طالما انك تحبها لهذي الدرجة لاااااتطلقها >>>و اتحمل ما يجيك منها الله يعينك لانو حرام تتزوج غيرها وتظلم بنت الناس معاك انا اعرف شخص يحب زوجته ولكن طلقها تحت ظروف قاسية يعني تقدر تقول غصب عنه وتصرفات زوجته نفس تصرفات زوجتك وراح في حال سبيله وتزوج لكن يا قلبي عليها ما جلست معاه الا شهورقليلة الا وطليقته كلمته تبغى ترجع له ورااااااح يررررركض وقال لزوجته بكل وقاحة انا احبها موووووت ومافي شي حيردني عنها وانتي اذا ما ناسبك الوضع اطلقك لو بغيتي الا المسكينة ما مداها تقرر مصيرها وطليقته شرطت عليه يطلق زوجته عشان ترجع وفعلا نفذلها طلبها
انا ما ابغى اعقد الامور اكثر ولا ابغى اشتتك لاني مريت في مشاكل مع زوجي اكبر بكثيييييير من مشكلتك ولاني ضعيفة واعمل باصلي وفوق هذا ما عندي القوة اني ادافع عن نفسي اكون انا المجني عليها دائما وكله في سبيل عيالي الله يخليهم لي ولا يحرمني منهم
وفي الاخير هذي حياتك انت اللي تقرر نحن نعطيك خلاصة تجاربنا عشان تستفيد منها يعني انا زوجي مثلا جدددددا سئ وانا مقتنعة انه ماينفع زوج اصلا والكل كان يقول لي كيف عايشة معاه اتطلقي منه قبل لا تموتي من الهم لكن لاني عارفة نفسي اني مااقدر استغني عن عيالي ولو بعدت عنهم رح اتعذب اكثر قررت الرجوع لزوجي >>>هذا وانا مقتنعة انه فراقه عيد
وبالنسبة لوضعك انا اشوف انه انت سويت كل شي ممكن انه الرحال يسويه لزوجته وقت الزعل عشان يرضيها ورغم كذا ما فاد مابقى قدامك الا اختيار واحد وانت مجبور عليه انك تهملها وتطنشها والفلوس اللي رسلتها تكفيها وزيادة لا ترسل غيرها وعيالك خفف اتصالاتك عليهم عشان لا تحسبك تتصل عشان ودك تسمع صوتها وشوف ايش بتكون ردة فعلهم
واذا اصرت على الطلاق رح لها وقول انا مستعد لاي شي تطلبيه وما رح امنعك عن اي شي ورح تعيشي حرة ولما ترجع لك سيبها تسوي اللي تبغاه تروح السوق تكلم خالها تسافر تتجنن وانت لا تفكر في يوم انك تقول لها لا >>> لا تزعل مني انا ما اقصد الاهانة لا والله انك رجال والنعم فيه ويكفي اني اقول لك اني ما قد شفت انسان برجولتك وشهامتك واخلاقك وهذا واضح من ردودك واسلوبك الراقي لكن اظلم نفسك ولا تظلم بنات الناس (طبعا ما اقصد زوجتك انا اقصد الانسانة اللي رح تتزوجها اذا طلقت زوجتك)

اشكر الجميع كل من ساندني وكل من عاتبني عتاب المشفق وكل من دعى لي وكل من ابدى الرأي حتى لو كان قاسي حتى الأخت اللي قالت اني غبي أشكرها بكل صدق لانها تريد ايقاظي من بعض الأوهام وقالتها بكل عفوية كأنها تخاطب اخوها0
وانا سمعت هذي الكلمة من والدتي والوالد قال لي كلام شديد اللهجة حتى انه قال حسافة على تربيتي لك0
صدري متسع للجميع مع ان النفسية قافلة وصرت اتأخر على الدوام واطنش المحاضرات في وقت حرج لكنكل اللي احتاجه الآن وخصوصا اليوم الجمعة هو دعوة صادقة لأخوكم في الله بأن يجمع الله شملي بأسرتي زوجتي وأبنائي في اقرب وقت ان كان في ذلك خير لي ولها وللأطفال أو ان يختار الله ما فيه الخير لي ولها وللأولاد مع شكري للجميع بدون استثناء في الحقيقة مهما صار لا زال في الدنيا خير رغم ان الحياة علمتني ان الطيب يضيع0

مع انك ماجاوبتني على سؤالي؟؟
بس تدري عاد الله يعطيك على قد نيتك يارب ويرجعلك زوجتك دامك تحبها اذا في رجعتها خير لك انشالله ترجعلك وتغير تعاملها معك للاحسن مع اني استبعد انها ترجعلك لكن مافي شي يصعب على الله سبحانه
بس ودي اسالك سؤال زوجتك تعرف هالمنتدى لان فيه مشكله كتبتها عضوه من فتره تقارب لقصتك تشتكي من زوجها انه شكاك وانه يموت فيها ويقدملها الغالي والنفيس بس هي ماتبي فلوسه

الله يكتب لك الخير

بعد الفروض المكتوبه السنن الرواتب ممكن تنويها استخاره

بعد كل فرض استخير


وربي بيختار لك الصالح

ورح ربي ييسر الامور بطريقه عجيبه

أخوي بما إنك جربت الطرق و تبغى زوجتك ترجع لك و ما تبغى غيرها ،.
فأمس جلست أفكر إنك تجرب اخر طريقة و ترسل لها رابط المنتدى ..

لعل و عسى ؟

انا متفائل انها بترجع ان شاء الله ولو ما رجعت فمو نهاية الدنيا
بالنسبة لزوجتي ما تحب النت والمنتديات0

بقولي اللي اشوف واحس..واعذرني إن أخطأت

يأخي احس انك قاعد تستمتع وتتفنن في حل المشكلة..احسمها وخلااااص

انا وانا غريب قلبي عورني وأقرا رد ورا رد وأقول يارب متى يقول خلاص انتهت المشكلة..

كيف بأبوك المسكين وأهلك..شكلك تعبتوهم معاك..

الله يهديك ويعينك..وييسر لك أمرك..