رد: البخل دفعني لطلب الطلاق !
 

رد: البخل دفعني لطلب الطلاق !
 

فيه نقطة انا متأكدة منها من ناحية زوجي
لو طلبت منه نفس شروطي " بطريقة عاطفية صوت "
بدون قوة بالرسايل او وسايط و رجال من طرفي
ب يرضخ

في كل مرة كنا نمر بمشاكل كبيرة
لما بس افتح له مجال يسمع صوتي والله العظيم انه يخضع و يلييييين كثير

لكن هالمرة ما سمحت له بهالشي
و حتى لما كلمته صوت مرات محدودة كانت بكل قوة
و حسسته اني بايعته و مو فارق معاي

حتى أخوي نصحني اني اكلمه صوت و احسسه بالقبول
و بيرجع فورا
نفس الشي زوجة صاحبه

لكني رافضة نفسي عزت علي
نفسي عزت علي والله بعد كل اللي سواه

رد: البخل دفعني لطلب الطلاق !
 

كوكي قلتي ملخبطة مو عارفة إيش تقررين

بالعكس قراري واضح
ابغى الخلع فوراً مو بس الطلاق و جلسات المحاكم
ابغى اربي بناتي تربية صالحة بوجود دخل معقول / مابغى أطلع للوظيفة الا في حال واحدة اني مالقيت لقمتي
ابغى استقرار اسري و جو هاديء / ما ابغى مشاحنات و جدل يومي من امي مثلا
ابغى استمر في العلم و التعلم لآخر يوم من عمري في كل المجالات / لأني أجد نفسي في هالمكان بين الكتب و عقلي كل يوم يكتسب معلومة جديدة و تتوسع آفاقي


كل التناقضات الباقية هي انهيارات نفسية فقط
و فضفضة في المنتدى

لو مقتنعة فعلا ب رجوعي لزوجي كآن حجزت القطار و رجعت له بنفسي
او عالاقل شلت الحظر و رجعت تواصلت معه

انا فقط منهكة ممزقة من تعامل امي معاي

رد: البخل دفعني لطلب الطلاق !
 

لكن تصرفاتي امس مع ابوي و اخوي
لاني اعرف انهم بيرفضون و ب يقووني اكثر
و يذكروني ايش سوا فيني

انا قسوة امي تدخلني في دوامة انهيار
انسى معها حرفيا كل شي سواه معاه
اجي أحفر بذاكرتي على ابسط شي حلو سواه لي و اتمسك فيه

ابوي و اخوي امس حسيتهم
و حسيتني
و اعذروني عالتشبيه
مثلي مثل المرأة بوقت المخاض تصرخ و تبكي
و تتوقع انها بتموت
و ابوي و اخوي مثل الدكتورة اللي تقول اصبري دقايق او ساعات بسيطة بس
ب تنفتح لك الدنيا كلها و تجيك كل ابواب الخيرات

حسيت كذا امس

رد: البخل دفعني لطلب الطلاق !
 

حابة اطمنكم علي
مستجداتي الى خير بإذن الله
سواء من ناحية زوجي او اهلي

رد: البخل دفعني لطلب الطلاق !
 

رد: البخل دفعني لطلب الطلاق !
 

شكراً ابو مريم
تواجدك في موضوعي من اكبر العوامل التي تثبتني بعد الله و تحفظ علي تماسكي
في يومي

رد: البخل دفعني لطلب الطلاق !
 

حبيبتي آمال ، الوظيفة بالنسبة لك ضرورة ، مو رفاهية زي البعض
أنا آسفة بقسي عليك بس أبغاك تكونين بالصورة ،
زوجك أجنبي ، ولو حصّل وظيفة بأي دولة خليجية بيروح بلا أدنى تفكير،
وطبعًا أنتِ عارفته أكثر مني تتوقعين بيثبت لكم مصروف عادل ومريح ويجيكم بدون طلب؟
وقتها مين بيأكلك ويشربك ويسكنك أنتِ فما بالك ببناتك؟
أنتِ بترجعين لأبوك وراسك مرفوع وهو شرعًا مسؤول عنك وعن صرفك.
لكن بناتك من بيصرف عليهم ؟
ليه تخلين ع الآخرين جميل ع بناتك وأنتِ الله معطيك العقل والعلم والصحة إنك تعملين وتصرفين عليهم
فكري لبعدين..
أبوك الله يطول بعمره لكن حال الدنيا ماتدوم ،
تتوقعين أخوانك بيصرفون ع بناتك وهم راضين ومبسوطين وعارفين بقرارة أنفسهم إن أبوهم رصيده مليان وهم حارمين ع أنفسهم
بكره يجي أحد يمنّ ع بناتك والا يرمي عليهم كلمة
بناتك مو سعوديات وبقرارك
بناتك بكره مالهم حافز ولا ساند ولا تمهير ولا ضمان ولا جامعات سعودية فتكفين قررتِ المرة الأولى وأنجبتيهم لازم تضغطين ع نفسك وتأمنين لهم حياة مريحة .

أيوه الوظيفة متعبة وتشغلك شوي لكنها بعد الله تعزززك
اقسم بالله لو تذوقين شعور أول راتب ياااالله من فضلك
لما تحسين بالقوة بقراراتك حتى عند أهلك ..

الآن أصري ع أبوك بالشقة ،
اطلعي واستقلي وتزورين أهلك لو مرة بالأسبوع
يقل احتكاكك بأمك
تربين بناتك بالطريقة اللي انتي تبغين
يصير لك راتب تشترين اكلكم وشربكم وتسددون فواتيركم
وتشترين ييارتك تاخذين بناتك وتروحين وتجين ♥
وربي بيعوضك والله عوض ربي الكريم الواهب بيجيك بالوقت المناسب

اتكلي على الله ولا تضعفين لااا تضعفين

رد: البخل دفعني لطلب الطلاق !
 

رد: البخل دفعني لطلب الطلاق !
 

لا والله يا ابو مريم ماني بخير
لكن شكراً لانك تذكرني في الله جل جلاله دايم

انا مريت في احداث كثيرة خلال هاليومين مع زوجي و اهلي
و مخي مشوش

قريت ردك غادة
بداخلي كلام كثير و ردود ..

لكن اسمحوا لي هالفترة " و أفوض أمري إلى الله "