|
الله يفرج همك
|
آميييييين اللهم استجب اللهم من دعا لي في رد أو بالغيب ففرج همه وأسعد قلبه ووفقه في دينه ودنياه وارزقه من حيث لا يحتسب واكفه بما شئت من كل شر جزاكم الله خير جميعاااا .. اسعدتني وقفتكم معي أختي منتظرة: أبكااني الدعاء الذي كتبتيه .. الله يجعله في موازين حسناتك ويرزقك ما تتمنين ويوفقك لكل خير ياااااااه يا أختي .. كلامك جا ع الجرح المشاعر الحارة ومشاعر القهر والظلم أحرقتني وأذابت قلبي .. الله المستعان اللهم لا حول لي ولا قوة الا بك .. أنت حسبي ونعم الوكيل << تكتب هذا السطور وهي تبكي والله من ضيقة الصدر حتى الدوام ما داومت اليوم ولا يوم الاربعاء الله يفرج همي وهم المهمومين من المسلمين وينفس الكرب عن المكروبين |
يارب يابنت اخته ينتهي موضوعك على خير ويريح قلبك وخاطرك وبالك ويبدل احزان قلبك سعاده سواء معاه او مع غيره
لا تشيلي هم ياقلبي كل الامور راح تنحل بإذن واحد احد .. بس انتي وكلي امرك لله وفوضي كل امورك لله وحده سبحانه وتعالى |
الله عندك صير كتيير
سنتين....الله يكون بعوونك و يفرج همك انا بعرف واحده متل قصتك و لاسف هيها خرجت من شهرين زواج بطفل و طفل معاق كمان و لسه زوجها ما بده لا يرجعها و لا يطلقها الله المستعان |
فرج الله همك وانار طريقك ويسر لك امرك وابعد عنكى كل شر ورزقك ما تتمنين واكثر
|
الله يفرج كربتك يا رب
|
السلام عليكم ورحمة الله وبركاته ...
قرأت كل مواضيعك .. وردودك .. واتقطع قلبي عليك .. زوجك مايستاهل.. كاذب، منافق، مخادع .. وللاسف عصبي ومايحشم الي اكبر منه.. وللي يقول هي الغلطانه لانها كرهته من البدايه .. هي مارتاحت له وكانت اتحس بالخوف.. ومابينت له هالشي ابدا!! فمستحيل اتكون تصرفاته الحالية ردات فعل لما جرى في السابق.. !! اول مووضوع كتبت فيه .. خطيبي مو معبرني .. وكانت مالكة صايرلها اسبوع ... بالعادة الزوج يكون متحمس يبي يكلم خطيبته .. هو الي يسعى لهالشيء مو الزوجة .. وحتى لو كان خجول وحياوي.. يكلم الاب او الاخ .. وبهذاك الوقت .. ممكن نعطيه اعذار.. محد يدري شاالي حصل بالضبط ماكانت عايشه معه .. وبعدها .. ماطل بامور كثيرة .. وتم الزواج .. ولاحظت عليه الكذب والاستهتار وقلة المسؤولية .. وكانه اتزوجها .. ليثبت للبعض بانه يقدر يتزوج .. والحين مايبالي.. بس معلقك سنتين ... مفشلك قدام الناس ومقيدة .. والحين بعد هذا كله .. مو بس هو الي يكذب حتى اهله .. يعني محد له امان .. ومافي حد تقدر تعتمد عليه .. الطلاق ما ننصح فيه .. لو كان الزوج قابل للتغيير والتصليح .. !! لكن بوضعك انتي ماشوف هالشي.. وانا متاكدة وواثقة ان الاخت بنت اخته .. حاولت تتكلم معاه .. وتوضح له عدة امور.. بس لا حياة لمن تنادي وحسب ماقرأت .. كلمت اهله .. وحاولت في البدايه بانها ماتجرح مشاعرهم ولا مشاعر زوجها .. سنتين!!!!!!!!!!!!!!!!!!!!!!!!!!!!!!!!!!!!!!!!!!! مو قليله ... بعد عمري ضاعت سنتين من عمرها .. لا هي الي ماشية بحياتها حرة .. ولا هي متزوجة .. مثل العالم والناس.. انا صارلي سنة في بيت اهلي.. بس احاول اصلح الاوضاع بيني وبينه .. مابين معاه ومو معاه .. لكن زوجي الحمدلله تغير .. والغلط كان مننا احنا الاثنين مو بس هو .. وفوق هذا كله صغير بالعمر 22 سنة .. وانا 21.. غلط نستعجل.. لكن انتي وضعك يختلف.. اتعورين القلب يالغالية .. استمري بروحتك للمحاكم.. لان الحق معاك .. وحاولت بكل الطرق.. جربتي النقاش وجربتي اتروحين للمشايخ .. ماتنلامين .. ! صحيح هي ماحبته من البداية .. وصح سمعنا السالفه بس من جهتها .. لكن الحين اتوضحت الامور الكذب جاي من اهله بعد .. من ابوه .. الي المفروض هو الي يكون حكيم بتصرفاته .. فكيف اتامن حياتها عند ولده؟! اهم شي راعي مشاعر ابوك .. ولا تبينين انك متضايقه من وضعك .. ماقول غير الله يكون بعونك .. والله يعجل بالطلاق ان كان فيه خير لك .. والله يبعده ان كان فيه شر.. والله يعوضك باللي احسن منه الي يرفع من شانك ومقدارك .. ادري كلامي متلخبط ... وادري مانصحتك بشي.. بس انا واقفه معاك واحاتيك .. واتمنى ماتقطعين لاني صدق ابي اعرف اخبارك .. اوجعتي قلبي... جل تقديري.. أم وداد ... |
اختي الكريمة انصحك بركعتين في الليل في هذه الايام الفضيلة والدعاء بصدق وإلحاح ان يفرج الله كربتك
والله سوف تلاقين النتيجة قريبا ان شاء الله الله المستعان / استعيني بالصبر والصلاة فرج الله همك ويسرك لليسرى وجنبك العسرى |
ماقول الا الله يعينك
هذا ماعنده ذره كرامه |
قرأت مواضيعك كلها وقرأت الردود كلها...
تدرين ايش هو احسن حل مع هذا المعاق (لان الاعاقة في دينه في اخلاقه في تربيته وليست الاعاقة في بصره). الحل هو ان والدك الله يحفظه واعمامك واولاد عمومتك واقربائك كلهم يعدوا عدتهم ويجتمعوا ويروحوا لمكان تواجد هالمعاق وياخذوه ويجيبوه عدكم ويعطوه :29: علقة او طريحة او بسطة بس من هاي اللي تعجبج يعني بالعربي (يعطوه كم كلمة بالعظم تليق بيه على كم لكمة على وجه على كم ركلة على كم ضربه احزمة وعقل) ليييين يرجعوا له البصر ويفوق ويعرف ان الله حق ... ويا تطلق الحين ويا تموت بأيدينا وخلي يختار صدقيني انا جادة وهذا هو احسن حل مع هالمعاق لان هذوله ناس تخاف ما تستحي واذا لم تستحي فأفعل ما شئت... وذنبه على جنبه... |
| الساعة الآن 11:39 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©