المشاركة الأصلية كتبت بواسطة متفائله200 (المشاركة 3144327)

بسمه ايش سويتي؟؟؟


للاسف يحزنوني النساء الي ماينصحو بالمواجهه !!!

لانه مواجهتهم مجرد فضفضه. وبكاء ومجرد مايحزن الزوج عليها ويشيلها من الارض شيل ويدلعها. ........................ترجع علاقتها معاه ويحط في باله لما يخونها من جديد انه كلمتين تسكتها.....


لكن القويه الي تحسسه بفقدها وتقفل كل طرق الاصلاح معاه وتروح لاهلها كم يوم ترتاح بدون ماتكلمه ..................واذا رجعتي معاه تطلبي منه مايعاتبك ابداً ع جفائك لانه مارح ترجعي الثقه بسهوله...............
.......................


في ازواج يقلبو الموصوع ع الزوجه ليش تتجسسين عشان يهون مصيبته .................. الافضل تروح لاهلها حتى يرجع لها ويتأسف .................

المشاركة الأصلية كتبت بواسطة متفائله200 (المشاركة 3144333)

نسيت اقلك لما تروحي لاهلك لاتفضحيه عند اهلك

قولي له بروح لاهلي لكن مابفضحك بفكر بعلاقتنا هل اقدر اتحمل اعيش معك بعد الي سويته ولا لا ولو حصل فكرت بالطلاق باقول لاهلي مابينا نصيب مارح اذكرك بشر...

.....................

المشاركة الأصلية كتبت بواسطة رزانُ أطلّت (المشاركة 3145924)

اسفة لو ازعجتك اسألتي

وانما قصدت انه لو كان وصل لباع متقدم من الخيانة او كان ممن ادمنوا الامر هذا فانفذي بجلدك من هذا الزوج فليس لديك ابناء تندمي ان تركتيه لأجلهم

كيف اموره الدينيه واهمها الصلاة ؟؟؟

سكوتك الان استثمريه بجمع الادلة وكزي ع النقطة هادي عشان ما يقدر يراوغ وقت الي توقفي قدامه

لا تنسي انو ربنا بيده كل شي وقادر على كل شي اسأليه واستعيني به فهو نعم المولى ونعم النصير

المشاركة الأصلية كتبت بواسطة ام روى واروى (المشاركة 3145973)

تعليق على الكلام الا لونته بالاحمر
انا واجهته في المرة الاولى وعادها وواجهته في المرة الثانية لكن باسلوب مختلف وعادها للمرة الثالثة فقلت له انا اكرهك وسوى الا تبغى تسوي ويارب مايبقى لك أي حب في قلبي مجرد اب لعيالي وطنشته وابتعد عنه ووكلت امري لربي لكني ماقدرت اتخلص من الشك في كل لحظة بعدها مالاحظة عليه شيء لكني اجرحه بين فترة وفترة وكل ماقريت قصة خيانة احس بنفور منه

المشاركة الأصلية كتبت بواسطة بسمة 111 (المشاركة 3146025)

نفس الحالة كل ماقريت بموضوع الخيانه يجيني شعور غريب
واكره كل رجال العالم واحقد على السافلات الي ارخصو بأنفسهم علشان شهوه
^^
يعني زوجك تاب ؟!

المشاركة الأصلية كتبت بواسطة زين ابيها (المشاركة 3146094)

الله يعينكم ويهون عليكم يا رب ويمسح على قلوبكم
حاسه فيكم ، لأني في يوم من الايام كنت زوجة لرجل خائن
وما تحملت الشك والعذاب النفسي
وبكل دناءه هو يجي يخبرني عن خياناته وعن المنحطات اللي يعرفهم...
نفذت بجلدي قبل لا يصير عندي اولاد منه
لاني اعرف نفسي ان ما بقدر اتعايش مع حالة الشك والخوف...
خلعته وغير مأسوف عليه
خلعته وهو من 2009 لحد 2013 يترجاني ويترجى اهلي يبيني
والحمدلله رب العالمين الله عوضني بسيد سيده


الخلاصة اللي تجد في نفسها قدرة على التحمل
وتشعر ان زوجها ممكن يتوب..
تبقى وتصبر وتاخذ مانع عشان لا تربط نفسها معاه بعيال خصوصا اذا ما عندها منه عيال بالمرة


حسبي الله على كل خائن

المشاركة الأصلية كتبت بواسطة بسمة 111 (المشاركة 3146873)

واجهت زوجي ولا انكر فعلته
^^
لي عودة ان شاء الله

المشاركة الأصلية كتبت بواسطة بسمة 111 (المشاركة 3147512)

السلام عليكم ورحمة الله وبركاتة
كيف واجهت زوجي !
كان جالس على لابتوبه ويشتغل في وقت العصريه وانا في ذاك اليوم كنت ( مشحونه) يعني مقهوره منه واشوفه مستانس ولاهمه شي ،
بدون مقدمات جيت عنده
وقلت : عرفت عنك كل شي ولاتنكر فعلتك
عرفت انت ليش بديت تنتقدني وتجرحني ويمكن بدون قصد منك وافعالك خلتني اشك فيك وعرفت ايش وراك ....
^^^
تكلمت كثير وكان مصدوم من كلامي وقوتي
وفي داخلي كنت خايفه وارجف
حسيت اني بأبكي وتركت الغرفه له ومشيت للمجلس وبكيت هناك
جاء عندي وقال وش فيك ؟!
انتي غلطانه انا ماسويت شي
قلت : لاتنكر حبيبي كل شي عرفته
وانا اصلاً مصدومه منك ولاتوقعت يوم من الايام اشوفك كذا
بسراحه تأسف لي وقالي سامحيني
قلت ايش يثبت طيب انك ماترجع وتكلم البنات وتخوني
قال : سامحيني هذه المره وشوفي افعالي معك .
ومن ثم قالي يالله خلينا نطلع ونتمشى شوي
مارفض وطلعت معه وكل طلعتنا صمت
في داخلي ابي اتكلم اكثر ابي اعرف ليه يخوني
لسى غليلي ماطاب
كيف اسامحه وهو بس قالي سامحيني !
اتمنى بشي يثبت صدق كلامه
حتى اسامحه مو كلمة (اسف) وخلاص
رجعنا البيت وعشنا حياتنا طبيعي وانا للحين
(اكل في نفسي ومقهوره ) .
^^
هذه الايام يجي عندي ويقولي صدقيني يابسمة << حاس بأني لسى ماسامحته .
وانا جد مأثق فيه ابد وعجزت اسامحه من قلب
الثقة لا راحت لايمكن ان تعود
والشك ذبحني انا ودمر نفسيتي ،
مأقول الاربي يسامحه واكتفي .

المشاركة الأصلية كتبت بواسطة ام روى واروى (المشاركة 3147568)

المشاركة الأصلية كتبت بواسطة الـــوحيد (المشاركة 3147572)

اختي بسمه
اللي ابي انصحك فيه الحين
هو انك تنتبهي لايصير حمل
حتى تتأكدي من وضعك وانه فعلا تاب

المشاركة الأصلية كتبت بواسطة soqya (المشاركة 3147581)

السلام عليكم ورحمة الله وبركاته. .
بسومة حبيبتي كم عمر زوجك ؟! عمرة 28
هل لديه أصدقاء ويخرج معهم ؟! أما حرمتيه ؟! نعم لدية اصدقاء واعتقد هم السبب بتغير زوجي
تتوقعي أنت ماهي أسباب الخيانة وجعلته يذهب ليبحث العاطفة من أخرى ؟!قلت من قبل اصدقائه السبب وهذا متأكده منه لأنهم كل واحد فيهم عنده صاحبه
كيف علاقته مع الله ؟! يصلي ؟! صلاة في البيت واحيانا يجمعها اذا كان نائم

وانا احاول فيه يصلي بالمسجد ، والله يهديه
دعواتي ترافقك ..

المشاركة الأصلية كتبت بواسطة رائحة البخور (المشاركة 3147583)

الي يخاف من الله ماينخاف منه
يختي المواقع هاذي بلاء اعوذ بالله
الواحد يحمل الواتس او غيره تلاقي فيه لستت بنات من وين يجون !!!الوحده عجزت تعرف من وين يطبو ع ازواجنا
ياحبيبتي وربي جيل يخوف وزمن اغبر البنات الحين لاحياء ولا حشمه مو متزوجات بس عارفات سوالف العلاقه الخاصه اكثر منا وطايحات تصوير بااجسامهم عساهم الفالج 😡
الزمن تغير وكل ماله ع الانفتاح يارب استرنا بسترك بس
تري المغريات كثرت بالسوق،، العمل،،الاستراحات،،مواقع التواصل والوحده لازم تملي عين زوجها وتشبعه ليل نهار لين يكتفي ويطفح بعد
ودام ندمان كويس والله ،، كملي زعل كم يوم بس باانوثه عشان ضميره يأنبه
لومي زوجك وكمان لومي بنات هالجيل الي وراء ازواجنا الا من رحم ربي ،،، الا من رحم ربي منهم طبعآ
الله يبرد عقلبك يارب ،،، جرح الخيانه نار توووجع ومستحيل ننساه لو بعد سنين يتجدد يوميآ
الله يكفينا بحلاله عن حرامه ويستر علينا وعبنات المسلمين

المشاركة الأصلية كتبت بواسطة متفائله200 (المشاركة 3147604)

يابسمه قلنا لك المواجهه بدون شروط ماتنفع

ليه ماطلبتي منه العزل
ليه ماجبتي له المصحف يحلف
ليه ماطلبتي منه مبلغ وقدره
ليه ماطلبتي تبتعدي عنه كم يوم
ليه رضيتي بسرعه ورحتي معاه

بصراحه المواجهه الي ترضى فيها الزوجه بسرعه احسها مواجهه فاشله تعقبها مواجهات افشل وتضطر الوحده تنكتم ....

لكن مالي الا اقلك الله يهديه ويكرره في هذا الطريق

المشاركة الأصلية كتبت بواسطة ظل الياسمين1989 (المشاركة 3147684)

-




وبس هذا الي صار ؟؟؟!!!
قال لك اسف وأنتهى الموضوع
لما قلت لك لاتواجهينه لانك قلتي انك ماتقدرين على المواجهه
المفروض جلستي كم يوم عند اهلك
المفروض حسستيه انو يمكن ترضيني ويمكن لا
مو على طول قال اسف رضيتي
على العموم الله يهديه
عرف انك بسهوله ترضين ماضنتي بيترك الخيانه

المشاركة الأصلية كتبت بواسطة بسمة 111 (المشاركة 3148662)

اتمنى الاداره تحذف مشاركاتي الاخيرة
وتغلق الموضوع للأهميه
في اسرع وقت
وشكراً لكم