|
مع انك لم توضحى لى سبب ذكرك لكلمة(خيالى المريض!)
ولكنى سأرد عليكى بأنى تعبت من الأشخاص الذين يحاولون ان يقنعونى (عن جهل منهم)بأنى رافضه للعلاقه ولا ارغب فى عفة زوجى عموما ارجو من الأدارة للأهميه القصوى اغلاق الموضوع لأنى اشعر ان اخر ما احتاج اليه اراء المتفذلكين فى حالة طبيه تحتاج الى علاج وانا بأذن الله سأركز جهودى على العلاج عند المختصين ولكنى احب ان اشكر ابو مريم وحلووى والمصريه وزوجة احمد وانين الدنيا وحنان امير لأنى بصراحه لا اتذكر الا ردودهم الصادقه ووقفتهم الرائعه بجانبى كما اشكر جميع الأعضاء الذين تذكرونى بالدعاء ولكنى كنت اشعر ان لا احد يفهم مشكلتى مثل هؤلاء الاعضاء الكرام الذين ذكرتهم وحتى لا يتحول الموضوع الى ساحة اتهامات وتشكيك فى ادعائى لما اصابنى ارجو بشده اغلاق الموضوع |
العفو اختي
الله يفرج همك وهموم كل المهمومين من امة محمد صلى الله عليه وسلم يارب يا قريب يا مجيب اجعل الفرج قريب |
العفو .... على ايه يا بنتي .. انتي أشّري والله انا لو معاكي كنت اخدتك من ايدك ورحنا للدكتور بعزم وبثقة عشان انا عارفة ان اكيد جوزك مشغول ومُرهق والحركة هنا صعبة حبتين من غيره خصوصا انك لسة جديدة عموما الموضوع مش هيتحل الا بأيْد مختصة .. الغرض بس من موضوعك دلوقتي ان احنا ندعمك معنويا مش اكتر ... وانا بدعيلك بجد كتير اوي وحاسة بإذن الله ان امورك هتتيسر في الاتجاه اللي فيه الخير ليكي المهم ان انتي تسعي بالفعل والاصرار وان تثقي في ربنا اوي .. وتتحركي .. وان شاء الله كله هيبقى تمام وتطمنينا على أخبارك لو الموضوع اتحل حتى ولو بعد حين او اخد اي اتجاه وربنا يقدم اللي فيه الخير |
نفسيتك بتزداد للاسوء بسبب الموضوع دة
استاذني من جوزك انك ترجعي مصر بعد رمضان وانك هتقدمي عند دكتورة هبة قطب وانك هتبلغى والدتك و يكون الموضوع على سكات عشان تحضر معاكى الجلسات وحاولى تقنعي الدكتورة ان جوزك مسافر ومش هينفع ينزل ووو دة هو الحل اللى انا شايفاه |
اقتباس:
|
اقتباس:
انا كمان فكرت فى كده وعرضته على زوجى وابدى تقبل مبدأى للأمر لى طلب منكم اخواتى لا تنسونى من دعائكم فى رمضااااااااااااااااااااااان فأنا فى امس الحاجه له ارجوكم وطبعا اذا استجد اى شىء سأخبركم ان شاء الله |
حبيبة قلبى يارتنى والله جمبك لن أتركك أبدا وإلا بإذن الله مشكلتك محلوله
ولا تشكرينا على واجبنا نحوك فأنتى أختى فى الله ثانيا والله يشهد عليا أحبك لله فى لله يكفى أخلاقك الرفيعه و يكفى أن أحنا أتعرفنا على بنت مهذبه حبيبتى والله أنا بعتذر ومكسوفه منك بجد لأنى مقصره أتجاهك جدا جدا ولم أفى بالوعد على أن أظل بجانبك حتى العلاج لكن والله ماحدث لى كان فوق تحملى وللأسف سافرت حتى أهرب من كل المشاكل التى تأتى بدون سابق انذار فى حياتى ولله الحمد ـ أنا وأسرتى فى أتم الصحه والراحه لكن بعد ذلك وبعد السلامات قوليلى بصراحه كده ينفع تنزلى مصر على رمضان ؟ لو ينفع أحنا هنا نحجزلك عند دكتوره هبه وتنزلى على ميعاد الكشف بشكل مباشر وتتابعى معاها العلاج وبعد شهر تسافرى لزوجك تتابعى معاه اخر خطوه وانا أثق بربى بأنه هيشفيكى بعد زيارتك لطبيبتنا هبه قطب وهقولك كلمه عارفنها كلنا مفيش داء إلا وله دواء ولا تيأسى ابدا من رحمة ربنا وكررى دعاء سيدنا أيوب ( ربى أنى مسنى الضر وانت أرحم الراحمين ) ويارب يشفيكى ويعافيكى من اى شر أو ضرر ويحصنك بـــ لا إله إلا الله من عين الانس والجن |
يا حبيبتي ربنا يفتح عليكي وكتييير ناس مرت بحالتك دي وانا اعرفهم شخصيا والحمدلله دلوقت مش ملاحقين على العيال:d ماشاء الله
كانت واحده قريبتي قعدت حوالي سنه محملتش وطبعا كل العيله بتسأل عن سبب تاخرها في الحمل وبحكم ان والدي طبيب نفسي لجأت قريبتي لوالدي لحل مشكلتها وكمان هيا مشكلتها اصعب منك حيث انها خافت وزوجها كان يفشل كل مره بسبب توتره والان ماشاء الله عندهم بنت وولد ومبسوطين وظروفها كانت مثلك تماما سبحان الله فهي مغتربه في السعوديه وايضا طبيبه |
الف شكر ليكم يا حبايبى على دعمكم ليا بجد فرقتوا جدا فى حالتى النفسيه وتهدئتنى ربنا يجعله فى موازين حسناتكم ويقضيلكم كل حوائجكم يارب
حبيبتى المصريه ربنا يفرج كربك ياحبيبتى ويعجل بزواجك ومتزعليش لعله خير اهو برده تستمتعى برمضان فى وسط بابا وماما واخواتك صدقينى انا دلوقتى مشتاقه اوى اقضى رمضان فى بيت بابا وحشنى جدااااااااااااا ربنا ييسرلك الحال واكيد هبلغك لو محتاجه تحجزولى متأكده انكم مش هتتأخروا ربنا يكرمك ياحبيبتى بس انا معتقدش هقدر انزل على رمضان اولا مقدرش اسيبه حرام فى رمضان اول رمضان يعدى علينا وثانيا لسه لما اعد احايل واسايس والكلام ده عشان اوصل لموافقته النهائيه لموضوع السفر ده ولكنى يعنى حاسه منه استجابه ولكن لسه مبدئيا كده يعنى انا بقول قدامى رمضان كده اكون اقنعته تماما بالفكرة واكون كمان استخرت يمكن زوجة احمد ياقمر سبحان الله قصة قريبتك شبه قصتى وانا انبسطت اوى بالنتيجه اللى وصلتلها ماشاء الله احيتى فيا روح الأمل ربنا يجعله فى موازين حسناتك يارب حلوى حبيبتى متشكرة اوى على دعواتك ليا وانا واثقه فى صدق كلامك وانك لو جنبى مكنتيش هتسيبينى بجد ربنا يكرمك حنان امير ربنا يكرمك بالزوج الصالح ويقضيلك كل حوائجك يا حبيبة قلبى |
طيب ياحبيبتى أهو تستغلى رمضان للدعاء إلى الله عز وجل والتضرع له
والتيقن والتأكد بأن الله يحبك لذلك أبتلاكى حتى تجدى فى عبادتك وتزيدى بالقرب من الله وبالنسبه لحالتك فكما قالت زوجة أحمد الكثير والكثير ربك عفاه وأتعالج وعندهم أطفال قمرات الله يحفظهم ويبارك فى الاطباء الذين ساعدوهم ويبارك فى والد زوجة أحمد اللهم آمين وكل الاطباء الذين يتعاملون بكل أمانه مع مرضاهم بس أنتى أتأكدى بإذن الله أن هنفرح قريب جدا كمان وجوزك والله أبن حلال |
| الساعة الآن 12:06 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©