رد: زوجتي قتلت فيني كل جميل مستجدات الرد222 -
 

وأخيراً وصلت للنهايه هههههه.. أفضل قرار خذته انك انت اللي تتغير ومع تغيرك راح تشوف النتيجه اللي تنتظرها إستمر لكن انتبه تظلمها!! شيء آخر أهلك إنتبه تقطعهم لأي سبب من الأسباب لو يدرون انه الزواج هو اللي بيبعدك عنهم كان مازوجوك أبد ،، وإذا منعتك منهم لمنعها هي من اَهلها وأصدقائها ومن كل شي ..
وعسى الله يهديها ويصلحها .

رد: زوجتي قتلت فيني كل جميل مستجدات الرد222 -
 

اشكرك جدا

لكن لم اصل الى النهايه

انا الان بدأت في اصلاح مشكلة متراكمة من اربع سنين

ومازال الطريق طويلاً


بالنسبة لزوجتي فلن اظلمها وسوف أخيرها بين امرين

اما ان اكون انا صاحب القوامة و المسئول عن البيت ولها حقوقها الشرعية والمادية ولها مني حسن الخلق والعدل او تسريح بإحسان

رد: زوجتي قتلت فيني كل جميل مستجدات الرد222 -
 

لا ماأقصدك انت اللي وصلت اقصد نفسي 😆
الله يسهل دربك ويكتب لك في طريقك الطويل راحة البال والسعاده ..

رد: زوجتي قتلت فيني كل جميل مستجدات الرد222 -
 

تمام عليك يا بدر .، انت الان بدأت ترسم صورتك المفترض راسمها من اول زواجك .، لكن تصل متأخر خير من ان لا تصل 👍

لا تخير ولا شي .، على قولهم لا تغير مشيتك خلك مثل ما انت وعيش الحياه اللي المفترض عايشها اي انسان واذا فيها بدرة خير بتتقبلك بدون صدامات واذا كلها شر وان شالله ما تكون كذا قلها هذي حياتي الجديدة اللي عليك تتقبليها بما اني ماني ظالمك واذا ما ناسبك الله يستر علي وعليك .، لا تخيرها الا اذا تصادمت معك بعنف

رد: زوجتي قتلت فيني كل جميل مستجدات الرد222 -
 

أخبار حلوة اخي بدر ربي يوفقك
ركز على رد (أُويس )
خلك وسط لا لين فتعصر ولا قاسي فتكسر ..

عليك بسيرة الرسول الكريم صلى الله عليه وسلم
وسيرة الصحابة ..

أجعل لك مع القراءة نوع من الصداقة ..

رد: زوجتي قتلت فيني كل جميل مستجدات الرد222
 

تواجه مشاكل ؟؟!!!!

وين المشاكل ؟!

في فرق اخ بدر بين انك متأكد بتواجهه صدام وخلافات او بين متوقع وظنك يقول سيحدث صدام

انت طول الوقت خايف من هذا الصدام الي ماحدث

وللحين امورك تمشي بسلاسه وتغير كبير غير متوقع .... زوجتك مش مثل ما انت متصورها

ممكن هي تملكيه لا اكثر .... لا تحاول تحمي نفسك من المتوقع

رد: زوجتي قتلت فيني كل جميل مستجدات الرد222 -
 

انت الان اثبت انك انسان قوي وصاحب شخصية فذه لكن اوهمت نفسك طول هالفتره بالعكس ... استمر يا اخي بدر في طريقك حتي تستمتع بالحياه

رد: زوجتي قتلت فيني كل جميل مستجدات الرد222 -
 

بشرنا بدر
ايش جديدك

رد: زوجتي قتلت فيني كل جميل مستجدات الرد222 -
 

السلام عليكم ورحمة الله وبركاته

اشكركم جميعا اخواني واخواتي على كل توجيهاتكم السديدة

بالنسبة للمستجدات

الصلاة في المسجد اروح اصلي بدون اي معارضة ولله الحمد

بالنسبة لزيارة اهلي فما زال الموضوع متعبها وتحاول تمنعني وتتصل علي اذا كنت عندهم

بس ما ارد عليها

واذا رجعت البيت تكون زعلانه وما تكلمني

وقالت لي يعني ما يهمك زعلي ؟

قلت لها من ايش ؟

قالت على الوضع الحالي

قلت الوضع الحالي تعودي عليه وماراح اظلمك ولا اظلم نفسي

واستمر زعلها

امس قالت ابي اطلع اتقهوا في كافي

قلت طيب يالله

رحنا للكافي وبالصدفة جنبنا زوج وزوجته قاعدين يحلون مشكلتهم ووالله ليس تجسسا ولكن اصواتهم كانت واضحة لنا

قاعدين يحلون مشكلة بكل هدوء وكل واحد يقول رأيه بشكل جميل ورائع وحوار جميل

وانا اناظر زوجتي وابتسم

قالت وش فيك تبتسم ؟؟

قلت جميل حوارهم كل واحد يقول رأيه بدون مقاطعه ولا صراخ ولا زعل

قالت انا هذا طبعي ماقدر اغيره

قلت لها اذا ماغيرتي طبعك ماراح يندم الا انتي

انا مستعد اعطيك كل حقوقك كاملة

بس انا ابي حقوقي كزوج

قالت انا اصلا ماحب تروح لأي احد

قلت بس هم اهلي

قالت وهذا اللي يخلي قلبي يحترق انهم اهلك ،، اهل الرجل ما وراهم الا انهم يعبون راس ولدهم على زوجته ،،

قلت عندك دليل على كذا ؟؟

قالت لا ،، بس معروف ان اهل الزوج يكرهون زوجته

قلت لها اذا يكرهون زوجة ولدهم ليش يزوجونه ؟؟


قالت لي اصلا انا ما طلعت الكافي عشان اناقشك واوجع راسي بكلامك

انا طالعه اروق

ثم رجعنا البيت وايضا صارت ماتكلمني الا من راس خشمها

رد: زوجتي قتلت فيني كل جميل مستجدات الرد222 -
 

لا تتناقش معها على موضوع اهلك اطلاقا .