|
ام جمونة لقيت المحل و كنت في سوق دانية و لقيت له فرع هناك
و عرض عليا اول ما شافني اشتري شاهي اسمه شاهي الغزال لكن الصراحة ما اتشجعت اخذه و قلت اجرب شاي النورس طالما انتي جربتيه قبل و ان شاء الله اذا بدأت آكل بعد ما اخلص من ترتيب البيت و ابدأ الطبيخ اجرب الشاهي و عسى ينفع ان شاء الله |
صباحكم عسل يا رشيقات المنتدى
حبيت أذكركم ونفسى اليوم بكثرة شرب الماء ليتر قبل كل وجبة بنصف ساعة مع ملعقة خل تفاح ولعب الرياضه من ساعة الى ساعة ونصف يوميا واتباع نظام غذائى قائم على الهرم الغذائى اللى نزلت لكم صورته وعدم التوتر ولا الزعل ابدا ابدا مهما حصل والتوكل على الله وحده لا شريك له والدعاء له بأن تنحفوا على خير وبصحة وان يعيننا جميعا على انفسنا ويقوينا آمين |
دودي ياااااارب يسعدك فرحت لك من قلبي على الكيلو اللي نزل وعقبال الباقي وانت بصحة وعافية اهم شيء احمدي الله وادعيه أنه ينحفك بخير وعافية
وبإذن الله مع التحويل والنقل بتخسي أكثر وأكثر ويارب يسعد لك زوجك ويسخره لك اللي يشجعك ويحمسك وربي لايغير عليكم ويبعد عنكم عيون الحساد ويفرح قلبكم بذريتكم عاااااجلاً يااااااااااااارب بالنسبة للشاي ذكرتيني الله يذكرك بالخير الشاي الأول اللي كنت أستعمله قبل النورس هو شاي غزال أنا كنت ناسية اسمه وكرتونته صفراء ياريت لو تقدري ترجعي تشتريه وتشربي في اليوم مرتين مرة أشربي من الغزال ومرة من النورس علشان تجري زي الغزالة وتصيري خفيفة وتطيري زي النورس:23: بس اشربيه بعد الأكل بعد ماتبدأي ريجيم الأكل مو مع اللبن والتمر واللبن يكون زبادي وقليل الدسم أو حليب قليل الدسم بس بشريني بعد ماتشربي الشاي ولما تفرحي بروحة الحمام وترتاحي من الإمساك لأنه رهيب أي شيء تأكليه لازم بعد شوي الله يكرمك تتخلصي منه دودي أنا الأن في تحدي مع هرد وننتهي الأربعاء وبإذن الله من السبت راح ابدأ تحدي معاك تكوني خلصتي من ترتيب البيت ونشوف من ينقص أكثر في أسبوع موووافقة؟؟؟ كيفكم يابنات ليش هذا الهدوء؟؟ يارب يكون الهدوء اللي يسبق العاصفة وبعدها تعصفونا بالفرحة وتبشرونا بنزول أوزانكم وينكم ماحد خبرنا عن وزنه هذا الأسبوع غير أم عمار والأن دودي ..وين البقية؟؟؟ حبيت أقول لكم اني من يوم بدأت الجمعة أشرب خلطة الكمون اللي نزلتها لكم على الريق فعلاً يابنات والله انها تسد الشهية تحسي ان مالك نفس تأكلي وإذا أكلت أشبع بسرعة وماأكل كثير صدقوني أول مرة بس بتحسوا طعمها صعب بس بعد كده تحسوا كأنكم تشبروا موية البليلة ليمون وكمون ويالله يابنات همتكم نبغى أخبار تفرح:17: |
اقتباس:
اخبار تفرح يا ام جمانه انا نزلت كيلو هذا الاسبوع و مستمره على نظام الهرم الغذائي الي حطيته باول الاسبوع مريح جدا الاكل يكون اكثر و معتمد على البروتين و مشبع اكل فول و سمك و صدور دجاج و جبن ام جمانه انا ايضا اشرب شاي صيني(( العادي من غير خلطات النورس و الغزال )) لكن بعد الفطار كوبين و بعد الغذاء كوبين و الامور ماشيه تمام ام عمار انتبهت انه مكتوب عندك في النظام اقتباس:
في ا لنظام الي اتبعه ممكن ناكل بس بياض البيض وبلكميه الي نريدها تصل ل7 بيضات .. و زبده الفول السوداني ممنوعه ناكل مكسرات نيه يعني لا محمضه ولا مملحه مكسرات نيه فول سوداني بندق فستق و فواكه مجففه قراصيه وتمر وزبيب السعرات الحراريه ممكن تتحدد بنفس اليوم لان يوم نكون جوعانين كثير ويوم لا لكن المهم النسبه في الاسبوع في سؤال قراته هنا قبل فتره عن الماء الماء اثناء الرياضه وكميته الي قراته انه كل نص ساعه رياضه تشربو ربع ليتر ماء و ممكن اذا عطشتو اثناء الرياضه تشربو ماء الهمه يا بنات :22: |
اقتباس:
شكرا عالتذكير الله يذكرك بكل خير يارب و مقدور على حكاية الماء مع الخل و مقدور عالرياضة لكن انا مبتدئة اكثر حاجة اعملها اني امشي نص ساعة و بالتدريج حازيد ان شاء الله اما التوتر و الزعل ده ااااااااااااااه منه الحمد لله على كل حال لكن الله يعديها على خير و ينسينا الاكل يارب |
صباح الخير ام جيجي
الله يتقبل دعواتك الصادقة و لك مثلها ان شاء الله و ان شاء الله نكون في نزول مستمر لغاية الوزن المطلوب بصحة و عافية يارب و امرك يا ستي من الليلة ان شاء الله اشتري الشاهي عشان اسير غزالة و عقبال ما نسير عصافير وبما انه عند عزيز مول حادور و ان شاء الله اوصل له و يللا انا اشجعكم انتي و هرد و يارب توصلو انتو الاتنين لنتايج مرضية لكم و بعدها على النظام الجديد فكيه الجمعة عشان بعدها مستنياكي السبت و السباق حيبدا انا ممكن امشي على نفس نظام كتاب نوع الجسم و اكيد انتي ما دام جسمك درقي ح يناسبك لكن انا احيانا من نفسي اغير يعني مثلا لو كان مكتوب عالعشا دجاج و ما عندي اكل سمك و اذا مرة خضار مسلوق اخذ سلطة او خيار بس و احيانا مكتوب بيض مقلي اخذ بيض مسلوق يعني بروتين و نفس المطلوب او اخف ما علينا طالما يؤدي نفس الغرض !! و كيف خلطة الكمون دي ؟؟ ينفع احطلها شطة ؟؟؟هههههههههههه امزح انا سمعت عن كمون مع النعناع و الشاهي الاخضر و الزنجبيل كلها بنفس النسب و يقولو ان في كثير نحفو عليها و نفعتهم و جربتها فترة لكن ما اتذكر ان كانت نفعتني او لا لانه من سنة تقريبا و كنت اخبص معاها و بصراحة مرة مو طعمة لكن دي اللي كمون و ليمون اكيد اطعم ان شاء الله اجربها بس ايش فايدتها غير صدة النفس ؟؟ 0000000000000000000000000000000000000 انا عندي خبرين واحد حلو و والتاني يعني الخبر اليعني ان امس ام زوجي كانت عندي و بما اني انا و زوجي مكتمين على موضوع الريجيم اخذناهم على المطعم التايلندي و اكلت شوية شوربة تم يم و غرفت بالعدد ملعقة رز و شوية لحم و خضار و نودلز والله شبعت من اول لقمتين الحمد لله المهم ان الخبر ما زال في بير و بعدها سكييييييتي في البيت شربت شاهي النورس و لا من شاف ولا من دري :11: و الخبر الحلو:14: اني تاني يوم اكرمكم الله من الصباح دخلت الحمام بدون مغص او تعب و حسيت اني خفييييييييييفة :23: لكن ما اعرف كم كان الوزن لان زوجي خفى الميزان:11: و انا من النوع القلوقي مرررررررة و احسن شي عمله انه شال الميزان لاني حتى لو دخلت الحمام و اكرمكن الله عملت نمبر ون اطلع و اوزن :d بنات من جد انتو مرة هاجدين عسى خير ان شاء الله :29::29::29: ترا عادي حتى لو خبصتو لا تختفوا المهم انكم متابعين في الموضوع لان اللي تخبص و تعترف تتشجع انها ترجع للنظام تاني اما اللي تخبص و تسكت ف حتتكاتسل انها ترجع و تقول بلاش ارجع للموضوع دحين ارجعو تاني و في كل الاحوال خير ان شاء الله 00000000000000000000000000000000000 الله يجزاكم خير جميعا و لكم دعوة ان شاء الله في ظهر الغيب على تشجيعكم و جزاكي الله خير ام جيجي اللي دليتيني عالشاهي لاني من جد انعدمت من الامساك الفترة الماضية و تربس وزني الله يجعل كل هذا في ميزان حسناتكم |
اقتباس:
ما شاء الله الخبر يفرح فعلا عقبال الباقي يارب بافكر بعد ريجيم نوع الجسم اريح منه و ادخل عالهرم الغذائي لانه منوع و حلو لكن يحتاج دراسة مكثفة مني عشان اوزن الاحتياجات اليومية و حسب الموجود و المحبذ عندنا انا و زوجي الله يجزاكي الف خير استغربت و انا ادور في النت على اهرام غذائية في احدهم قاعدة الهرم فيه الحلويات ؟؟؟!!!! مره غريب انها اكثر شي و موضح انه لتنزيل الوزن لكن ما اظن انه صحيح ما ادري صادفك شي زي كده ؟؟ و كنت ابغى انزله و اوريكي هوا لكن خفت احد يعتمد عليه و يقول انا نزلته |
هنا الخلطة يادودي
http://www.66n.com/forums/showthread...183859&page=27 معليش اسمحوا لي مستعجلة مع ان ردودكم فرحتني بس بإذن الله برجع أرد بالتفصيل لأن الفرحة مايبغى لها رد سريع مع السلاااااامة |
بسم الله ما شاء الله
أشوف الرشيقات رجعوا لنشاطهم وتألقهم مره تانية بعد فترة الكساد ايوه كده فرحونى بأخباركم ونشاطكم حبيبتى دودى ربنا يوفقك ويعينك وبجد بجد أنا شايفه فيكى نيه خالصه وجديه هذه المره ومتأكده انك هتنزلى معانا لحد ما توصلى لوزنك المثالى بإذن الله وأنا افتكرتك امبارح وقعدت ادعى لك تخسى وتخملى يارب أما عن الزعل فالدكتور بتاع الرجيم بيقول انه بيأثر كثير فى زيادة الوزن لأن الجسم بيفرز ماده أثناء الزعل تخليه يهضم كل السكريات وبالتالى تجوعى اكثر وتتعبى اكثر وتضطرى تأكلى حاجات مسكره علشان تعوضى وكمان بيفرز مواد زى الكورتيزون وظيفتها تخفيف الشعور بالألم والتوتر ولها نفس خصائص الكورتيزون اللى بينصح وعن الهرم الغذائى فارجعى كم صفحة لورا يمكن صفحة او اثنين هتلاقينى منزله أحدث هرم غذائى واقرأيه كويس لأنه كمان مضاف له نسبة الرياضه اللى لازم تلعبيها كل يوم حبيبتى أم جوجو مستنيه نتيجتك على أحر من الجمر يارب تخسى كويس الاسبوع ده أختى الغالية الغربة مره ألف مبروك على الكيلو وماشاء الله عليكى من تقدم الى آخر برافو عليكى يالله استمرى وربنا معانا يارب باقى الرشيقات ياله مش عايزه كسل بسرعه ادخلوا وفيدونا بمعلومات جديده عن الرشاقه وكمان قولوا لنا أخباركم علشان نفرح مع اللى نزلوا ونشجع اللى كسلوا .......... يالله بلاش كسل |
السلام عليكن جميعا .. أنا صار لي غايبه عن المنتدى من أكثر من شهرين بسبب ظروف سفري لزوجي المقيم في بلد ثاني وتوني راجعه .. وفرحت مررررره لما لقيتكم لسه مستمرين في فكرة الريجيم الجماعي هذا والموضوع كمان لسه مفتوح .. على العموم ألف مبرووووووك لكل البنات اللي نزلت أوزانهم :17: وعسى الله يحقق كل أمانيكم .. ودي أشترك معاكم لكني حاسه إني فوت على نفسي الكثير ! |
| الساعة الآن 06:22 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©