|
لا يا أختي
حافظي على نفسك وأنتبهي من هذا الذئب أتصلي بأمه وعلميها وهدديها إنك بتعلمي أهلك إذا كررها وحاولي تتزوجين أختي لو كان متزوج يجيك عيال يملون حياتك |
هلاياقلبي سماح
صباحك ورد وفل وياسمين حبيبتي موشرط تعرفي لأنه ممكن ماراح يقولك السبب الرئيسي بجد شوفي عن نفسي زوجي لمن كان يخطب من ورايا كان يقول للناس أنا أبغى أتزوج كدا لأن الله حلل لي أربعه وكانوا يقولوا له عندك أطفال وكيف زوجتك والله الحق الله يجزاه خيركان يقول أنا زوجتي مافيها عيب جمال ..أناقه ..طيبه ..أصل ..وعندي أطفال بس أنا أبغى أتمتع مع زوجه تانيه ..والمصيبه زوجي مقصرمعايا في المعاشره الزوجيه فكيف يقول أبغى أتمتع مع تانيه مدري وشوفي دحين هو مقصرمعي كتيريعني إذا نام معايا تلاته مرات في الشهريقولي نعمه وأحمدي ربك خلي الشئ دا لغيرك هي كمان تبغى تتمتع وأنا مقدرعليكم وإنتم حرمتين صراحه أنا أزعل منه وربي وأحياناً أبكي من كلامه بس إيش أعمل (( وأفوض أمري إلى الله ..إن الله بصيرٌ بالعباد )) وصدقني زوجي تزوج مجرد نزوه عابره ..متعه نسي إن الزواج مسؤوليه والله ماأكذب عليكي أختي لمن فاق من سباته بعد كم شهرمن زواجه كان يبغى يطلقها لكن ربي شاهد علي في هذا اليوم الفضيل أنا منعته من ذلك وقلت له حتى لونزوه خلاص دا نصيب إرضى به ولاتظلم بنت الناس ..خاصة إنها مطلقه وبولدين ..راح تشوه سمعتها أمام طليقها وأمام الناس وتكسرنفسها إصبرعليها لعل الله يؤجرك وبصراحه ياعمري كانت ساكنه بعيد عني في حي غيرالحي اللى أنا ساكنه فيه وحاولت أكسبها بالأول جبت لها هديه وفتحت لها بيتي وصارت تزورني وأزورها وبعدين زوجي قرريجيبها بملحق في نفس البيت ..والله ياسموحه بمجرماجات أتفرعنت وزوجي أتغيرعلي وكتيرماتسوي فتن وكذوبات الله يسامحها ...وزوجي يصدقها وكمان قد خلفت بنت صغيره وأغترت بنفسها عشان كدا ياقمرأقولك أطلبي سكن مستقل لأنك ماتعرفي إيش ردة فعل زوجته والله راح أدعي لك إنها تكون طيبه وحنونه ..بالأول راح تزعل ودا شئ طبيعي علين تتأقلم وترضى بالواقع لأنه لاهوعيب ولاحرام اللى سواه زوجها وإذا طلعت بنت حلال أكسبيها بس حاولي كترة الإحتكاك مو طيب ولعلمك ياعسل زوجة زوجي تغيرمني كتير لأني أحلى منها والكل شهد بذلك وهي تقول الناس يقولوا إنك حلوه أجل ليش زوجك أتزوج عليكي قلت لها عشان يجيب لي أخت زيك القمرهي إنتي الله يوفقك ياسماح الحلوه هههههههههه |
وبعدين حبيبتي إنتبهي من ولد الجيران
طالما مايقدريخطبك عشان مشاكل خبري أهلك عنه وعن تصرفاته دا ذئب يلبس ثوب الوداعه وبس يوصل لغرضه ويرميكي رمية الكلاب إنتبهي لنفسك ياعمري وقاومي إغرائته الكاذبه ودا ماعنده غيره كيف أهلك مسافرين يجي لعندكم ويجيب أكل من المطعم .. وحرصي على الشغاله لاتفتح لأي أحد الباب عشان لايكون في حالة رغبه شديده فيك ويدخل عليكي الله يحرسك ويحفظك والله إني حبيتك من قلبي ياسموحه وإنتي مثل أختي الصغيره أتمنى لك الخيروربي يجمعني معاك ومع كل من أحب في الجنه يااااااارب |
يا سماح
دوري على نفسك دوري على سماح
ليش متوقعه ان الزواج كل شي ليش متوقعه ان الزواج طاقة الفرج معقول انتي بتظلين كذا تنتظرين اكيد بتمرضين وتقلقين وتتجمع على راسك هموم الدنيا كلنا بنات بس ليش تشوفين بنات متصورين ان الزواج نهاية مشاكلهم وبداية افراحهم وبنات عادي بالنسبه لهم يعتبرون الزواج مرحله في حياتهم لا اكثر ولا اقل انا بالنسبه لي مو مهم عندي الزواج المهم اثبت حالي القى نفسي انا اكون مستقبلي علشان يجي يوم اقول انا هنا انا اللي سويت هذا ومن وجهة نظري ما فيه احد يستاهل اني احط ايدي على خدي انتظره مهما يكون انت دوري على نفستش ابني نفستش واتركي الباقي على الله صدقيني الوحده واهمال الاهل والغربه مو مبررات انا عايش طول السنه وحيده بعيده عن اهلي لكن الحمدلله مستقره نفسيا يمكن لاني مشغوله لذلك اقول اشغلي حالتش بما ينفعتش في الدنيا والاخره وتوكلي على الله كل خلق له رزق هذا راي الشخصي :17: |
الله يفرج همك ويسعدك يا رب
والله ضاق صدري من الكلا إلي قلتيه عن أمك إسأليها ليه طيب تسوي معك كذا وليه ما تبغاك عندها الله يلين قلبها عليك ويهديها وبالنسبة لولد الجيران مثل ما قال أحد الأعضاء كلمي أمه وعلميها بالي جالس يصير وإذا ما تاب خبري أهلك وكان الله في عونك ويصبرك على إلي إنتي فيه وإذا جاء الزوج ليتزوج على زوجته مو شرط يكون فيه عيب أو في زوجته ولكن شئ في النفس وأكثري من اإستغفار والدعاء والإلحاح في الدعاء والخشوع والتضرع لله وخلي ثقتك وأملك بالله كبيره أسأل الله العلي العظيم أن يبدل من حالكهذا إلى حال أفضل منه بكثير آمين يا رب العالمين |
الاخت الفاضلة سمااااح
لقد تابعت مشكلتك وكذا ردود الاعضاء المبجلين والله ماقصروا واعانك الله ووقاك شر الفتن ولكن لى سؤالين ماهو الفعل الذى يجعل اب يطرد ابنته ذات ال20 ربييع خارج المنزل خاصة انه رجل دين؟ ماهو السبب الذى يجعل ام تدعى على ابنتها و لا تريد ان تراها؟. |
لا ياغناتي لا تفكرين بالانتحار...
الزواج مو كل شي.. وشفيها اذا اتزوجتي من مطلق ولا من متزوج ؟؟ استخيري والي ربي كاتبه بيصير.. المشاكل مو شرط تجي من زوجة اولى ولا زوجة ثانية .. شوفيني انا اتزوجت واحد لا عنده زوجه اولى ولا شي.. امه صارتلي بالبلعوم هي الزوجة الاولى تقولين انا ضرتها .. ماعليج ياختي استخيري .. صلي استخارة وان شاء الله ربي يكتب لج نصيب مع واحد منهم رووووووووووعة.. ماشاء الله عليج .. صدق انتي روعة وربي يسخر لج زوجج .. وان شاء الله يرجع لج مثل الاول واحسن .. |
اقتباس:
والله العظيم .. امي تقول ليش ما تتزوجين فشلتيني كل البنات متزوجين إلا انت ماابغى اشوفك قدامي اما ابويا عادي هو احيانا لما يعصب يطرد امي من البيت يعني هو اخلاقه تمام بس لما يعصب ما يشوف قدامه يعني يركبه مليون شيطان مره ضرب امي قدامي ومره هددها بالطلاق عصبي ويغضب ويثور بسرعه .. هو كان يعاني من السحر بس اتعالج الحمد لله وصار تمام لكن مافي سبب مقنع يخليه يطردني من البيت ... فجأة كذا قال انا مو ابوك انت مو بنتي برا البيت يلا ؟؟؟؟؟؟ ليش ما ادري ؟؟ كنت صايمه هذاك اليوم .. |
عليك بدعاء اخر الليل
|
اختى الكريمه سماح
مين الي قالك الزواج من متزوج مصيبه اذا هو راغب يعدد ليش ماتوافقي اذا هو انسان طيب اذا هو ملتزم اذاهو ميسور الحال الموضوع بسيط اتوقع كانت اغلب الردود تدعوك للاستخاره وليس لترك الموضوع وطالما انك مرتاحه ليش تتركيه اهم شي انه مابينه وبين زوجته الاولى مشاكل ويبغي ينتقم منها والباقي عليك اتق الله فيه واجعلي همك رضا الله والله بيسر لك امرك ويسهل عليك |
| الساعة الآن 12:18 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©