|
اقتباس:
والله إذا على طول تزونين طول اليوم على الطالع والنازلة راح تتحبطين وبتتعبين وتحسين نفسك تبين تنزلين كل ساعه .. وراح يجي على جسمك وقت يوقف عن النزول وانتي طبعاً مستمرة على الرجيم والرياضة وتروحين توقفين على الميزان وانتي ميته جوع مش شايفه الي قدامك من جوعك .. وتطالعي الميزان وهو وااااااااقف مكانك راوح .. انواع القهر والتحطيم لا توزنين الا كل اسبوع .. وخلي احد يخبي الميزان عنك ربي ينحفك بصحة وعافية |
السلام عليكم يا صبايا يا رشيقات... والله من فترة أتابع أخباركم وأحاتي كل وحدة كم نزل من وزنها وأموت وأشترك معاكم بس شفت الوقت مو مناسب خصوصا وانه امتحاناتي عالأبواب فأنا محتاجة أكل وطاقة (عذر أقبح من ذنب) :d أحب اعطيكم معلومات عن حالة الوزن عندي... طولي 168 (أعتبر طويلة) ووزني حاليا ما يقارب ال64 وأنا كارهة نفسي وحابة أوصل ال55...بتسألون ليش يا أختنا دلوعة حسين؟ وللإجابة على هالسؤال لازم أحكي قصة حياتي وأنا في الثانوية العامة... كنت الله يسلمكم رشيقة وجسمي حلو وأول ما دخلت الثانوية العامة صار وزني يزيد بسبب الدراسة والقعدة...لين ما وصلت أعلى وزن في حياتي وهو وهو وهو...73 :23: كرهت نفسي جدا والكل لاحظ...طبعا ما كان شكلي دب...بس مليان وانا مو حاسة على نفسي أبدا... ليمن وصلت آخر أيام الثانوية وانسدت شيهتي ونحفت 6 كيلو!! الكل مالك نحفتِ؟ شو صار لك؟؟ والتعليقات من كل حدب وصوب وانا طبعا شاقة الحلج كذا :d وعقب دخولي للجامعة نحفت غيرهم 7 :22: صرت رشيقة جدا ووصل وزني لل60 وطبعا فرحتي كانت لا توصف أبدا أبدا...والناس مستغربة كيف وصلت لهالوزن... وبعد فترة وصلت لل58 وأتذكر بنت خالتي قالت لي "مصختيها بالنحف خلاص بسك"... وانا يكبر راسي ويكبر :d للأسف الشديد الحين زاد وزني ووصل لل64 وانا مصممةأنزله.. شوفوا يا بنات جسمي من النوع اللي ينحف بسرعة كبيرة...يعني ممكن في أسبوع انزل 5 كيلو ما شاء الله..وعندي عضوية في أفضل نادي في البلد بس المشكلة مو لاقية أي وقت أروح بسبب الضغط الدراسي الفظيع... جسمي ما أقول عنه وحش بالعكس متناسق لكن حابة أنحف وأشده...وأنا زمان 4 سنوات ما انقطعت عن الرياضة بس الجامعة شو خلت لنا من وقت وطاقة نرد البيت واحنا هلكانين... عشان كي يا حبيبياتي أتمنى انكم ترحبون فيني وراح أنضم اليكم رسميا تاريخ 27-5 يعني بعد ما أخلص امتحاناتي وأبدا أروح الجم... بليز لا تطنشوني بزعل بعدين :15: وأدعي لكم من قلبي كل وحدة تنحف بصحة وعافية يا صبايا...خصوصا الأخت العزيزة دودي ألقاكم على خير ان شاء الله.. |
هههههههههههههههههه
هههههههههههههههه اهلين دلوعه .. انا أخترعت .. قلت شنو دخلها دلوعه لا يكون جاية تضحك علينا أثرك طلعتي مثلنا هههههههههههههههه يا عمري حياك الله بأي وقت .. وتلقين تشجيع بس خلك تتكاسلين ليتك جاية قبل كان شفتيني انا ولف نفس وزنك الحين أو أنا كنت أقل منك الحين قطعت مشوار تصدقين دلوعه هليام حتى لو تزيدين عن وزنك الطبيعي أقل من 9 كيلو احسه مو مقبول يالله ننتظرك على أحر من الجمر .. ربي يوفقك في الامتحنات |
اقتباس:
:d :d :d شكرا باريسا عالترحيب الحار...حظكم انت ولف نزلتوا أنا ببدا من الصفر :29: المشكلة اني طويلة يعني حتى لو يزيد وزني الناس من العباية ما تلاحظ وما تشوف البلاوي السودة والحمرا وكل ألوان الطيف :( والماما هلكتني بالتعليقات..."أول كنت نحيفة والحين زاد وزنك...روحي انحفي..ما ادري شو" كرهت نفسي وقلت في نفسي أنحف بكرامتي أحسن ولا أسمع هالتعليقات اللي تبط الكبد!! وانا من النوع اللي أموت عالخرابيط يعني التشوكليت والتشبس وهالسوالف وما أحب آكل أكل حقيقي... يا رب أرجع وأشوف كل وحدة فيكم نحفانة ورشيقة... |
دلوعة حسين انتي الظاهر تجي معاكي بالعكس
هههههههههههههههه :23::23::23::23::23::23: يا الله عليكي 64 كيلو انتي م ررررررررررررررررررررررررررررررررررررررةةةةةةةةةةةة ة دببببببببببببببببة لا لا لا :29::29::29::29::29: :30::30::30: لازم توصلي ل 55 بالقلييييييييييييييييييل لوووووووووووووووول والله شر البلية ما يضحك يا ماما انتي ما شاء الله عليكي وزنك مثالي و اقل من المثالي كمان حرام عليكي بكرة حسين اش يمسك فيكي معليش اسمحيلي انتي مرة مكانك غلط هنا ياختي انا اقرف من الناس اللي جسمهم جلده على عضمة اجل كيف الرجال ؟؟ خلي بكرة النهار لما تتزوجي:24::24::24: جسمك يزيد كم كيلو و ينبسط ابو الشباب:28: لا يقول هيكل عظمي ممسوح من الجهتين لا مقدمات ولا مؤخرات ؟!؟!؟! و معليش لا تزعلي مني ترا في ناس مرضى مهووسين بتنزيل اوزانهم ياختي لا تسيري زيهم كفاياكي نزول وزن صراحة انتي تبارك الله ما شاء الله وزنك حلو ف خليكي عليه و يا حبذا لو زدتي كيلو او تلاتة ترا مرة ما شاء الله حلو :17::17: و لا تخافي في مقاساتك في السوق مالت على اللي زيي ما يلاقو شي الا بطلوع الروح ترا من جد اتكلم و لا تزعلي مني امانة الله المستعان |
اقتباس:
انت منو يزعل منك؟ دمك عسل وخفيف ما شاء الله عليكِ... بس يا دودي والله لو تشوفيني ما كنت كتبت هالكلام...انا مليانة لا يغرك ترا... عندي تضاريس والتواءات وكل اللي يحبه قلبك وبزيادة...تصدقي لما كنت 58 كان شكل جسمي روعة والله...والحين بدت التضاريس في الظهور مرة أخرى.. أنا بروحي أكره البنات اللي جلد على عظم أنقرف وأتلوع وأنا المتن يطلع فيني في المنطقة السفلية من الجسم :29: يعني جد يبيلي أنحف...بس كم كيلو وبنقلع عنكم بعدين :d تصدقي اني لما أقرا ردودك أضحك...انت عسولة... |
اقتباس:
طيب حربي انك بس تريضي الجزء السفلي من جسك لكن لا تنحفي الجزء العلوي يعني مثلا العبي بالدراجة الثابتة و كلي اكلك العادي لكن خففي بس و اياكي تنحفي اكثر ترا شدة النحف مو حلوة و خبرينا عن النتيايج يا حلوة :d |
ددلووعة حسييين اهلا بك في جروووبي من فوق الله الله و من تحت يعلم الله :) :)
دبدوووووبة ياادبدوووبة اخص شي لما تلاقي نفسك رشييقة من فوق و تخافي تشوفي تحت :) اول قبل الحمل كنت البس مكشوف من فوق و اغطي تحت عشان اخدع زوجي :) بعد الحمل و تشقق البطن صرت اغطي فوق و تحت و ما اكشف الا الصدر شكلي بعد البيي الثاني بمشي بالبيت بعباية :) :) .. الوزن مو مقياس المقياس بتوزع الدهوون بالجسم مالنا الا الرياضة لكن قااتل الله الكسسسسسسسسسل باريسسا يالله احنا الدفعة الثانية نبتدي سوا :) .... سلاامي لبقية البناتت ان شاء الله يااارب من نجاح لتجاح و لاجساام رشيقة بصحة و عافية |
مرااااااااحب يا صبايا
ام جمانه يعني يوم عطيتك الفوز على طبق من ذهب قلتي ماتبيه اشواا اني ماهلكت نفسي مع الدوره وفكرتك حلوووووووه وانا جاهزه مع أي غزاله تبغى تتحداني هالاسبوع سأحطمها تحطيما نياهاهاها دودي يالله شدي الهمه ومبروك الجم الجديد ليتني معك بدال المطامره في الشوارع دلوعه اشوف ان جسمك حلو على طولك والزوائد حلو حنا مانبغى مسطره ويمكن الرياضه بتناسبك اكثر من عمل رجيم باتريسا اذا خايفه من ام عمار تقدرين تنحاشين عندي ولا ترا بتركب فيك ام عمار سلك كهرب علشان يرجك ولا وحده من الحبابات انا تحت الطلب خصوصا اذا تحبين الاكل عادي سرك بيرررررر عميق عمق القدر |
نسيييت ابارك لساندي حبيب على النزول الحلو ماشاء الله عليك ياقمر
وان شاء الله اجازة سعييييييدة يا حلوة ... مشاعر مرهفة ... نورررتي ... والله مستنية عودتك بالسلامه . شفتك طولتي الغيبة :) ان شاء الله ما تكوني زودتي كثيير في شهر العسل :) ... ولا يهمك ما فوتي الكثير رحتي و رجعتي و انا لسه 59 كيلو .. يوم بنزل 58 و اليوم الثاني برجعه :) يالله ارجعي و شدي الهمة :) |
| الساعة الآن 03:07 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©