|
السلام عليكم و رحمة الله و بركاته
بنات ادعولي الله يستر عليكم البارح و انا عند الدكتور قال كلمة ما فهمت معناها و اول مرة اسمع دكتور يقولها لي بصراحة و يفسرها و انا ما وعيت خطرها الا بعد البحث في النت :24: قاللي عندك شي يشبه حالة مقاومة الانسولين في الجسم (ان شاء الله ما تكون عندي ) و هذا لا قدر الله ممكن يجيب مرض السكري الله يكفينا شره :24: و قاللي كل الاعراض في بس تعالي بعد كم يوم و اعملي تحليل تحمل الجلوكوز في الدم و التشحم والله يا بنات اللي يحس باحساس ان فيه مرض ممكن يحرمك من حاجات كثيرة والله انه يخوووووووف المهم اتضح التالي اللي ما نزلني الاسبوع اللي فات و انا زي ما قلت لكم كيف نظامي كنت افطر كوب قهوة بالحليب و السكر البني معاها 3 تمرات و باقي اليوم شاااااااااااااي اخضر كثير .. يقولو ينحف و طبعا قرص او قرصين نخالة صافية و لبن و تمر بس و لا نزلت الا شوية سوائل و حسيت ان بس اللي نزل الميزان ما احس ان جسمي نازل انا اعرف هذا الشي من قياس البنطلون و الغريب في الموضوع ان بطني (كرشي) زي الحجر ولا اتلحلحت ملي واحد مع كلام الدكتور اليوم عن الانسولين و بحثي في النت تذكرت تذكرت شي مرة مهم و ما ادري ليش ما عندي الشجاعة الكافية اني اضغط على نفسي و ارجع له تذكرت حمية الجسم الدرقي اللي فيها ممنوع منها باتاً اني اكل اي شي فيه سكر او اي شي فيه شي يتحول للسكر ,, نشويات يعني و احاول بقدر الامكان اني اركز في اكلي عالبروتين و الخضار و الأغذية الفقيرة بالسكر و الغنية بالالياف و الابتعاد قدر الامكان عن الكافيين هذا و انا الاسبوع اللي فات مافي الا اطيح في ديك القهوة و الشاهي قدامي طول الوقت و اقول يسد النفس أسألكم يا ناس تدعولي الله يبعد عني مرض السكر الي صار شبح يؤرق منامي و منغص عليا حياتي والله حتى سفري اللي بعد اقل من شهر ماني متحمسة له بالمرة و خايفة منه الله المستعان |
أسأل الله الذي جلت قدرته ان لا يكون قد فات الأوان و ان ينحفنا و يمتعنا بالصحة و العافية و الرشاقة الدائمة و يقينا شر الأمراض
|
دودي لا إنشاء الله مافيكي الا العافية
أنالكا اروح المستشفى على كلمة احتمال يطلعولي مليون مرض واعيش حالة رعب والحمد لله على الصحة والعافية هما لازم ياخدو احتياطاتهم ورتى تحليل السكر دا أنا سويتو وكانو شاطين انه عندي سكر وشربت المشروب دا اللي زي الميراندا شييييييرة إن شاء الله نشوف ردك هنا وتبشرينا بالسلامة يارب |
دودي ان شاءالله مافيكي الا كل خير ياارب من فترة كنتي خايفة وسويتى تحاليل وكنتي سليمة الحمدلله الدكاترة بس يحبوا يتكلمووا ويحسسوا الواحد انو حايموت بعد دقايق ولا ساعات
ربي يطمنك ان شاءالله بالعافيه |
دودى تفائلي خير ان شالله مافيكى الا العافية
|
السلام عليكم كيفكم وايش اخر اخبااااااااااااركم
نوم غير طبيعي وملل عن نفسي رجعت زدت الكليو وانا باامشي سير ومسوية دايت مدري ايش الحل طفشششت صررراحه |
و عليكم السلام و رحمة الله و بركاته
انا ما ادري كم وزني و شايفة الناس كسلانين مافي ولا وحده دخلت و سجلت وزنها خييييير فينكم يا بنات :11::11::11: بنت مكه يمكن دي الحالة اللي تجي قبل الدورة ان شاء الله ترجعي تنزلي الكيلو الزياده قبل الدورة ما تشيلي هم انا قرففففت من حمية البروتين القليلة الكربوهيدرات الفطور بيض كل يوم الغدا دجاح او سمك او تونة او جبن او لبن و خضاااااااااااااار بس والله ان نفسي لعبت صرت افوت وجبات من صدة النفس قياس الملابس نوعا ما اترحرحت و لكن مو لدرجة الاحظ الفرق باقي على وزني ان شاء الله اسبوعين تقريبا دعواتكم |
اقتباس:
دودي بدي اسالك تعرفي او سمعت عن دكتورة الرجيم في السعودي الالمانى ان شاءالله الخميس ابا اروح عندها ماما حجزت وانا طلبت اكون معااها لازم :30: |
اقتباس:
بس اسمع كثير عن دكتورة منال عندكم في مكه يقولو مرة ممتازة و سمعتها واصلة لجده و الدكتور محمد الجزار في المستوصف السعودي جده حي الجامعه يمدحوه اما السعودي الالماني مرة ما اعرف احد |
تسلمي دكتورة منال ماعندها غير اشرب زنجيبل وشاي اخضر وجريب فروت كانت صاحبتى تروح عندها
ربي يسير انا حاامشي على رجيم النقاط من بكرة بي اذن الله ايش صار في التحاليل دوبي اتذكرت ان شاءالله تماام |
| الساعة الآن 06:31 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©