداية رمضان... يعني ناوية أسوي إحتفال.. بالونات وكيك وأجيب ورد وجو رمضاني وأرتب ركن بأقمشة رمضانية كل هذا بليلة رمضان..طبعاً كل إحتفال لابد ينكد علينا..بس ماعليه ماراح أركز بالشي هذا أبي أنبسط وابسط عيالي...هذا هدفي من كل اللي قلت.. فأنا الآن محتارة..أبارك له بالشهر...؟ أنا شخصياً ماأبي أبارك ولا اسوي شي.. ويمكن لو قلتي باركي ماأقدر أطبق... يمكن أبي لو إني ماسلمت وخليت الوضع عادي إنك ماتقولين غلط وأندم... أنا جد محتارة.. علماً إنه مازال يغيب عن البيت يومين إستلام..وإذا دخل يروعني ماأشوف الا اللي يمشي قدامي لاسلام ولا كلام! وللحين ينام تحت... وللحين يستغل أي شي يهاوش ويهين البيت كله مو بس أنا... |
رد : يتهمني بال.................والله ماعمري قذفني أحد إلا زوجي!
اقتباس:
الله يفرجها عليكم ويصلح أحوالكم بفضل الشهر الكريم وبواسع رحمته سبحانه وكل عام وانتي بخير :) |
رد : يتهمني بال.................والله ماعمري قذفني أحد إلا زوجي!
الله لايحرمني منك ومن طيبة قلبك
ياحبي لك على سرعة تجاوبك... بساطة قصدي مافي تكلف ههههه يعني مرات قميص بيت قطني لنصف الساق.. مرات برمودا مع تي شرت ناعم... مرات بيجامة ناعمة... فقط أحط قلم حواجب..هذا أهم شي.. ممكن أضيف روج وكحل...على الأغلب... ميك آب نادر لأنه أصلاً دايم ينتقدني لما أحطه هههههههه تراني طبيعتي أحب الميك آب الناعم والأرواج الناعمة حتى في المناسبات... يعني شغل مبالغة وجص أبيض بوجهي والوان أخضر وأزرق أحس إني مو أنثى أحسني علبة ألوان ههههههههههه |
رد : يتهمني بال.................والله ماعمري قذفني أحد إلا زوجي!
وأنتي وأحبابك بكل خير ياغالية ويتقبل منا ومنك صالح الأعمال يارب
|
رد : يتهمني بال.................والله ماعمري قذفني أحد إلا زوجي!
اقتباس:
اممممم أقصد زوجك بطلبي .. ما أقصد أناقش الميك اب بالنسبة لمليت .. بتقديري .. حتى البرمودا وقلم الكحل والروج مستفز له ... مش مستفز مثل الميك الكامل فيقدر يتمالك نفسه ويسكت ولسان حاله يقول لمن تحط الروج ؟؟ ما يفهموا أنه الاهتمام بالنفس نوع من العلاج للنفسية التعبانه . يشوف الروج أو الكحل ويبدأ يفكر ويكتم ويراكم .. وممكن ينفس بكلمة هنا واستفزاز هناك وأزيدك من الشعر بيت ... يتم يراكم هذي الحاجات الصغيرة ويشوف نفسه رجل متحمل وصابر . |
رد : يتهمني بال.................والله ماعمري قذفني أحد إلا زوجي!
باركي له برمضان واحتسبي الاجر عند الله
هالجو المشحون محد مستفيد منه الله يعينك اختي |
رد : يتهمني بال.................والله ماعمري قذفني أحد إلا زوجي!
مع بيتا بكل كلمة
وعلى فكرة مباركة الشهر ماهي مندوبة شرعا , وماورد فيها فضل هي من العرف أكثر من كونها عبادة تؤجرين عليها (هذا بس حتى ما تحسين انك فرطتي بأجر) |
رد : يتهمني بال.................والله ماعمري قذفني أحد إلا زوجي!
والله أنا اشوف زوجش ما له حل
لو يشوفش كل يوم لابسه لبس الصلاه وقاعده على سجادة الصلاه ما راح يتغير الشك مرض علاجه ليس اجتناب ما يحفزه علاجه المواجهه بمرضه ويروح له عند اقرب دكتور hgh المشكله الحين في العيال الي فاقدين راحة البال والامان تفكرون في كل خطوه هل بتعجبه ولا لا وما راااااااااح يرضيه شي بالعكس كل ما هيئتيله جو الرضا كل ما زاد في شكه وظلمه انا اقول عيشي وعيشي اولادش وسوي الي يرضيش ويرضي عيالش وهو له رب يهديه ودكتور يعالجه greh |
رد : يتهمني بال.................والله ماعمري قذفني أحد إلا زوجي!
الله يفرجها عليك امين
استغلي شهر رمضان بالدعاء له الله يسخره لك امين |
رد : يتهمني بال.................والله ماعمري قذفني أحد إلا زوجي!
قلبك وقلب زوجك بيد رب العالمين
الجئي لله تعالى بكل صدق هنا فقط ستجدي التغيير بما انك جربت كل شي ولم تجد حل هذه الخطوه هي طريق العلاج وتبدأ من قيام الليل والدعاء فرج الله همك وجعل لك من كل ضيق مخرج |
رد : يتهمني بال.................والله ماعمري قذفني أحد إلا زوجي!
اسأل الله ان يكون هذا الشهر الكريم خير وبركه عليكم ويفرج فيه همكم ويصلح احوالكم.
|
رد : يتهمني بال.................والله ماعمري قذفني أحد إلا زوجي!
زوجك دواه التجاهل وبسسسس
|
رد : يتهمني بال.................والله ماعمري قذفني أحد إلا زوجي!
يازينكم والله اني سعيدة فيكم
أنا مغبونة واحس محتاجة لكم حتى لو ماوصلت لشي ابي احد يسمعني الحين الوضع تطور مو بس انا يتجاهلني حتى عيالي الحين صاير بس يذب عليهم ويحرقهم وانا المقصودة البيت مولع منه وربي حقيير لا وفوق هذا كاني ناقصة البارح انسرق بوكي وفلوسي وفيه بطاقة هويتي تو مالقى له شي يردح فيه تو مالقى له سبب بس غريبة ماقال شي بس انقهرت انا مو ناقصة وربي رجعت البارح اصيح فجرت كل اللي بداخلي وللحين فيني غصة فيني قهر لو انا مخاوية رجال وشايفني معه كان ماصار لي اشد من اللي صار الله حسيب كل رجال يرخص ام عياله ويهينها ويحقرها اللي مايعرف يتعامل مع الحرمة ليش يتزوج اللي مو قد المسؤولية ليش يعرس يقضيها مغازل ابرك لها منه حسبي الله ونعم الوكيل |
رد : يتهمني بال.................والله ماعمري قذفني أحد إلا زوجي!
الحين تقولون طنشي...
طيب أنا شغالة تطنيش. وقدامه مااعطي رد فعل..ولا انبس بحرف... بس الوضع في تمادي... مثلاً.... البارح جهزت ركن طاولة الطعام... بفرش خاص بزخارف رمضانية... وقماش معلق فوق روسنا منظره سعادة وجايبة ورد طبيعي حاطته ع الطاوله وبالونات كل هذا ابي انا وعيالي ننبسط ونعوض عن جو القلق اللي معيشنا فيه وهو شايفني وشايف تعبي حتى قال للولد وش عندكم بيجي احد مدهرين... مع انه متعود مني هالشي خاصة برمضان ومن الساعه وحده لحد اذان المغرب وانا رايحة جاية ع الطاولة ارتب السفرة بكل متطلباتها وقت الفطور كنت جايبة مواعين جديدة من مصروفي المواعين تبسطني وتعطي جو جديد وربي حنا محتاجين نروق باي شي المهم...لحد مابقى ع الآذان 3 دقايق قال لبنتي جيبوا القهوة هنا... جتني وقالت لي قلت علميه كل شي جاهز ومرتب عالطاوله راحت وقال جيبوها هنا... انا انحرقت اعصابي ليش ماقال من اول بعدين حرام تعبت والمكان جميل ليش هالعقلية ماعندي وقت افكر كنت بحط في صينيه قهوته ونبقى في الطاولة بعدين قلت اصلاً اسلوبه مستقصد يبي مشاكل ويبي يستفزني ويبي يخلق سبب فرشنا عالارض وجلسنا كلنا معه واول مااذن يسال عن تمر غير اللي حطيت ويوصي الاولاد ماخلاهم يفكون ريقهم فطولوا وقام معصب انتم تعرفون للي لكم انا بس حق طلبات ويكلم بنتي شفتي وتلوموني طيب يافالح اذا لك مزاج بشي معين تبيه عالفطور لييه ماتحكي بدري وتامرنا كعادتك والا هي لعانة اصلاً بنتي الكبيرة تقول كنت حاسة اخر لحظة ماراح ناكل عالطاولة وبيسوي مشكلة اللي قاهرني متسلط على عيالي ويهاوش بنتي ليش طلعتي هذاك اليوم ماقلتي مع السلامة وبتفهمه ويمنعها ويقول اقلبي وجهك من جد هذا مو زوجي هذا واحد مااعرفه وظيفته في حياته يحرق أعصاب أقرب الناس له ومع اللي برا البيت جنتل مافيه منه وتقولون طنشي ياربي بس |
رد : يتهمني بال.................والله ماعمري قذفني أحد إلا زوجي!
له كم مده متغير ؟؟؟
في شي في قلبه ويتراكم ما يبي يقوله ! هو بيتقاعد ؟؟ او مريض |
رد : يتهمني بال.................والله ماعمري قذفني أحد إلا زوجي!
فيه ثثواره وانا وش يعرفني وش فيه
من جد الناس تربط شياطينها في رمضان وهذا يقلب شيطان كل كلامه مع كل البيت ذب وسب العيال كرهوه وطغشوا منه انا مادري وش يبي يوصل له قيل شوي احط تمر له جايبه ووصى بنتي تحط له قالت امي حطت شاله وكبه قال ماابي امك ابيك انتي والبارح جايبين سحور قال ماابي الحين قلنا اوكي بنرفع لك احنا جوعانين وفينا النوم لمن شاف ولدي بينتظر معه قال قم كل معهم ولو ماتبي معهم كل بروحك لاتاكل معي!!! هو الحين شغال يحرقني وانا احاول اطنش بس احس بيطلعني من طوري انا مقهووورة مقهووووورة الله حسيبه ونعم الوكيل |
رد : يتهمني بال.................والله ماعمري قذفني أحد إلا زوجي!
انتي ش ردة فعلك مع كل حركاته ؟؟
1-تطنشين 2-تعصبين ويبان ع وجهك وانتي ساكته 3-تردين عليه |
رد : يتهمني بال.................والله ماعمري قذفني أحد إلا زوجي!
يالله الله يعينك وربي قاعده افكرك فيك
وادعي لك جد شي مو طبيعي ليش كذا وش يبي مافيه الا تودونه الشيخ يقراء عليه فيه بلا حسبي الله ونعم الوكيل |
| الساعة الآن 08:07 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©