منتدى عالم الأسرة والمجتمع - الحمدلله على اللي احنا فيه(قصه حقيقية).....

اقتباس:

المشاركة الأصلية كتبت بواسطة مغروره بأمي (المشاركة 1709844)

حبيباتي اليوم عرفت موضوع جدا حزني والله

عندي وحده من صحباتي متزوجه وبنت عمها اكبر منها لسى ماتزوجت
عمرها 28سنه

المهم انها كانت تبغى تتزوج بأي طريقه حتى عن طريق الخاطبات

وامها كانت نفس الشيء كل المحاولات سوتها علشان تزوجها

وفي الاخير انخطبت عن طريق الخاطبه وفرحت امها بالخطوبه

وسألو عنه شويه مو كثير وبسرعه سوت الملكه وفجأة زواج

وكل شيء كان ماشي من اروع مايكون والكل فرحان لها والله

وجا يوم الفرح وانزفت العروسه وراحت بيت زوجها وتاني يوم سافرت
شهر العسل والكل يدعيلها بالتوفيق

وهناك بدأت النهاية

أكتشفت ان زوجها مو طبيعي فيه شيء غلط واستحملت كم يوم
وبعدين التصرفات تزيد وتزيد وطلع مريض نفسي الله يشفينا

يشرب حبوب علشان تخليه فتره طبيعي وبعدين يقلب في الليل

يضربها قدام الناس ولم يكون قاعدين في مطعم يقلب الطاوله عليها

ويشك فيها يعني مسكينه عاشت اسوء شهر في حياتها

ومارضيلها تكلم اهلها ولاشيء

واول مارجعت من شهر العسل كلمت اهلها وجو أخذوها من بيتها في الليل

والان تحمل لقب مطلقه من شهر العسل بعد لقب عانس

الحمدلله يارب على كل شيء

حبيت انقلكم هذي القصه اللي انا عايشت احداثها

علشان لانستعجل رزقنا

ومو اي احد توافقو عليه علشان بس تتزوجو لازم تسألو وتسألو عليه إذا مايناسبكم

عادي ارفضيه احسن ماتتزوجيه وتطلقي

الله يعوضها خير
ويكتبلنا الخير والصالح لنا دائما يارب

100%
وإذا على الطلاق فالمشاكل كثيرة لاتقف على مرض نفسي فقط
وفقنا الله واياكم لما يحبة ويرضاه