اخي الغالي وربي ضاق صدري من قصتك اذا كل هالاشياء وما سويت شي على قولتها اجل بعد الزواج وش بتقول والشرة مو عليها على اهلها بكل صراحة اللي ما ربوها كيف تتعامل مع الزوج لانها راح تكون زوجة وراح تتحمل مسؤلية بيت وتربية اولاد وزوج وما اعتقد بوجة نظري ان البنت بطريقتها وتصرفاتها راح تكون مسؤلة عن بيت بهالعقلية السطحية وعدم تقدير الزوج رغم عدم تقصيرة ،،،الواحد يتزوج عشان يرتاح مو يتزوج عشان يشقي ويتعب مع انسانة مو فاهمة وش حق الزوج وكيف طريقة التعامل معاة،،،انا بكل صراحة لو قلت تاخذ هالبنت بقولك لو اعطيت مال قارون لن ارتبط بنسانة بتلك العقلية ولو عندها حيا ما تطلب من زواجها طلبات وهي توها متملكة منة لا ومن شين الطبائع تنتقد زوجها وتقول ما شفت شي منك،،،،في اعتقادي الشخصي ان هناك من يسير البنت بطريقة خاطئة والسبب والله اعلم حتي تسيطر عليك من البداية،،اخي زمام الامور بيدك والقوامة ليست لها القوامة لك،،،تصيحة لك اخي الغالي غير من وضعك 180 درجة اتجاة هذة البنت واذا تعدلت كان بها وعرفت حقوق زوجها والتادب معة وافرض شروطك عليها بحدود الشرع واذا لما تتعدل هذة البنت عن تصرفاتها اتجاهك اري بان بيت اهلها اولي بها وهم المسئولين عنها وعن تحمل تصرفاتها،،،،اللهم ان كان في هذا الزواج خيرا لك فادعو الله عزوجل بان يتمة وان كان فية شر لك وعدم راحة لك فادعو ربي ان يصرفك عن هذا الزواج ويبدلك خيرا منها،،،،اخي دع عقلك يتحكم فيك لا عواطفك اتجاة هذة البنت وكما قيل النزول من اول الدرج افضل بكثير من النزول من اخر الدرج،،،،الله يوفقك اخوي،،،وادعو لي بان يرزقني الله عزوجل الزوجة الصالحة التي تعينني على ديني ودنيتي،،،، اخي نسيت نقطة مهمة تاكد من التزام البنت ومعرفتها حق ربها لان من عرف الله جيدا وعرف الشريعة الاسلامية عرف حقوق الزوج ،،،،ربي يكون بعونك اخي الغالي

اخوي


كااااان الله بعوونك ، ونصيحتي انك تفكر الف والفين مره قبل الدخله
وان حددتوا الوقت انت الحين وقفه ،، وقول لهم احتاج وقت افكر ،، الا ان وزعتوا الكروت فالله يستر ،، وحاول انك تشوف حل من بدري



ايش يعني بالأول ابوها يقولك مالك بمصاريفها انا اتحملها وعقب يقول لبنته اي شي تبينه على زوجك
هذا لعب عيال صار


والمفروض انت تحدد القاعه اللي مقدورك ،، ولازم هي تتفهم هالشي ،، خليها من البذخ والفشخره قدام الناس


والله بعدين بتتعبك بالموديلات والخياطه والمكياج والسهرات والطلعات والملاهيات وفلانه عندها سواق وعندها وعندها


يا خوي انت تبي الستر وتبي زوجك تصونك وتكمل معاك المشوار يدك بيدها
مش وحده تركض وراها وورى مطالبها



تصدق انه كان بامكان والدي يحجز لي بأفخر قاعه
بس زوجي أصر انه يتقاسم تكاليف الفرح نص بالنص (عاداتنا)
فوالله اني اخترت باستراحه تضم عدد معقول
وحاولت قد ما اقدر اني ما اتكلف بشي


وان شاء الله اني فعلاً ما اكون كلفت على زوجي.. عسى الله يرزقه من واسع فضله والله انه ما يبخل بشي



بس انت الحين اتكلم مع البنت ووضح لها اشلون تطلبين من زوج اختك وانتي معاي على الخط ؟؟
وخليها تجاوبك ،، وبهدوووء لا تستعجل بالكلام عشان هي بعد تحس انك فعلاً جاد


حاول تضبط امورك ،، اتفاهم معها ، روح لمهم واجلس معها وشوف ، قول لها بصريح العباره انك تبي مين تشاركك وتساندك ، لكن ان كانت تشوف نفسها لسى دلوعه وتوها على المسؤوليه فخليها تقول هالشي من بدري


وان كبر الموضوع (عساه ما يوصل لهالمواصيل) مادري هل من الصحيح انك تدخل ابوها وتتفاهم معاه
بس بصراحه استغربت من رده ،، ترى احتمال قال كلامه من باب المزح وهي خلاص اعتمدت


وغريبه ماقالك شي على اللي جبته لزوجتك
يعني ماقال لسى بدري على هالأمور ولما تجي بيتك جيب لها اللي تبي وووو




عليك بالاستخاااره وعسى الله يوفقك لللي فيه الخير والصلاح ان شاء الله

مع كل احتراماتي بس خطيبتك الظاهر انها مادية
و هذا النوع يا أخي جد صعب الله يكون بعونك و يهديها

شوف البنت توها صغيره تتوقع الحياة كلها مظاهر وخاصة انها يمكن تتظاهر اما صديقاتها في المدرسه
وخاصة في هذا السن يعتمدون في الزواج على المظاهر والبنت لانك موضح حبك لها درت انك ما تقدر
ترفض لها طلب وانت تحاول انك ترضيها البنت في سن العشرين تصير فاهمه وعاقله وتبدا تفهم الحياة
ههددا بالانفصال حتى تعرف انك خاضع لها حسسها بقيمتك ولاتفعل اي شئ تطلبه منك لانها تعرف انك
لاتقدر ان تستغني عنها وانك تلبي كل طلباتها اثقل عليها حتى تعرف قيمتك

اخوي الله يكون بعونك ويتمملك على خير

اعتقد 17 سنه مو صغيره ماشاءالله تبارك الرحمن بس اعتقد في احد بالبيت يقولها ان زوجك هو مسؤول عنك وعشان كذا انت تشوف طلباتها كثيره واي مناسبه تكاليفها كثير فما بالك بزواجها انت اذا عطيتها المهر فهمها انها تشتري منه ولا تطلبك ابد و ان شاءالله متى ما استقريت فبيت واحد بأذن الواحد الاحد تفهمها على ميزانيتك ولازم تقدر والاشياء الغير اساسيه لازم تستغنى عنها

وبالتوفيق ان شاءالله

تحيتي

يعني خاطب بنت ماتجاوزت مرحله المراهقه وش تتوقع يعني

تبغاها تكبر غصب .. هذا اختيارك وانت تتحمله