|
|
رد : كوفي شوب الصبايا 2 ( المشاركة للنساء فقط
بخير يا بتبوتة🌹🌹
اجازة و بدأ الملل |
رد : كوفي شوب الصبايا 2 ( المشاركة للنساء فقط
بمناسبة نوم اليهال عند الأهل.
من حوالي ثلاث أسابيع طلبت مني مهرة إني أسمح لها تنام عند عمتها .... مهرة تحب عمتها هذه وايد .. والعمة بعد تحبها وعلاقتهم حلوة مع بعض. هذاك اليوم كان جمعة .. يعني إجازة .. فوافقت وقلت لها روحي. قامت البنت وجهزت شنطتها. :D حطت بيجامة .. وفرشاة الأسنان والمعجون .. وحبة بامبرز (هيه مهرة لين الحين تنام بالبامبرز :mad:) .. وماي. طيب ليش الماي يا بنتي؟ .. انتي رايحة صحرا؟؟؟ :D المهم .. راحت. عقب حوالي نص ساعة رجعت! قلت: خير يا ماما شو رجعج؟ قالت: ييت أشوفج. <----- طبعاً ملامحها قمة البؤس. ;) حضنتها وبستها .... تمت شوي ورجعت لعمتها. عقبها بشوي رجعت لي مرة ثانية! قلت: خير يا ماما شو بلاج؟ قالت: ماما أنا أحبج. <----- ولا زال البؤس مستمراً. ;) قلت لها: وأنا بعد أحبج يا عيون ماما ....... هاا بتروحين عند عمتج والا بتمين؟ قالت: بروح ..... وحضنتني حضن الوداع وراحت. عقبها بشوي رجعت! قالت: ماما ممكن ترسمين لي صورتج؟ <---- بؤس البؤس. ;) قلت: يا ماما أنا ما أعرف أرسمني .. لكن شو رايج تاخذين صورتي؟ تحمست جداً لموضوع الصورة وأخذتها وحطتها في الشنطة. قلت: يا ماما إذا غيريتي رايج وما تبين تنامين عند عمتج عادي مب مشكلة. قالت: لا .. باروح .. بس أنا ييت أشوفج ...... وراحت. عقبها بشوي رجعت مرة ثانية! قالت: ماما عودة وعمو بعدهم ما نامو .. تعالي يلسي معانا لين وقت النوم. هني كان الموقف لازم ينتهي .. قلت لها: يا ماما إنتي تبين تنامين عند عمو والا لا؟ قالت: أبا أنام عند عمو .. وبعد أباج! قلت لها: خلاص نامي هني الحين .. وباجر الصبح روحي قعدي مع عمو كثر ما تبين. واقتنعت بمنتهى السلاسة ودخلت تنام في سريرها. ;) |
رد : كوفي شوب الصبايا 2 ( المشاركة للنساء فقط
اقتباس:
|
رد : كوفي شوب الصبايا 2 ( المشاركة للنساء فقط
اتمنى يا مهرة بناتي يرفضون النوم عند احد
بالعكس يطيرون من الفرح |
رد : كوفي شوب الصبايا 2 ( المشاركة للنساء فقط
أيوه هيك خليني عند قصص مهره وخفة دمها .. والبنات السكاكر
أنا شو وداني قسم المتزوجين gfg |
رد : كوفي شوب الصبايا 2 ( المشاركة للنساء فقط
أنا بعد يطيرون من الفرح هههههههه
أصلا اليوم لما رحنا نأخذهم قالت بنتي وش صار لو نمنا معاهم ثلاثة ايام😑 |
رد : كوفي شوب الصبايا 2 ( المشاركة للنساء فقط
اقتباس:
ولدي يتمنى أسمح له يبات عند ولد خال زوجي (من عمر بعض) بس أنا رافضة. |
رد : كوفي شوب الصبايا 2 ( المشاركة للنساء فقط
اقتباس:
|
رد : كوفي شوب الصبايا 2 ( المشاركة للنساء فقط
مساء الخيرات للاميرات
ميمو وينك الجو عندنا اللي تحبيه برق و رعد و مطر سبحان مغير الاحوأل و حبات البرد تتساقط الان. |
رد : كوفي شوب الصبايا 2 ( المشاركة للنساء فقط
اقتباس:
تذكرين كيف موقع بيتي وبيت ماما؟ عمتها ساكنة مع أمي .. يعني البيت جنب البيت والسور واحد. لكن ولد خال زوجي بيتهم أبعد .. وحتى لما مهرة طلبت إنها تروح تبات عندهم مع أخوها رفضت. |
| الساعة الآن 02:38 AM. |
|
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©