أهلين بنات كيفكم
و ماشاء الله أشوف رجعتو مره ثانيه.. الله يقويكم إن شاء الله و تنحفوا بصحه و سلامه

دودي ما شاء الله عليكي والله شاطره و مبروك نزول الوزن و الباقي أسهل إن شاء الله :22:

أنا في فتره حاولت اتبع رجيم اتكنز بس أبداً ما ظبط معي والله حسيت بضعف شديد في الجسم و دوخه و أذكر إنه مره أغمى علي و هذا كان بس بعد إسبوع من اتباعه

فوقفته على طول، و أنا شخصياً ما ناسبني بس ناسب ناس كثير من ضمنهم أختي إلي نحفت 13 كيلو في خلال شهرين حتى أنا ما عرفتها لما شفتها :d

و أعتقد إنه المشكله اني من محبي النشويات من صغري، أحب الرز و المكرونه و البطاطس و السندوتشات و الكيك و المعجنات و البسكوت
يعني كان جداً صعب علي إني أبدأ يومي من غير توست أو سندوتش،، و أنا أساساً مش من محبي اللحم فكنت أغصب نفسي عليه

أنا اتبعت نظام السعرات الحرارية (1500) + الرياضه يومياً
و الحمدلله وصلت للوزن المطلوب 54 (طولي 160) و يمكن أنحف كمان أكثر بعدين لما أبدأ دراسه

و كمان اشتريت جهاز الرياضه في البيت و كنت اركبه مرتين في اليوم من ساعه إلى ساعه و نص و خاصة لما أتابع برامجي المفضله فما أحس بالتعب و الوقت يخلص بسرعه
Kettler Crosstrainer Verso 109
الجهاز كان جداً ممتاز بصراحه و في البداية كنت أنحف من كيلو إلى كيلو و نص في الأسبوع،، و على طول تحسي بالتغيرات و الجسم يصير مشدود

انصح الجميع بإستعماله ( طبعاً مو شرط نفسه بس جهاز مثله أوربتراك أو إلخ) ،،،،
و أنا ناسبني أكثر من روحة الجيم، لأني أحياناً كنت أتكاسل عن الروحه لما الجو يكون برد أو مطر
و كمان مش كل مره ألقى وقت مناسب عشان زوجي يمسك العيال

الله يوفق الجميع و أنا راح أكون متابعه لكم :)
و إذا محتاجين عندي نصايح ثانية