|
اخي الاشقر الاخوان والاخوات ردو ردود كافيه بس انا ابي ازيد علي ردودهم ان المراءه تخاف وتنهار لابعد درجه اذا تركها زوجها ولا كلامها خاصه انك ماقصرت عليها بشي وراح تحس بفرق الحياة والعيشه اذا جلست عند اهلها لاسبوع واحد بس لانها تعودت علي الرفاهيه والحياة الكريمه بس اظن وان بعض الظن اثم ان اهلها سبب زيادتة المشاكل يعني بدل مايعقلونها يقولون ابد اصري علي موقفك وبيجي اصلا مايقدر يستغنى وهي ياحرام تصدق انك بترجع وتنتظر الرجعه لكن انا رايي انك ترجعها وعندك بالبيت ماتكلمها وتهجرها في هالوقت راح تحس بالغلطه وتشوف ان الموضوع خطير ومع ذلك مايصير عندها احد يحط علي النار بنزين وراح تترضاك مو مثل ياكانت بيت اهلها ----وراح تنحل المشكله باذن الله علشان الحلوة البنوته اللي عندك لا تفكر بالطلاق او الزواج بالثانيه لان زوجتك عنيده وعنده من يكبر راسها عليك لذا تجنب الزوجه الثانيه وكن حازم معها لان الحرمه اذا خافت تعدلت------- ودعواتي لك بالتوفيق والسداد
|
الله يكون بالعون
بعض الناس النعمه عندهم ويرفسونها والبعض العكس يعنيي ياما كنا نطيعهم ونسمع كلامهم ونرضيهم بالمستحيل وفوق ذاكله يزدادو للاسواء كرهونا بالطاعه لهم الله يكتب اجرنا والله الدنيا غريبه اقول عندي اقتراح خذها لدكتوره مشاكل اسريه وتناقشو هناك وقها هذي اخر محاوله معاك كون صارم شوي الله يفرج هم الجميع ويردها اليك ردا جميلا |
الله يعينك
مدري وش اقولك صراحه المشكله اذا طلعت خارج حدود البيت يصعب حلها مشاكلك مشابهه لمشاكلي ,, باقولك بصراحه انا عنيييدة ولساني ماعليه اذا غلط علي واخذ حقي وعلى قولتهم اللي يبي الشر يوطا عباتي ,, بس في حياااااتي ماطلعت من بيت زوجي ,,لاني ادري لو رحت عنه واشتكى لاي احد بيقول خلها لين تجيك برجليها (طبعا كرامتي وقتها ماتسمح لي ) وانا بصراحه احب زوجي مررة وافكر مليون مرة قبل مااقوله اي كلمه ممكن تجرحه او تضايقه خارج حدود المشكله.... ولاني اعرف معدن زوجي وانه مهما غلط قلبه طيب ومايستاهل ,, بس احيانا يقهرني صدق ومايتادب يرجع يغلط نفس الغلطه بشكل ثاني ويعترف انه غلطان عشان كذا اضطر اني اسامحه ومااكبرها ... عشان يسامحني اذا احتجت .. احس انك في موقف لاتحسد عليه .. تبي زوجتك وبنتك بس ماتبي تتنازل ,,مرة ثانيه اذا تهاوشتوا لاتوديها لاهلها واحرمها من الطلعه .. عشان ترجع تلقى الحطب طايح وزوجتك مرتاحه وناسيه .. عن نفسي اذا قلت اللي في خاطري ارتاح عشان كذا زوجي يسمعني للاخر واذا خلصت يمسح على راسي ويقول خلاص تعالي ننام بس وبكرة نكمل هههههههههههههه |
اخي الحبيب وش ذا ما شاء الله عليك ؟
اذا حزمت معها زعلت تروح تجيب لها عشا من برا؟ أخي تحتاج دورة في الحزم اذا حزمت فكن جادا في ذلك مو تروح تراضيها وتعتذر لحزمك أحسن حل لك أنك تكبر دماغك وما تركز كثير على زعلها ورضاها ولا تحسسها أنك تتأثر بزعلها يعني قول اللي تبيه وأمرها بما تحب وطنش زعلت والا رضت أما روحاتها للأفراح القريبة والبعيدة فهذا الأمر بيدك لا يعني لا خلها تزعل يومين وبترضى لكن اللين ما ينفع دائما وفقك الله وأكد لك أن هذه المشاكل تدور في كل البيوت تقريبا حتى يروض أحد الطرفين الاخر |
اسمحلي اخي الكريم
احس احيانا بضعف في شخصيتك الرجل صاحب الشخصيه القويه لايمكن ان تعامله زوجته بهذه الطريقه قد تكون تراخيت في البدايه وحاولت تدارك الامر فلم تستطع انت تحبها وتخاف منها ولاكن الحب من هكذا نوع لا يستمر كن حازما لاتتنازل عن كلمتك هي من بحاجتك ولست انت من بحاجتها |
اخي الكريم الله يعينك
بصراحه لما قلت انه هذي المشاكل باكثر البيوت اعني المشاكل العادية ( المصروف - السوق - الخناقات دون غلط الزوجة على زوجها طبعا - الاختلاف في الطبائع عموما )) لكن يبدو انه زوجتك تحب السيطره الى حد ما ومع ذلك اجعل الطلاق اخر ماتفكر به امنحها فرصه لمراجعة تصرفاتها لاتكلمها ابدا الا بعد مرور فتره كافيه و بعدها اتصل بوالدها و خذ احدا حكيما من اهلها هي ،، مع والدك و احد حكيم من اهلك.. وكون مجمع النقاط اللي المفروض تنحل واطرحها بعقلانية واذا وافقت على العودة معك بشروطها كان بها واذا رفضت اخبرها بأنك سوف تتطلقها واذا كانت تحبك ستتمسك بك اما اذا كانت بايعه لااعتقد ان هناك مجال للتفكير اتمنى لك الخير وان تعود زوجتك لكن اقول لك لاحياة زوجيه بلا مشاكل تكبر او تصغر بفعلنا نحن واعتبر مني انا فأنا عانيت الامرين مع زوجي لكن كان لدي امل به وقد توصل الموضوع الى ان رفعت قضية طلاق وصدق انه تغيير منذ ان عرف بذلك وجاء برجال ثقاة من عائلتي واقنعوني بالعدول بشرط تغييره واذا فعل ماكان يفعله لي الحق بالطلاق مع كل حقوقي وانا الان حامل بطفلي الثالث بعد تغيير زوجي 180 درجه وبعد مرور سنتين على المشكلة التي قصمت ظهر البعير ولو ان هناك مشاكل تحكمها الطبائع الا انني مرتاحه 80% عن ماكنت عليه سابقا اتمنى لك التوفيق و طمنا عنك تحياتي |
اخوي اكيد في خلل او مشكلة معينة ممكن في احد من صديقاتها او اهلها ياثر عليها يكلمها وتتاثر فيه
ممكن عندها مشكلة معينة حاول تواجهها وتعطها فرصة وحاول تتغاضى عن اخطائها .. حببها فيك غير طريقتك معاها حاول قدر المستطاع ابنتك تستحق منك المحاولة عسى الله يصلح بينكم يارب |
عندنا فى مصر مثل بيقول
قالو لفرعون ايه فرعنك قال مالقتش حد يلمنى اخى زوجتك طريقتك الرقيقه لاتنفع معها والله انا مثلها لمابلاقى حد يدلعنى بتفرعن:) اخى والله نصيحه منى ليك كون قوى اكثر من ذالك معاها على سبيل المثال كلامك هو اللى يمشى ليس كلامها يعنى سواء هى موافقه ام لا مشى كلامك انت:22: وصدقنى مع الايام هاتعرف ان الراجل راجل ولابد ان كلمته هى اللى تمشى عليها:11: :18: سوا هى موافقه او رافضه والله يااخى ساعتها هايرتاح بالك وهى هاتعملك الف حساب وهاتخاف على مشاعرك:19: من اقل حاجه مش سى السيد:16: امال ايييييييييييييييه:d |
الاخوان والاخوات
اشكركم على الردود بس لي راي الاخت المصرية تقول مشي كلامك ؟ انا اقول حاولت ياناس كريستال تقول انها تحب السيطرة انا اقول صح هي توت بالسيطرة لان اختها حاطه زوجها خاتم بل اكثر من ذك وهي تتمنى تكون زيها وهلها يتمنون ان هذي مثل تلك امل 22 انا اقول كلامك تمام وصح تتاثر باخواتها بس وش اسوي اخوي القزم يقول يمكن ضعف بشخصيتي ؟؟ اقول وانا اخوك وش تبين اسوي قل وانا انفذ؟؟؟ تبيني اضربها انا اتمنى منك انك قريت مقالي واضافتي السابقه تمام ابو عزيز نبي نلم المشاكل لاتتفاقم بس الاخوان والاخوات : احب ريون ياهوى البال ديمة ذبحني شوقي لرؤية بنتي انا الملكة وام السوسة اشكر لكما التفاعل جزاكم الله خير اضافة البارحة اتصلت بالمدام مرتين وماردت عشان اتفاهم معها قالك زعلت ؟؟؟؟؟؟؟؟؟؟؟؟؟؟؟ انا اعرف طبايعها بس الله يكتب اللي فيه الخير تحياتي |
أرد وأقولك المشكلة فيك ...
عليك بالحزم الشديييييييييييييييييييييييييييد ارسل لها رسالة قوية تهزها وتبين الوجه الأخر من شخصيتك والله لو زوجي نصف شخصيتك سويت أكثر مما تفعل بك ولأنك حساس مايهون عليك زعلها وهذه هي المشكلة لازم تقوي قلبك لتنقذ زواجك وطفلتك الله يهديها لك |
| الساعة الآن 03:32 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©