منتدى عالم الأسرة والمجتمع - ياأخوي وياعزوتي... أنا مو زوجتك لتعاملني هكذا!! [ المشكلة حُلت ]

منتدى عالم الأسرة والمجتمع (http://www.66n.com/forums/index.php)

- المشاكل المحلولة (http://www.66n.com/forums/forumdisplay.php?f=42)

يمكن اخوك من النوع الخجول جدا واللي مايقدر يحط عينه في عين احد اذا حس ان هذا الشخص اللي قدامه مثلا نظراته ترعب فيحاول يبعد عينه عنه اوكان شخصية الطرف الاخر قويه

وهذا يفسره انه مايصير الموقف مع الكل انما مع فقط اشخاصمعينين

اخوك اكيد مررريض

معقولة
اختي انتي لازم تكلمينه وتصارحينه وتسألينه عن السبب بأي طريقة

انا صراحه قرات الموضوع ومره مستغربه منوو مررره

لكن لاحظن وانا بقراء الردود انو اي احد يسالك متزوج هوا ولاء كانك ما تقراي السؤال

لا تجاوبي لا بايوه ولا ب لاء

والله يرد الحال ان شاء الله زي ماكنت واحسن يارب

اقتباس:

المشاركة الأصلية كتبت بواسطة فوفو (المشاركة 1680734)

اعتقد فيكي شي يجذبه واذا نظر لك تشديه علشان كذا يغمض عيونه علشان ما يحس انه اخته وتجذبه
والله اعلم هذا السبب يعني ما يبي ينظر لك علشان ما يفكر بشي غلط
والله اعلم
في رعايه الله

ما قصرت يا فوفو قلت الي انا كنت ابي اقولة

الله يعينك ياختي على أخوك اذا كان لبسك فيه اغراء او حاجة من كذا فلازم تلبسين لبس محتشم.

انا عارف انك ممكن تقولين معقولة ؟؟ البس محتشم وعند مين عند اخوي ؟؟

وانا اقولك ايه البسي لبس محتشم لأن ترا اخوك آدمي ومهوب حيوان واكيد عنده احساس

و الله يديم المحبة بينكم

اللي ردوا بالأخير , يعطيكم العافيه لارائكم وتفاعلكم
ووالمشكله بالنسبه لي أنحلت, لأنه أخوي طلع يعاني من الأمر مع أشخاص ثانين و (ذكور ) بعد

تعتبر الان مشكلة أخوي
الله يفرحني بشفائه قريب : (

وهذا ردي اللي وضحت فيه كل شئ
شكرا لكل اللي ردوا علي

اقتباس:

كلمت اخوي اليوم ماسنجر, وتجرأت اسأله كل اللي سألته نفسي بهذا الموضوع

رد علي بالحرف الواحد
(والله العظيم إنه عن الناس كلهم مهوب أنتي لحالك)

رديت عليه,انه فلانه وفلانه ها اللاارادي مايحصل معهم؟
مارد علي,انحاش كثير ,وانا حزنت لأني شكيت انه فعلا ضدي انا بس : (
ألحيت بالسؤال, وقلت قول لي أعطني اي تبرير منك ,
وحلف مره ثانيه واللي خلق سبع سموات انه ضد الناس كلهم حتى اخوياه
يقول
بعض اخوياه سالوه , واتعذر بكم عذر
وان هالثنيتن اللي توقعت انه مايغمض عنهم
عصب علي وقال , الا , بس هم مايدققون مثلك
وقالي اذا بتعرفين نزلي موضوع بمنتدى وشوفي ايش يقولون لك

قلت له اني نزلت,
وتحمس يعرف ايش قلتوا
وقلت له البعض قال يمكن سبب موقف
والبعض قال يمكن اذكرك بحبيبه سابقه هههههه (بغى يمسح الايميل من وجه الارض يوم قلت هالاحتمال )
و قلت له وسواس قهري
واستغرب من اخر احتمال, وضحك باستهزاء

من محادثتي ,عرفت أن أخوي يبحث عن حل لمشكلته ( الان )
( يوم سالته اذا هذا كلام اللي حولك, ماتلاحظ ان الفعل يضايقنا يضايقك؟ ) سكت ومارد , وسكت أنا

مشكلتي اعتبرها أنحلت , شكرا لكل من تعنى وضغط زر اضافة رد, شكرا لكل من فكر علشان يسعدني ويهون علي
شكرا لكل من شجعني على المواجهه واني اتنازل عن قناعه لو استمريت عليها يمكن تؤدي الامور لشئ أكبر

وش ضارني لو اني منزله مثل هالموضوع من اول ماحسيت انه بينا شئ غلط؟
لو كنت من خمس سنوات منزلته , هل من الممكن أني أتجرأ وأقول ( ماأطيق أخوي )
يارب أحفظه لنا,
وواجبي من اليوم أساعده , وأول مساعده له أني ماأبين أني أتضايق منه ( أتأقلم مع سلوكه )

ويارب رب الناس أذهب الباس عن أخوي وأشفه , يارب تعلم أن هذا الفعل متعب لمن حواليه كيف وهو يعاني الأمرين
يارب ألطف بحاله, ياربي دلنا على العلاج يارب

شكرا لكم مره ثانيه وثالثه ورابعه الله لايحرمني منكم

يمكن انه يعاني من" عدم الثقه بالنفس" لا تستهينون بالحاله عشان ماتتطور والله يخليه لكم ويعافيه يااااااارب.

الله يشفيه من ها العله

تصرف مشكور ياتشوكلت اهنيك عليه وأهم شيء انك عرفتي وبشكل كبير تشخيص للمشكلة وهذا بحد ذاته يبعث على الإطمئنان لكِ وله ايضا لأنه هو بنفسه يعاني وانتي بتصرفك معه ومواجهته بطريقة غير مباشرة استطعتي ان تكسري الحاجز الذي كان يمنعه من البث والبوح بهذه المشكلة ..الآن الحل أصبح أقرب من أي وقت مضى ..أنا أهنئ أخوك على ان لديه أخت مثلك...
وفقكم الله...واتمنى عاجلا ان تطقطقون دلة قهوة كاملة موب فنجال بس :d

الحمد لله ، [ يُقفـل الموضوع ]

نسخـة لعالم المشاكل المحلولة ..