منتدى عالم الأسرة والمجتمع - زوجي يفضل سيارته علي

صفحة 3 من 3

منتدى عالم الأسرة والمجتمع (http://www.66n.com/forums/index.php)

- المتزوجين (http://www.66n.com/forums/forumdisplay.php?f=6)

- - زوجي يفضل سيارته علي (http://www.66n.com/forums/showthread.php?t=255188)

مهره	12-11-2014 11:26 PM

رد : زوجي يفضل سيارته علي

اقتباس:

المشاركة الأصلية كتبت بواسطة أم خالد. (المشاركة 3134440)

يعني رجاء من الجيران ما يتدفقون بمشاعرهم نحو سياراتهن

عشان لا يجرحوني :d

أيوااااا .. وأنا من أول أحاول أتذكر وأقول منوووو اللي كانت تتريا آخذها لفة؟ :D

أم خالد.

12-11-2014 11:38 PM

رد : زوجي يفضل سيارته علي

اقتباس:

المشاركة الأصلية كتبت بواسطة مهره (المشاركة 3134443)

أيوااااا .. وأنا من أول أحاول أتذكر وأقول منوووو اللي كانت تتريا آخذها لفة؟ :D

ماعاد فيها لفة ياام سلطان

بركبها عنك و اخربها عليك لهادة لك nhg

> نصابة ميتة عليها :d

أخي في الله

13-11-2014 03:49 AM

رد : زوجي يفضل سيارته علي

اقتباس:

بس دخلت ابشركم اني تنازلت ( وليس تنزلت ) وركبتها وطلعنا فيه مشوار قريب ..

ياريت توصفي لنا شعور زوجك بهذا المشوار

اكتبيها باسلوب قصصي جميل

صفي لنا فرحته ، هل بدا وكأنه طفل صغير سعيد بمشاركتك له برؤيتك للعبته المفضلة او الجديدة

مــريم

13-11-2014 08:28 AM

رد : زوجي يفضل سيارته علي

اقتباس:

المشاركة الأصلية كتبت بواسطة أوراق ملونة (المشاركة 3134176)

فعلا ركوب الأشخاص بالخلف
يعتبر مخالفة مرورية أتوقع بأغلب الدول
الخليجية .. والشرطة معنا تخالف
أي أحد راكب معه بالخلف ..

بس جد أم الدانة لما اشوف حريم
يسوقن هالسيارات أحسهن قويات
وشخصيتهن قوية 😁 جربي جربي تسوقي

لااا ماعرف لها ..
يمكن أجربها بالبر .. بس على الطريق مستحييل ..
هو شي من الأثنين : يا أما إني أي حد أمر عليه بالشارع أخمّه .. :p
أو إن السيارة كل دقيقة بيوقف محركها .. لأن القير العادي صعب ومتعب جدا ..
ماجربته إلا وقت تدريبي على السياقة .. قبل 13 سنة ..

اقتباس:

المشاركة الأصلية كتبت بواسطة متفائله200 (المشاركة 3134200)

اقصد ياام دانه لما قلتي لابوك ع موضوع الضرب اخذك عنده ودفع لك ع الاقل مبلغ يدفع فيه ثمن ضربه لك احنا عندنا الي يضرب زوجته ينضرب من ابوها واخوانها وممكن بعدها اذا حب ياخذها ...

هذا ردي ع سؤالك ..

أييه يا متفائلة .. خليني ساكتة ..
أبوي طيب .. وكان وقتها مكسور من مرض أمي ..
فلما أشتكيت له قال بعدين بكلمه وبتفاهم معاه ..
بالليل سألت أبوي .. إلا يقول لي إن زوجي اتصل بأبوي قبل ما أبوي يتصل عليه ..
وزوجي تكلم عادي كأنه مافيه شي ومتصل بيسأل عن أمي وعن صحتها ..
فأبوي يقول أنا انحرجت أكلمه بالموضوع.. متصل يسأل عن امك وأقوم أهجم عليه ..
هاذي حركة مقصودة من زوجي فيها مكر ودهاء ..
وبعدين أنا اضطريت أرجع .. بناتي هناك .. وعليهم مدارس .. وبنتي الصغيرة محد معاها ..
وزوجي جلس يعتذر كثيير بالتلفون ..
ياليت عندنا مثلكم رضوة .. لا مافيه ..

اقتباس:

المشاركة الأصلية كتبت بواسطة ابتسامة جذابة (المشاركة 3134341)

بصراحة ، عادي اركبيها وسعي صدرك
شكلها صح مو كشخة بس مو محرج جدا

اذكر الوالد يوديني مرات للجامعة بوانيت ههههههه
فانا لما اركب معاه ولأنه اصلن مستحيل يغير السيارة عشاني مع وجود سيارات ثانيه بس خلاص مزاجه يبي الوانيت
كنت اركب ولا افكر بالسيارة أتناسى اني راكبه وانيت والحين الحمدلله تخرجت خخخخخ
مرات أدور وظيفة بالوانيت 😁

هو قصده يعاندني ويجبرني .. يلا حصل خير .. ركبتها أمس مرة وبقول له خلاص كفاية ..

اقتباس:

المشاركة الأصلية كتبت بواسطة شوك11 (المشاركة 3134350)

قبل لا اتزوج كانوا المعلمات يتغايرون بسيارات ازواجهن!!
وكانت عندنا معلمة سيارة زوجها كرسيدا " بسييييطة"
وكنت اقول لها الامر عادي ليش انتم كذا؟!
قالت اذا تزوجتي بكرة بتعرفين وتحسين باللي نحس فيه
وتزوجت
وما عندي مشكلة باي سيارة اركبها
وسيارة زوجي الان لا تقارن بسياراته اللي قبل ، لان ركز هدفه بالبيت الملك واهمل فكرة السيارة
وسبحان الله وهو يوديني شغلي انتبه ان سيارات زميلاتي كلللللها كشخه
ويقول الا انت ، شفتي كل وحدة شاريه لزوجها سيارة فخمه ( يلعب علي ادري)
وبرضه ما فرقت معي
لانه باختصار اخر همي هو نظرة الناس لمظهري وكمالياتي
بديت اشك ببريستيجي
طلع مضروب يا عم رءووف

ههههههههه .. والله مش مسأله انحرج منه ومن سيارته .. بس أنا ما ارتاح فيها .. وماتناسب عايلة .. وعندنا بدالها سيارتين .. وشمعنى بيطلعني في هاذي واحنا متفقين لو بنطلع مانطلع فيها ؟

مــريم

13-11-2014 08:36 AM

رد : زوجي يفضل سيارته علي

اقتباس:

المشاركة الأصلية كتبت بواسطة ملكة الآحساآآس (المشاركة 3134374)

ام الدانه احس زوجك يحبك ويبيك تشاركينه
بكل شي
واصراره على السيارة لانه احسه طفل فوز وخسارة ههههههههههه
وانتي احسنتي وتنازلتي

دايما إحنا اللي نتنازل.. لو انتظرناهم يتنازلون راح يطبع مركبنا بسبب عقولهم الصغيرة ..

اقتباس:

المشاركة الأصلية كتبت بواسطة مهره (المشاركة 3134377)

حبيبتي أم الدانة..

لي يومين أدخل موضوعج وأطلع وأنا أفكر .. شو مشكلة هالسيارة بالضبط؟

ولم أستطع أن أقرر: عادي أركبها .. والا مب عادي؟!

يمكن لأني ما جربت فمب قادرة أقدّر مدى صعوبة الموقف أو سهولته.

لكن الأكيد بالفعل أن الأطفال مستحيل يجلسون ورا! <----- إلا إذا ركبوا أحزمة أمان في الموديلات الجديدة :D .. تبين الصراحة اليهال بيطيرون من الفرح.

ممممم .. يعني هي سيارة لما تركبينها .. تحسين إن ورا في البادي لازم يكون فيه ناقة jh..
ومرتفعه جدا لدرجة لازم تتقبضين بالمسكة الداخلية وترفعين نفسج عشان تركبينها ..
ولما تنزلين تعملين هوب وتنطين ..
وحتى السيارة نفسها تحسينها وعرة .. وكراسيها ماتنثني للخلف ..
تخيلي نفسج رايحة مع زوجج مطعم في فندق 5 نجوم ويجي البوي يفتح لك الباب ههههه .. بالله شلون بتنطين قدامه ؟ ""gg ينط برستيجج منج قبل ماتنطين إنتي .. وبعدين قوليله مع السلامة يابرستيج ..

اقتباس:

المشاركة الأصلية كتبت بواسطة mimi123 (المشاركة 3134383)

تصدقي كل الرجال عندهم هاي الحركات المستفزة
كنت أقوله ياريت تحبني و تعاملني زيها ""gg
ينظفها و يدللها و يعطرها
ولما كانت جديدة من الوكالة
الاولاد يربطهم فيها بحزام الأمان و يا ويل اللي يخطر على باله و ياكل فيها لقمة
كل شي نشتريه ننتظر ل نوصل عالبيت و ناكل jyf
لما ينام العصر يدخلها جوا الحوش و يبطل في مكان عشان الاولاد تلعب و تركض
يعني لسه شوي بينيمها جنبه jh
قال شو .... عشان ما تجيها ضربة كرة من أولاد الحارة برا
أو يجيهم خاطر سيء و يجرحوها (جرح الله قلوبهم ) :)

حتى زوجي .. مايخلينا ناكل في السيارة الجديدة .. ngt

اقتباس:

المشاركة الأصلية كتبت بواسطة ميس11 (المشاركة 3134388)

فعلا الدواسة عالية , أنا اذا صعدت ما اعرف أنزل , أنط هههههههههههههه

بالضبط ..

مــريم

13-11-2014 08:44 AM

رد : زوجي يفضل سيارته علي

اقتباس:

المشاركة الأصلية كتبت بواسطة دوندرمه (المشاركة 3134426)

ام الدانة حبيبتي خير ما عملتي

مبروك هههههه
حلوة التجربة هههههه

وترا ايام الطفولة .. ياما كنا نطلع فيهااااا .. اقصد تصعد بالحوض الي ورا
ولا نصعد كل اعيال العيله ... هجوم جماعي
كانت عند خالي و لما يكون مستانس يقول اطلعوا امشيكم فيهااااا
طبعا نفرش بطانية صغيره و نصعد عشرة ولا اكثر ورا الي واقف و الي جالس والي هههههه

والله ايام حلوووووووووووة ... ياليت الطفولة تعود يوما

بس طبعا الحين الوضع غير و بناتي مستحيل اخليهم يطلعوا بالسيارة من دون كرسي الخاص فيهم و ربط الاحزمة وووو
ربي يحفظهم و لا يفجع والده بولدها

الله يخليهم ويحفظكم لكم يارب ..
صحيح أول غير .. حتى الشوارع ماكانت مزدحمة .. وماكانت فيه خطورة كاليوم ..
ياااما سمعنا عن حوادث راحوا فيها أطفال بسبب هالحركة ..

مــريم

13-11-2014 08:47 AM

رد : زوجي يفضل سيارته علي

اقتباس:

المشاركة الأصلية كتبت بواسطة عآ‘شق (المشاركة 3134437)

السلام عليكم ورحمة الله وبركاته

أم الدانة كلمي زوجك يأخذ سيارتي وانا بأخذ بوحوض نسميه شاص في السعودية ^_^
امزح معاك
للأمانة بغيت أكتب لك لكن الأخوة و الأخوات ماقصروا الله يعطيهم العافية
تنبيه لك " أكتبي ملاحظات ونصائح الأخوة الجيدة على شكل خطوات " وطبقي منها أثنين أو ثلاث
حتى إذا الزوج غلطان معليش خليك أنتي الذكية واكسبِ المعركة لصالحك بالكلمة الحلوة منها تكسبي قلب زوجك ومنها لك الآجر من الله وكذلك نفسية الأطفال عندك تتحسن إلى الأفضل ويكون وضعهم النفسي في أفضل حالاته " لايخفى عليك تأثير المشاكل بين الزوجين على الأطفال "
أرجو لك حياة سعيدة يافاضلة
وفقك الله و أسعد قلبك بما تحبي
إحترامي

جزاك الله خير على نصائحك ..
ياليت يحصل زوجي بعضها ..
عشان نكون متساويين في مدى العطاء والتنازل ..<<<< مافيه فايدة مني :25:

مــريم

13-11-2014 08:49 AM

رد : زوجي يفضل سيارته علي

اقتباس:

المشاركة الأصلية كتبت بواسطة أم خالد. (المشاركة 3134440)

يعني رجاء من الجيران ما يتدفقون بمشاعرهم نحو سياراتهن

عشان لا يجرحوني :d

ام دانة زين منك كنت ادري انك رهيفة و بتسايرينه

حبيها عشان تستمتعين اكثر

تراها تنحب والله

ابويه عنده وحدة زيها ولما نروح المزرعه ننبسط و نفلها انا و الاولاد

نركب ورا و ابويه يدعس يلف المزرعه كلها

و حماااااس :d

نرجع ايام الابتدائي ههههههه

الله يديم سعادتك وياه قولي امين

حاولت أحبها بس مو بيدي .. الحب من الله ggg ..
متى بييها الدور وبيبيعها كسابقاتها ؟؟ hgh

مــريم

13-11-2014 09:05 AM

رد : زوجي يفضل سيارته علي

اقتباس:

المشاركة الأصلية كتبت بواسطة أخي في الله (المشاركة 3134522)

بصفها بأسلوب قصصي .. بس تصنيفها من ضمن الروايات الدرامية الحزينة .. ""gg

أنا اصلا مش أول مرة أركبها ..
ركبت سيارته الأولى اللي مثلها ورحت مشوار بعيد المعهد ..
وسيارته هاذي أول ما أشتراها أخذ فينا لفة دقيقتين في الحي (الفريج) ..
يعني ماراح تمشي علي تمثيلية فرحته وإني حققت حلمه بركوبها .. bfd

مــريم

13-11-2014 09:06 AM

رد : زوجي يفضل سيارته علي

ليش كلكم تبون تشوفون مشاعره ؟؟

ليش محد سألني عن مشاعري ؟ وشلون حسيت لما تنازلت وكأنه مالي راي على نفسي .. وكأن الزوجة مالها أي قيمة ومسيّرة في كل أمورها من قبل زوجها .. وتابعة له في كل شي .. سواء أمور تأثر بشكل مباشر على حياتهم .. أو مجرد رغبات تافهة مالها معنى سوى فرض السيطرة والمفهوم الخاطئ للقوامة..

SFY	13-11-2014 09:17 AM

رد : زوجي يفضل سيارته علي

أختي تابعة الموضوع
احب اقول شيء واحد خذي زوجك على قد عقلىة واركبي معه في السيارة وتخيل انك راكبة فيقرا أو لكزس أو بي ام دبليو أو اي شيء تكوني كسرة رغبة وريحتي رأسك من الهدك
خذي الامر ببساطة

kooki3

13-11-2014 09:41 AM

رد : زوجي يفضل سيارته علي

تم بحمد الله

المراضاه بين الشريكتين bfbfbb

مارد الجنوب

13-11-2014 12:44 PM

رد : زوجي يفضل سيارته علي

اقتباس:

المشاركة الأصلية كتبت بواسطة أم الدانــــــة (المشاركة 3134586)

اختي الفاضلة

ليس الامر كما تظنين

انا شخصيا ردودي كانت تخص الطرف القادر

على التصرف الحكيم لمتابعة سير قافلة الحياة الزوجية الى بر الامان وهو انت

لانك انت من تروين لنا المشكلة ومن المؤكد سيتم توجيه الحلول اليك لا اليه

نسال الله ان يفرج كربتك

مــريم

03-12-2014 02:02 PM

رد : زوجي يفضل سيارته علي

عفوا رفعت الموضوع .. ,hmt
موضوعي وكيفي hhf
صبروا صبروا طولوا بالكم .. رفعته عشان عندي مستجدات ..
زوجي كان قاب قوسين أو أدنى لبيعه ..
أنا أدعي يكون بيعه اليوم قبل بكرا ..
فجأة ما اشوفه إلا شاري بطابط لبناتي .. ممم أيش تسمونها بلهجتكم ؟؟ دبّاب يمكن؟؟ ..
اللي نفس السيارة على بترول صغيرة اللي يروحون فيها البر العيال ويركبون على الطعوس ..
ماعندي وقت أبحث لكم عن صورتها .. دوامي خلص .. ggf
المهم .. صار مايقدر يبيع البو حوض لأنه بيحتاجه في تحميل البطابط .. gfn

ميس11

03-12-2014 02:31 PM

رد : زوجي يفضل سيارته علي

اقتباس:

المشاركة الأصلية كتبت بواسطة أم الدانــــــة (المشاركة 3145718)

الظاهر البوحوض كان حامل و خلف بطابط

لو باعه حتيتموا العيال ( البطابط يعني )

طيب البنات حيركبوا فين ؟ ما زالت الاشكالية قائمة

شوك11

03-12-2014 04:16 PM

رد : زوجي يفضل سيارته علي

اقتباس:

المشاركة الأصلية كتبت بواسطة ميس11 (المشاركة 3145731)

خخخخخخ

..........

Neat Man

03-12-2014 04:43 PM

رد : زوجي يفضل سيارته علي

اقتباس:

المشاركة الأصلية كتبت بواسطة أم الدانــــــة (المشاركة 3145718)

ههههههههههههههه يافرحة ماتمت

أمنيتي بس أوقف جنب الشاص و وأشخص وأصور، ولاصورت رزيت الصورة في صفحة المنتدى

mimi123

03-12-2014 10:06 PM

رد : زوجي يفضل سيارته علي

ههههههه
والله أنو حنون و بيفكر بالبنات
الله يخليلكم اياه يا أم الدانة :cool:

دوندرمه

03-12-2014 10:15 PM

رد : زوجي يفضل سيارته علي

حلو هالشكل ما يبقى مكان لاحد يصعد بالسيارة معاه هههه
ضروري تطلعي انتي بسيارتك مع بناتك وزوجك بال.. شنو اسمها
ام حوض و عيالها اقصد البطاطات ههههه

يعني صج المشكلة انحلت بس بطريقة ثانية .... لا تخطر على بال

مــريم

04-12-2014 09:23 AM

رد : زوجي يفضل سيارته علي

اقتباس:

المشاركة الأصلية كتبت بواسطة ميس11 (المشاركة 3145731)

هههههههههه .. تعليقك ذبحني من الضحك ..
من يومين لما طلعوا.. السايق اخذ البوحوض مع عيالها .. وزوجي وبناته في السيارة الثانية ..

مــريم

04-12-2014 09:36 AM

رد : زوجي يفضل سيارته علي

اقتباس:

المشاركة الأصلية كتبت بواسطة Neat Man (المشاركة 3145798)

ههههههههههههههه يافرحة ماتمت

أمنيتي بس أوقف جنب الشاص و وأشخص وأصور، ولاصورت رزيت الصورة في صفحة المنتدى

هههههه ..
تفضل بس شوية فوتوشوب وتحط صورتك جنبه ..
ننتظر .. dfh
http://www6.0zz0.com/2014/12/04/09/850176777.jpg

مــريم

04-12-2014 09:38 AM

رد : زوجي يفضل سيارته علي

اقتباس:

المشاركة الأصلية كتبت بواسطة mimi123 (المشاركة 3145916)

ههههههه
والله أنو حنون و بيفكر بالبنات
الله يخليلكم اياه يا أم الدانة :cool:

و يخلي لك كل غالي يارب .. sdd

اقتباس:

المشاركة الأصلية كتبت بواسطة دوندرمه (المشاركة 3145925)

أي .. تقريبا .. أمس طلعت معاه فيها .. مابغيت أرفض وتصير مشكلة .. rfegr

kooki3

04-12-2014 10:33 AM

رد : زوجي يفضل سيارته علي

هلا براعية الشاص :d

اشوف شريكتش خلفت بطابيط الله يزيد ويبارك

والله نصيحتي لش يا ام الدانه ما معاش غير تحبين شريكتش وتسلمين بالأمر الواقع خلاص

تبين يبيعها ويطلقها وهي خلفت توأم حرام

شوفي عليش تروحين تودينها الصالون تكشخينها وتضبطينها وتحطين عليها اعلام قطر

وتسلمينها للمعرس يفحط ويحتفل باليوم الوطني ويرضى عليش

عاد ما في احلى من كذه هديه""gg ادرسي الوضع وخذي وقتش في التفكير

مــريم

07-12-2014 11:32 AM

رد : زوجي يفضل سيارته علي

اقتباس:

المشاركة الأصلية كتبت بواسطة kooki3 (المشاركة 3146120)

ههههههههههه .. خلاص رضيت فيها بشرط ماركبها ثاني ..
بعد هو لازم يحس على دمه ومايجبرني ..
صحيح هو زوجي لكني مخيرة ولست مسيرة في كل أموري .. <<<< ردينا للتحلطم ""gg

متزوج2

07-12-2014 09:00 PM

رد : زوجي يفضل سيارته علي

فعلا السيارة تحتاح لاهتمام وعناية قد ماتهتم فيها تخدمك تهملها تحوس مريرك
انا اقترح يكون لديه سيارة عائلية اسبير خاصة بكم
وباقي هوايته تغيير السيارات يستمر براحته
بعدين هذا الشاص شبهة مايصلح الا للبر

شوك11

07-12-2014 11:39 PM

رد : زوجي يفضل سيارته علي

http://m.youtube.com/watch?v=vPWWXfBj9Ik

رائحة البخور

08-12-2014 03:28 AM

رد : زوجي يفضل سيارته علي

هههههههههههههههه يختي بس تري الشاص غالي مررره يعني فيه شوية برستيج لاان الي يشتريه يكون هامور
هههههههههههههههههههههههه كنت مع زوجي فتره بمنطقه شمال المملكه بحكم عمله ورب الكعبه اني كنت اشوف الحريم يركبو فيه وراء هههههههههه عند الاشاره بعد ومستانسات وكنت اقول لزوجي وخزياه واشوفه يتشقق من الضحك يقولي اي كذا الحريم السنعات مو برستيجي ومدري ايش،، نفس المنطقه بحكم ان الي فيها بدو بالصميم وبر كنت اشوف الحريم يسوقونه كمان وكنت انصدم يقولي زوجي بين المزارع عادي يسوقونه الحرمه لابسه نقاب ومطلعه يدها برا الشباك وتسوق ،، ياحبيبتي كبريها تكبر صغريها تصغر

مــريم

09-12-2014 07:52 AM

رد : زوجي يفضل سيارته علي

اقتباس:

المشاركة الأصلية كتبت بواسطة متزوج2 (المشاركة 3147457)

صادق .. gfg
الله يهديه ..

مــريم

09-12-2014 07:53 AM

رد : زوجي يفضل سيارته علي

اقتباس:

المشاركة الأصلية كتبت بواسطة شوك11 (المشاركة 3147518)

http://m.youtube.com/watch?v=vPWWXfBj9Ik

هههههههههههههه ..
الحمد لله على سلامة العريفي .. dvf

شكرا شوك .. fgn

مــريم

09-12-2014 08:01 AM

رد : زوجي يفضل سيارته علي

اقتباس:

المشاركة الأصلية كتبت بواسطة رائحة البخور (المشاركة 3147595)

هههههههه عيل طلعنا هوامير .. احم احم .. hhggr

كل سيارة لها بيئتها gfg أنا الحضرية وبنت المدينة وشيركبني فالشاص؟ cgg

الساعة الآن 06:37 PM.

صفحة 3 من 3

عرض 40 مشاركات من هذا الموضوع لكل صفحة