المشاركة الأصلية كتبت بواسطة دمعة ندم1 (المشاركة 3396499)

قلت الها يمه انا ماعندي مشاكل مع اي حد سوا زوجي واللي اتمنى بعد رضاج اني ارجع له .. قالت لي ومن قالج اني رافضه ترجعين له .. بس يابنتي ما ابيه يشتتج عقب .. باجر بيصيرون عندكم عيال مب كل شوي يا مطلق يا طارج بيت اهلج .. انا كنت ابيج تسكنين عندنا في الملحق حتى اذا صار شي انتم حولي .. مانبي الناس ع الطالعه والنازله دارين عن مشاكلكم .. ونا الي الحين مو عارفه السبب الحقيقي اللي خلاه يسوي جذيه مادري منه الغلط او منج او راكبكم انتوا الاثنين
.
.
انا ابيج تقعدين مع ريلج بروحكم وتفهمينه كيف حياتنا وطبايعنا .. وهم كيف طبايعهم .. واتفاهموا باللي لكم واللي عليكم .. ولو تبون نصيحه او شي تراني موجوده .. ابوج واخوانج وخواتج موجودات .. اسالي مرت اخوج بعد .. انتي بنتنا وما نرضى عليج .. مسالة طلاق في شهر العسل هذي انا لايمكن اعديها على خير .. وكنت ناويه اادبه اكثر عشان يعرف ان بنات الناس مو لعبه عنده .. بس لي كاسر خاطري هو انتي .. بنتي من لحمي ودمي .. كفايه زعل وحرمان .. لا تقعدين معانا ولا تاكلين نفس الناس .. تقول لي لا تضغطين علي حتى يرجعج بدون شروط .. فرصتج تختبرين حبه لج وتعلقه فيج

المشاركة الأصلية كتبت بواسطة دمعة ندم1 (المشاركة 3396059)

ابوي ماله حيله ولا قوه على امي وتبيني ادخل اخوي في الموضوع .. .

المشاركة الأصلية كتبت بواسطة Lofty (المشاركة 3398106)

لك ان تأخذي هذا الرد - اختي مهرة - بعين الاعتبار ...

المشاركة الأصلية كتبت بواسطة مهره (المشاركة 3398205)

المشاركة الأصلية كتبت بواسطة Lofty (المشاركة 3398216)

بل هي كلمات تنبهها ان لا توقع زوجها ضحية قوة والدتها لتكرر الاسطوانة ثانية بصيغة اخرى !!!


اما بخصوص ردي السابق ، فٱشرحيلي أخيتي كيفية أخذه بعين الاعتبار دعما لردك الذي أسلفه !!!

المشاركة الأصلية كتبت بواسطة دمعة ندم1 (المشاركة 3396499)

انا ابيج تقعدين مع ريلج بروحكم وتفهمينه كيف حياتنا وطبايعنا .. وهم كيف طبايعهم .. واتفاهموا باللي لكم واللي عليكم .. ولو تبون نصيحه او شي تراني موجوده .. ابوج واخوانج وخواتج موجودات .. اسالي مرت اخوج بعد .

المشاركة الأصلية كتبت بواسطة ريماس 3 (المشاركة 3398305)

لكن طالما الزوج اعتذر وعرف غلطته وهي كذلك ..
ماله داعي ادخال الام بجلسة الصلح ..

علشان تفهمين شعور زوجك يادمعة ندم


وش يكون شعورك لو اخطيتي على زوجك وبعدها حاولتي تعتذرين له ورحتي عند امه وابوه تتصالحين لدرجة بكيتي قدام اهله
وبعد يوم يقول زوجك لا ما في رجعة بيننا لين نتفق على جلسة صلح بحضور امي او ابي
بالله وش بيكون موقفك من زوجك ؟جاوبيني بكل امانة وصدق

المشاركة الأصلية كتبت بواسطة خاله بيتا (المشاركة 3398457)

ما في مجال للمقارنه .. هل يحتاج الزوج احد معاه بالشوفه مثلا مثل البنت ؟
هل يحتاج ولي وقت الزواج ؟ ... القرار دائما بيد الرجل وبالتالي ما يحتاج له سند يسنده وقت تتخلى عنه زوجته . يروح مثل السبع يتزوج عليها وما يعيبه الا جيبه على قولتهم المتخلفه ... لكن لو الزوج تخلى عن زوجته كيف تتصرف ؟ هل يسمح لها مجتمعنا تتركه وتسكن لحالها وللا بتحتاج اهلها ؟؟؟

اهلها سند لها ومجرد انهم موجودين بحياتها يعطي لها هيبه بقلب زوجها ويخليه يفكر قبل ياذيها .. لكن اللي اهلها مو سند لها يدعسها زوجها . كلهم يا ريماس بدون استثناء .