أخوي المتميز .. السلام عليكم ورحمة الله وبركاته

أحب اشارك المشكله وأقف معك

لكن قبل كل شي لاتنسى " بر الوالدين "

أنا حالتي كاااانت مثل حالتك إن ما كانت أشد أشوف الأولاد أقاربي نفس عمري وأصغر مني يروحون ويجون بلا حسيب ولا رقيب يخرجون من البيت وهم مايعرفون وين رايحين أصلاً دواران بالشوارع تضييع وقت وتضييع فلوس من غير فايده يرجعون انا باقي لحال بالبيت يضحكون علي ويتكلمون عني ... إلخ

الآن ...

عمري 25 سنه في آواخر المرحله الجامعيه مازال أبوي متحفض علي بعض الشيء بس تغيرت معاملته لي لأني أثبت له اني رجل في أكثر من مره وفي أكثر من موقف


كل اقاربي اللي كانوا يقولون لي أبوك شديد وأبوك مايخليك تطلع برى البيت الحين ولا واحد منهم مكمل دراسته اللي توضف وضيفه على قد شهادته واللي للحين بدون وضيفه وبدون دراسه والحمد لله أقاربي كلهم ( كلهم ) إذا ذكر أسمي ولا اسم احد أخواني ( لأنه نفس الطريقه مع أخواني ) قالوا مشاء الله ولد فلان مربيه أحسن تربيه .. والله حتى اني معروف من ناس بعيدين لا يقربون لي أبد إذا شافني الواحد منهم مع الوالد سلم علي ويسأل عن الأحوال والحمدلله هذا من فضل الله ثم فضل أمي وأبوي الله يطول لي أعمارهم

الزبده والخلاصه :

إذا كت محتاج شي تروح له نادي صيفي أو مراكز ترفيه أو أي شي تنفس فيه لا تخلي بينك وبين ابوك حواجز كلمه بكل صراحه وشفافيه راح يمنعك مره ومرتين وثلاث بس بالاقناع والمحاوله راح يوافق بس( انتبه ) لازم تكون عند حسن الظن وتكون رجل وتتحمل المسؤليه ومكان ثقه لأنه أول مره تطلع فيها من البيت يعني |" راقب نفسك "|

وعندي ملاحظه أنت تقول ( ابغى مكان نروح فيه نلعب بلياردو وبلايستيشن ) الأمااكن هذي والله أنها مليناه بلاااااااااوي ولاتخفى عليك

أرجو اني ماطولت عليك ولا على الأعضاء الكرام بس حبيت اساعدك لأني مريت بالمرحله هذي

تقبل أرق تحيه من أخوك صالح