|
رد: أنا أنتهيت أعمل أيه أبو حكيم و soqya
اقتباس:
وإن رغبت بإجراء الاختبار من جديد ومراجعة أجوبتك , آمل منك الاطلاع على الملخص الموجود بآخر الكتاب بالصفحات من 298 إلى 301 , والملخص الآخر بالصفحات من 19 وحتى 23 حيث تلخص هذه الصفحات أهم مميزات كل نمط على شكل نقاط محدده ثم أعيدي الاختبار مجددا . اقتباس:
|
رد: أنا أنتهيت أعمل أيه أبو حكيم و soqya
السلام عليكم ورحمة الله وبركاته
السؤال. 23__ ا 25___ ا 26__ ا 30__ ب هي دي الاجوبة بس في صفات مشتركة انا اختارت اللي شوفته غالب فيا زي ماحضرتك قلت وبالنسبة للكلام اللي انا كتبته في المشاركة اللي قبل دي راي حضرتك ايه ربنا يكرمك ويسعدك دنيا واخرة ويرزقك الفردوس الاعلي |
رد: أنا أنتهيت أعمل أيه أبو حكيم و soqya
اقصد بالنسبة لامر الانفصال برغم المعوقات الكثيرة
|
رد: أنا أنتهيت أعمل أيه أبو حكيم و soqya
20 إجابة (أ) في النمط الشمالي
10 إجابات (ب) في النمط الجنوبي 18 إجابة (د) في النمط الغربي 12 إجابة (ج) في النمط الشرقي نمطك الغالب شمالي ودون الغالب غربي .. أنت شمالية غربيه . ثنائيتك شمالية غربيه وثلاثيتك شمالية غربية شرقيه , أما أضعف حلقاتك فهي النمط الجنوبي اقرئي عن الثنائية والثلاثية بصفحتي 26 و27 لتتعرفي على أهميتهما . أنصحك بقراءة الفصل الخاص بتقييم طبيعة الشماليين بالصفحات من 54 إلى 103 لتتعرفي على نفسك أكثر ركزي على 82 و 83 لتنسجمي مع الآخرين , ومن 92 إلى 101 للتقارب مع الجنوبيين كما أنصحك بقراءة الفصل الخاص بتقييم طبيعة الغربيين بالصفحات من 210 إلى 259 . متابع معك بعد التعليق .. |
رد: أنا أنتهيت أعمل أيه أبو حكيم و soqya
قرأت كل اللي حضرتك قلت عليه وبصراحة جزاك الله كل خيرا انا زي ماحضرتك قلت الا كم صفة كده في الشماليين زي اني مش براعي شعور الناس بالعكس ده يهمني جدا وانا متواضعة جدا وزي حب السلطة وزي الهدايا اللي تتقدم للشماليين دي متنفعنيش خالص وبرده علي سبيل المثال في الغربي الاهمال والفوضي انا بحب النظافة جدا وبكره القذارة برغم اني مهتمة اوووي. بسبب كسلي واني عشت ف بيت اهلي. مش بعمل اي حاجة
بس بجد حضرتك كلامك صح وتمام ربنا يكرمك ويرزقك الفردوس الاعلي |
رد: أنا أنتهيت أعمل أيه أبو حكيم و soqya
اقتباس:
|
رد: أنا أنتهيت أعمل أيه أبو حكيم و soqya
جزاك الله كل خيرا بصراحة حضرتك تستاهل ندعيلك في كل دقيقة انا بقرأ كل مواضيع حضرتك وعلي راي الاعضاء كلام حضرتك حكيم ولك من اسمك نصيب ربنا يكرمك ويسعدك دنيا واخرة ويرزقك الفردوس الاعلي
طيب وباللنسبة. لكلامي اللي كتبته في المشاركة 80. راي حضرتك ايه وبالنسبة لتصنيف نمط زوجي. واسفة بجد لو بتقل وبتعب حضرتك |
رد: أنا أنتهيت أعمل أيه أبو حكيم و soqya
سأعود للمشاركة رقم 80 لاحقا بإذن الله , ولكن أخبريني
ما هي أخبار الترامادول , ومتى آخر مرة تعاطيتيه ؟ بالنسبة لنمط زوجك .. آمل منك مراجعة الملحق الملخص الموجود بآخر أربعة صفحات من الكتاب والاستعانة به لتصفي لي شخصية زوجك على شكل نقاط فقط . |
رد: أنا أنتهيت أعمل أيه أبو حكيم و soqya
الترامادول خلاص انتهي تقريبا بعد مابطلت كنت باخد ربع او نص في االاسبوع وكنت بندم اول ما اخده ندم رهيب بس خلاص ضاعت سنين كان المفروض تبقي احلي سنين مش هسمح يضيع الباقي ولقيت مسكنات لرجلي وجسدي وماشية علي كورس حقن هما طبعا مش زي الترامادول برده في الم بس اخف وكده احسن المشكلة في الالم النفسي مش بيختفي غير بعد ثلاث شهور بس كله هيعدي بامر وكرم الله وطبعا مساعدة حضرتك ولازم اتعب عشان ارتاح بقيت عمري
بالنسبة لاخر مرة كانت من خمس ايام بس خلاص رميت كل اللي معايا وزوجي عمره ماهيجيبلي لانه عارف اني بطلت وانا عمري ما هعرف اجيبه لانه نادر ومش بيتباع غير عند تجار المخدرات وما اعرفش حد يجيبه قفلت كل ابوابه ومستحييل افتحها تاني الحمد لله هقرأ الصفحات واكتب لحضرتك الصفات وشكرا لاهتمام حضرتك والله اسعدتني جدا ربنا يكرمك ويسعدك دنيا واخرة |
رد: أنا أنتهيت أعمل أيه أبو حكيم و soqya
استقلالي
مسيطر واثق ن نفسه طموح قوي الارادة تنافسي متماسك عنيف متحكم غير حساس مدفوع بتحقيق الكمال اسير العادة متأن مركز مخطط منطقي تحليلي دقيق لا يمكن لاعتماد عليه جاد محافظ ودود محبوب مسترخ محب للسلام معين اعتمادي تسويفي عرضة لارتكاب الاخطاء بس مش اوي غير مبال بارد يحب المغامرات خيالي حماسي لدييه حس فكاهي متعاطف لما يكون مش سبب ف المشكلة حالم متمركز نحو الفكرة صريح غير توكيدي غير منظم ساخر فيه صفات هو اكتسبها من شرب. لمخدرات وتاثيرها زي الكسل هي دي صفاته من خلال الكلام اللي في الكتاب ربنا يجاريك خير ويسعدك دايما ويرزقك الفردوس الاعلي امييييين يارب |
رد: أنا أنتهيت أعمل أيه أبو حكيم و soqya
نسيت اقول ان زوجي ساعات احس انه بارد ومش حساس ولا رومانس بس ساعات بيبقي رومانسي واما اقوله انت بارد او او ......... يقولي بالعكس انتي اللي مش فاهماني واللي جوايا مش بيبان عليا
|
رد: أنا أنتهيت أعمل أيه أبو حكيم و soqya
اقتباس:
اقتباس:
اقتباس:
اقتباس:
اقتباس:
اقتباس:
اقتباس:
اقتباس:
______________ أهلا بك أختي الكريمه .. وصفك لزوجك متناقض جدا , ولا يمكنني تحديد نمطه بناء على هذا الوصف فحسب علمي يستحيل أن يكون للشخص صفات متطرفة من جميع الأنماط , أو متناقضة تماما فلا يمكن أن يكون استقلاليا قوي الإرادة وبنفس الوقت اعتمادي أو يكون عنيفا ساخرا متحكما , وبذات الوقت محبوبا ودودا محبا للسلام مسترخيا أو يكون واثقا من نفسه وبنفس الوقت غير توكيدي وأن يكون متأنيا مخططا تحليليا دقيقا محافظا أسيرا لعادته وبنفس الوقت حالما خياليا محبا للمغامرات غير مبال ولا منظم . |
رد: أنا أنتهيت أعمل أيه أبو حكيم و soqya
طيب اعرفه ازاي ولا اعيد الاختيارات واحاول اجيبها بالترتيب ولا اكتب امثلة صغيرة لتصرفاته مش عارفة
بس هو فعلا فيه كل ده او مش عارفة جزاك الله كل خير علي تعبك معايا ربنا يسعدك ويحققلك كل اللي بتتمناه ويرزقك الفردوس الاعلي |
رد: أنا أنتهيت أعمل أيه أبو حكيم و soqya
الأفضل أن يجري الاختبار إن كان ممكنا
وجزاك الله خيرا . |
رد: أنا أنتهيت أعمل أيه أبو حكيم و soqya
ما اعتقدتش انه هينفع انا وهو بعيد عن بعض مش بشاركه. اهتماماتي لانه دايما يحسسني اني تافهة وعارفة لو طلبت منه هيقولي كلام فاضي. وبطلي ودماغي مش رايقة مفيش حوار. بيننا اذا ممكن حضرتك تسالني اسئلة واجاوبها او اذك تصرفات تدل علي اسئلة الاختبار مش عارفة
ربنا يكرمك ويسعدك ويجازيك كل خير |
رد: أنا أنتهيت أعمل أيه أبو حكيم و soqya
اقتباس:
كما رتبتها في مشاركتي أعلاه . من فضلك لا أريد تداخل الأمثلة مع بعضها .. بل انسخي كل صفة واجعليها عنوانا , واكتبي تحته المثال الذي يبرز هذه الصفه . |
رد: أنا أنتهيت أعمل أيه أبو حكيم و soqya
عنيف
كل كلامه عن القتال وبيحبه جدا وحتي حلم حياته رياضي مقاتل ومجاهد وردوده علي اهله وعليا في اول زواجنا ردود عنيفة استقلالي هو طول حياته مستقل بنفسه مفيش حد بيمشي كلامه عليه وله حياته الخاصة متحكم ومسيطر لازم كلامه يمشي اه غالبا مش بالغصب بس لازم حتي لو حبيت اجيب ابن اخويا الصغير يقعد معايا ساعة او اقل استأذن منه وهو يقرر له مزاج. ولا لا والبسي كذا ومتعمليش كذا واثق من نفسه كلامه عن نفسه وحياته كلها ثقة وبيقولي انتي متعرفيش قدري كويس واحمدي ربنا انك اتجوزتيني وغير ثقته انه يقدر يعمل اي حاجة طموح طموحه عالي جدا لدرجه انه مصمم يحقق حلمه اللي لو قال لحد عليه هيقول ايه الهبل ده وبرغم تفدم سنه اللي لايتناسب مع حلمه بس هو مكمل وحلمه انه يبقي عنده اتحاد مصارعة ويبقي مصارع ومجاهد طبعا من غير ما يعمل اي حاجة حرام مباشر مش بيحب اللف والدوران بيقول الحاجة صريحة بغض النظر عن اللي ادامه هيزعل وساعات بيراعي مشاعري لو سالته مثلا انت كنت بتنزل مصارعة يقول اه لازم اساله بنات ولا رجال. عشان يرد برغم انه فاهم غرضي من السؤال قوي الارادة ارادته حديد اما بيحط حاجة في دماغه بيوصلها مهما فشل فيها عدة مرات زي التبطيل للمخدرات فشل فيه سنين وعمله. في الاخر وزي ماهو مكمل في طريقه لتحقيق حلمه تنافسي بيحب التحدي كنت دايما اتحداه واقوله لازم تقلل مش هتعرف تبطل مرة واحدة يقولي هتشوفي ويحاول يجرب وكان بيفشل ساعات وبرده بيعاند اما اقوله مش هتعرف تعمل او تصلح حاجة يفضل وراها لحد ما يجيب اخره ويعملها او يفشل غير حساس بارد مش بيزعل من اي حاجة وكل حاجة عنده عادي وازعل ليه وهيفيد بايه الزعل انتقامي هو بيقول علي نفسه كده ولو قلتله اني مش شايفة كده يقولي عشان ماششوفتيش حد عمل معايا حاجة وحبيت انتقم منه مدفوع بتحقيق الكمال دايما يحب يا كل حاجة تبقي مظبوطة اوي يا كل حاجة تبقي خربانة اوي كان ايام التبطيل للمخدرات يقول يا ابطل كل حاجة خالص او يشرب كل حاجة شجاع مش بيخاف من اي حاجة ولا مشاكل ولا مغامرات مش بيخاف الا من الله متماسك مش بيتاثر بالزعل ولا بيبان عليه اللي جواه متان بيفكر في الحاجة قبل مايعملها وبعدين يقررر اعتمادي والده واهله اللي بييجيبو ليه كل حاجة السوق ساعات بيروح معاهم بس قليل واخوه اللي بيصلح ليه العربيه هما اللي بيعملو ليه كل حاجة حتي اخوه مشغل ليه فلوسه وهو قاعد ف البيت بياخد مرتب ولو خلص بيروح ياخد من اهله مخطط دايما كان يعمل جدول للتبطيل هياخد النهارده وبكره ايه والتمرين هيلعب النهاردة اد ايه وخطط كتير واجندات مليانه خطط لكل حياته منطقي كل كلامه بالعقل والمنطق تسويفي كل حاجة ياجلها واما اقوله انت اجلت كذا يقولي مش شايف انها مهمة لو شايف انها ضرورية هعملها ممكن لو البلاعة اتسدت او حاجة باظت يقعد ايام علي مايجيب حد يعملها في برنامج محتاجاه عشان اكلم اختي بقالي اكتر من سبع شهور طالباه وكل شوية بحجة ويقولي عندك التاب بتاعي اللي مش بيرضي يسيبهولي وانا نازلة لايمكن الاعتماد عليه لاني بطلب منه حاجات كتير بيغلبني علي مايعملها اعتقد انها صفة اكتسبها من دلع اهله ليه والمخدرات خلته كسول مرة كان اخويا تعبان ومفيش عربية نوديه بيها وهو كان لسة صاحي من النوم وتعبان. والوقت متاخرخد اللي بينشطه ونزل معايا نروح نودي اخويا المستشفي بس طلبت منه حاجات كتير بيرفضها زي يجي معايا نوصل اختي المطار والمسافة ساعتين بس رفض وبيحرجني مع اهلي كتير في حاجات زي دي لان اهلي خدومين وهو مش كده |
رد: أنا أنتهيت أعمل أيه أبو حكيم و soqya
تقليدي
دي مش صفة اساسية فيه بس حياة الضياع اللي عشناه بقت حياتنا كل يوم زي. اللي قبله مفيش جديد ولا خروج ولا اي حاجة جاد وقت الجد يعمل ويتحدث بجدية غير مبال مش فارق معاه حاجة اللي يحصل يحصل المهم يعمل اللي هو عايزه محب للسلام مش بيحب المشاكل بيحب الهدوء ويبقي مبسوط وحاسس بسلام داخلي مسترخ بيحب يعمل جلسات استرخاء كتير ويفكر كتير وهو مسترخ عشان يوصل لحل ويحس بالسلام الداخلي متعاطف بيتعاطف مع الحالات المؤثرة بس انا لا مش بيتعاطف معايا بيحب لمغامرات نفسه يعمل حاجات كتير كلها مغامرات وحاجات صعبة معين يقدر يعين اللي قدامه علي حل مشاكله بس بطريقته اللي انا شايفاها غلط حماسي كان كتير يحمس نفسه للتبطيل وتحقيق حلمه ويحمسني معاه ويرسم لنا خطط لحياه اجمل لديه حس فكاهي ساعات كتير اما يبقي رايق يهزر ويضحك ويلعب ودود ومحبوب الناس واصحابه بيحبوه برغم انه فيه حاجات كتير مش بتعجبني متكيف بيتكيف مع وضعه الجديد واموره بسرعة حالم وخيالي دايما بيحب يسرح ويحلم ويتخيل ويسترخي متمركز حول الفكرة زي حلمه برغم انه عاارف ان اهله هينتقدوه والناس هيحبطوه لكن. هو مكمل طريقه صريح مهما عمل من غلط بيحاول يداري بس لو سالته سؤال مباشر وحلفته عمره مايكذب مهما كان غلطه |
رد: أنا أنتهيت أعمل أيه أبو حكيم و soqya
أهلا بك أختي الكريمه ..
سأفترض أن الصفات التي ذكرتيها هي صفات غالبة دائمة بشخصية زوجك .. صحيح ؟ لا زلت بانتظار بقية الأمثلة للصفات التي لم تتطرقي لها مع مراعاة أن الصفات التي اكتسبها من المخدرات لا تؤخذ بالاعتبار . |
رد: أنا أنتهيت أعمل أيه أبو حكيم و soqya
ساخر وانتقادي
دايما يسخر من كلامي ويقولي يا تافهة ويسخر وينتقد اي تصرف مني او من اهله ومن اهلي ومايعجبوس غير منظم هدومه بيرميها ف اي مكان وكتبه وكل حاجة حتي عنده 150 او اكتر ماتش مصارعة لشخص واحد كل خمسة تقريبا منهم في فولدرات جوه بعض ويتوه علي مايوصل لمكانهم محافظ بيهتم بالدين والحرام والحلال لحد كبير بس طبعا ليه اخطاء كتيرة عرضه لارتكااب الاخطاء له ذنوب كتير وبيرتكب اخطاء وممكن يضعف ويشوف اباحيات غير توكيدي مش بياكد ان ممكن يعمل الحاجة وانا برده بشك فيه لانه بيوعد ويخلف اسير العادة بمعني انه لو اتعود علي حاجة صعب يسيبها بس ممكن يحاول لو عادة غلط زي شرب السجاير طبعا هو فيه عيوب غير المذكورين بس مش موجودين في الصفات واه غالبا هي صفات دائمة فيه انا ممكن اجيب علي اي اسئلة حضرتك تسالها |
رد: أنا أنتهيت أعمل أيه أبو حكيم و soqya
أهلا بك أختي الكريمه ..
أشعر أحيانا أنني يجب أن أدفعك دفعا للكتابة رغم أن الأمثلة أنت التي اقترحتيها حيث بقي بعض الصفات لم تكتبي عنها , وعلى أي حال لا داع لكتابة شيء جديد حيث أنني اكتفيت بما ذكرت , ولكني لا زلت أرى التناقض بشخصية زوجك ولم أستطع تحديد نمطه , وإن كان هناك مؤشرات لأن يكون شماليا . _____________ هناك بعض المعاني تحتاج توضيح .. اقتباس:
اقتباس:
اقتباس:
اقتباس:
____________ في المشاركة رقم 80 قلت .. اقتباس:
اقتباس:
|
رد: أنا أنتهيت أعمل أيه أبو حكيم و soqya
اهلا بحضرتك جزاك الله كل خير علي تعبك معايا انا بجد اسفة لو مش عارفة اكتب لحضرتك اللي حضرتك عايزه وانا تحت امر حضرتك اللي تقولي عليه هكتبه وهعمله
غير حساس بمعني انه مش بيزعل بسرعة واحساسه بارد لكن مش طبعه جاف اوي يعني بيبقي مخنوق اما يزعل حد بيحبه زي والدته ووالده او لو اخواته عندهم مشاكل. بيزعل عشانهم بيزعل بس علي اللي بيحبهم ويهمه مشاعرهم لكن غير كده مش بيهتم بزعل حد ولايراعي مشاعر حد طول ما هو شايف انه صح مغامر هو فعلا بيعمل حاجات صعبة ساعات في تمريناته بينط من اماكن عاليه وسواقته رهيبة الشباب بتخاف تركب معاه وممكن يمسك سلاح في خناقات وبيعمل حاجات في حياته مش اي شاب يعملها من غير تردد وغير اللي نفسه يعمله وانا متاكدة لو جه الوقت اللي ممكن يتسلق فيه جبل او يطير ببدله طيران مش هيتردد ثانية بس المخدرات اللي اتسببت في روتين حياتنا محافظ بمعني انه بيحاول يتفادي ويقهر انه يعمل حاجة حرام اما بالنسبة للعادات والتقاليد هو مش بيحب يعملها يعني زيارات الاعياد والمناسبات لولا اني هزعل منه كان ما راحش معايا لاهلي نزورهم وانا وهو مش بنروح لاهله حتي ف المناسبات مش بيهتم بالعادات اوي لدرجة انه ما راحش فرح اخته وغير كده كتير عرضه لارتكاب الاخطاء بمعني انه ممكن يضعف ويعمل ذنب لكن عمله لما سالته قال بيحب يتقن عمله وبيقول بيحاول يتم العمل علي اكمل وجه بالنسبة لحوار اني قلت عليه كداب لاني مش سألته يومها هو انا صحيت من النوم متعودة انه يصحيني مالقتهوش جمبي وقاعد برة ندهت عليه قلتله بتعمل ايه قالي بولع علي الاكل وهو كان بره قاعد علي الكنبة ومعاه التاب وبعدها قام ولع ع الاكل فانا ساعتها شكيت فيه انه بيشوف اباحيات بس مارضتش اكلمه في اي حاجة وحضرتك اللي علمتني كده بس فعلا لازم اسأله سؤال مباشر واحلفه عشان اعرف الحقيقة وعمره ما هيكذب يخبي اه لكن يكذب لا انا تعبت حضرتك معايا اوي ومش عارفة اعمل لحضرتك ايه ربنا يعلم بخاف اضايق حضرتك اد ايه برغم ان حضرتك مش بترد دايما علي الجملة دي بس برده بترجاك لو حضرتك اتضايقت مني في اي وقت ياريت تعرفني وانا انسحب ودايما بدعي لحضرتك ربنا يجازيك خير علي كل. اللي بتعمله معايا ومع غيري وربنا يسعدك دنيا واخره ويرزقك الفردوس الاعلي مع من تحب امين يارب وانا تحت امر حضرتك في اي. سؤال في اي وقت |
رد: أنا أنتهيت أعمل أيه أبو حكيم و soqya
اقتباس:
أنتظر منك أمثلة على هذه الصفات , ثم اكتبي وصفا شاملا لزوجك بالطريقة التي تريحك سواء على شكل نقاط موجزة , أو نص إنشائي . ____________ اقتباس:
|
رد: أنا أنتهيت أعمل أيه أبو حكيم و soqya
ولا رومانسي
يعني مش رومانسي بمعني انه عادي اه بيقول كلام حب بس وقت الحب والقرب لكن وقت الزعل مش بيهمه واعتقد الرومانسي بيبقي حنين علي حبيبه لما يزعل وبيحب يعيش اوقات رومانسية كتير مركز وتحليلي بمعني انه بيركز مع الاخطاء واخطاء الناس وبيحب يحكم عليهم اذا كانو وحشين او كويسين بس هو مش دقيق الملاحظة اوي دقيق بمعني اني لو اتلخبطت في كلمه لازم يعلق عليها ويقولي اقول الصح وامثلة كتير بنفس النظام سواء تصرفات او كلام هكتب لسة وصفه |
رد: أنا أنتهيت أعمل أيه أبو حكيم و soqya
مميزاته
عارف حقوق ربنا ودينه وبيحاول مايقصرش فيها طيب وساعات بيبقيي حنين واما بيحس بتقصيره معايا بيعترف بده طبعا مش في كل حاجة بس كتير بيعترف كريم __ مش بيكدب__ مخلص جسديا بس تفكيره الله اعلم__طموح__ اما بيبقي رايق بييقي مرح ويهزر ويلعب__ وبيساعدني في الاكل ومش بيهتم ويسبني براحتي لو مانظفتش الشقة لو ايام عمره مايقولي نظفي الا اما نكون زعلانين وبيتراخم عليا مش بيسيبني وينزل الا للتمرين او رايحين لاهلنا او لو في مشوار مع والده زي السوق اي مكان تاني بياخدني معاه. يتبع |
رد: أنا أنتهيت أعمل أيه أبو حكيم و soqya
عيوبه
قاسي مش بيصالحني لو زعلت منه الا بعدها بيوم لو بسبب الغيرة او حاجة بتضايقه مني. اللي جواه مش بيبان عليه اسلوبه في النقاش حاد ومش بيفهمني بارد جدا بس لما يتنرفز بيبقي عصبي اوي بينتقدني انا واهله واهلي في التصرفات اللي متجيش علي مزاجه شهواني اه مش كل حياته الشهوة بس بيضعف وبيحب يتفرج علي كليبات بنات عاجباه بيتحكم البس ايه واشوف ايه واكلم مين نادرا لو جابلي هدية اه كانت حجته ظروفنا المادية بسبب المخدرات ومكانش بيجيب لنفسه حاجة بس لو كان عايز يعمل حاجة كان هيعملها قليل الذوق شوية يعني متجوزة بقالي سنتين ووشوية عمره ما عزم اهلي لو علي عشا حتي او في رمضان ولا راح عزومة ليهم ومرة كان اهلي جايين ليا قالي انا هنزل اروح لاهلي بس بامانة يومها منزلش بس وصلني اني اقول لاهلي انه مش بيحب الزياراات برغم انه لو اهله بينزلو ويجيو ماكانش عمل كده لكن عشان اهله كده مش مهم اهلي كسول مش بيعمل اي حاجة بسرعة الا اللي هو يشوفه ضروري دايما كان يقولي تفكيرك تافه خلاني اكتم جوايا كل حاجة مفيش نقاش بيننا مش بيسال علي اخواته غير كل شهرين او اكتر برغم انهم في مدينة واحدة مش بيعرف يحتويني لو قلتله زهقانة يقولي انتي علي طول كده وبعدها ساعات يقولي بفكر اعملك ايه عشان تبقي مبسوطة ومش بيعمل اي حاجة بنفضل قاعدين زي ما احنا لو انا عاندته بيعاند معايا |
رد: أنا أنتهيت أعمل أيه أبو حكيم و soqya
أهلا بك أختي الكريمه
احترت بوصف نمط زوجك بشكل دقيق , حيث لا زال هناك تناقضا لم أفهمه ولكن الأقرب له أنه غربي شمالي , والله أعلم . |
رد: أنا أنتهيت أعمل أيه أبو حكيم و soqya
اهلا بحضرتك
حضرتك عملت اللي عليك واكتر بكتير بس انا بقي اللي مفهمتوش كويس برغم اني سالته عن الصفات دي فيه وطلع معظمها فيه حتي اللي اكتسبهم من المخدرات زي غير مبال واعتمادي ....الخ خلاص مبقتش فارقة اعرف انا عايزة اعرف راي حضرتك في المشاركة 80. لاني بجد تعبت ومش قادرة اعيش ومش عارفة افكر وتايهة احترت في حياتي كلها لدرجة اني بفكر اسافر سوريا واخلص من كل حياتي واسفة بجد اني بتعب حضرتك معايا بس والله ماليا حد اقدر اتكلم معاه ويفهمني وينصحني باي حاجة وحضرتك بسم الله ماشاء الله عندك علم كبير ورجل حكيم ربنا يزيدك ويجعله في ميزان حسناتك انا طلبت من حضرتك كذا مرة لو مضايقة حضرتك تقولي وحضرتك ماقولتش ده اللي خلاني افكر ان حضرتك مش متضايق ربنا يسعدك دنيا واخرة ويرزقك الفردوس الاعلي اميييين ياااارب |
رد: أنا أنتهيت أعمل أيه أبو حكيم و soqya
أهلا بك أختي الكريمه .. ما ورد بالمشاركة رقم 80 عقبت عليه بالمشاركة رقم 101 كما أنك ذكرت الكثير من الصفات الإيجابية لزوجك , ووجدت به من الحسنات أكثر مما كنت أتوقع ببداية موضوعك . - زوجك استقلالي وواثق من نفسه وصاحب رأي , وهذا أفضل من الزوج المتردد السلبي الذي لا رأي له فالمتردد والسلبي لا يحظى بثقة زوجته ومن حوله . - قوي الإرادة وقيادي , وبمثله تثقين بإذن الله أنه سيكون سندك في الحياة أمام تقلباتها . - متماسك , وهذا على العكس تماما من الهلوع الذي يهتز من أدنى مشكله . - بارد الأعصاب , وغيرك الكثيرات يشتكين من عصبية أزواجهن . - يخطط للمستقبل , ولو جربت العيش مع زوج بلا تخطيط لكرهت الحياة معه ولفقدت الشعور بالأمان . - جاد .. الشخص الجاد يمكن الاعتماد عليه وقت اللزوم ولا يخذلك كما أنه مرح في أوقات المرح ( ما شاء الله شخصيته متوازنه ) - ودود ومحبوب , وماذا لو كان مكروها ولا أحد يوده ؟ . - محب للسلام مع نفسه والآخرين ويعين غيره , أليس أفضل من الرجل المحب للمشاكل ؟ - طموح ويفكر بأهداف يريد تحقيقها في المستقبل , وما أصعب العيش مع رجل بلا طموح يومه كغده . - شجاع ومتأن .. ما رأيك لو كان زوجك خواف وعجول ؟ - منطقي .. وماذا لو كان كرجل مسؤول عنك ويجب أن تثقين به , ولكن لا يستخدم عقله ؟ - كريم ومخلص جسديا ويساعدك في أعمال المنزل , ويتغاضى عن تقصيرك . - غالبا لا يتركك وحدك في المنزل . - صريح ولا يكذب لو حلفتيه .. صفة رائعة لرجل يخاف الله كما أنه يهتم بالدين والحلال والحرام ويحاول تفادي ارتكاب الحرام قدر استطاعته ويجبر نفسه على ذلك ويعرف حقوق ربه . - حنون وغالبا يعترف بتقصيره ولا يكابر. - رومانسي وغير جاف إلى حد ما .. قارنيه بغيره من الرجال القمة في الجفاف وعدم الرومانسيه . قلت بالمشاركه 80 .. اقتباس:
كل هذه السيئات بزوجك مبنية على ظن , وظن فقط بدون تأكيد .. اقتباس:
أمام كل المميزات الحقيقية الكثيرة التي يتمتع بها زوجك , مقارنة بهذا الشك الوحيد الذي جعلتيه يقينا وحكمت بناء عليه أصبحت لا ترين حسنة بزوجك . بناء على شك تفكرين بإنهاء زواجك ! وإنهاء حياتك كلها .. ألا ترين أنك تبالغين جدا أختي الكريمه ؟ |
رد: أنا أنتهيت أعمل أيه أبو حكيم و soqya
اهلا بحضرتك جزاك الله كل خير علي اهتمامك
طبعا كلام حضرتك مقدرش اقول عليه حاجة لانه صح وعشان كده كتير قلت اني خايفة اكون ظالماه ربنا يبعدنا عن ظلم احد انا من اول ماقرأت رد حضرتك بقالي يومين بفكر بس دماغي واقفة مش عارفة افكر نهائيمتشتتة ااوي ومش عارفة اركز تعبت . المشكلة ان دي صفات اساسية فيه وفي شخصيته لكن الواقع حاجة تانية اه انسان كويس بس مثلا في التخطيط عامل جداول لنفسه ومحدد اهدافه وطموحاته بس بيعمل ايه منها ولا حاجة طبعا بسبب اللي اكتسبه من المخدرات زي الكسل بقاله سنين يعمل جداول للتمرين وكان يخطط لتبطيل المخدرات وكان يلتزم يومين ويرجع تاني وبعد ما بطلنا اتحمس شوية وانتظم ف التمرين وبطل يروح انا من كل ده فييييين كل ما اقوله زهقت عايزة تغيير في حياتي يقولي استني بس انتظم شوية وابقي نشيط وهخليكي اسعد واحدة ولا بينتظم ولا حاجة الشهر ده هكمل ثلاث سنين زواج كل يوم فيهم زي التاني بالظبط ولا بنخرج ولا بنعمل اي حاجة قاعدين زي اللي عندهم 100 سنة وقاعدين مكتئبين حفظت رده لو قلتله زهقانة نعمل اي حاجة يقوولي نعمل ايه نخرج يقولي احنا قادرين حتي اني اروح اكشف عشان لو عندي عيب في الولادة كانت حجته اما نبطل ودلوقتي اما نفوق لحياتنا وناسي ان ممكن يكون في مشكلة وتحتاج وقت لحلها وللاسف مااقدرش اروح مع حد غيره عشان الحاجات اللي كنت باخدها واهلي زعلانين كتير ثلاث سنين من غير حمل ولا كشف وهو مش مقدر احساسي وهو مش سايبنيي اروح في حتة ده غير بروده لما بزعل اللي خلاني. اساسا ما اعرفوش اني زعلانة كتير اهلي يقولولي ان بقيت العائلة بيحسدو زوجي عليا اني صبرت معاه لحد ما بطل ومعملتش زي زوجة اخويا وبهدلته ولا زي زوجات شباب في العائلة وابقي من جوايا بضحك واقول في نفسي انتو غلابة متعرفوش حاجة وبرغم ان زوجي مقصر رقبتي ادامهم لكن لو قلت لمامتي بفكر اسيبه تقف في صفه وتقول استنيتي ثلاث سنين واول ماهيبقي كويس تسيبيه كل ده بيعذبني ساعات بعذره لاني عايشةمعاه نفس المعاناه بس هو مزوددها اوي انا نفسي يحس. بيا محدش متخيل عايشة معاه ازاي اه قاعدين طول اليوم مع بعض بس. ياقاعدين نقرا وكل واحد في عالم يا ادام التليفزيون وكل واحد في عالم انا من كتر ما اتعودت علي اني ابقي قاعدة بقيت اكسل اعمل حتي شاي انا نفسي حد يحس بيا احكيله مشاكلي وافراحي حد يفهمني ويطبطب عليا مش حد احبس دموعي ادامه ومن وراه انزلها رغم وجوده معايا حاسة بوحدة رهيبة وموحشة. كلمته كتير مش عارفة اعمل ايه محتارة وتعبت مش عايزةة اظلمه برغم انه فيه عيوب مكنتش اتمناها بس يكفي صراحته واخلاصه والصفتين دول صعب الاقيهم بس برده بطبعي الشكاك بقول يمكن يكون غير كده يمكن بيمثل انا تعبت اوي بجد مش عارفة اعمل ايه مفيش. يوم يعدي عليا من غير بكاء حتي في صلاتي ارجوك قولي اعمل ايه انا ماليش ملجأ غير ليك بعد الله واسفة لو تقلت عليك ربنا يكرمك ويسعدك دنيا واخرة ويرزقك الفردوس الاعلي امييين يارب |
رد: أنا أنتهيت أعمل أيه أبو حكيم و soqya
أختي الكريمه .. كلامك سابقا كان متمحورا عن إحتمالية مشاهدة زوجك للإباحيات المبني على شكوك فقط حسب طبيعة شخصيتك الشكاكه , وعندما لم تجدي دليلا يدينه حورت موضوعك باتجاه آخر وبدأت الحديث عن الحمل والترفيه وبروده وفقدان اهتمامه , وكأنك تريدين فقط إقناع نفسك أن زوجك مقصرا لتريحي ضميرك لو تركتيه . أنت تعلمين تماما أن المخدر كما دمر حياتك , فهو أيضا دمر حياة زوجك وكان سببا رئيسا لحالة الكسل والبرود والخمول التي خيمت عليكما , وأصبحت جزءا من حياتكما بعدما كانت حالة طارئة في بداية التعاطي , وليس من الصواب لوم زوجك فقط على الوضع الذي آلت إليه حياتكما . لم يكن من الملائم أصلا أن تفكري مجرد تفكير بالإنجاب عندما كنت أسيرة للمخدر هل بظنك أن الجنين لن يتأثر سلبا أو يموت نتيجة تعاطي المخدر ؟ وكيف ستعتنين بطفلك , وأنت التي قلت أنك لم تكوني تفيقي حتى لنفسك بدون الجرعه ! وكل همك تناولها لتتوازني فقط , ناهيك عن القيام بواجباتك الحياتية الأخرى . ما هي أخبارك وأخبار زوجك مع الترامادول وأعراضه الإنسحابيه ؟ |
رد: أنا أنتهيت أعمل أيه أبو حكيم و soqya
استاذي ابو حكيم مبدئيا انا بثق في كلام حضرتك جدا
بس بالنسبة ان كلامي كات متمحور حول مشاهدة زوجي للاباحيات والكليبات والمصارعة ده لانه حصل كتير ومش معني اني شكيت مرة وممكن اه وممكن لا ان دايما ده مبني علي ظنوني انا في خلال سنين زواجي اتاكدت كتير من موضوع الاباحيات وكان اول ما اواجهه يزعل وبعدين يجي يعتذر ويقولي انه زعلان من نفسه اكتر من زعلي منه ومش هنكر هو بقاله فترة ممكن تقريبا سنة ماشوفتش ده يا لاني مابقتش بدور وراه يا هو اتعدل الله اعلم يعني كان بيعمل كده بجد مش مجرد شكوك وبالنسبة للكليبات والمصارعة الحريمي هو لسة لليوم بيشوفها وبعلم مني بس وانا مش جمبه وده كان اتفاقنا مبقتش بشغل بالي وبقيت بفكر ف اي حاجة غيره لاني لو فكرت هتصعب عليا نفسي انه يفضل حاجات زي دي وعلي رايه تفاهات عن زعلي وده للاسف مخليني مش قادرة اشوفه الراجل اللي بتمناه فبهرب بالتفكير في حاجة تانية بالنسبة اني بدور علي حاجة هو مقصر فيها عشان لو سبته يبقي ضميري مرتاح ممكن اه وممكن لا بصراحة مش عارفة انا احاسيسي كلها متلخبطه بس بيتهيالي اني مش محتاجة ده او مش عارفة بس انا لما اتكلمت عن بروده واهماله ليا مكنتش اقصد كده وكتبت ده برده في اول الموضوع ومش برمي الحمل عليه لوحده انا عارفة اني غلطانة فوق الخيال في حق ربي وحق نفسي وحقه وحق اهلي واهله بس انا لما دخلت الطريق ده كنت عشرين سنة كنت لسة صغيرة الي حد ما وهو كان بقاله 13 سنة مدمن يعني عارف كل ده وبرضه خلاني اخد اه انا استهبلت بعدها بس ضعفت هو كان راجل عاقل عنده 28 سنة ضاع. مننا خمس سنين مع بعض اتنين خططوبة وثلاثة زواج والخمس سنين كلهم كانو ضياع محلمتش اني اقضي حياتي كده اول شهور زواج كنت عايشة مع واحد مسطول 24 ساعة يعني عايشة لوحدي وكنت باخد ترامادول بس وده منشط ومسكن ومش بياثر علي الدماغ حاولت معاه كتتير يبطل لححد ما بقيت زيه يمكن بقول الكلام ده عشان عايزة اوصل لحقيقتي حد يفوقني ويقولي انتي كذا وكذا لاني بجد مبقتش عارفة نفسي |
رد: أنا أنتهيت أعمل أيه أبو حكيم و soqya
بالنسبة للانسحاب مدمر حياتنا مش عارفين نعمل اي حاجة الحياة سودة واكتئاب الانسحاب ده رهيب محدش يحس بيه غير للي فيه وجربه لو ماكنش الا نتحار حرام كنت عملتها ربنا يسترها علينا ويبعد كل المسلمين عن ده
|
رد: أنا أنتهيت أعمل أيه أبو حكيم و soqya
في حاجة بالنسبة للترامادول كنت مترددة اقولها من كام يوم نزلنا نروح لاهلنا وهو جاي ياخدني اول مادخلت العربيه لقيته بيديني بسكوت ويقولي كلي وحاجة ساقعة وحباية ترامادول بصراحة مش هكدب علي حضرتك ضعفت وفرحت وخرجنا شوية وطول ما احنا برة ساكتين وهو مقفول. وانا دموعي في عيني وببص فوق للسما وروحنا اتخانقنا وقالي انتي مش عايزة تغيير وتخرجي هو ده اللي اقدر عليه دلوقتي فضلنا صاحيين يومين ومش بنكلم بعض نهائي ولا كلمةووعدني انه مش هيجيبه تاني. لان كده كل ما تعدي فترة من فترات الانسحاب نرجع نبداها من الاول ونتعب اكتر عشان كده مش بتعدي بس انا كرهت نفسي وكرهت ضعفي كان نفسي كل ماتسالني مايبقاش في ضعف واقولك انه انتهي لكن كل مرة لازم اقول اني استسلمت لنفسي وضعفي ربنا يسترها علينا وعلي كل المسلمين
ربنا يجازيك كل خير ويسعدك دنيا واخرة |
رد: أنا أنتهيت أعمل أيه أبو حكيم و soqya
اقتباس:
لن أعلق على المشاركة السابقة لهذا المشاركة ولا المشاركة اللاحقه لأن ما ورد بهذه المشاركة أهم من كل ما عداه الآن , حيث ذكرت أربعة أمور توجب التفكير الجاد بطلب مساعدة نفسية عاجلة طبية كانت أو استشارية , لا أدري تحديدا ولكن عليك طرق باب الطب النفسي حالا لمساعدتك ولتقوية إرادتك وقناعتك للإقلاع التام عن الترامادول وليساعدك على تجاوز الأعراض الإنسحابية أولا , وعلى فهم نفسك وماذا تريدين من زوجك وزواجك ثانيا . كان الله بعونك . |
رد: أنا أنتهيت أعمل أيه أبو حكيم و soqya
جزاك الله كل خير علي مساعدتك ليا للاسف زوجي رافض نهائي يوديني لطبيب نفسي لاني فعلا محتاجاه من اول شهر زواج بطلب منه ده وهو رافض ويقولي هعالجك انا وقالي انه لو جاب ربع حباية تاني هيروح يتعالج في مستشفي لعلاج الادمان وانا عارفة انه مش هيروح بس عندي امل مايجبش تاني لكن انا رافض تماما يوديني وعموما انا بإذن الله هقاوم اي اغراءء ربنا يسهل واسفة لو تعبتك معايا
ربنا يسعدك دنيا واخرة ويرزقك الفردوس الاعلي امييييين ياااارب |
رد: أنا أنتهيت أعمل أيه أبو حكيم و soqya
جزاك الله خيرا على حسن ظنك وعلى دعائك الطيب واسأل الله تعالى لك بمثل , واسأله أن يسعدك في دنياك وآخرتك . أرجو الله أن تكوني قد استفدت من الموضوع , ولو بجزء يسير على قدر استطاعتي وأن يسخر لك من يساعدك كنت أتمنى أن ينتهي الموضوع وقد انتهت معاناتك تماما , ولكن من ناحيتي لم يكن بالإمكان أفضل مما كان وأعتذر لك عما قصرت به أختي الكريمه . لديك يأس وإحباط وسوداوية تتطلب العلاج النفسي الفوري بدون تأخير أو انتظار أمل قد لا يتحقق كان الله بعونك , وعلى الرحب والسعة لو جد جديد . |
رد: أنا أنتهيت أعمل أيه أبو حكيم و soqya
السلام عليكم ورحمة الله وبركاته.
مع إحترامي لزوجك ياسوسو لكن من الظلم والأنانية أن يحرمك من العلاج للتخلص من الإدمان وهو عايش حياته بالطول والعرض. صحتك أمانة وتعرفي لما موقفك صغيف لأنه رأى فيك استسلام وظللت محافظة عالسر كي لا يخرج لأهلك. كفى سلبية وأذية أنت بحاجة للعلاج للتخلص من الأدمان الترامادول. هذه المرة كوني قوية واخبريه إما اتعالج أو أخبر والدي بكل شيء الضعف في حالتك مايفيد بل خطأ لا تقولي مش عايزة أتعب بابا وماما مايصح هذا الكلام. ما ينفع علاج من عندك زمقاومة لازم في تدخل متخصصين ومصر مليانة.. إلا يكفي بأنه خدعك وقال لك هذا مسكن وجعلك تدمينه؟! صحتك أمانة حبيبتي. أرجوك تحركي |
رد: أنا أنتهيت أعمل أيه أبو حكيم و soqya
نسيت أمرا أخر لن تستطيع فعل شيء ولا الإهتمام بحياتك وحياتكما معا حتى يتم تخلصك من الأعراض..
اريد بشارة ياسوسو من أجل التحرك بوضعك. |
رد: أنا أنتهيت أعمل أيه أبو حكيم و soqya
وعليكم السلام ورحمة الله وبركاته
والله يا سقيا عندك حق بس غصب عني انا لو قلت لماما وبابا هيحصلهم حاجة انا ليا اخ واخت دمروهم اخ بقاله كام شهر اكتشفو انه بياخد هيروين. وبابا مابقاش بيرجع في نص اليوم مابين المستشفي والعيادة عشان يرتاح بقي ماشي في الشارع كده وخلاص يرجع بليل ويتعشي وينام. من يئسه مع اخويا سابه لابو زوجته يتصرف معاه واخت سابتهم وسافرت سوريا اروح انا اكمل عليهم ده انا لما بروح لهم ساعة برجع عندي اكتئاب اكتر من كتر مابشوف دموع امي وتعب ابويا واختي التانية عايشة معاهم مكتئبة وقطعت علاقتي باخويا بسبب بهدلته ليهم اروح انا ادمرهم اكتر كانو فرحانين اوي لما عرفو ان زوجي بيبطل اقولهم ايه بس لو قلتلهم ابقي بجني عليهم اكتر وهما عندهم سكر وضغط وقلب ربنا يشفيهم ويصبرهم والله كنت اتمني اروح ارمي نفسي في حضن امي واحكيلها بس صعب ومستحيل مش خوف منهم والله خوف عليهم هما طيبين ومش,هيعملو حاجة ليا غير انهم يبقو جمبي بس قلبهم هيوجعهم اوي وانا اموت احسن ما ادمرهم اكتر انا خلاص مش هاخد تاني لو هموت وهعدي فترة الانسحاب ان شاء الله ربنا يقدرني ومش هفكر في اي حاجة تانية الا اما اخلص من كل ده شكرا سوقيا علي اهتمامك جزاك الله كل خير ربنا يكرمك ويسعدك دنيا واخرة ويرزقك الفردوس الاعلي |
| الساعة الآن 10:19 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©