|
السلام عليكم يا حلوات
كيف حالكم.. انااليوم يايه اشتكيلكم لانه من جد تعبت من نفسي صارلي 3 اسابيع او اكثر مخففه اكلي علما انه لظروف شغلي وساعات العمل الطويله اللي ممكن تمتد ل7 مساء يصعب علي امشي على ريجيم معين لذلك انا اللي اسوي اني احسب السعرات الحراريه يعني ما ازيد عن الالف سعره حراريه باليوم.. مع مراعاة التخفيف من الدهون والسكريات والنشويات .. وغير كذا اروح الجم تقريبا 5 مرات بالاسبوع زايد ناقص على حسب الظروف.. واتخيلوا وزني ما قاعد ينزل ولا نص جرام..بالعكس مرات اوزن ويكون زايد 200 جرام مع اني والله اتمرن يمكن ساعه ونص بالجم تمرين جد مو لعب... بصراحه طفشت لاني مو قاعده اشوف اي تقدم... شوفولي حل يا بنات يزاكم الله خير لاني بنبط من الضيق.. علما انه طولي 166 وزني 73.5 وما اعاني من اي مشاكل صحيه |
وينكم يا بناااات
اختفيتوا كلكم مره وحده :( |
وعليكم السلام ورحمة الله وبركاته
الجورى منوررررره ثبات الورزن مشكله انا نفس مشكلتك نادى ورجيم ورياضه 3 ساعات يوميا واكتر وفي الاخر ثبات ليا كم يوم بدات رجيم جديد من اخصائيه التغذيه لثبات الوزن ارجعي للصفحه الا قبل دي تلاقي الدايت كتبتوا ويارب انقص لو نص كيلوو لو مافي نتيجه حتماااااااا سوف اصاب بي الاحباط الشديدد جدااا الله يعين ويساعد بعد بكرة وزنى الله يستر ان شاء الله |
اقتباس:
انا ماشيه تمام على الرجيم وضاغطة على نفسي يارب فيه فايده |
للتشجيع ولرفع الهمه
بس امااااااااانه قولوا ماشاء الله تبارك الله * 8 8 8 8 دا بنطلونى سابقا والكحلى تبع الرياضه اشتريتوا من يومين الاول مقاس 20:eek: والتانى 14 :22: عقبال مقاس 10 يااااااااارب اترككم مع الصورة تحت 8 8 8 :25: قلتوا ماشاء الله * http://www.5h5h.com/upfiles/ryE60334.jpg فرررق صح:17: دا الا يشجعنى دايما انى اكمل والميزان الله يعين منو هو الا يحطمنى مع انو ملابسي كلها الاولى ماعد تنفع كل مناسبه اشترى شي جديد الله يديمها نعمه ويارب اوصل لهدفي 60 مبديئااااا |
مساااااء الخيراات كيفكم :d
وفين مختفين لكم يومين:( شكلكم مخبصبين انا ميزانى بكرة:21: ربناااا يستر حاسه انى نازله جرامات بس قليله <<مجرد احساس |
بنت مكة مبرووووووك فرق كبير ماشاءالله .. انا بصراحه دخلت أمس وودي أرد عليك بس للأسف كانت صورة البنطلون
مو ظاهره عندي الحمدلله انا ماشية تمام .. ما اعتمدت ريجيم معين .. لأن تخفيف الأكل ومراقبة نفسي وانا آكل ينزل وزني على طول الحمدلله ... ومقاسي بحسب الماركة بين 12 - و 14 بس ودي يرجع مقاسي مثل أول بين 10 - و 12 =) ووزنت أمس لقيت اني نازلة 800 غرام بس ....!! حاسه ان 3 كلاسات ايروبيكس في الأسبوع مو كفاية .. مع ان كل كلاس مدته ساعه ودي ال4 الأيام الباقيه أمارس فيها المشي عشان تكون النتيجة اسرع ان شاء الله عقبال ما ننحف كلنا قبل العيد ... خلاص موباقي شي ^_^ |
بنت مكه
مبروك الف مبروك ما شاء الله تبارك الرحمن تقدم واااضح الله يزيدك وتنحفي لحد ما تبغي ولكن وانتي بصحه وعافيه وسعاده .. بناااااااااااااااااااات انا عندي مشكله غريبه ما بتحصل لاحد غيري من زمان اشتركت في النادي مع صديقتي من باب تغيير الجو والنفسيه اول ما بدانا اخذو ماقاساتي واخذ وزني وكتبوه في ملفي على اساس انه بعد شهر اقيس ونشوف ايش التغييرات كنت امارس الرياضه بانتظام ونظام اكلي عادي جدا على ماهو عليه مافيه اي زياده او نقصان وكنت الاحظ انه اسبوع ورى اسبوع بنطلوناتي بتضييق عليا !! قلت يمكن يتهيالي الضيق ناحية الفخوذ والاوراك والبطن وكمان من اعلى الذراع بعد شهر قسنا كانت مفاجاه !! لقيت نفسي زايده بكل شي بالميزان وبالقياس وصديقتي اللي معايا تعمل نفس تماريني ناحفه ! قلت يمكن كنت مخبصه بالاكل او مزوداه مع اني متاكده اني ما خبصت بس قلت يلا يمكن عضلات واكل بعد شهر ثاني قست والمفاجاه الكبرى وزني زايد والقياسات زايده عصبت ايش هذا حخرب جسمي بنفسي ولما اطالع بجسمي ما اشوف عضل كانه شحم ماعرف شي غريب المهم بالشهر الثالث قسنا وخلاص صعقت زايده 4 كيلو والقياسات مره مره زايده وبناطيلي ما عاد اقدر البسها براحتي كل المدربات اجتمعو ومستغربين يقولو اكيد انتي بتاكلي وانا متاكده ما باكل حتى صديقتي مستغربه لانه اغلب الوقت احنا مع بعض وشايفتني نظام اكلي طبيعي وقليل كمان.. اعتذرت من صديقتي ولغيت اشتراكي في النادي حزرو ايش صار؟؟ نحفت نحفت نحفت ورجعت لوزني اللي دخلت النادي بيه من دون رجيم ولا شي فقط لاني وقفت الرياضه !! احد يفهمني ايش اللي حاصلي؟ واكررلكم اني حسيت جسمي مليان دهون وشحم ما كنت حاسه باي عضل بتاتا البته :) افتوني في امري |
فلافل الحمدلله نزول وزنك 800 جراام :22:
احنا ايروبكس يوميا بالاضافه لى الاجهزة والسباحه والسونا وكل شي :25: انا كمان نقصت دا الاسبوع 800 جرام الحمدلله بعد ثبات الوزن اتحرك الميزان شويه صرت 77 .200 كنت 78 الحمدلله على الاقل القي نتيجه التعب :17: يالله ربنا يسهل ونوصل لهدفنا الايام الا ماعندك ايروبكس امشي سير زودي الوقت واوربتراك ودراجه نتايج رائعه في شد الجسم >>عن تجربه منى:18:http://www.5h5h.com/upfiles/4Xe17268.gif يالله ننتظر اخبار حلوة عن الباقيات:28: http://www.ticker.7910.org/wa__77__0...3VyIHRleHQ.gif |
اقتباس:
اهلا بي مشرفتنا الغاليه الله يباك فيكي يارب عقبال وصولى الوزن المناسب <<مبسوطه لانكم موجودين:d حالتلك نفس حاله واحده في النادي في اجسام لمن يعملو رياضه تزيد العضلات ويزيد وزن الجسم انتى عارفه عندنا مشتركات اوزانهم في ال 40 نحااااااف جداا مسجلين عشان يزيدوا وفعلا وزنهم يزيد تزيد العضلات من تمارين معينه واكيد جسمك من النوع الا يبينى عضلات دا الا حصل لاعاد تسجيلي في نادى خليكي زي ماانتى |
| الساعة الآن 11:44 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©