المشاركة الأصلية كتبت بواسطة بنت شيخ (المشاركة 1687397)

عزيزتي الله يعينك ، هذا الزواج شقاه وتعبه اكثر من راحته

انا زوجي مثل زوجك عصبي ، لكني الحمدلله، قدرت اتفادى عصبيته
المشكله انه زمان ما كان كذا بس الحين صاير بس يفسر كل شي غلط و يعصب

معليش اسمحيلي ترى الرسالة اللي ارسلتيها قوية مرة عارفه والله بس من قهري ، زين انك ما رديتي عشان تبينين انك زعلانة بس الرسالة شينة ، اتوقع معصب من شي قبل وانتي كلتيها ؟
معليش بسأل سؤال : زوجك يدخن ؟ يشرب شيشه لأن له تأثير قوي في العصبية اذا طول ما اخذ سيجارة ، الله يعطيهم حريمته يارب

ترى الرجال ما يجون بالعناد ، كل ما طال زعلك ، زاد عناده ! ، يعني انسي يجي هو يعتذر !!

بس انا عندي لك فكرة ، أنا جربتها مرة ونجحت ، تنفع مع الرجال العصبيين اللي ما يعطونك فرصة توضحين وجهة نظرك او تبررين تصرفك!

اكتبي له رسالة حب ، تبينين فيها مدى حبك واهتمامك فيه و انتبهي تنتقدينه ، ووضحي فيها شعورك تجاه التصرف اللي سواه ، وانك انجرحتي والشي اللي صار ما يستاهل العصبية هذي كلها، قولي مثلا انك قلبك طيب وحبيب وما يطلع منك هالتصرف ، وان هذا ينعكس عليه هو ، خاصة قدام اخوك وقدام الناس ، لانهم بينظرون له هو ، مهوب انتي ،،، حاولي انك تمتصين غضبه


احاول اجربها مع انه كارهته صدق الله يوفقك يا رب ويسعدك

وصدقيني مافيه احد مرتاح ، انا قاعدة انصحك وانا عندي مشكلة مع زوجي واحاول احلها .... بس نعين ونعاون ونستفيد من

مشاكل بعض ، عسى الله لا يجيب زعل بينا وبين ازواجنا وازواج المسلمين اجمعين آمين

المشاركة الأصلية كتبت بواسطة ( أبوفلان ) (المشاركة 1687548)

فرج الله همك ..

المشاركة الأصلية كتبت بواسطة فوفو (المشاركة 1687587)

يا حبيبتي ولا تهتمي ولا عبالك عاااااااااااااااااااااااادي
زوجي يعمل اكثر من كذا والمشكله انه ما يهتم في ناس او لاء وكان على اقل شي يعمل حفله بنص الشارع ما يهمه
لكن الان والله سرت اتمسح مع الوقت فما تأخذي ببالك كثير اهم شي انتي طنشيه بس يبدأ بالشتم والكلام والصوت العالي والصراخ
طنشيه واعملي نفسك مو شايفتيه انا كنت الهي نفسي ببنتي اقعد اتكلم معها وهو مولع مثل النار علشان يعرف انه الي يعملو ما يهم حد غيره
الله يهديهم بس
وفقك الله لكل خير
في رعايه الله

المشاركة الأصلية كتبت بواسطة غموض السنين (المشاركة 1687566)

المشاركة الأصلية كتبت بواسطة ح ـلم (المشاركة 1687634)

حبيبتي الله يعينك ويساعدك ان شاء الله ..

ويهدّي سرّكم ..وان شاء الله ربي يوفقكم .. وترجع الميّه لمجاريها ..

والله ماني عارفه ايش اقولك .. بس الله يهدّي بينكم .. مافي بيت يخلو من المشاكل ..

والله يسهل حبيبتي ..