|
رد: بجاحة الشغاله ورضا زوجي ؟
اقتباس:
بصراحة أعجبني السؤال وننتظر الاجابة😎 |
رد: بجاحة الشغاله ورضا زوجي ؟
روان موضوعك يذكرني بموضوع للاخت مصونات
كل الأعضاء يتفقون في موضوعكم و يوجهونكم لكن لا حياة لمن تنادي طالما خشمك مرفوع و شايفة انك مو بحاجة ثناؤه ولا مدحه و تبين حياتك مثل المسطرة فأحب أبشرك ان مشاكلك مستمرة تنازلي انتي زوجة و انتي أنثى انتي الأحن و الألطف وانتي اللي تدمح الزلات ما في شخص بالحياة كامل بدون مساوء لكن نقدر نتجاوز عن المساوىء بذكر الحسنات و الايجابيات جربي التنازل لأنك فعلا تبين الحياة تمشي مو لأن تبين تشوفين وش اخرة هالتنازل ووش النتيجة .. |
رد: بجاحة الشغاله ورضا زوجي ؟
اقتباس:
ما تروحين عند اهلش وقت الزعل ، تغيرين من نبره صوتش ونظراتش وقت الخلافات ، لا تطولين الزعل ما تطلبين الطلاق في كل مره ، حسسيه بمكانته كزوج ورجل المنزل بمعنى قدريه |
رد: بجاحة الشغاله ورضا زوجي ؟
اقتباس:
فاجأني هذا الرد يا روان ! هل وصل بك الحال لهذه الدرجة من الجفاء بسبب معاملته ام لانك في الاصل هكذا ؟ |
رد: بجاحة الشغاله ورضا زوجي ؟
اعتقد روان هي شخصيتها كذا قياديه حازمه مسيطره عمليه تحب العمل تحب المثاليه لكن لا يعني انها جافه مع زوجها او ماتحبه .. او فيها هرمونات ذكوريه زي ماقالت وحده من الاخوات ..
كل انسان وله شخصيته وتكوينه .. ممكن وقت عصبيتها والغلط تسير جاده وحازمه ( مثلي ) اقلب 180 درجه .. ووقت الهدوء العكس .. هي ادرى بمدى حبها لزوجها .. لكن المشكله اختلاف شخصيتهم واحيتاجاتهم الاثنين .. وصعب جدا نطلب من انسان يغير شخصيته .. لكن ممكن نحاول نغير بعض الصفات الي تسببلنا مشاكل ي روان او كل زوجين يتأقم على شخصية الثاني بس احس كل واحد فيهم مو فاهم الثاني .. وهذا طبيعي للاختلاف .. |
رد: بجاحة الشغاله ورضا زوجي ؟
منتظر اجابتك اختي
|
رد: بجاحة الشغاله ورضا زوجي ؟
اخوي لماذا نتزوج
اخوي سلطان اعذروني ما اقدر اجاوب نيابه عن زوجي شكرا لكم انا ماعندي هرمونات ذكوريه ولا جافه ولا شي الحمدلله بس وقت الغضب انفعل لاني مضغوطه ومستنفذه عندي ارشيف مشاكل يهد جبال ولازلت شايله على زوجي امور تقهرني احيانا اذا تذكرتها اكرهه زي قصه انه حابسني مايسفرني تزوجني حتى يقصقص جنحاني وصار دوري اودع واستقبل خواتي وصديقاتي هالنقطه هذي مكرهني فيه ومخليتني بايعه عشرته بكذا مشكله لانه كاتم على انفاسي وانا وحده قبل الزواج ازور 3 دول بالسنه اهلي عندهم شقه بدوله اوربيه وهو شايف نفسه يقول ما اسكن فيها فوق كذا يقول الحياه مو سفر والسفر كماليات وعادي نسافر مره كل 10سنين قلت له عادي مع نفسك مو معي طيب اسافر لحالي.. يقول لا طيب سافر معي بحسابي.. برضو لا هذي الشغله لو يعالجها اقسم بالله مو احطه فوق الراس الا ابوس رجوله واطيح بغرامه لانه عاملني كانسانه حالي حال غيري هو المصيبه عنده فلوس وعنده رصيد اجازات ويعرف عشقي للسفر مع ذلك يحرمني منه ويبتزني او يذلني فيه بلؤم يعشمني ويكنسل ويقهرني حتى سفرتنا اللي بعد ايام لسى ماكمل ترتيباتها وما استبعد يفتعل مشكله ويكنسل ويقول طز بالفلوس اللي اندفعت معليش اللي شخصيته غيري ماراح يفهمني كل واحد بالحياه له افكار ورغبات زوجي بهالنقطه بالذات سيء جدا وبهالطاري بالذات يجيني ابليس ويقول تطلقي لاني فاقده سعادتي وحريتي معه ولاني اذا تذكرت حياتي قبل الزواج انقهر هو اللي رجع بوعوده معي لما تزوجني خططنا لحياتنا سوا هو خذلني وما التزم بالخطه ولا احترام هوايتي ورغبتي ولا حقي بالترفيه.. يقول كماليات وغصب يفرض علي امور ما احبها يقول اجتمعي بصديقاتك واسهري واطلعي طيب صديقاتي كل كلامهم عن سفراتهم ورحلاتهم ومغامراتهم مع ازواجهم هو خلاني غريبه عنهم تماما فوق كذا انا مو اجتماعيه كثير الامور اللي تمتعني غير عن اقتراحاته وهو حاب يبرمجني غصب على هواه يعني لما يجيب لي طقم الماس قيمته قيمه رحله اسبوع برا اكيد بنقهر وبحس هالطقم مجرد قيد انا ما احب الالماس ولا المجوهرات هو يفرض علي خياراته اهم شي مايحقق اللي ببالي هذا انا ما اعتبره حب اللي يحب يسعد حبيبه مو يقهره حتى السفره اللي بعد ايام الف مره يقول انها لبنتي مو لي وهو اللي شارط يجون الاطفال معنا طيب اوكي لبنتنا.. طيب اسكت مو لازم تحسسني اني طرطوره مو كافي كاسر نفسي لك 3 سنين حابسني له 3 سنين ومع ذلك يمن وينافخ ولايحس بغلطته يعني دام هذي فكرتك عن السفر والترفيه ليه ما اخذت وحده من ثوبك ايش المتعه لما تتزوج بنت تحب السفر وتكتشف دول وتسافر لحالها قبل الزواج بعدين تحبسها فجأه وتمنعها من هوايتها زي اللي تتزوج مدخن برضاها وفجأه تحرمه من التدخين وتقول انسى كماليات اكيد بينقهر ويحقد عليها ويقول ارجع عزوبي ابررررررك حياتي الزوجية باختصار نقطتين: مغثات و روتين هو لو يعالج الاولى او الثانيه كان حنا بخير |
رد: بجاحة الشغاله ورضا زوجي ؟
اقتباس:
هو طلبه مني بالحرف على فترات متباعده بس هذي طريقتي بالزعل اذا زعلني وتجاهلني انقهر وافكر ارجع لاهلي مشكلتي يا كوكي باختصار حياتي قبل الزواج افضل مليون مره ان كان من ناحيه وظيفتي القديمه والا اسلوب حياتي وحريتي اروح واطلع واجي واسافر وانبسط ماتزوجته الا من ضغط المجتمع انو كبرتي تزوجي ولاحظي انا متزوجه متأخر وكنت افكر قبل اخذه ما اتزوج ابدا لاني كنت عايشه احلاها عيشه واهلي معطيني راحتي بكل اموري وجاني عنتر زمانه ووعدني بامور كثيره وبعد الزواج حرمني من كل شي بالتدريج وبحجج سخيفه وتافهه فلا تلوموني انا اصلا ماكنت حاجه للزواج والمشكله لما تركته شهور عند اهلي ماقدرت ارجع لحياتي قبل الزواج متورطه بطفلين يحتاجون اوراق وتصاريح ومصرف ومسؤوليه يعني لا معه مرتاحه ولا بدونه لو ماتزوجت احسن هذا اللي ببالي مع الاسف |
رد: بجاحة الشغاله ورضا زوجي ؟
اقتباس:
احيانا احسه عدو.. يبي ينتقم وبس يخرب علي مشاريعي وخططي ان كان وظيفه والا دوره والا دراسه او حتى عمره يوم بمكه يستمتع بتخريب اي شي القى نفسي فيه فصرت ابغاه يكفني من شره هذا اقصى طموحي معه ويتركني اعيش اللي بقى من عمري براحه احقق اللي ابي بوقتي وفلوسي بدون طرف يتليعن علي بكل شغله |
رد: بجاحة الشغاله ورضا زوجي ؟
اقتباس:
انا صريحه مع نفسي ودايما اقول اني مو فاهمته ولا اعرف ايش يبغى وليه يعمل كذا بينما هو العكس يحلف ويقسم انه فاهمني وحافظ شخصيتي ويعرف ايش احب وايش اكره ودايم كلمته: اعرف اسعدك واعرف اقهرك لاحظي يقول اعرف بس ما يطبق هذي الطامه جهلي ارحم مليون مره من اللي يقول عارف بس بنكد عليك اللي مايفهم شخصيتك افضل من اللي يقول فاهمها بس بقهرها واطين عيشتها |
| الساعة الآن 02:05 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©