أختي وش هالكلام
وشلون ترتاحين
إذا تبين السعاده والتوفيق صلي

اختي في الله

تذكري ان الصلاه عماد الدين فأذا سقط العماد يعني انت ما بتعملي شي و تذكري ان اول ما يسأل عنه في القبر

ممتاز منك يا حبيبتي حرصج ولومج لنفسج
هذي بداية الطريق
في حد يتعاجز عن لقاء ربه؟!
ربج يناديج ويتشوق انج توقفين بين ايده
وانتي ترفضين؟!

اليوم يناديج بالطيب
وبكره راح يناديج غصب عنج
بس مو لانه متشوق لج
لانه جاء الوقت اللي يحاسبج على تركج لاوامره
فاحذي من هذا اليوم
اذكر نفسي واذكرج واذكر كل الاعضاء

سبب سؤالي يالطيبه ...
انه من المعروف ان الطاعه والمعصيه لايتفقان ابدا فمستحيل حد يعصي ربه ويرتكب ذنوب كثيره وبنفس الوقت يصلي ويحافظ على عبادة ربه ويداوم عليها
فإذا الانسان ابتعد عن ربه صعب جدا يستمر بصلاته وعباداته دام انه منشغل عن ربه بامور ثانيه
فمستحيل معصيه مع طاعه يستمرون
فإذا كان في طاعه وعباده مخلصه لله صعب يعصي ربه او يتهاون في عباداته واذا فيه معصيه وبعد عن الله فصعب يخلص لربه ويداوم على عبادة ربه
وإذا زادت المعاصي والذنوب والبعد عن الله والخوف منه قلت الطاعات والعبادات وزاد التقصير فيهم لدرجة التهاون والكسل من أداؤها لضعف الوازع الديني والعكس
لهالشي سألتج عن علاقتج بحمودي اللي شكيت انه سبب في تهاونج في صلاتج
لكن بما انج قلتي انه خطيبج فهذي مصيبه لانه مااثر فيج وخلاج تهتمين بالصلاه وشكله هو بعد متهاون بالصلاه ولو كان حريص عليها كان سألج عن صلاتج او حاسبج عليها وبما انج تحبينه المفروض تأثرتي منه خاصه وان اللي يحب شخص يحاول يقلده
وكثير من البنات كانوا غير ملتزمات بس من ارتبطوا باشخاص ملتزمين تغيروا 180 درجه في الدين والالتزام
وكثير يمكن سمعتي او شفتي بنات من بعض الدول العربيه تكون البنت غير محجبه ثم تتحجب لان خطيبها طلب منها تلبس الحجاب ولانها تحب خطيبها لبست الحجاب رغم انها ماكانت تطيقه
ويصير كلامها نفس كلام زوجها او خطيبها اذا كان ملتزم التزمت مثله ولو كان متهاون او مستهتر تأثرت منه والتأثير يكون شديد خاصه في بداية الزواج او الخطبه
اما بالنسبه لسؤالي لج عن السن فأنا سألت عن عمرج لاني توقعتج مراهقه
لان الصغيره نوعا ما هي اللي للحين تتهاون بالصلاه يعني 14 او 15 سنه بالكثير فيكون فيه شوي تهاون بالصلاه وتاخير لها بس 20 سنه وتقولين للحين ماتعودت !!! صعبه !!
عليج معناه انج تعارفين عقوبة تارك الصلاه بس متهاونه فيها ومتكاسله وتنفرين منها
اذاً فتشي عن السبب وبعد ماتعرفينه وتصلحينه راح تجدين الصلاه ونيسة القلب وراحة البدن وراح تكونين حريصه عليها ولا يهدأ لك بال حتى تصلين
وأسأل الله ان يصلح حالك وان تكونين من المحافظين المداومين على الصلوات وان ويحسن خاتمتك ويدخلنا واياك فسيح جناته
ملاحظه لاختي في الله
ولا تزعلين مني يالغاليه بس انتي مسلمه مثلي واعتبرج اخت صغيره لي وطلبتي مساعده منا فتحملي اي اساله وردود ولو ماعجبتج طالما ان العبره منها مصلحتج

يا قلبى....
 

يا اخت صريحه جدا انا ما ازعل بالعكس افرح لما احد يفهمني الصح وانا خطيبي دايما ورايا بس برضو باتكاسل حرام لا تظلمي طيب بس على العموم انا حاغير نفسي واتحدى نفسي وحاداوم على الصلاه ان شاء الله وحتسمعوا اخبار حلوه باذن الله وشكرا لكل الي دخل ومر على الموضوع وشكلي تعبتك من كتر الكتابه ومرررررررره شكرا.

ايه هذا الكلام السليم وهذي الاخبار الحلوه
ولاتنسين تداومين على هالدعاء اللهم ثبتني على هديك وصراطك المستقيم
وادعي ان الله يحبب اليك العبادات ولا ينفرها منك وان يعينك ويعاونك عليها
وبالتوفيق غاليتي..

ربنا يثبتك ويثبتنا