رد: سوْال عن زوجة الابن
 

و شكرًا لك

رد: سوْال عن زوجة الابن
 

اميييين فانتي ..

الله يسعدك .. انا خايفة المرة هذه (عليهم) مني .. hgh
ماني خايفة على نفسي ..

من جد اتكلم ..

لاسمح الله لو غلطوا علي .. ( بالقصد و مع سبق الإصرار و الترصد )
ممكن أرد و ما اسكت مثل زمان .. و لا اتحمل و اصبر مثل قبل ..

ليه مواقفهم السابقة بقيت بنفسي !؟
لاني كنت اسكت و ما أرد ..

لكن دحين نفسي عزيزة علي .. و مابغى أحملها فوق طاقتها ..

كمان شين و قوي عين !؟ هذا الي باقي يغلطوا علي !؟
مو كفاية الي جاني من ولدهم !؟

.
.

و لاني ما احب أبدا بالغلط .. او أغلط على احل ::
فاراعي الأصول والواجب قدر المستطاع ..
و حتى لا تجي العيبة مني ..

رد: سوْال عن زوجة الابن
 

الله يسدد خطاك

روح الحمدلله اني شفتك بهالقوه

قوتك ع الحق

رد: سوْال عن زوجة الابن
 

مو قلنا ماينخاف عليك؟

قدعة يابت 👌

رد: سوْال عن زوجة الابن
 

أبداً يا مبتعثة
آخر مرة شفتهم في شهري الاول من حملي وكانت ملكة بنتهم وحضرت بهدية محترمة جداً ، ووقفت معاهم في الملكة وفي نهاية الحفلة مسكتني أم زوجي وشكرتني على وقفتي معاهم ودعت لي ، وقلت إذا احتجتم لسوق أو غيره بالخدمة
بعدها زارتني امه مع ابوه واكرمتهم وما أحس إني قصرت!
وهذا اللي أوجعني بزيادة

رد: سوْال عن زوجة الابن
 

وبعد ما خلصت الاربعين بكثيييير وجاو الرياض كعادتهم السنوية قالوا لولدهم بنزورها ( ما زلت عند أمي) ورفضت
بعدها دخل رمضان وأرسلت أمه اعتذار
بعدها بدأت ترسل لي كل فترة ، لكن " غصباً" عني هالمرة ما قدرت أسامح أو أبلعها!

رد: سوْال عن زوجة الابن
 

ممكن
حسب اسلوب الشخصية اللي قدامي، حسب قناعاتي وأفكاري هذاك الوقت
حسب تمسكي بالمبادىء اللي أومن بها ، حسب درجة الخوف من الله وحسب تربيتي لأني مو ملاك عشان أقول لا ، ولا إنسان يغلبني شيطاني عشان أكابر وتأخذني العزة بالأثم.
فممكن أكون من شواذ القاعدة .وش يدريك وقتها أكون غير زي ما قلتي
ممكن؟!

رد: سوْال عن زوجة الابن
 

ونسيت أقول
مرسلين مع زوجي هدااااايا لولدي
وقلت له ما أبي ، إذا جبتهم بارميهم بالزبالة

ومو هذا أسلوبي ولا طبعي لكن قلت من قبل في رد لي على روح يخلونك تصيرين " قليلة أصل" غصباً عليك
وهذي أول مرة أبين إني قرفانه وواصله حدي لزوجي! لأنه للإنسان طاقة في التحمل بس بعض الناس تحسب صمتك ضعف أو سمة شخصية فينبسطون ويتطاولون أكثر وأكثر

رد: سوْال عن زوجة الابن
 

وأبنبه لشي مهم
ممكن غيري له قدرة على تحمل قلة التقدير والاحترام
وممكن بعضهم زي ما قال البعض قبل يبتغي الآخرة دوماً ويقدر يكظم غيضه للأبد
لكن شخصيتي لي حد وبعدها الكل يوقف عند حدوده
لكن في جملة جميلة جداً قالتها انليمتد ، بس للأسف أنا ما عرفت اخذها قاعدة بكل شيء
اجعلي كل ما تعملين في الدنيا لله ولأجل الله
اللي يقدر الله يثبته، واللي ما يقدر الله يهديه للي فيه الخير
مو كني احتليت موضوع روحglh
روح دوكjyh

رد: سوْال عن زوجة الابن
 

مبتعثة

اقول لك مواقفها في كل ولاداتي .. يمكن تعرفي انت الإجابة ؟؟ :)

و خلي الي يدافعوا عن حماتي ..
يحطوا نفسهم مكاني .. و يعرفوا هل تصرفاتها راقية !؟

.
.

- اول مرة اسلبت ببداية زواجي .. كنت بين الحياء و الموت ..
و حماتي قالت لزوجي و هي تعرف اني تاني يوم رايحة المستشفى و نفسيتي تعبانة و امي خايفة علي ..
قالت له جيب مرتك عندي تخدمني في الشغلة الفلانية .. زوجي قالها تعبانة مرتي و موعدها بكرة عشان
الإجهاض .. و قالها زوجتي تبكي ..

قامت طنشته .. تاني يوم جاتني الصبح في بيت اهلي و انا نايمة و دقت الجرس بدون حياء

امي فتحت الباب و تفاجأت بحماتي .. تقول لامي نادي بنتك عشان ابغاها تساعدني بشغلة معينة
امي ما صحتني و انقهرت و مسكت حالها عشان حماتي في بيتها و عيب تطردها

دخلتها و قالت لها بنتي تعبانة و نايمة و طبعا امي كان وجهها مقلوب و ما أعطت لحماتي وجه
و كشرت بوجه حماتي و كلمتها برسمية .. و رجعت بيتها ..

و صارت تحسب حساب لامي بعد كذا .. كانت تحسب امي طيبة و ضعيفة و مسكينة ..

و لما جاء موعد الإجهاض ؛ كان زوجي معايا و ما تركني و عرفت بعدين انه اهله خاصموه ..
انت خروف و ليه جالس معاها بالمستشفى و اتركها لوحدها و انت تيس و ماعرف ايش !؟
و ليش مستشفى خاص و مو حكومي !؟

.
.

- جبت طفلي الاول .. و باركوا لي أخواته بالجوال ..
لكن أمه و ابوه ( لا )

و انا خارجة من المستشفى و رايحة بيت اهلي .. تاني يوم رحت أطعم ولدي
و نحن راجعين ؛ زوجي ضحك علي و خلاني اخد الولد و اوريه لامه و انا توي والدة
و حطت 100 ريال او 50 و ماني فاكرة بالضبط ..

لكن اكتشفت بعدين انه يشوفوه تقليل من شان الام و الأب .. انهم يتصلوا على زوجة الابن
و يتحمدوا على سلامتها و هي الي لازم تاخد النونو و توريه لهم و تكسب رضاهم عليها

.
.

- جبت طفلي الثاني .. و كنت الفترة هذيك انا الي مقاطعتهم .. لانه زادت مضايقاتهم و اذيتهم لي

و انا امي مريضة و ما بين الحياء و الموت ..
و كانت تحس بيا اذا تضايقت و تضايق و تبكي من ورايا و تقول ( بنتي رميتها لناس ما يخافوا الله ) ..

فما كنت حابة أزعجها بمشاكل اهل زوجي .. و امي مو ناقصها و ماني فاضية لهم و لمشاكلهم ..
و مابغى امي تحس بالندم و تلوم نفسها و تموت بحسرة على بنتها ..

و لما جبت النونو وقتها .. اهل زوجي و بأمر من ابو زوجي .. ارسلوا لي - مرقة لحم و سلطة - ..
الغريبة انه هذا بفترة المقاطعة .. !!!!؟؟؟

.
.

- ولدي الكبير مرة دخل غرفة العمليات و تنوم بنج كامل ..
انا و امي نفسيتنا تعبانة وقتها ..
و ام زوجي جات و تبيع بضاعتها بالمستشفى على الممرضات و ما كأنه حفيدها في وضع خطر
و ام زوجي و ابوه .. قالوا لزوجي مو لازم تروح المستشفى و ضرس زوجي يوجعه ..

و دقيت على زوجي وقتها و تزاعلت معاه و قلت له تجي حتى لو كنت على فراش الموت و بتنازع ..
هذا ولدك الوحيد و بين الحياء و الموت .. و ما تتركني لوحدي

.
.

- اما الأخير لما جبته .. كانت علاقتنا خلاص رجعت ..
و ما كان فيه شي بيننا .. و تحسنت العلاقات ..

و ما اتصلت أمه و لا حتى ابوه ..

و يبغوني انا اخد النونو و اروح لهم و اوري لهم النونو ..
و مايصير ينزلوا من مقامهم .. و انا مرة الولد !!!!

طنشتهم و لا سألوا عنه .. و لا سالت عنهم ..
اخوات زوجي عرفوا اني ولدت بعد أسبوعين و لما زوجي عاتبهم

قالوا ما كان عندنا خبر ...

.
.

لقيتي تفسير لتصرفاتهم !؟

رد: سوْال عن زوجة الابن
 

بالضبط
هذا الكلام اللي أقوله
أهم قاعدة تعلمتها بالحياة ما أضغط على أعصابي عشان خاطر غيري

رد: سوْال عن زوجة الابن
 

على فكرة مبتعثة ..

ولدي الاول .. كلمت ابو زوجي و قلت له ايش رأيك تختار اسم النونو !؟
احترمته و قدرته .. و مع انه زوجي كان رافض

.
.

و ولدي الأخير كمان نفس الشي .. خليت ابو زوجي هو يختار له اسمه
مع انه زوجي كان موافق اني اسميه على اسم أبوي الله يرحمه
و رافض يخلي اهله يتدخلوا في اختيار اسم ولده ..

قالي انت اهم تكوني مقتنعة و راضية بالاسم

يعني ما قصرت و الحمدلله

و لما يشوفوه كويس معايا .. يقولوا له ( انت خروف ) و من ورايا طبعا يسبوه و يتريقوا عليه !؟

رد: سوْال عن زوجة الابن
 

حاليا العلاقات تمام و الحمدلله .. بيني و بين أمه و ابوه ..
و اشوف الاحترام بتعاملها معاي و ابادلها الاحترام ..
و باحاول أزود من رصيدها عندي .. عشان اقدر أتعايش معاهم

رد: سوْال عن زوجة الابن
 

روح

كيف وضع سلفتك؟ ماخذة حقها؟ وكيف يعاملونها؟

عشان يصير في تخيل للوضع كيف بيكون لو معاملتك تغيرت للنقيض

رد: سوْال عن زوجة الابن
 

ليه رفضتي جيتهم شوك
طيب هما يقدروا ينزلوا اي وقت
ولا بس بالجيه السنويه
ممكن هذي كانت فرصتهم الوحيده لزيارتك
وهل اتصلوا فيكي يباركوا

رد: سوْال عن زوجة الابن
 

يا بنات. . مواضع الاجر كثيرة في هاذي الدنيا .. واذا ضيعت الاجر عليها بتقديم هدية مش من خاطرها فإن شاء الله ربي يأجرها في امور ثانية .. ماينقطع الاجر عشان رافضة تهدي ناس اقل مايقال عنهم انهم مايستاهلون ..

رد: سوْال عن زوجة الابن
 

روح حبيبتي خلاص لا تضغطي على نفسك ولا تهديهم ..
انتي جاملتيهم كثير على حساب نفسك والمعروف مايثمر فيهم ..
خلاص ألزم ما عليك راحة بالك ..

رد: سوْال عن زوجة الابن
 

مبتعثة ما أبي أخرب موضوع روح
ممكن بعد العيد إذا فتح الكوفي نتكلم في هالموضوع

رد: سوْال عن زوجة الابن
 

بالضبط
راح وقت المجاملات خلاص
واللي في القلب ما يغيره الا الزمن
وبس

رد: سوْال عن زوجة الابن
 

بس احب اقول لك يا مبتعثة
انهم نزلوا الرياض ورجعوا وأنا والده بس ما فكروا يزوروني
يعني مبيتين النية

رد: سوْال عن زوجة الابن
 

اذا موضوع يغث مانبي نفتحه خلاص

رد: سوْال عن زوجة الابن
 

لا ما يغث
ما فيه شي يغثني بالحياة
خلاص يا بنتي كبرت عن المغثة والتنكيد على النفس عشان فلان وعلان
بس روح موضوعها فاتحته لاجلها

رد: سوْال عن زوجة الابن
 

شوك

خذي راحتك .. بما انه الموضوع عن زوجة الابن ..
كملي طالما كتبتي ..

انت معلم و منك انت نتعلم ^_^

نسكت و انت موجود .. و ما نرضى نتكلم :D

رد: سوْال عن زوجة الابن
 

استغلي هذا الشئ لصالحك و زيدي رصيد الاهتمام و الاحترام طالما تعدل وضعهم
امي شافت الهوايل من جدتي و عمتي اللي كانت اصل المشكل
عشنا معهم فترة طويلة و يوم انتقلنا جدي الله يرحمه يبكي و طلب السماح من امي
و بعد سنوات المشاكل صارت هي احسن كنه عندهم

النسيان نعمة و هم جنوا على انفسهم لانك الحمد لله علاقتك بزوجك تمام و عايشة

الصلح خير يا طير
كوني احسن منهم

رد: سوْال عن زوجة الابن
 

معليه رحت نمت و توي صحيت ..

سلفتي تقول لبنتها الكبيرة .. ماحد عرف قيمتي اخيرا ..
غير روح الطير .. امس قالت لي الشي هذا ..
بس لاني اسألها مرات عن طريقة طبخ اكلة معينة و أشكرها عليه

- سلفتي .. لو نزلوا اخوات زوجي عندنا اجازة و في الأعياد .. سلفتي المسكينة تطبخ لهم كل يوم ..
و لو اشتهوا من يدها اكلة - متعبة - مثلا ورق عنب .. و قالت لهم ساعدوني طيب ..
ام زوجي ما تكلم سلفتي و تقاطعها .. و ما يعطوها وجه ..

- اخوات زوجي يروحوا الاسواق مع اخو زوجي و الحدائق و المولات .. مع انه أزواجهم مو مقصرين عليهم
لكن سلفتي تجلس في البيت و ممنوع تروح .. و لو راحت ؛ ممنوع تشتري شي ..
و لو راحت ؛ تروح كأنها شغالة .. تخدمهم ..

- سلفتي .. زوجها - و بتحريض من أمه - يجبرها تاخد نصيبها من ورثة ابوها عشان يتزوج فوقها
و لو ردت عليه .. ضربها و كسر وجهها .. و ما يناديها غير ( هييييه )

قبل كذا ساعدته و اعطته فلوس لها كانت عند اهله .. و قام تزوج فوقها بفلوسها ..

- سلفتي لو ام زوجي حبت تخوفها .. او تهددها عشان تسمع كلامهم و تخدمهم ..
تقول ترى ممكن اقول لولدي .. و يطلقك او يضربك .. بس مابغى اقول له
( يخوفوها و يحسسوها انهم يتمننوا عليها لانهم ما اشتكوا لولدهم )

- سلفتي ممنوع تحضر زواج اخوها و مناسبات اَهلها .. لو زوجها منعها

- سلفتي لو زوجها عرف انه معاها فلوس .. ياخده من يدها و بتشجيع من أمه و ابوه
و لو زعلت او ردت عليه .. اهل زوجها يعتبروها قليلة أدب و تحتاج تربية

- سلفتي يقهروها بيا .. لانه ما يبغونا نتفق انا و هي ..
عشان كذا لو فكرت اجيب هدية لاهله .. ما أعطيه لهم قدامها .. لانهم راح يمدحوني و يقهروها

- سلفتي لما يضيع فلوس او احد يمرض او يصير شي .. يقولوا هي الي سرقت او يقولوا من عيونها

- سلفتي .. كل عيب في احفادهم يعطوها محاضرة في التربية .. و يهزأوها

- سلفتي .. زوجها يشتمها و يسبها قدام اهله و ممكن يمد يده عليها
و أمه و ابوه .. يشوفوه ( رجااااااال ) و عرف يربيها

- سلفتي تحب الدراسة و العلم و تهتم في تعليم اولادها .. لكن ام زوجي ممكن تخلي أحفادها يغيبوا
اي وقت عشان يخدموها في أمور تافهة .. و بعدين تجيب لهم حماتي ورق طبي من اي مستشفى
سلفتي تنقهر على اولادها و مستقبلهم ..

- سلفتي اشترطت تعيش في سكن مستقل .. و بعد ثلاث أشهر من زواجها
تفاجأت زوجها يأخدها بيت اهله و يجبرها تسكن فيه و يسلم الشقة لاصحابها
و الاثاث أعطاه لامه .. و لما اعترضت سلفتي ؛ قام ضربها و للأسف .. كانت هنا البداية
الي خلتهم يتمادوا فيه عليها .. و عاشت مع اهله سنوات في نفس البيت و حتى غرفتها كانوا يحتلوها

تقول لي ولدت و رجعت من المستشفى و اشوف اهل زوجي متجمعين في غرفتي و جالسين يتفرجوا
عالتلفزيون و جالسين فوق السرير ..

تقول جبت فرشة و حطيتها على الارض و رقدت تعبانة .. و مافي احد استحى و خرج من الغرفة

- سلفتي تحملت أذية أخواته و وصلت بينها و بين أخواته لمضاربات بشد الشعور
بس بعد ما تزوجوا أخواته - تقول سلفتي كنت ادعي عليهم و ربي سلط عليهم أهالي أزواجهم
و صاروا ما ياذوني أخواته من بعدها -

- سلفتي تقول لي الحق .. زوجي ما عمره غلط عليها و لا أذاها .. و يتضايق من تصرفات اهله
لكن اتربى غلط .. و قالت لي ( اكسبي زوجك ) لانه ضحية اهله
و تقول هو أطيب واحد فيهم و قلبه طيب و كم مرة شافته قبل الزواج - يبكي - بسببهم و يهرب منهم

- ( ام سلفتي ) مرة ما كان عندها احد يوصلها من مدينة لمدينة .. و ركبت مع بنتها و زوج بنتها
و كانت بالصدفة ام زوجي معاهم في السيارة ..

حماتي قالت لولدها يوقف السيارة .. و نزلت معاه و بدون ما تقول شي
لمرة ولدها و لا لامها .. و تركتهم لوحدهم بالسيارة .. و راحت تتسوق مع ولدها

ام سلفتي زعلت من تصرف حماة بنتها .. لما زعلت ؛ قام اخو زوجي خلى مرته تقاطع أمها
يقولوا ( ليش أمها تزعل !؟ )

و نفس الشي عملوا حركات مع امي الله يرحمها
بس امي كانت توريهم العين الحمراء لو تجاوزوا حدودهم معاها
و انا ما كنت اسكت لو ام زوجي حاولت تحرض زوجي على امي ..

.
.

هذا فيض من غيث بخصوص سلفتي .. و ماخفي كان اعظم
من الي شفته بنفسي و سمعته منها ..

.
.

بس حاليا الصراحة .. و بكل صراحة ..
ما اعرف كيف وضعها معاهم .. لاني ما أتدخل و لا ادخل نفسي

زمان كنت ملقوفة و احزن عليها و أدافع عنها قدام زوجي و كان يقول لي ( مالك دخل فيها )
كنت اقول له ( حراااااام ليش كذا تعملوا فيها !؟ كلموا اخوكم و انصحوه .. ما يصير حرام )

بس بعدين شفت سلفتي هي بنفسها ضعيفة و تسكت عن حقها و تخاف منهم
و صرت بجد مالي علاقة بينها و بينهم ..

.
.

بس كأني اشوف حماتي .. خفت عنها شوي .. !!!

رد: سوْال عن زوجة الابن
 

يالطيف الحمدلله ياروح الي نجاك منهم الظلم ظلمات وربي يمهل ولا يهمل

رد: سوْال عن زوجة الابن
 

اختي روح الطير

هل تزعلي اذا دعيت على اهل زوجك الله ..... منهم؟!

رد: سوْال عن زوجة الابن
 

اخوي عضو قديم

لو سلفتي دعت عليهم ما أزعل .. براحتها ..

لكن انت ليش تدعي عليهم .. ؟
ادعي لهم افضل ^_^

رد: سوْال عن زوجة الابن
 

ادعي عليهم لأني اكره الغباء

واللي يظلم في الدنيا اكبر غبي لأنه من غباؤه يظن انه راح يفلت من انتقام الجبار سبحانه وتعالى

والظلم ظلمات

رد: سوْال عن زوجة الابن
 

اضيف شي ..
كل الي يعلموه مع سلفتي ..
حاولوا يعملوه معايا بداية الزواج و جنننننوني ..

لدرجة صرت ابكي بشكل هستيري عند امي و انا حامل بولدي الكبير ..
امي حلفت لو ولدي الي في بطني مات او صار فيه شي ؛ انها ما ترجعني لهم ..

كنت كل ما عاملتهم بطيب و اخلاق .. و على نياتي وقتها
و احاول اكسبهم و يحبوني مثل بنتهم ..

لكن كانوا هما يدوروا على فرصة عشان يعاملوني بنفس الي يعاملوا به سلفتي ..
و زوجي كان يقول لي ( تستاهلي .. احد طلب منك تواصليهم او تتقربي منهم !؟ )
اقول له ( بأعمل بالأصول ) يقول لي ( خلي الأصول تنفعك )

فأقوم أصد عنهم و اخد موقف .. و ما كنت اسكت عن الغلط مثلها ..

.
.

مرة بعد ثلاث سنوات من زواجي ..
صرت قليلة أصل .. مثل ماقالت شوك ( بعد ما امي و زوجي قالوا لي تعلمي تردي و ماراح نمنعك )

حماتي غلطت علي و طولت لسانها ؛ ترمي عيوب ولدها معاهم علي ..
قمت قلت لها ..
الوحدة قبل لا تزوج ولدها لبنات الناس و ترمي العيب على بنات الناس ..
تتعلم كيف تربي ولدها اول شي .. و بعدين تزوّجه ..
(( ههههه زوجي قالي بعدين .. ترى ردّك هذا سب فيا )) hgh

و لما هددت بالطلاق و ماعرف ايش ..
قلت لها ( شوفي ولدك قدامك هنا .. قولي له طلقها ياللا )

خافت تخرب بيت ولدها .. و زوجها ما يسكت لها وقتها ..
و قالت ( ما قصدت و انا ما قلت يطلق )

.
.

عشان كذا امي الله يرحمها كانت تقول لي زوجك ما يغصبك على اهله .. و هذه ميزة تنحسب له ..
و سلفتي تقول لي ؛ لما اهل زوجي يتكلموا عني .. زوجي يدافع عني او يطنشهم ..
تقوللي بجد اعترف اني - اغبطك -

تقوللي سلفتي مرة جلس زوجها .. و ام زوجي يكلموا زوجي و يسبوه ..
و يقولوا له ( راتب زوجتك المفترض تعطيه لك يا خروف )
و قال لهم ( راتب زوجتي لها هي .. و مالي حق اخد منه او اتصرف فيه .. و ماحد له دخل )
و اخته الكبيرة دافعت كمان .. و قالت الصراحة لو انا موظفة .. زوجي ماله حق في راتبي و ياويله لو مد يده على فلوسي

.
.

عشان كذا ..

استخسر الهدية فيهم ..

.
.

انا ماني جالسة أعدد عيوبهم عشان اطلع اهلي افضل من اهله ..
لو ابغى اتكلم عنهم .. عندي قروبات اهلي و اخواتي و صحباتي ..
بس ماحد يدري عن الي أقوله هنا ..

و باحصل على نصيحة تنفعني مستقبلا ..

الدليل اني اسمع النصائح هنا .. انه زوجي طلب مني اكتب السؤال عندكم و اقتنع بالردود ..

.
.

رد: سوْال عن زوجة الابن
 

فتاة ابريل ..

كمان امي الله يرحمها تبهدلت من اهل أبوي الله يرحمه
و كنت انقهر على امي من خوفها من عمتي .. و تكبر عمتي و بناتها و اهل أبوي على امي .. !!!؟
و كنت اقولها ( ليش تخافي منهم !؟ ) ..


العمر واحد اللي بنعيشه .. ليش أضيعه في محاولة الحصول على اهتمام و رضا ناس ..
ما عملوا لي مقدار و لا لأولادي !؟

اتعامل معاهم بما يرضي ربنا .. و رسميات و حدود و مناسبات ..
و ما احرمهم من ولدهم و لا احفادهم .. و لا أتدخل في علاقتهم بولدهم
و اعلم أولادي البر بهم .. و خلاص كفاية عليهم كذا ..

بس انا ..
مالهم دخل في راتبي ولا في علاقتي مع زوجي و لا يحلموا بيوم أكون شغالة عندهم
و لا يدقوني بالكلام او يسيئوا لي .. لانه هذا اسمه تعدي علي ..
.
.

اذا هما بادروا بالطيب .. بادرت انا ..
و ماقفلت الباب و لا صديت ..

.
.

جابت هدية لأولادي .. راح اجيب لها و لأبو زوجي هدية افضل ..
كلمتني باحترام .. احترمتها و قدرتها و عملت لخاطرها حساب ..

.
.

بأسعى لمحاولة نسيان كل ما مضى ..
و استبداله باي تعامل كويس يجيني منهم ..

بس برضو المؤمن لا يلدغ من الجحر مرتين ..
و الواحد ياخد دروس و يتعلم ..

رد: سوْال عن زوجة الابن
 

يعتبروه - ذكاء و دهاء -

رد: سوْال عن زوجة الابن
 

الله يجزاكم خير ..
و يغفر للجميع في هذا الشهر الفضيل ..

و بسبب مبادرة حماتي الصراحة بالاتصال للسلام ..
شفته شي كبير منها ..

لكن بنفس الوقت ابغى ( تستمر الحدود و الرسميات بيننا )
افضل لي و لهم ..

مثل ما قالت نورة ام يوسف و سما ..
( كثرت الاحتكاك يودي للاختلاف )


ممكن إغلاق الموضوع ..
مرة شكرًا لتحملكم ( غثاي ) ^^
و كل نصيحة ترى قراتها و اخدت بها .. و جالسة ببالي ..