|
رد: هل لزوجي الحق في ان يمنعني اعطي اهلي من ر
اقتباس:
السفرة الاخيرة رجع متنكد من شغلة مسويها ابوه على الارض اللي عطاها زوجي انه ماخذ جزء منه ومغير معالمها وحنا كنا متفقين انا وزوجي اننا نسورها لان زوجي كان خايف من ابوه يغير معالم الارض .. رجع زوجي من اخر سفرة وهو معصب ويقول لازم اسور الارض ولو كنت قريب من الارض ماكان ابوي يغير معالمها كانت قدام عيني .. وقالي ان البونص الراتب الاضافي اللي بياخذه في رمضان بيحطها في السور وبعض الشغلات في البيت .. هذا الكلام قبل المشكلة وبعد ماجاء من سفره لكن مااعرف اذا سافر عشان موضوع الارض او عشان يبتعد عني.. |
رد: هل لزوجي الحق في ان يمنعني اعطي اهلي من ر
اقتباس:
بس اتوقع المفروض هو اللي ارسل او اتصل يطمن علي فيني شيء محتاجة شيء بس ما فكر.. عموما براحته إن سأل حياه الله وإن ماسأل الله يستر عليه.. |
رد: هل لزوجي الحق في ان يمنعني اعطي اهلي من ر
تحليلي لشخصيتك حسب الأشكال الهندسية:
أخذت من المربع العناد من المستطيل الحساسية من الدائرة التضحية من المثلث السيطرة أما المتعرج سمته الإبداع وإنت أبدعت في التنكيد على زوجك.. dfh إنت شخصية عنيدة جدا..وهذا واضح في اصرارك العجيب لما تسوين اللي براسك،، أتوقع موضوع الإنجاب هو اللي مزود الحساسية فيك وصاير عندك تخبط في الأفكار واتخاذ القرارات..بالتالي تردد وعدم ثقة بالنفس.. صحيح إنت مضحية لكن بالمقابل عرفت نقاط ضعف زوجك وجالسة تستغلينها بقوة شديدة..أو بمعنى آخر تبين تسيطرين على حياتك تبين تكونين أنت القائد.. بمعنى آخر تبين زوجك طوعك وتحت أمرك ورهن إشارتك... شوفي يا أحبه أنت بما أنه شخصيتك فيها قدرة عالية في وضع الأهداف والإصرار لتحقيقها.. المطلوب منك تبذلين جهدك وتستنزفين طاقتك بشكل صحيح مثمر..عشان تحافظين على حياتك وماتخربين بيتك..وتنفذين النصايح.. جيبي ورقة اكتبي فيها كل أهدافك ورتبيها حسب أهميتها وأولويتها...وبرأيي الشخصي موضوع الإنجاب يحتل المرتبة الأولى...وأنت أبصر بحياتك.. بالنسبة لموضوع الفلوس: إنت عندك فوبيا من هالناحية،،يمكن سمعت قصص استغلال الزوج..صاير كل همك لا يضحك علي لا يستغلني هذا حقي هو ماله حق هو المسؤول...الخ المطلوب منك تخفين على زوجك لأنه واضح عليه الطيب حسب كلامك.. في فترة ما كان زوجك محتاجك وأخذ منك..والآن بيرجعها لك أقساط.. وفوقها قايم فيك وباليت...فلا تقومين الدنيا وينخلع قلبك ويجن جنونك.. إذا تأخر عليك بضعة أيام..ما أعطاني ماجاب القسط وتجلسين تفكرين في الفلوس.. من حسن العشرة ماتمنين عليه..الله قال في القرآن (ولا تبطلوا صدقاتكم بالمن والأذى) على الأقل احفظي حقك عند ربك لا تضيعينه..حتى وإن ضاع في الدنيا..(والآخرة خير وأبقى) لا تفسري وتحللي وتضخمي كل كلمة من زوجك وكل تصرف منه،ترى مو كل شي يناقش.. في أمور تعالج بالصمت في مواقف تعدي بالتغافل والتغابي والتطنيش لا تلتين وتعجنين وتستوضحين الأمور أو تخلينه يعترف ويقر بأمور.. لحد الإختناق.. الزبدة مو كل كلمة نوقف عندها ونضخمها.. أنت جالسة تقتلين حياتك بالتدريج... احنا مانعرف زوجك ولا نقدر نحكم عليه .. ومالنا عنه غير كلامك...والواضح عليك إنك مو واثقة فيه وخايفة على فلوسك منه ومو حاسة بالأمان معه..رغم إن الرجال حسب كلامك عنه حتى الآن رايته بيضاء..حتى الآن مابدر منه شي يخليك تتعقدي منه بهذا الشكل.. خلك غامضة ولا تكشفي أوراقك له لأن المال السايب يعلم السرقة..أقصد بكلامي معرفته بالصادر والوارد ممكن يخليه يطمع في فلوسك.. أو يجعله يحس هو الأولى بها من غيره.. بالنسبة لتفكيرك تحويل الأقساط بالاقتطاع وفتح حسب آخر تدخري فيه .. أفكار ممتازة باقي تنفذينها.. تعلمي الصبر وأحسني الظن ولا تتسرعي في اتخاذ أي قرار ولا في الحكم على زوجك المسكين.. والأهم ابتعدي عن العنف والقوة في إثبات حقك ورأيك.. أولا وأخيرا الفلوس ماكانت إلا لنسعد أنفسنا ومن نحب... أنت تحبين زوجك حتى النخاع..لذا ترفقي به..واجعلي هذا المال نعمة على حياتكم.. أذكر في أحد مواضيعك السابقة كنت تقولين إذا بنيت بيت بفلوسي..وأهل زوجي يجون يجلسون بالأيام والبيت بيتك أنت ومو بيت ولدهم.. إذا بتمنعين أهل زوجك ينامون ببيتك فاقرئي على حياتك الزوجية السلام... ورأيي تفكيرك غلط في غلط... إذا بتستمرين بهذه الأفكار وبهذه العقليةالمتحجرة..المتصلبة أبشرك بنهاية حياتك الزوجية وأنت من قبرت زوجك بإيدك.. فكري في حلول منطقية..كبناء ملحق للنزلاء سواءا أهلك أو أهله..حتى لا تتكركب حياتك ولا يتخربط نظام بيتك.. فكري بكل الطرق كيف تكسبي زوجك وتحافظي عليه وماتضيعينه من إيدك... بدل ما تتشبثي بفكرة واحدة هذا بيتي ومالهم حق يجون يباتون..هذا مو بيت ولدهم.....الخ في نفسي الكثير...لكن خلاص تعبت وأنا أكتب..المهم لاتزعلين مني إذا كنت صريحة بزيادة..مابي غير مصلحتك.. ,hmt |
رد: هل لزوجي الحق في ان يمنعني اعطي اهلي من ر
مكلومه الله يسعدك كلامك درر مصفوفه
|
رد: هل لزوجي الحق في ان يمنعني اعطي اهلي من ر
لم اشاهد كافة الموضوع مع الردود عموما
هو ليس له الحق لابمالك ولابمنعك من يقول أن زوجك طيب فليعلم بأنك أطيب منه ومن يقول بأنك عجله فليعلم بأنه اعجل منك ومن يقول بأنك تحبي المال فليعلم بأن زوجك يحب المال أكثر منك ومن يقول بأنك سريعة غضب فليعلم بأن زوجك سريع الغضب أكثر منك لابد أن يكون أكثر أحتواء لك وفهم لنفسيتك وتحملك لكنه للأسف كل صفه فيك هو مثلها دبل أصلح الله حالكم |
رد: هل لزوجي الحق في ان يمنعني اعطي اهلي من ر
اقتباس:
فعلا انا اضخم الامور اذا صارت مشكلة حتى زوجي يقول الحين وش صار ليش تكبرين الموضوع!!؟ بالنسبة للبيت اللي ناويه ابنيه تدرين مرة سألت واحدة من زميلاتي موظفة ساكنه بإيجار قلت لها ليه ماتتشاركين مع زوجك تشترون ارض وتبنوها؟ قالت: ليش ابني هو الرجال وهو اللي لازم يتحمل الاجار ليش اوفر عليه عشان يروح يتزوج!!! أنا اقول في نفسي ليش ابني بيت ويروح راتبي كله في بناء وماتهنيت فيه وهو يسكن ويوفر على نفسه ويمكن فلوسه الزائدة يلعب فيها هنا او هنا وانا اولى فيها .. مرة قلت له اقتراح اذا بنينا وخلصنا من الاجار فلوس الايجار تعطيني هي عصب وقال مااحب هالاسلوب ،، لميت الموضوع وسكتت .. احيان اقول خلاص ماببني خليه يدفع الايجار هو الرجال .. وبعدين اقول لا في النهاية البيت لي ما علي منه .. احس اني مشتته ومدري وين الصح!! قرأت كلامك مرة ومرتين وثلاث وبرجع اقرأه واستفيد منه.. |
رد: هل لزوجي الحق في ان يمنعني اعطي اهلي من ر
اقتباس:
|
رد: هل لزوجي الحق في ان يمنعني اعطي اهلي من ر
احبه شفتي رد بادي
كانك ماشفتيه ادفنيه ادفنيه انسيه خذي من الكلام مايفيدك كلام بادي تحريض انتبهي تسمعين كل كلمه تنقال الله وهبنا العقل حتى نميز بين مايفيدنا ومايضرنا وهبنا عقل نختار ونتخير |
رد: هل لزوجي الحق في ان يمنعني اعطي اهلي من ر
لا كلام بادي صح
انتي غلطانه وهو غلطان والله عطانا عقل نفكر عشان كذا قلت تنحط النقط على الحروف عشان سوالف الفلوس هذي يتسكر عليها بينك وبين نفسك حطي اولويات ماليه لك وخريطه ماديه سلسه تمشين عليها ولا تسمحي لاي انسان يستغلك بناء البيت راجع لك منتي مسئوله عنه وهكذا اي شي بتدفعينه يكون عن قناعه ورضا |
رد: هل لزوجي الحق في ان يمنعني اعطي اهلي من ر
الله يفرجها عليك
قريت الي ان صدع راسي اصبري واحتسبي |
| الساعة الآن 07:38 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©