منتدى عالم الأسرة والمجتمع - طلقني بشهر العسل حلت الرد 390

منتدى عالم الأسرة والمجتمع (http://www.66n.com/forums/index.php)

- المشاكل المحلولة (http://www.66n.com/forums/forumdisplay.php?f=42)

- - طلقني بشهر العسل حلت الرد 390 (http://www.66n.com/forums/showthread.php?t=266172)

رد: طلقني بشهر العسل مستجدات الرد260

ما شاء الله تبارك الرحمن.

يختي أمج يبالها بوسة على راسها.

كلام مريم ممتاز .. وخصوصاً الجزئية المتعلقة بعلاقتج بنسايبج .. قننيها بالطريقة اللي تتفاهمون عليها إنتي وزوجج .. لكن مب المفروض توصل لحذف الأرقام وعمل بلوك .. لأنه تصرف غير لائق وفيه اتهام غير مباشر لهم.

رد: طلقني بشهر العسل مستجدات الرد260

اقتباس:

المشاركة الأصلية كتبت بواسطة مــريم (المشاركة 3396501)

الله يخليها لج ويخليج لها ..
ألحين تأكدتي وتطمنتي إنها تبي مصلحتج .. وإحنا كلنا تأكدنا ..

امين ويخليكم لمن تعزون ويخلي من يعزكم ..

- أنا أشوف سكنكم بيت اهلج صج مب حلوة وأغلب الرياييل مايرضونها ..
سؤال .. ليش أختج مب ساكنة في بيت أهلج ؟ أقصد ليش أمج تبيج إنتي بالذات تسكنين عندها ؟

زوجي رافض هذه الفكره .. انه يقعد في بيتنا .. وامي راحت توافق انه نقعد عندهم ان شاء الله لانها قالت بتخليني انا اختار بشروطي على راحتي .. واختي ساكنه عند عمتها لانه محد عندها في البيت .. عمها متوفي واخوانه متضاربين على الميراث وكل واحد طلع بيت بروحه واهو قاعد في بيت امه القديم .. بيتهم الجديد باعوه ..

- بالنسبة لعلاقتج بنسايبكم أشوف إنج تحطين حدود بس ماتقطعينهم نهائيا ..
يعني لو جلستوا مع بعض عادي .. بس لا تلعبين معاهم ورقة .. لا تسترسلين معاهم في السوالف والضحك ..

ان شاء الله هذا اللي راح يصير .. اصلا من نفسي كرهته بعد سوالف اختي معايه احسه هو سبب ها المشاكل .. يعني هو اللي يوزها .. بس مابي احط في ذمتي ..

- زوج أختج لا يتصل عليج أو يكلمج بالتلفون لأي سبب كان .. أختج موجودة إذا فيه شي ضروري .. أو كلش كلش مسج ..

حذفت رقمه من عندي .. وسويت عليه بلوك .. الحين هو واختي عارفين ان زوجي مب مرتاح من هذه العلاقه فراح يتفهمون الوضع واذا ما رضوا فاهم شي رضى زوجي ..

- السفر لا تخلينه شرط .. بس إن شاء الله هو بيعوضج في الأشهر الجاية خليها تيي من نفسه .. لأنه لو كان شرط بيستثقله ولو قبل فيه ماراح يستانس ولا إنتي بتستانسين ..

ان شاء الله .. كلامج منطقي .. حتى لو ما سافرنا الحين مب مشكله .. المشكله اللي راح تنحل باذن الله ورجعتي له هاي بروحها تكفيني والسفره بتكون زياده عليها ..

- جرح الطلاق بيلتئم إن شاء الله .. ولو إنه بيترك ندوب وآثار لكنها ماراح تأثر فيج وايد بإذن الله ..

الله كريم ..

- من رايي اييكم مرة ثانية وتقعد أمج معاه وتقول له كل الكلام اللي قالته لج .. المرة اللي راحت كانت جلسة مشحونة بمشاعر سلبية .. بس هالمرة بتكون ألطف لا تخافين .. كلميه وقول له أمي كان كل قصدها إنها تحسسنا احنا الاثنين إن الطلاق مب شي هين عشان مانكرر غلطاتنا مرة ثانية ونتسرع في الأمور .. اطلبي منه اييكم ولو اييب معاه هدية بسيطة لأمج تعبيرا عن شكره لها أو كإعتذار على الضيق اللي صار لها منكم (انتو الاثنين) ضروري لما تتكلمين تقولين إحنا أو انا وإنت .. عشان مايحس إنج تلقين اللوم عليه بروحه ..

اتمنى انه ما يزعل على كل مره ساحبته بيتنا .. بس ان شاء الله راح اكلمه وراح اكلم امي تجلس معانا وهو يقول اللي عنده وانا اقول اللي عندي .. وبقول له يمه اذا تبين شي في خاطرج كلميني عشان انا اكلمه حتى ما اسبب لج احراج .. همم الهديه راح افكر فيها ..

شااكره لج اختي مريم وقفتج معايه وكلكم دون استثناء ..

رد: طلقني بشهر العسل مستجدات الرد260

[QUOTE=شاطى الراحة;3396504]

اقتباس:

المشاركة الأصلية كتبت بواسطة دمعة ندم1 (المشاركة 3396499)

الحين انا ابي اكلم زوجي بس مو عارفه كيف املي عليه شروطي QUOTE]

ما شاء الله تقدم رائع .. والحمد الله ان امك ماتدخلت بالموضوع وتركت القرار لك
ممكن نعرف شروطك ؟ وايضا وش مناسبت هالشروط؟

ان شاء الله راح ارتب شروطي اليوم او بكره على اساس اقعد معاه يوم الخميس في بيتنا بعد ما يرجع من الدوام .. والمناسبه عشان ما نطيح في نفس المشكله في المستقبل

رد: طلقني بشهر العسل مستجدات الرد260

اقتباس:

المشاركة الأصلية كتبت بواسطة مهره (المشاركة 3396517)

انتم يبالكم بوسه ع الراس بعد ^_^

همم يمكن تسرعت بردة الفعل .. انا بعد حسيتها مب حلوه .. شكلي برجع اشيل البلوك .. بس زوجي قال مابي اشوف ارقامهم مخزنه بتلفونج .. هذا وقت المشكله .. مادري بيتم على كلامه او بيغير .. انا مسحت ارقامهم او رقمه على كل حال .. وراح ارتب افكاري قبل يوم الخميس .. واذا عندكم نصايح زود تفضلوا .. الباب مفتوح واسمحولي ازعجتكم hth

رد: طلقني بشهر العسل مستجدات الرد260

ماشاء الله تبارك الله
الله يتممها عليكي يارب
بالتوفيق

رد: طلقني بشهر العسل مستجدات الرد260

اختي الحمدلله مستجدات جيده
وكنت متاكده ان امك تسعى فقط لرد حقك الي ضاع في لحظة طيش من زوجك
ضعي شروطك قبل عودتك له عشان يتوب يطلق على ادنى شي
بس شروط متزنه بدون مغالاه
من ضمنها شهر العسل يعوضك فيه لانك لو ماعوضتيه بتضل في قلبك وتاثر عليك وانا مرت علي لما خرب شهر العسل
وبعد مرور ثلاث سنوات ونص مازال في قلبي غصه كبييره
ولاتطولونها وهي قصيره
خلاص كلميه واتفقوا واجلسوا مع بعض وحطي شروطك
بس ترجعين وبعد الرجعه تقولين شروطك ماتصير
قولي شروطك قبل ترجعين

رد: طلقني بشهر العسل مستجدات الرد260

انا رأيي ما تشيلي البلوك
مدام ما كان لهم ردة فعل على البلوك. خلاص خليه
ترى زوج أختك مفروض يتفهم لان عايلته ما عندهم ذي الطبائع
مو ياخذ راحته بما أن عندكم عادي
هو حامل أفكار عائلته.

رد: طلقني بشهر العسل مستجدات الرد255

اقتباس:

المشاركة الأصلية كتبت بواسطة مهره (المشاركة 3396029)

إعادة طرح أساس المشكلة والتحدث عن الغلطة اللي ارتكبتها دمعة والتي دفعت زوجها لتطليقها في أول أيام الزواج باعتبار أن معه حق في غيرته لا ينفي كونه إنسان متهور ومتسرع .. ويفتقد للحكمة والاتزان التي من المفترض أن يتصف بها الرجل.

ما بعد برد الشتاء يا مهرة إلا نسمات الربيع

لعله خير يا أختي..
نعم الزوج تسرع وتهور، ولكن ماذا لو كتم الأمر في نفسه
ولم يتخذ أي إجراء تجاه الزوجة، وأكتفى بالتوضيح..؟
هل تعتقدين أنها ستنصاع مباشرة لأوامره،
( لاحظي أنها كررت نفس الغلط في فترة وجيزة ) وكانت ستستمر عليه
لأنها متربية على هذا الشيء..

الأخت دمعة كانت بحاجة لدرس قوي لكي تفوق وتبدأ بالتغير..
وهذا ما لمسناه منها بعد حدوث المشكلة، الآن ستبدأ بموازنة الأمور
وتحسب تصرفاتها بشكل سليم لكي تصل بحياها الزوجية لبر الأمان..

ديننا لم يجعل الطلاق ثلاث مرات عبثاً..
ولكن بعد الطلقة الأولى والثانية، يبدأ كل طرف بمراجعة حساباته
وإصلاح إخطاءه، سواء الزوج أو الزوجة..

أنا متفائل للأخت دمعة أن ما حدث لها درس لكي تنجح بحايتها الزوجية
بشرط ( أن لا تتدخل أمها بشكل مباشر ) في قراراتها المتعلقة بحايتها الزوجية

بالتوفيق

رد: طلقني بشهر العسل مستجدات الرد 325

ما شاء الله لا قوة الا بالله
الله يحميكي يا خاله

اللي قبلي كفوا ووفوا وانتي ما شاء الله ما ينخاف عليكي وعلى حكمتك

زوج اختك ماله داعي يكون رقمه عندك .. ومفروض اي اتصال يكون عن طريق اختك
ووضحي لزوجك انك مستحيل تقدري تقطعي علاقتك بخواتك وعوايلهم .. ومن جهة ثانية راح تقننيها بما يرضي شرع ربنا .

انتبهي تقطعي اهلك يا دمعه ... الزوج تربطك فيه عاطفة خاضعة للقلب اللي يتقلب ويتغير بينما رابطك بالاهل علاقة دم ماحد يقدر يغيرها

رد: طلقني بشهر العسل مستجدات الرد 325

اقتباس:

المشاركة الأصلية كتبت بواسطة خاله بيتا (المشاركة 3396592)

رقمه ومسحته خلاص .. وان شاء الله ما راح يكون بينا اي تواصل مباشر الا من خلال اختي بكل تاكيد .. وانا مقتنعه الان كل القناعه انه ماله اي داعي تكون بينا سواليف وضحك ولعب وغيره .. انما سلام وكيف الحال .. هذا الصح وفي نفس الوقت يرضي ربي وزوجي ..
ان شاء الله انه مافي اي قوه تقدر تخليني اقطع علاقتي باهلي خصوصا امي وابوي واخواني .. اما اختي احنا متعودين نقطع يوم يومين اسبوع وعقب نرجع مثل قبل واحسن ..
واللي ردوا قبلك كفوا ووفوا .. بس حابه اسمع منك ^_^ بتعبك بس احب اسمع نصايح اذا بتظيفين شي