أمير الحرف باقي ماتزوجت بغيت أبارك لك وترى أناكنت ماعاد بدخل موضوعك بس وش أسوي كأنك حاط فيه سحر كل ما أطلع منه أحس ردود البنات تجذبني وعلى فكره لاحظت عليك في الردود الأخيره على الأخوات شوية إنفعالات خير عسى ماشر لايكون شحنة الصبر إللي عندك إبتدت توط وط وبعدين الصفحه وصلت 40وما أشوف ولا أي نتائج ظهرت لحد الآن وإلا النتائج باقي في المختبر ونسيت أقول لك تراني الحين صليت الفجر وأقسم بالله إني دعيت لك من قلب قلبي .

شوف شوف يا أخي الكريم أمير الحروف وليس حرف واحد أنت إنسان متعلم وفاهم وأنا الحين بطلب منك تناظر أصابع يدينك وتشوف هل هي متساوية
إذا كانت متساويه فمعناته إن جميع النساء متساويات في أفعالهن وأشكالهن وتفكيرهم وتعاملهم مع أزواجهم وكذلك الرجال متشابهين في كل شئ وإذا أصابع يدك ماهي سوى فهاذا يعني إن مو كل النساء المتزوجات مثل زوجتك إذا قصرت بحقك وأهملت واجباتها تجاهك وماعندها خلفيه عن تطوير نفسها وذاتها والتجديد في حياتها فأنت لاتظن إن كل زوجات الرجال مقصرين مثل زوجتك وإذا كان حياتك تعيسه ومبهذله ونفسيتك تعبانه بسبب إهمال زوجتك لك وتقصيرها بحقك فأرجوك لاتعمم إللي شفته من زوجتك من عدم إهتمام ولبس وكشخه لا تظن إن كل النساء المتزوجات كذا هاذا تعميم وتفكير خاطئ وإذا كنت تعاني من إهمال زوجتك لك وعدم إهتمامها فيك فلا تدور أعذار لزواج من أخرى وما يحتاج تفتح موضوع طويل عريض بهذا الشكل وإذا كان عندك مشكله تعاني منها في حياتك كان طرحتها كامله في قسم المتزوجين وأبشر بعزك حنا أخواتك وإخوانك الأعضاء نعين ونعاون وماراح نقصر معاك بإذن الله بنشوف لك حلول وماحنا مقصرين بعون الله أما إذا كنت طرحت هاذا الموضو ع علشان الرجال يستفيدو ا منه فلاتظن يا أخي إن ما أقتنعت به أنت سيقتنع به غيرك لأن لكل رجل طريقة تفكير خاصة وإذا كان إنسان مقتنع بزوجته وشايفها في أجمل حله شياكه ودلع ورومنسيه فما راح يأثر فيه كلامك أبد لأنه ماعنده إحساس بالنقص حتى لو عنده درزن عيال تلاقيه مقتنع في زوجته حتى لو عمرها 50 سنة يشوفها في عينه قمر بنت 14وماراح يملأ عينه غيرها فأنت يا أخي إذا حاسس بتقصير زوجتك وماعادت تهتم فيك فتزو ج هاذا من حقك أما إذا كان عندك مشكله خاصه في حياتك فأطرحها وحنا نناقشها ونشوف لك حلول وربنا ييسر أمورك على خير .

طيب بسالك سوال واتمنى اجابه صريحه

اذا تزوجت بالتانيه بسبب انشغال الاولى طيب الثانيه بتجيب عيال وبتنشغل فيهم وياحرام صارو الثنتين مشغولات ومحد فاضيلك وقتها ايش بتعمل؟؟؟؟

الاجابة الصريحة ..
طبعا كل وحدة سنة حمل وولادة إن شاء الله
اذا صارو الثنتين مشغوولات حل بسيط الثالثة ..
اللهم لك الحمد والشكر ..
تحياتي

هههه طيب اخدت الثالثه والرابعه بعد وبعدها ايش بتعمل اذا كلهم انشغلوو:25: ؟؟؟؟