|
اختي دائما ادعي الله بان يسخر لكي زوجك
وصدقيني ومن ديونه ىيتصرف معك بطريقه فظه ادعي الله وحاليا لا تذكري سالفه الأنجاب اقرئي سورة مريم وادعي بعدها ربي يرزقك من حيث لا تحتسبين |
ياعمري ياغلا
دايم أقرأ مواضيعك وأتابعها بس ألقى نفسي عاجزه عن الرد وماأدري ليه؟؟ كل اللي أملكه دعوة من قلب أخت محبه أن يهديه الله ويصلحه لكِ وليس ذلك على الله بعيد ويرزقكم ذريه صالحه ويعوض صبرك هذي السنين خير الله يفرجها عليك يارب |
ضربني و بكى ،، سبقني و اشتكى
هذا المثل ينضرب على زوجك و إنت سبب كل اللي صاير لك أختي ، لازم تعرفي إنك ( إنسانة ) لك حقوق و عليك حقوق و حقوقك ماتسكتي عنها و على فكرة ، قريبتي كبيرة مرة بالسن و الله العظيم و يمكن عمرها 80 سنة عاشت مع زوجها بدون أطفال و ألحين زوجها ميت من 20 سنة و جالسة بدون لا بيت و لا أطفال و لاشئ و البيت اللي كانت عايشة فيه باعته لإنه آخرشئ كانت تملكه بالدنيا و بتصرف فلوسها على الشغالة و الأدوية و جالسة عند أخوها و تدعي بداخلها ( يارب أموت قبل لا تخلص الفلوس اللي معاي عشان ما أكون عالة على أحد ) سامحيني كلامي قاسي لكن ألحقي على عمرك و بشبابك قبل لا تمر السنوات |
يعني هو اللي غلطان و بعين قوية ما يعترف بغلطه
لإنه متطمن إنه عنده زوجه تشوف الغلط و تغمض عيونها للأسف ، المشكلة مو بطيبتك بردة فعلك معه |
وش الديون اللي يقول عنها...............ومنين جته
اشوف اذا بغى سياره دبر الفلوس وانتي علمتيه على البخل من كثر ما تحرمين نفسك من ابسط الاشياءرحمه عليه وهو يحس انك راميه حالك عليه وما عندك كرامه كيف يقولك روحي لاهلك ومع ذلك قاعده عنده في النهايه زوجك عنده سر لازم تعرفينه |
حبيبتي غلا...
أخاف زوجك يكون عقيم ومايبي يقولك .. عزيزتي لا تتركي المجال له أن يذلك ويهددك إنه يتركك كوني قوية معه ولاتشعريه بضعفك وإن كان باعك بيعيه .. الله الغني عنه .. تحياتي |
اختي غلا
حاولي تهدين الموضوع الان ..وتسوين اللي قالت عليه ام خالد ولا تاخذين منه فلوس .... فهمية انك كقدره وضعه الان...بس غريبة اختي سالفه المهر ؟؟؟؟ المهم هدي الموضع الاآآآآآن |
جزاكم الله كل خييييير
ابغى اقول لكم أنه مصرررررررر أنه يرجع الفلوس ما اني قلت له ما ابيها الحين وقلت اني مقدرة وضعه بس هو مصر اصرار شديد وقالها وهو معصب.. قال لازم يرجع لك كل شيء اخدته منك بعدين قلت له خلاص المهر إذا كنت تبغى ترجعه لي رجعه برضا وانت راضي مو زعلان تكفووووون ادعو لي وحسبي الله على من كانت سبب في فتح هذه الأوراق حسبي الله علي الخائنة ونعم الوكيل الخلاصة الحين اني احس ان ما بيني وبين زوجي انشررررررررخ وصعبة ترجع المياة لمجاريها من ناحية زوجي لا حول ولا قوة إلا بالله ما لي إلا الله والدعاء أن يفرج الله ما بي و ينصرني ويعيد لي زوجي ويهديه ويشفيه إنا لله وإنا إليه راجعوون |
حبيبتي غلا ليش ما تخذين اللوس وتتعالجين وتشوفي نفسك اولا هذه الفلوس من حقك احسن لى يروح يعمل فيها شي خذي الفلوس وتعالجي واعملي كل الي نفسك فيه وأحب اوضح لك ( المؤجل ممكن انه الرجل يعطيه لزوجته اذا مقتدر ومن غير طلاق لا قدر الله او وفاه)
خذي الفلوس وشوفي بعدها وش ناوي يسوي لاني حاسه انه زوجك سار عنده رده فعل مع الموضوع الاول تبع الحريم يعني اتوقع انه حب الي يكلمها وناوي على مو خير لكن الله يهديه وان شاء الله يطلع ما افكر فيه غلط تحياتي حبيبتي وما تنسي طمنينا عليكي وما تقولين استحي على دمي ومن هالحكي اذا ما قلتي لنا لمين تقولي أختك في الله |
أسأل الله العظيم أن يرد لكي زوجك رداً جميلاً ويصرفه عن كافة نساء الأرض ويحنن قلبه عليكي ويزرع العشق في قلبه نحوك
ولكن بصراحه يا غلى أرى أن زوجك إنسان أناني لأبعد الحدود 13 سنه مرت من عمركما وأنتي تحاولي معه من أجل العلاج لكي ترزقوا بطفل ولا تجدي أي إصغاء يذكر ؟؟؟ أحب أن أقول لكي أن زوجك مستمتع بحياته الآن وحينما تتقدم سنوات العمر تكون فرصك للحمل قد قلت ولكن الرجل من المعروف أنه لا فترة محدده للإنجاب فأخشى مما لا يحمد عقباه حينها إعذريني حبيبتي على مصارحتك ولكن أعتقد أن هذه الفكره قد وردت ذهنك أنتي أيضاً حينها ما الذي سوف تجنيه سوى البكاء على الإطلال !!!!!! |
| الساعة الآن 01:03 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©