|
اقتباس:
والنساء كثيره والنساء كثيره واللي يسمع الكلام من الطرفين يقول كلهم انقرضوا !!!! ولاتقولين فشلتونا ! انتم اللي فشلتوا انفسكم واخذيها من عندي :::::: نعممممممممممممم المهور سبب كبييييييييييير من اسباب العنوسه لانك لاتعلمين عنها لقولك : وانا اعترف بكل مافيني ماأقدر أخذ واحد فقير تعودت على نمط معين من المعيشة وممكن انزل لكن بشي بسيط لكن لدرجة الفقر لا لأني بتعب وبتعبه معي وأغلب المتقدمين لي كلهم من مستواي وأعلى هل علمتي الان انك لا تعلمين ان المهور سبب من اسباب العنوسه مثل غيرك اللاتي يقلن : يشتري سياره 70 الف ومستخسرها بزواج ! سؤال اخير ::: وش سبب رفض الخطاب لك وانتي تقولين ان فيكي جميع مقومات المرأه ؟؟!!! ماهي الملاحظات التي يلاحظونها عليكي ... لعل وعسى ان نجد حل ونعطي راي وتتزوجي ونفرح لكي . |
بصراحه اختي 50 او 60 كثير
انا ما اقول البنت ما تستاهل والله تستاهل مليوووووووووون ريال مهر بس الواحد قبل لا يفكر في الفلوس يفكر في السعاده والحمدلله المعتاد عندنا وكل الشباب الي يقربون لي مهرهم 30 او 40 بالكثير ويكون فيه اشياء من تجهيز البيت على الزوج والزوجه والحمدلله على كل حال وعندي تعليق على كلام الأخت شوبارد اقتباس:
البلا ما يتشرط إلا ابو نعيله يعني الضعوف اهم الي يتشرطون ويحبون الزمره مثل ناس بيتهم قديم وعايشين على قد حالهم لما خطب منهم واحد شرطو عليه يكون في فندق والمهر مبالغ فيه بجد التكاليف الي خسرها من مهر واجره الفندق تجيب له عروستين وبالعكس التجار ما يبغون شي وانا اتكلم من الواقع يبون الستر بس لبناتهم حتى ان في واحد اهو الي مجهز شقته اختي بالكامل ولا خلا زوجها يدفع ريال بس انه شاري رجال |
اقتباس:
الأخت الكريمة شوبارد وفقها الله لكل خير، دعينا أولاً نؤسس لقاعدة تخدم النقاش، إذ من الواضح أن هناك تبايناً شديداً في الممارسات والعادات المرتبطة بمناسبات الزواج بين البلدان، بل بين المناطق المختلفة في البلد الواحد. وبلادنا يحفظها الله مثالٌ واضح لذلك. لا أعلم شيئاً عن الزواج العائلي ومدى انتشاره والحفلات الصغيرة التي تُقام في البيوت. لكن الصُراخ على قدر الألم. نحن نحكم على حسن إدارة الأمور من نتائجها. فنقول إن فلاناً رسب في الإمتحانات لأنه لم يحضر جيداً، وفلانٌ نجح لأن تحضيره كان جيداً. وهذه قاعدة بديهية لاتحتاج إلى تأصيل. قرأت إحصائية لإحدى الجهات الحكومية على أحد المواقع الإخبارية - ولا أتذكر تحديداً على أي موقع - تشير تلك الإحصاءات إلى زيادة أعداد عقود الأنكحة المسجلة في المحاكم الشرعية كل عام، لكن هذه الزيادة لا تسير بشكل متوازٍ مع الزيادة المضطردة للسكان. يعني ذلك أنّ لدينا كل عام المزيد من غير القادرين على الزواج، وتقدر الإحصاءات الرسمية في المملكة العربية السعودية أن يصل عدد الآنسات بنهاية عام 1427هـ إلى مليوني آنسة ممن هنّ في عمر الزواج! يُضاف إليهنّ السيدات المُطلقات والأرامل. إذن نحن نتحدث عن عوائق حقيقية، وتهدمات في صلب البناء، ومشاكل اجتماعية من النوع الثقيل تضرب بأطنابها في عمق المجتمع، وليست مجرد "استرخاص لبنات الناس" أو "مقارنة بين امرأة وسيارة" أو "مد اللحاف على قدر الأقدام والأصابع" أو "الواد مدلع" أو "مش راضي يحصل وظيفة زي الناس". هذه الأعداد الغفيرة من غير القادرين على الزواج ليست إلا نتيجة حتمية للعقبات الكأداء التي تُبنى في طريق راغبي الحلال، بل وتُبنى باحترافية عالية وامتياز رفيع. وقد ذكرتُ في أول ردٍ في هذا الموضوع أن الزواج أشبه مايكون بجبل الجليد يختبيء أكثره داخل الماء ولايظهر منه إلا قمته، لكن ذلك لا يعني أن الجبل غير موجود! ليس ماذكرتُ أعلاه إلا وجهة نظر، تحتمل الصواب والخطأ. وفق الله الجميع. عبدالله،،، |
اخواتي الفاضلات انا تزوجت وراتبي قبل 6سنوات 3200ريال وبعد الزواج لا يبقى من راتبي الاالشىء البسيط يعني /انا اكبر اخواني
اصرف على عائله لكن مانسيت رحمة الله قبل كل شىىىىىىىىىىىىىىىىىىىىىىىىىىىىىىء ام العيال الله يخليها مهرها بسسسسسسسسسسسسسسسسسسسسسسسسسسسسسسسسسسسس 70000ريال حتى السياره بعتها يعني يا ا تزوج وانفقر او الجاْ الى الحرام .................................................. ...............؟ وهذه مصيبه لكككككككككككككككككككككككككككككككككككككككككككككككن الحمد لله تزوجت وتوكلت على الله والان الحمدلله عندي 3بنات وولدوراتبي يزيد على 7350ريال واملك منزل ولله الحمد ولو اني جلست من ذلك اليوم الىىىىىىىىىى اليوم وانا اردد لولولولولولولولولولولولولو كان ماعملت شىء ولكن هي رحمة الله جل وعلا وفضله يبحانه واخذنا بالاسباب قال تعالى((((( ومن يتقى الله يجعل له مخرجا)))))) وقال تعالى(((((( ومن يتوكل على الله فهو حسبه)))))وكم من فقير اغناه الله وكم من غني افقره الله وسبحان من يغير ويبدل وهوعلى عظمته |
وايش فيك ( الاب الحنون ) هذي الحقيقة ,,,
اخيتي الفاضله كبريائي لوووووووووو تكرمتي وضحي لى ماذا تقصدين |
اقتباس:
قل لشوبارد قال تعالى ( خذوهم فقراء يغنهم الله ) |
أخوي ساري
انا ماراح ارفض عشان المهر؟؟ برفض اذا كان فقير << فيه فرق ولاتقول هذا سبب للعنوسة لأن هذي وجهة نظر شخصية اخوي انا تنازلت الحين عن أشياء كثيرة.. لكن ليه اتنازل عن شي أنا متأكدة نهايته الفشل ليه اقول والله موافقة بتزوج واحد راتبه2500 مثلا وعارفة اني بتعب مرررررة وبتعبه ليه؟؟ من اولها ارفض أحسن ورحم الله امرئ عرف قدر نفسه انا عارفة نفسي.. وفي المقابل انا لا من بيت اغنياء ولاشي لكن الحمدالله كل شي موفر لي وقلت لك عندي استعداد انزل تحت مستواي وعادي جدا ومتقبلة الوضع كونه شاب وعلى قد حاله في بداية عمره لكن فقير لاااااااا ماأقدر ليه احول حياتي جحيم وليه أعذب ولد الناس معي صح ولالا؟؟ واعرف وحدة تتمنى واحد لو عاطل عن العمل اخلاقو دين وكل شي << وشف نصيبها ليه ماتزوجت وانت قايمين قاعديم عالى المهور وبالنسبة لموضوعي انا في السابق كانو اهلي رافضين الزواج لما كنت ادرس باقتناعي وبعد التخرج يتقدمون لي ولكن يتراجعون ليه ماأدري!! واحيانا خطبة رسمية ومهر ودنيا ومرة قبل الملكة باسبوع وتكنسل الموضوع وحنا لاقلنا نبي مهر - نبي عروس وفنادق- ولاشرطنا ولاشرط وسبحان الله مايكتبه ربي.. عشان أكد لك شي واحد ماأنكر المهر وتكاليف الزواج تعتبر مكلفة لدى الشاب لكن ماهي لدرجة يقول سبب للعنوسة امامك بنات المنتدى كلهم ماشالله تبي دراسة ودين وأخلاق وشكل من كلامهم يبين ولاشرطو ولاشرط ومع ذلك ماتزوجو!!!!!! <<< ابي اجابة حبيت أضيف نقطة.. لو اغلب اللي يتقدمون لي حالتهم المادية ضعيفة بوقتها بقول هذا اللي ربي قدر لي ومحد يجي ني الا هم وشي طبيعي راح اتنازل. ------------------------ أخوي عبد الله الدراسات اكيد للمملكة كلها.. والمملكة تضم مدن وكل مدن ولها عادات وتقاليد لكن عذرا اذا كنت اتكلم عن مجتمعي فقط المنطقة الوسطى بقول كلمة لو الرجل انا اعرفه وعارفه افكاره قبل الزواج مثلا << طبعا مستحيل بس اقولكم مثلا ومرتاحة له وضامنة انه مرتاح لي والله لو انه عاطل بوافق عليه لكن حالنا الحين ..يجي واحد ماعرفه يجي ابوي يقول فلان ولد فلان ولد حمولة يشتغل في المكان الفلاني يقولون رجال واجودي ويصلي هاه يابنيتي وش رايك؟؟ وين اتنازل معه وانا مادري عنه الا اسمه ووظيفته!! |
اقتباس:
مافيه دخان من غير نار كل هذه الخطب وتفركشت ! يمكن احد الاسباب التاليه وانتي اخبر : 1 - نقل كلام للخاطب ايا كان بعد سماع خطبته منك .... وهذا اغلب الظن شوفي عاد الكلام ايش : راعيت منتديات - - شايفه نفسها - - ابوها فيه وفيه اهل الحسد كثير 2 - كما تدين تدان لرفضك الخطاب ايام الدراسه . وفي الاخير توفيق من الله وبنات المنتدى لااعرف شيئا عنهن مهما كان الكلام هناك من لايعرف اين هن -- واذا عرف يمكن مواصفات لاتقبل ابدا ولهذا فالله يرزقهن الستر ولي عوده |
راعية منتديات
صادق انت؟؟ لما قرأت هالكلمة قلت مافي امل اخذ واعطي ابدا اخوي انا ماشارك غير بهالمنتدى ومنتدى نسائي بس!! وش فيها كاتبة المنتديات وعلى فكرة مااقول لأحد اني مشتركة! مو لأني اسوي شي غلط الحمدالله لاغلطت ولاشي بس ماأحب أحد يتابعني ويعرفني والنت ماعرفته الا من فترة بسيطة جدااا ابي اكتب كلام وماقدرت من كثر ماني متفاجئة.. الله يسامحك وهذي وجهة نظرك وبكيفك ماشالله هذا اللي ربي قدرك في المساعدة :d |
اقتباس:
انا داري انك فهمتي كلامي انه رايي قلتك انتي اخبر : يعني بالناس اللي تنقل الكلام من عندكم واهل الحسد والا انا وش دخلني فيك لو تشاركين مع عنان لحل أزمة لبنان يعني اغلب الرجال لايريدون بتاعت انترنت هل فهمتي |
| الساعة الآن 12:52 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©