المشاركة الأصلية كتبت بواسطة Lofty (المشاركة 3400332)

يا إلهي ...

ما احب الذهب و لا الفضة و لا النحاس و لا الزنك و لا القزدير ههههه
يعني وش تصنفيني يا توليب ؟

المشاركة الأصلية كتبت بواسطة مهره (المشاركة 3400389)

المشاركة الأصلية كتبت بواسطة مــريم (المشاركة 3400436)

بخصوص الدبلة..
مرة ضاعت دبلتي وبغيت اخذ غيرها
وكلما دخلت محل الذهب اشوف الدبل احس ماينفع اخذ دبلة جديدة اما دبلتي الاصلية والا مالها طعم لأن الدبلة في قيمتها المعنوية .. نقش حروفنا عليها وتاريخ الملكة والاهم انه لبسني اياها ..
تقريبا 4 او 5 مرات اقرر اشتري دبلة ولما اروح المحل اختار واهون واطلع بدون ما اشتري ..
والحمدلله لقيت دبلتي بعد كم شهر من الضياع ..
مالبسها دايما لأنها واسعة على صبعي وكم مرة تطيح واذا فيه مناسبة ولبستها البس فوقها خاتم اضيج عشان يمسكها ..

المشاركة الأصلية كتبت بواسطة وعد الذآآت (المشاركة 3400440)

هههههههههه كنت شاكه بنفسي إني غير عن باقي الإناث وبعد موضوعك هذا تأكدت 😂😂

اممم تاريخي مع الذهب سيّء !!
أول ذهب دخل بحياتي حلق او أقراط المهم كانوا هدية من أبوي الله يرحمه ويغفر له بمناسبه نجاحي طبعاً جاب لي ولخواتي ربي يجعل مثواه الجنه وينعم بنعيمها ❤
الغاليه رفضت تلبسني الا بعد ماتفتح لخواتي آذانهم ، عشان ماتكسر بخاطرهم ، المهم أنتظرت وأنتظرت فرحانه فيم لأنهم من حبيبي وكنت ابي أوري صديقاتي بالمدرسة وش جاب لي ابري بمناسبة النجاح 😍
والحمدلله فتحوا آذانيهم ولبسناهم لكن يوم لأنه الأميرات ضيعن حلقهم وأمي قررت ترفع حقي لايضيع معهم 😢 ( كبرنا وضاع مع العفش 😰)
وهدية ثانيه من عمي أهدانا أساور ذهب لكل بنت آسوارتين كبرنا عليهم وضاقن ومدري وين أختفوا بعدهم 😂
المهم بعد هذا ماعدت ألبسه ولا أطيقه يعني الذهب غير أساسي بحياتي ولا حتى بإهتمامي 😆

المشاركة الأصلية كتبت بواسطة Zainab123 (المشاركة 3400442)

أنا من صغري أحب الذهب عشقته من عشق أمي له ..وها الأيام طايحه في الخواتم اللي فيهم أحجار كريمه أحبهم حييل يعني
يكون خاتم ذهب ويتوسطه حجر كريم مثلاً عقيق, فيروز, أو ياقوت...

المشاركة الأصلية كتبت بواسطة سموره ☆ (المشاركة 3400646)

الله يهديك ياطموحه فتحتي باب مارح يتسكر💔

جاني رغبه اكثر ابي ذهب لو شي بسييط بس 💔

بالنسبه للدبله دبلتي حق الزواج كان شكلها رهيب وجديد بالنسبه لعايلتنا والكل كان عينه عليه يعني حلو وهيكا وتكلموا عليه وبالاخير صرت كل ما البسه يطلع لي مثل الحساسيه باصبعي واشيله واجلس كم يوم من غيره ويروح واذا لبسته يرجع 💔

وراح باعه واشترى لي واحد مرررا عادي انقهرت الحمدلله هذاني لابسته اكثر من سنتين ولا صادني شي
لو خلاه ماباعه واشترى وحده ثانيه كان احسن بس الظروف 💔

في دبل اشكال والوان وفي الذهب البحريني هذا عشقي

ومثل ماقالت مريم يفرز هرمون الانوثه 😍

المشاركة الأصلية كتبت بواسطة متفائله200 (المشاركة 3400819)

واو موضوع يفتخ النفس راجعه اقرأ الردود بعد ماانتهي من 4 دروس لازم أنهيها قبل الساعه9

المهم إني قبل الزواج كنت أعشق الاكسسوارات الغاليه مااهتم بالذهب وابويه كان كل نجاح لنا يالبنات يشتري لنا سلسله بتعليقتها واسوره وخاتم

متى حبيت الذهب لما رحت أشتري في زواجي أبويه حدد لي مبلغ من مهري وأخذني للسوق ونفسي في ذهب أبيض قال لا الابيض لما تبغيه يرخص مره

المهم رحنا ع طقوم اللازردي والسنغافوري تجنن حبيتها من ذاك الوقت

واشتريت أربع طقوم لززززيززززه
وقتها كان سعرها ربع سعرها الآن
قبل 11 سنه
واشترى لي أبويه بناجل أظن أسمها كذا😬 12 حبه لازردي
واشترى لي حزام بعته قبل سنتين
واخترت خواتم واساور وكذا

الزبده انه بعد مرور ثلاث سنوات ضاع نصف ذهبي😭😭😭😭😭😭

والحمدلله قدرت أجمع وأشتري لكن مايوصل بحلاوة القديم

ع فكره لي سنه محطيه مبلغ أشتري كم قطعه جديده وأنسى لاني ماابغى أشتري إلا من محل واحد وهو الرميزان ومو موجود عندنا

تشكيلات الذهب عنده عذااااب انصحك فيه طموحه

وشكراً ع الموضوع القيم😬

المشاركة الأصلية كتبت بواسطة مهره (المشاركة 3400857)

المشاركة الأصلية كتبت بواسطة طمووحه (المشاركة 3401838)

نفس فكرتي ومبداي الدبله لا تباع ولا ترد ولا تهدى ولا تغير ولا تستبدل:d
لكن للناس فيما يعشقون مذاهبوjyjy

المشاركة الأصلية كتبت بواسطة زين ابيها (المشاركة 3400867)

http://www14.0zz0.com/2016/04/05/21/158805656.jpg

اللي على اليمين صباح الخير
واللي عاليسار الدوائر هذا الطقم الاشرفي

*http://www5.0zz0.com/2016/04/05/21/509455685.jpg

هذا البنجر

*http://www5.0zz0.com/2016/04/05/21/786602380.jpg

اللي عاليمين الكبير كرسي جابر
واللي عاليسار المرتعشة

كلهم ذهب بحريني وصياغة بحرينية
😆 طموحة وآنه بعد بحرينية

المشاركة الأصلية كتبت بواسطة هاجر9 (المشاركة 3400882)

http://a.top4top.net/p_95wx0u5.jpghttp://a.top4top.net/p_95cuj95.jpg
http://a.top4top.net/p_95wx0u5.jpg
بعض ممتلكاتي :d
الاساور عندنا وجاهة و الي ما عندها اساور ما عندها ذهب
و ما تطلع البنت من بيت اهلها دون اساور
مو حلوة في حق. اهلها

احس ذهبنا اوجه من ذهبكم ⏩⏩ بذون قصف لو سمحتم ddd

المشاركة الأصلية كتبت بواسطة سمو** (المشاركة 3400926)

الذهب أول ماتزوجت ما كنت أبدا مهتمة فيه ولا أحبه طبعا جاتني أطقم هدايا في زواجي تقريبا6أطقم غير الخواتم والتعليقات وغير طقم الملكة اللي أهداني هو زوجي..كنت مررررة ألعب في الهدايا وأبيعهم وما أهتم بعت تقريبا كل الأطقم والخواتم ماتركت غير أربعة هدية زوجي وواحد من أخت زوجي وطقمين من ثنتين غاليات علي ماهانوا علي أبيعهم وبعد الزواج بفترة أهلي أصروا اشتري ذهب لأني مارضيت أشتري وقت الدبش وشريت طقم كامل مررة جميل وبناجر وماكنت ألبسهم بس العيد الماضي مرررررره حبيييت الذهب بشكل عجيييب😍😍😍😍😍 وقررت ألبسه في جمعة العائلة مع جلابية شالكي وكنت حابة أتنقش عشان أكمل اللوك بس قهرررر ما مداني 😕....وقبل كم شهر كان عندي مبلغ رحت فيه السوق وشريت طقم وأقول لزوجي أطلبهم يغلفونه تغليف هدايا..قال مو لك قلت إلا قال ليش تغلفيه..قلت حابة أهدي نفسي😍😍😍😂😂😂ههههههههههههه بس جد شعور جمييييييل لما تهدي نفسك بالذات لما تكون هدية معتبرة جربوها بنات😆👌👌👌

المشاركة الأصلية كتبت بواسطة زين ابيها (المشاركة 3400959)

http://www5.0zz0.com/2016/04/05/23/580030695.jpg

هذيل اللي اقصدهم باللولو

المشاركة الأصلية كتبت بواسطة مــريم (المشاركة 3402544)

صوت المضاعد او الاساور يدغدغ المشاعر يا طموحة .. لازم تجربينها 😆

المشاركة الأصلية كتبت بواسطة مــريم (المشاركة 3401057)

المشاركة الأصلية كتبت بواسطة زين ابيها (المشاركة 3401119)

http://www6.0zz0.com/2016/04/06/10/659848100.jpg

عاليمين هذي الدبلة الاساسية التقليدية و داخلها محفور اسم زوجي وتاريخ ملجتنا
واللي بالوسط بعد دبلة
واللي عاليسار هذي الدبلة المرامية

السلسلة فيها اسمي و اسم زوجي بالانجليزي

*http://www6.0zz0.com/2016/04/06/10/282930715.jpg

هني عن قرب تاريخ ملجتنا 😆 والاسم مشفر


.

😊 توني اقول لزوجي اشم ريحة ذهب تلوح في الافق .. بتكسب حسنات اذا فرحت قلب زوجتك بطقم تااااافه وبسيييط 😆 حسبي الله على ابليسج يا طموحة قلبي يرفرف ... حلاتج بمناسبة هالموضوع تهدينا كل وحدة قطعة ذهب صغنططة

المشاركة الأصلية كتبت بواسطة مــريم (المشاركة 3402553)

هذا لولو طبيعي بحريني ..
عشان جي اذا تدققين تلاقين مختلفة الاحجام والاشكال وحتى ماتكون دائرية منظمة .

المشاركة الأصلية كتبت بواسطة سموره ☆ (المشاركة 3401186)

ابااااااي عالصور 😍😍😍

المشاركة الأصلية كتبت بواسطة مسز داني (المشاركة 3401590)

هيييه احب الذهب😁
بس الموضوع يحتاج ميزانية
اصور ذهبي يعني😅

المشاركة الأصلية كتبت بواسطة *أمة الرحمن* (المشاركة 3401908)

هالقطعتين أغلى القطع عندي ( معنويا)

خاتم هدية من والدتي ذهب أبيض و أحجار كريمة
http://up.harajgulf.com/do.php?img=673279

و هذا خاتم زواجي قطعتين مع بعض ألبسه في ايدي اليمين مخالفة للنصارى هم يلبسو الدبلة في اليسار عندهم اعتقاد ديني لها علاقة بالقلب و رباط الزواج الأبدي المهم <<<<<< قالت قصة حياتها

http://up.harajgulf.com/do.php?img=673280

هو ناعم لكن الصورة من قريب كبرته
طاح منه فص ان شاء الله اذا نزلت البلد أغيره

و هذي الصورة تفهمكم كيف قطعتين
http://up.harajgulf.com/do.php?img=673281

و هذم آخر مقتنياتي

http://up.harajgulf.com/do.php?img=673282

المشاركة الأصلية كتبت بواسطة هاجر9 (المشاركة 3401916)

http://c.top4top.net/p_97w74i3.jpg

هذه اقدم قطعة عندي ما غيرتها لانها من اقتراح امي و حبتها و كنت كل ما لبستها تمدحها
احيانا اذا رحت عندها اكشخ فيها :d

المشاركة الأصلية كتبت بواسطة mimi15 (المشاركة 3401927)

سبحان الله صادف الموضوع وقوعي في حب الذهبsdd
قبل كنت ما يهمني ابدا ومن يوم تزوجت ما اشتريتت ذهب
حتى جا اليوم حبيت اغير الذهب الي عندي واشتري اخر جديد
هنا بدات قصة الحبfdgrg
صرت احبه كثييييير واجلس بس شوي وارجع اطلعه من الدرج حتى املا عيوني منه
ومتشوقة اني ارجع اشتري ذهب اخر
يا ندامتي على سنوات من عمري الي ضاعت من دون ذهب"":::

المشاركة الأصلية كتبت بواسطة مــريم (المشاركة 3402544)

صوت المضاعد او الاساور يدغدغ المشاعر يا طموحة .. لازم تجربينها 😆

المشاركة الأصلية كتبت بواسطة زين ابيها (المشاركة 3402577)

صاجه مريم
صح تحسين ان كأنج نعمة الله فب الحاج متولي
لكن حلوووووووووين

المشاركة الأصلية كتبت بواسطة طمووحه (المشاركة 3401849)

كان عندك ثروه يا بتdfh

عاد الرميزان علم في راسه نارsdd
وايضا بن محفوظ ذهبه حلو

ننتظر تشكيلاتك يا متفاءله