|
حبيبتي غلا وسعي صدرك.......والله اني ضحكت يوم شفت مو ضوعك اعذريني بس لان مشكلتك صارت معاي من اسبوع بس الفرق انه عصب علي ورجعني من مكه في نفس اليوم وبعد العمره مباشره وجلسنا مانكلم بعض ايام......
على الاقل انتي ارتحتي وجلستي يومين......... شوفي مصيبه غيرك تهون عليك مصيبتك...... والله يهديه ويسخره لك........بس حاولي تراضينه وتتاسفين منه باسلوب حتى لو تحسين انك مو غلطانه معليش تنازلي علشان عيالك ولان هذا زوجك جنتك ونارك......... قلبي معااااااااااااااك طمنيني عنك....... والله كلنا في الهوى سوى.... |
اسأل الله العظيم رب العرش الكريم ان يهدي زوجك و يشفيه من هذه الامراض ويرزقك الذرية الصالحة قريبا..
الله يفرج هم اختك ويسعدها... الله يعينك ويصبرك.. |
اختي بندو رة ..جعل ايامك كلها سعاااااااااادة ..قولي امين
سبحااااااااان الله اصلا خطتي اللي في بالي ولا قلت له إلا على استحياء لآني كنت متوقعة النتيجة ان نبقى في مكة ثلاثة ايام خاصة اني اخي اللي في الشمال وامي واختي التقوا في مكة ..ونفسي اقعد فيها و اقعد جو الحرم لكن لو قلت لزوجي يوديني عند اهلي كان صارت حرب عالمية ثالثة .. ((((((طلبت منه اصور بالجوال منظر الطائفين حول الكعبة (منظر رهييييب خاصة لو كنت في الطابق الثاني) سبحان الله المهم مشكلتي اني اصريت على التصوير عشان اوري اخته.. قام دعى علي في الحرم ومن الخوف والربكة ما عرفت اصور))))) عشان كذا قعدت ساكتة حتى وصلنا بيته اخته ويا ليتنا قعدنا هناك كان ارحم من قعدة البيت اللي هو في غرفة وانا في غرفة الله يهدينا جميييييييعا ــــــــــــــــــــــــــــــــــــــــــــــــــ ـــــــــــــــــــــــ حبيبتي للتصوييييييييب احنا ما قعدنا في مكة غير وقت العمرة فقط يعني بدأنا بالعمرة بعد صلاة العصر وانتهينا من السعي قبل التراويح ثم صلينا التراويح وصاااااااااااااااروخ على بيت اخته ..حتى التصوير كان يعتبره ضياع وقت وتأخيره:29: |
الحائرة = جزاك الله خيرا ..امييييييييييين ولك بمثل..تكفييييييييييين لا تنسي شقيقتي الصغرى من دعواتك بالفرج و الزوج الصاااااااااااااااااااااااااااااااااااااااالح
|
اهلين بالغلا
كيفك حبيبتي وكل سنة وانت سالمة وان شاء ينعاد عليك بالخير خلك انت كريمة وصالحيه هذا شهر غفران ان شاء ربنا يتقبل منا ومنك والله يعينك قلبي اسئل الله الحي القيوم ان يهديه ام وليد |
هلا وغلا بام وليد..اشتقت لك
شوفي يا قلبي والله اني نفسي اصالحه بس..خااااااااااااااايفة من ردة فعله...يعني رح يتمادى ويزعل اكثر ويقول كلماته المعتادة وخرري ما ابغاااااااك ظفي عن وجهي روحي عني اتركيني ما لك دخل فيني وانا صراحة تعبت من اسلوبه هذا عشان كذا احس ما لي غير التطنييييييييش و ان شاء الله يرضى بعدين بحاول اسوي عزومة عشان يجون اصدقاه بس ما ادري كيف ادعيهم ولو اكلم زوجاتهم يمكن انه ما يجون ازواجهم معهم بجد محتااااااااااارة معاه على فكرة انا تعلمت منكم خاصة مع مشاكلي السابقة ان اكون قوية وما اجعله محووور حياتي ولا اتحطم وأموت قهر اذا زعل مني عشان كذا انا الحين صح حزينة على وضعنا لكن ليس كالمرات السابقة ولله الحمد ان شاء الله ما ينفد صبري والله يعظم اجري واجركم على وقوفكم معاي |
اقتباس:
الله يرزقك بالذريه الصالحه.. بقولك شي اختي امس عرفت ان وحده من قرابينا حامل وصار لها متزوجه 10 سنوات ولاحملت.. والله بس سمعت دعيت لك بالذريه الصالحه قريبا.. |
اسأل الله العظيم ان يهدي زوجك لك
ويصلحه ويجعل السعاده والحب بينكم دائما ويألف مابين قلوبكم وان يسخره لك وان يفرج همك وهم كل مسلم وان يشفي اختك من كل داء ويعافيها من كل مرض وان يوفقك في حياتك اللهم امييييييييين |
إذا هو يجلس على النت و تعرفي إيميله ليه ما ترسليله بطاقات حب و رومانسية و جمل و تعليقات أو مواعدات و بعد شوي تدخلي عليه و تقوليله جيتك على حسب الموعد أو فيكي تخترعي أي طريقة المهم عن طريق النت
|
الاخت الغاليه ,, غلا
انت ذكرتي المشكله وبقي الحل والحل بيدك المشكله هي ليست في زوجك ولا الزعل اللي بينكم ولا الانجاب يمكن هذا الموضوع يضايقه بس اعتقد فيه شي اكبر "النت " صدقيني هذا هو اساس البلا ... جربي تبعديه عنه حتى لو اظطريتي لأساليب التخطيط والتمثيل لانه هو اللي بيهدم بيتك كانت لي صديقه تقول حياتها كانت ولا اروع وجلست فتره طويله ما انجبت زوجها كان يحس بفراغ واحيانا يبي يفضفض خاصه انه انطوائي فدخل النت بيتهم وصار يجلس بالساعات والايام ومايقوم منه الا اذا وقت النوم حتى الاكل وهو جالس عليه طبعا هذا شي مايرضي الله وابتعد عن كل الناس حتى عنها مايبي يشوفها لو تسوي من البحر طحين ما ينتبه لان باله مشغووووول والحمدلله في الاخير صلحت حياتها ورجع لها زوجها بحل بسييييط جدا بس قامت بالدور بكل مهاره شوفي زوجك ما استغل النت في شي ايجابي بلعكس تمام كان استخدامه له سلبي جدا ,,اذا وجوده دمار وخراب في حياتكم وما منه نفع ولاقيمه فجربي انك تبعدي الاب توب عنه بطريقه مايحس انه انتي يعني مثلا كأنه اخترب من حاله وفي نفس الوقت حاولي تعوضيه عنه عشان مايحس بالفراغ قد ماتقدري واذا حسيتي قلبه رق ولان لك مثلا اطلبي منه تطلعون بالسياره وحاولي تسمعينه اشرطه تتكلم عن السعاده الزوجيه والراحه النفسيه ومن هالامور اللي تساعدك وطول هالفتره خليك كل شي في حياته واقتربي منه اكثر وحني عليه حتى لو عصب لانه اكيد بيصير منفعل ومشدود طول الوقت تدرين هو صاير مدمن عليه يعني كل شي بحياته تخيلي كيف يكون شكل المدمن (الله يكفيكم الشر ) اذا ابتدى بأول مراحل العلاج تحملي بالبدايه وان شالله راح تكسبين زوجك ويرجع لك بس اهم شي ماتبيني انه انتي ورى خراب الاب توب حتى لو صلحه اعيدي المحاوله وكرريها بطرق مختلفه صدقيني يخسر الاب توب ولايخسرك ووقتها اذا عرف قيمتك وتمسك فيك ورجع لك اهديه احلى لاب توب وعوضيه عن اللي اتلفتيه بس اهم شي يرجع لك ويحس بالسعاده الحقيقه اللي مانتهي ,,و الابديه ان شاء الله .. هذا رأيي في حل مشكلتك اتمنى اكون افدتك وساعدتك لما فيه خير وصلا والله ييسر لك امورك ويساعدك ويسخر لك زوجك واعتذر على الاطاله.. |
| الساعة الآن 10:44 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©