|
الأوزون
تحبي تنضمي لنا انا و ام جمانة ؟؟ ايش نوع جسمك ؟؟؟ نسيت :d أم جماانة موعدنا ان شاء الله السبت مع اني متوقعه ان وزني ما نزل عن ال111 هذا الاسبوع لاني اليوم اكلت في بيتزاهت :30::30::30: لكن المقاسات فارقة معايا الحمد لله بشكل واضح خصوصا ملابسي الداخلية كانت مشحطة على بطني دحين حتى و هي مكوية بدون لبس الحمد لله البسها بسهولة و هذا يريح شوية على الأقل احسن من لا شيئ <<<<<< أعزي نفسي :22: ماني زعلانة اني فكيت الريجيم لاني زي ما قلت انا بطبعي امل بسرعة و احن للأكل بقوة استنى الويك اند بفاااااااااارغ الصبر عشان يوم الجمعة فيه جمعة عند اهلي او اهل زوجي :17::14::17::14: بس اهم شي اني الحمد لله اذا خبصت ياااااارب بإذن الله ما يزيد وزني نفسي ما نروح بكرة لام زوجي لاني بصراحة حابة اني ما اكل بكرة و دايما طبيخها دسمممممممممممممممممممممم و انا مخبية عليهم اننا بنعمل ريجيم لكن زوجي الفرق واضح عليه ما شاء الله :28: قلتله اذا سألوك قلهم انك و بكل بساطة ما بتاكل من مطاعم مع الشباب في الدوام لان اكلهم كله رز و لحم أغلب الأوقات و طبعا ان قال كده ما بيكذب :d:d:d ما يهمني حتى لو قالو ان اكلي لا يسمن و لا يغني من جوع المهم اني ما باكذب عليهم :cool: و بالنسبة للغرفة اللي عملتها للرياضة خليتها في قسم غرف النوم يعني اللي يجينا ما يروح لهذاك القسم واصلا اذا جاني احد اقفلها بالضبة و المفتاح :p ههههههههه المهم انها توب سيكريت :11::confused::confused: دعوااااااااتكم خلو لي منها حظ و نصيب |
ااااااااااا يابنات اليوم من اسوء ايام حياتي :(
صار لي موقف ماادري كيف بأنساه خويتكم بغت تتوكل على الله بس طلع اليوم مو يومي وباقي الله ماكتب بتقولون ايش الي صار صح ؟؟؟ :27: بقول لكم خرجت اليوم اسوي رياضه (امشي) متحمسه بعد انقطاع دام 5 ايام لبست ملابس الرياضه ولبست بنتي وركبتها عربيتها متوكله على الله رايحه للمشى (ممشى قريب من بيتي) وكان الجو حر الساعه 10 وثلث الصباح طبعا انا اخاف من السحالي ( شبيهة الوزغه ) الله يحفضنا المهم امشي واطالع يمين ويسار ويمين ويسار:11: واطامر ابعد منها (لانها كثيييير جعلها القل ) ويوم دخلت الممشى وهو منعزل شوي ومقطوع تخيلو وش شفت اااااااه يا قلبي طلع لي ...:15: ^ ^ ^ ^ ^ أسدد :30: امزح معكم :d طلع لي حاجه العن:p طلعت لي حيه :pالله يحفظنا وياكم يابنات ماكان بيني وبينها الى متر وانا اطامر من السحليه ويوم قررت اطالع قدامي الى واشوف لكم هالشوفه الي ماتتمنينها حتى لعدوك وانا مبققه عيني فيها :eek:مو مصدقه ايش هالشي الي يمشي قدامي ااااه ماتشوفون غير غباري انا وعربيتي وعيني وراي قلت لا تلحقني وماشيه بسرعه 200 كيلو بالساعه حسيت كأني رقيه الي بطاش يوم هي بالددسن بالطوي بفمي وبنطلوني مشمر وشيلتي طايره وركبي ترقل وبنتي مو عارفه وش السالفه تحسبنا بملاهي واول مره اكتشف اني حافظه اسماء الله كلها الحمدلله ماخليت اسم الي ودعيته به وهو ماخيب رجاي جلة عظمته تخيلو اني مت وانتو تنتظروني انزل وزني الجديد وتنتظرون وتنتظرون وهرد تحت التراب والدود ياكل الباقي من وزنها :15: اناعارفه اني غثيتكم بس ماعندي الى انتو افضض له بهالغربه ماني حابه اقلق مامي ودادي علي |
الفريق الأول: دودي + أم جمانة
الفريق الثاني : باتريسا + أم عمار الفريق الثالث : هرد + مشاعر مرهفة اربطوا الأحزمة إستعداداً للإقلاع بإذن الله سجلوا اليوم أوزانكم ومحيطاتكم في ورقة وارفعوا الميزان وخبوا المتر النظام المتبع: دعاء الله بأن ننحف بعافية وصحة ورضوان + إختيار ريجيم من أحد الأنظمة الموجودة في الموضوع + المشي لمدة ساعة يومياً + شرب الماء بكثرة وبالذات على الريق. بإنتظار النتائج بإذن الله يوم الجمعة القادم دودي أنا الاسبوع الماضي مااتبعت ريجيم معين بس كنت أكل قليل جدااااااااااا وببدأ بإذن الله هذا الأسبوع بريجيم نوع الجسم وجسمي درقي وهذا ريجيمه وبشوف صح كلام الكتب وإلا لا: السبت الفطور 2بيضةمقلية في زيت نباتي مقدار ملعقة شاي صغيرة =نص شريحة توست قمح=شاي بدون سكر الغداء خضار مشكل مطبوخ أو طازج =نص علبة تونة مع ملعقة مايونيز دايت=كوب حليب خالي الدسم =شريحة خبز العشاء دجاج على الطريقة المكسيكية ومنزوع الجلد =نص كوب رز بني =سلطة خيار مع ملعقة كبيرة زبادي =كوب حليب منزوع الدسم الاحد الافطار 2بيضة مسلوقة =نص شريحة توست بر مع ملعقة شاي زبده الغداء 4 أوقيات دجاج مطبوخ مع ملعقة صغيرة من الزبد أو الميونيز نص خبزه بر=حليب خالي الدسم العشاء ستيك مشوي من سمك الهامور بدون أي إضافات =سبانخ=حليب خالي الدسم الاثنين الفطور 2بيضة مقلية مع ملعقة شاي زيت نباتي =نص شريحة خبز بر =شاي الغداء 4 اوقيات من السلمون المعلب او الطازج =خبز بر شريحة واحدة مع ملعقة كبيرة مايونيز الديات العشاء ستيك 4 أوقيات من السلمون المعلب أو الطازج =خبز بر نص شريحة =خضار مشكل مطبوخ أو طازج =حليب خالي الدسم الثلاثاء الفطور 2 بيضة مقلية في ملعقة زيت =نص شريحة خبز بر =شاي الغداء 4 أوقيات من شرائح الديك الرومي أو الدجاج =مايونيز الحمية ملعقة كبيرة =قطعة خبز بر =حليب خالي الدسم العشاء تونة مشوية أو سمك مع إضافة ملعقة زيت صغيرة=جزر بالبخار مع بقدونس =نص كوب من القمح المقشور =حليب خالي الدسم الاربعاء الفطور 2بيضة مسلوقة =نص شريحة خبز بر مع ملعقة شاي زبده =شاي او قهوة الغداء 4 اوقية من التونة المعلبة بالماء =ملعقة كبيرة مايونيز الخاص بلحمية =كوب حليب خالي الدسم =قطعة خبز بر العشاء دجاج على البخار ونزع الجلد ودون إضافة زيت = نص رغيف خبز بر =حليب خالي الدسم الخميس الفطور 2 بيضة تكسر وتطهى في الماء المغلي =نص رغيف بر مع ملعقة صغيرة زبده =شاي الغداء سلطة الشف =2قطعة من الخبز البر =خضار مشكل مطبوخ أو طازج =حليب منزوع الدسم =شاي العشاء تونة =نص كوب من الأرز البني =فاصوليا خضراء على البخار=كوب حليب منزوع الدسم الجمعة لافطار 2بيضةمقلية في زيت نباتي مقدار ملعقة شاي صغيرة =نص شريحة توست قمح=شاي بدون سكر الغداء خضار مشكل مطبوخ أو طازج =نص علبة تونة مع ملعقة مايونيز دايت=كوب حليب خالي الدسم =شريحة خبز العشاء دجاج على الطريقة المكسيكية أو منزوع الجلد =نص كوب رز بني =سلطة خيار مع ملعقة كبيرة زبادي =كوب حليب منزوع الدسم |
سلاااااامة قلبك يارقية أقصد ياهرد
يوووووةةةة ياجبااااانة تخافي من ثعبان؟؟؟؟!!!! لايكون دودة طولها 5 سم وانت مسميته ثعبان؟؟....أمزح ياااااربي الله يعينك من جد فجعة أنا أخاف من الصرصار وأقرف منه لأبعد الحدود أجل كيف لاقدر الله يطلعي ثعبان؟؟........(أنا بخاف من الكلب يطلعي أسد) الحمد لله على السلامة وربي يحفظك بماحفظ به عبادك الصالحين ويبعد عنكم كل شر أقول الأحسن تسوين مثلي وتفتحي ابواب بيتك كلها وتلفي تلفي تلفي لين ماعيونك تلف:23: يازين سواليفك |
ماشاء الله تبارك الله مبروووووووووووووووك على انقاص الوزن ياعضوات الله يوفقكم ان شاء الله يــلا بكون معكم ان شاء الله لو اني متاخره جدا برغم لأني ماعرفت الا متاخر جدا حبيت اضيف المعلومه لاتكثروووووا من الملح فالملح يحبس السوائل بالجسم فاانتبهن وفقك الله ايضا لاتأكلن سريع كلي بشويش وامغضي الأكل جيد عشان تشبعي ويكون صحنك مليان ولو قطعه:d بمعنى انتي من اول وضعتي صحنك قليل راح تشبعي وتريع شوي تبـــــــــون انقاص الوزن باسرع وقت :d طيب ابشروا:) كلي الزبــــــــــــــــــــــــادي منزوع الدسم مثل نادك اغلب ايامك عليه طبعا مع كثرة الماااااء وشوفي راح تشوفي الفرق كثيــــــــــــــر خلال اسبوعين انا قد عملته قبل شهر او شهرين وفعلا نقس وزني كثيرا وكثيرات يسألن حتى خالتي تسال كيف سويتي:26: والحين رجعت حاليا اسوي رجيم والحمدالله بدات اخف برغم لست متينه بس اسفل بطني هو اللي ابيه يزول نهائي فقط كلي بس زبادي منزوع الدسم ويفضل تضعي مع الزبادي مثل خير او جزر او كزبره مقطع او مطحون او زبادي ساده مؤقت وشرب الماء واما الأكل فقط تذوقيه ملعقه او ثلاث لايزيد عن ثلاث نصيحه او لاتاكلي واصبري حتى اذا حسيتي بالجوع اصبري واشتغلي نفسك بشي مثل قراءه اي شي يفيدك اسبوع اول تتعبي من الجوع وبعد كذه عادي جدا وسبحان الله اذا استمريتي على الطريقتي بعد 3 اسابيع واذا تبي تأكل اكل عادي راح تحسي بشي بجسمك لأنك عوديته على اكل خفيف جدا او طريقه ثانيه تمر مع ماء فقط كل يوم 7 او 9 يكون على فترات كل مره ثلاث واستمري وفقكن الله لكل خير |
يا ويلي من أم عمار :24:
الله يستر اليوم وزنت الصباح .. الوزن اصبح بقدر ة قادر 59.5 انا ما أدري ليش الميزان يحب الحركة بس تبطلين رجيم وإذا قتلتي عمرك رجيم ورياضة يوقف مكانه ويعاندك وكأنه يتحداكِ>>> مستحيل اتحرك:25: |
هرد
يا حليك دقات قلبك واصلة لعندي http://dijlh.net/image.php?u=23581&dateline=1241215494 احمدي ربك ما نسيتي بنتك من الخوف:24: همس القلوب حياك الله معنا بس تدرين طريقتك ممكن تنفع في البداية .. تقدرين تصمدين ثلاث اسابيع أو حتى شهر وممكن اكثر حسب طاقتك بس في النهاية راح تحسين بإرهاق غريب وما عندك قدرة ولا طاقة على المواصلة وترجعين تاكلين والي نزلتيهم بيرجعون بسرعه أفضل طريقة هي الأكل من جميع العناصر الغذائية مع التخفيف والأهم أن الأكل يكون قليل بس مغذي و يعطيك طاقة عشان تواصلين النظام وتمارسين الرياضة وتكونين نشيطة .. أما بس روب أحس نفسي بصير دايخه ولا راح اقدر امارس رياضة |
اقتباس:
هو صحيح للبعض بس انا عادي عندي انا قلت يفضل تحطي معها خيار او جزر او بقدونس او اي نوع خضار وقلت ايضا من ناحية كلي عادي بس لايزيد عن 3 ملاعق اي نوع طعام وبعدين مو تستمرين دايم على هذا الطريقه مدى الحياه لا استمري حتى توصلي الى وزنك المثالي فإذا وصل وزنك المثالي على حسب جسمك التي ترغبين به ابدئ بالغذاء الصحي والمثالي دايم وفقك الله لكل خير راح اجيب لكم القصص عشان تستفيدوا وبتشجعوا اكثر وحده كانت تشتكي من الآلم كبيره بالسن وبدات بشرب الماء لمدة شهر وسبحان الله كأنها نشطت من عقال اختفى الم جميع انواعها وخفت من وزنها كلام طارق السويدان وفقه الله وقصة اخرى . واحد كان متييييييييييين مره وبدا برجيم الخضار والفواكه فقط مع الماء وفعلا نحف كثير واستمر عليها خلال اقل من 3 اشهر واخي تفاجأ منه من نحفه فسأله وقال السالفه لابد العزيمه وقووووة الإراااده مع الصبر وفقكن الله لكل خير |
ام جومانه ايش هذا كل الحبايب 2 2 و انت ياقلي حبيبك فين ...ليش ماحطيتوني بجرووب :(:( مالي
دخل .. الحيييين تدخلوني:22::22: بما بيني و بين باريسا نص كيلو ... انا بدخل مع باريسا بس مش مع ام عمار:) :) هرد الحمدلله على سلامتك .. ياختي وشو هذا اليوم سحالي ووثعابين يووووم وين رحتي تمشي بالغابة ؟؟ المهم احمدلله على سلامتكم انتي و بنتك .... |
وعليكم السلام
ياهلا والله بدلوعتنا اقصد دلوعه حسين و بهموسه الله يرزقها قريب بلي يستاهلها وياهلا بباريسا و الاوزون و هرد نورا و ام عمار ومشاعر و ام جمانه الزكام مقفل الدنيا معي فاذا نسيت احد او سهيت او حتى ما مركزه سامحوني بس الي فهمته انه في مجموعه و انا ما موجوده فيها ان شاء الله خير انا رجيم الهرم الغذائي قسم رجيم الدهون الاسبوع الثالث والوزن يوم الثلاثاء وبدا التخبيص مع الزكام الناس تجوع وما تشتهي انا شهيتي انفتحت الله يستر دعواتكم |
| الساعة الآن 10:37 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©