المشاركة الأصلية كتبت بواسطة كم حيران

اعرف وحده سنين وهي تجمع من الملابس الخاصه بالمتزوجات صار عندها شنط موشنطه واحه واخواتها وصحباتها يقولوا لها انت باقي عندك امل وبسبب تعليقاتهم قررت تتصدق فيهم وتعطي اخواتها وصحباتها المتزوجات وقبل ماتتصرف باي شئ سبحان الله جاها نصيبها وعمرها يمكن 35

المشاركة الأصلية كتبت بواسطة الهوى نجدي

اخي ابو عبدالله موضوعك جاء في وقته بالنسبة لي
لاني فعلا ولاول مرة اشتريت اشياء خاصة عجبتني في السوق وخفت انها تروح فقلت اشتريها من الان عشان زواجي
لاني عندي احساس قوي اني بتزوج قريب مع انه مافيه احد تقدم لي خلال هالفترة
بس الله كريم وانا متفائلة ودعيت ربي خلال الشهر الفضيل وثقتي كبيرة بأن الله سوف يستجيب عاجلا او اجلا
والله يرزق جميع بنات وشباب المنتدى باللي يسعدهم ويهنيهم
والمتزوجين الله يبارك لهم ويهديهم ويجمع ما بينهم بالخير

المشاركة الأصلية كتبت بواسطة همس#

بصراحه أنا فكرت كثير أجهز بعض الأغراض لأن على قولة أختي "الهوى نجدي" أخاف تخلص وهي عاجبتني..لكن أخاف - وأعوذ بالله من الشيطان - أظل أتأمل بالأغراض ليل ونهار ويصير الموضوع هاجس كبير لي..لكن بيني وبينك أخوي..أتأمل كثير فساتين الزواج وأحاول أصمم في مخيلتي فستان ما في مثله بالدنيا..مثل فستاني اللي بزواجي السابق...

أعجبتني القصص اللي حكيتها وفعلا لما الواحد يتصرف وكأن الأمر بيصير يثبت إيمانه وثقته بالله..

شكلي من بكره أرسم الموديل وأبدأ بتجهيز الفستان....جزاك الله كل خير أخوي الفاضل وأسعدك وزوجتك وتقبل ربي منا ومكن صالح الأعمال وجميع أخواني وأخواتي المسلمين..اللهم آمين

المشاركة الأصلية كتبت بواسطة غـاليــة

بالرغم من تفاؤلي الكبيييير هذي السنة وإنه رمضان عندي غير العام من ناحية النفسية

إلا إني ماقد خطر على بالي إني حتى أفكر كيف يكون !!

أوكي في بالي لونه بس موديله أبدا ً ماقد فكرت فيه

بس بيني وبينكم أنا تهمني ملابس البيت عن الفستان وهي اللي دائما ً لما أشوف شي يعجبني

بالسوق أقول هذااا اللي أبيه بس ماأقرب له وأقول راجعة لك يالمليووون راجعة :d

أتذكر قميص قد شفته أنا وصديقتي من ثلاث سنوات وقفنا عنده متنحاااااات ودعيت ربي اني اشتريه

وأنه يكون عندي خبر من هنا ولا هنا لكن ربي ماكتب والقميص راااح

بس مازلت متفائلة بيجي اللي أحسن منه قرررريب بإذن الله

اليوم على السحور أمي تكلمني عن المسجد اللي في الحي بيجمع ملابس والأشياء اللي مايبونها الناس

يتبرعون فيها للجمعية الخيرية وقالت إذا عندكم شي من ملابسكم

قلتلها أنا بسوي تصفية لكل ملابسي وبرسلها <<< كان في بالي إنه أصفيها علشان ملابس زواجي الجديدة

وخلاص مايمديني بفضي الغرفة لأختي وبإذن الله ربي يتمم علي وعلى كل من يريد الحلال


شكرا ً جزاك الله خير موضوعك خلاني أتكلم بطلااااقة

الله كريييييييييييييييم

المشاركة الأصلية كتبت بواسطة شوبارد

موضوعك يداعب الأحاسيس والمشاعر..

أحس اني اذا لبسته بيوم زواجي << ياحلو هالكلمة... ماراح ابدله يمكن انام فيه من الفرحة :d << باينه اللهفة

لالاتصدقون بثقل عند أبونا بس خلوه يجي :23: << أبونا = الزوج

انا جهازي كله صور عرايس وعندي فستان حافظته مرة عاجبني مررة واحسه مفصل علي بعد بس يوم شافوني طولت خلو وحدة تلبسه << نعيش خيال وش ورانا
صديقتي بالدوام من دولة عربية وعلاقتي معها ممتازة وعمرها تقريبا 40 سنة ومرة شايلة همي الله يسعدها

وسافرت بلدها وجابت لي هدية لبس روووووعة ومن تراثهم طبعا اللبس في الغالب يفضل للمتزوجة وغلفته وحفظته اذا

تزوجت بلبسه ان شاءالله بس بصراحة اذا شفته اتحسر واحيانا بعد أبكي

انا يعجبني الفستان احفظه لكن أخطط وش راح البس مثلا مااااااأقدر اصلا اذا تأملت فيه أتفاءل وأفرح وفجأة احزن

والله اذا شفته بمحل تبدأ الدموع تمتلي بعيوني .. وامي بعد مسكينة اذا شافته فز قلبها الله يفرحها وتشوفه علي.

اللي يقطع القلب ان امي اذا شافت عروس بالتلفزيون تقول بصوت عالي تعالو شوفو عروس انا محرومة ماشفت بنتي

لابسته << بأعلى صوتها!! وتبدا تدعي وتتحسر اللي يوشوفني يقول عمري45

افكر حاليا بصراحة اني البسه شلون مدري .. نفسي البسه ودي اشوف شكلي شلون فيه

دايم اغمض عيوني قبل مانام واتخيل شكلي اذا لبسته..



عريس الغفلة مايستاهل فستان أبيض وحركات.. كفوه قميص وأشهب بعد ليه يتأخر:29:


طلعت اللي بقلبي عن هالفستان ياااااااااارب البسه قريب وبنات المنتدى..

جزاك الله خير ياأخوي والله انكم تكسبونا فينا أجر انت وأخوي الكبير .. بمواضيعكم وتخفيفكم علينا

وان شاءالله اللي تسويه ماراح يروح.. بتشوف خيره في بيتك واهلك ان شاءالله

المشاركة الأصلية كتبت بواسطة حسابات الزمن

المشاركة الأصلية كتبت بواسطة العام

كان الفستان في الايام الورديه البريئه...

لكن قبل زواجي كان طليقي السابق متحكم فيه.. لايكون عاري لا يكون مفتوح الظهر لا يكون لا يكون ..الين ماطفشني وفصلته على مزاجه ... وطبعا انتم اعرف مني بذوق الرجال .. تقولو فستان فرحي ثوب .. لكن ناقصه الشماغ ...

والآن لو جاني نصيبي ابدا ماابغى لا حفله ولا فستان لاني والله كرهته من كثر ماعانيت بليلة زواجي والمشاحنات اللي صارت فيها ...

يعني الفستان عادي مايهمني كثر ماتهمني راحة بالي مع العريس المنتظر الله يجيبه بس .. واذا يبغى فستان راح افصل محل فساتين افراح .. اجل كم عندي عريس انا <<< من الحين تدلع ...

المشاركة الأصلية كتبت بواسطة أم تاالا

أخواتي الكريمات من الجميل والمستحسن أن تجهزن ثوب الزفاف وتنتظرن العريس المرتقب وعلى قدر ظنك ستتزوجين قبل زميلاتك .

مــــــــــــــــن تـــــكـــــون الأولــــــــى في تجهيز ثوب الزفاف ؟؟؟

.................................................. ................................

كلام اكثر من رائع بعث بنفسي الثقة والتفاؤل..

جزاك الله خير..

بس صراحه مستحيل اجيب اي شي حتى لو كحل واقول هذا لزواجي .. لان كل ما بشوف الشي اللش جبته عشان الزواج بحس انه الوقت يمشي و يطول و بتذكر و بحزن..

عشان كذا الجزم و الايمان نجعله بقلوبنا .. و ان شاءالله ربي ييسر لنا و سهل علينا و يوفقنا و يبارك لنا بالزوج الصالح باذن الله

و يعطيك العافيه

المشاركة الأصلية كتبت بواسطة قلب طفله