[CENTER]موضوع جميل جدا والاجمل اختلاف الردود واآراء
والمعروف من اهل الخليج عندهم بعض التحفظات اثناء الخروج مع زوجاتهم
تحكمهم فيها عادات وتقاليد واحترام العامة وغيرها
الا اننا نرى من خرج من هذه الدائرة بحكم الحرية الشخصية
وما نراه من خلط يؤثر في النفس
(فالافضل اخلي زوجي يمسك يدي والا ايقول لي شوفي الناس اشلون مع بعضها واشحلاتها)
الا انني من الناس الذين عانيت من هذه المسألة حيث كنت خجولة بعكس زوجي الجريء جدا
احكي لكم هذا عن تجربة فعلا الآن اصبح الامر عندي عادي...
امشي وياه في السوق ماسك ايدي او حاط يده ورا ظهري شنسوي لابد لنا من التعود والا
فهذا امر يرجع للاتفاق بين الاثنين ولا لاحد دخل فيه_مجرد رأي[/CENTER]

انا ماحب هالحركه تدرون ليه ؟؟؟

لانه كل ولا لا .. اذا موكل الي بالمكان الي انا موجودهـ فيه معظمهم راح تكون انظارهم علي ...


اذا صرت معاهـ في بيتنا نقدر نسوي الي يريحنا من غير رقيب او عين تنظرنا


وبعدين ترى هالحركات مالها داعي



والله انه شوف عيني بالكورنيش واحد مع خطيبته جالسين عند البحر وكانهم ببيتهم يسوو كل شي وعادي عندهم ..



طبعا مو كل شي بس شويه لمس مع...... طبعا فهمتوني مابغى اوضح زيادهـ


انا مادري كيف زوجها راضي بهالحركات وقدام الناس :29:



الله يهديهم بس ...


هموووم

انا مو متزوجة .. بس ما أحب الحركة

كل ما أتمناه هو أن يمشي معي و لا يتركني أمشي وراءه بأمتار و كأنني أنا من يجب أن يحميه و ليس هو !!

بالعكس الحركه رووووعه ,,

وتكشف عن مدى قوة علاقتهم ببعض ,,

تحياتـي

لينـــــــــا

قمة الذوق هالتصرف

انا بعد
ما أحب هالحركات تصير جدام الناس

مسك اليدين حلوة بس بدون مسك العضد مثل المصرين

حلوة في المتنزهات وغيرها

أهم شئ التفاهم لو ما تماسكوا بالأيادي

أنا لا أويد إلا في الاماكن المزدحمة او في الخارج (لانه الوضع عادي عندهم ) او في حالات الخوف (لاني مرة خوافه)
والسبب مو عشان العين الحمدلله الي يحصن نفسه مايجيه شئ بس لانه فيه شباب وبنات ماتزوجو
وعندهم الرغبة في الزواج ولكن لم يحصل لهم لسبب ما
وتشبيك او مسكة الايادي تثيرهم فالافضل يمشي الزوج بجنب زوجته وبس
احترااما لغير المتزوجين وللاسف للمتزوجين الي مو مبسوطين مع بعض
والله يوفق الجميع ويستر شباب ونساء المسلمين

مالها داعي أبدا من وجهة نظري

الموضوع راااااااااااااايق الف شكر على طرحه


انا وزوجي في السياره لااااازم نتماسك باليد...واذا مرت من جنبنا سياره عاليه...يعني فان...باص.....سوبر ...جيب...ومن هذا القبيل...لازم يفك يدي...خوفا من العين

وفي الشارع لا اراديا امسك يده بس احيانا يذكرني ان العين حق...ولازم ننتبه....ومرات لا ...نتماسك عادي ولا احد يهمنا...ما دمنا قرينا الاذكار ومتحصنين ما يهمنا احد...