|
لاتزعلين مني غاليتي زين أنه تزوجك ومالعب فيك وأنتي أخترتيه ورضيتي تعيشين بالظل تحملي نتيجة قرارك وهو كان صريح معك مالف ولادار وصارح والدك إيش تريدين أكثر من ذلك لاتخيرينه بينك وبين زوجتة لأنه بدون تفكير سوف يختارها أعيد وأقول تحملي نتيجة أختيارك يوم غلبتي العاطفة على العقل.....
|
مشكلتك صعبة صراحة ... الله يعينك
لكنـ ... حاوليت تتقلمين مع وضعك الحالي ... يعني ابعدي التفكير السلبي ... وعيشي حياتك بإيجابية ... ومثل ما قالت الاخت حاولي تفتحي مشروع واي شي ممكن يشغلك ويملئ وقتك بالمفيد والممتع وانصحك تحملين منه لان بعد 7 سنوات .. اذا كانت حياتك معاه بهالوضع .. وعندك ولدين او 3 .. وعندك مشروع ... اتوقع راح تكون حياتك جيدة نوعا ما خاصة انه وقتها بيكون متعلق فيك اكثر ... وبعيالك الي هم عياله ... وتكون زوجته كبرت اكثر فيتعلق فيك اكثر لول :p الله يوفقك :) |
اقتباس:
وكأن هذا الأنسان زوجك ياأما تقولين كلام طيب يأما تخرجين موبلازم تردين الكلمة الطيبة صدقة يعني الأخت منزله موضعها للأستشارة يعني تبغى نصيحة وأنتي تزيدين الهم همين سبحان الله |
انا ما راح اهتم لكلام سردينه لأنه عادي انا ابي استشاره مب ااهانه وكلام جارح اللي فيني كافيني واخواني خواتي الله لايحرمني منكم ولا يحرمكم من غالي ابد انا قررت ابعد عن الطلاق واحمل خاصه اني راح نتقابل بكره و اقوله عن المشروع مره وحده ؟؟ شرايكم الله يخليكم عطوني طريقه افاتحه فيها
مشكورين على الردود |
خلاص يااختي اللي صار صار .....والحمد لله انتي بخير ..غيرك مالقت لها زوج يستر عليها ...
ويش تبي اكثر من كذي ..وسامه وجاه ومنصب ..........وما عليك من كلام المغرضين ... انصحك اسمعي كلام الوالد ..وجيبي له ولد خليه يرتبط فيك اكثر ......وبعدين ساعتها مستحل يفرط فيك وزوجته الاولي مصيرها بتعرف وترضخ للامر الواقع .........دواااااام الحال من المحال .. |
الله يكون بعونك
|
إستخيري ثم إستخيري ثم إستخيري وبإذن الله ستنحل أمورك
حبيبتي أنا أشوف إنج تشغلين نفسج بوظيفة زينه وتحاولين تبنين مستقبلج صح طبعا بدون ماتبينين له إن أنتي قاعده تضبطين وضعج لأن إنتي مو واثقه من حياتج وياه ابذلي مجهود وابني مستقبلج حتى لو حملتي وانفصلتي لاسمح الله يكون عندك مصدر لحياتك بدون ماتلجئين لحد وحاليا تقربي من زوجك حسسيه بالراحه بالأمان ولعيه فيج حتى مايطير من عشج ولو اني اشوف ان حياتج وزوجج بعيد صعبه لان الوحده منا ماترتاح الا وتشوف زوجها نايم يمها وتقعده لدوامه وتسنع ريوقه واذا رد تجهز الغدا وكل شي قدام عينها غير الطلعات والمقاضي اللي بيكونون فيها مع بعض وانتي لج الخيار ان انتي تعيشين حياتج هذي وتتنازلين عن بعض حقوقج لكن تستمرين وتمشين حالج او ان ترفضين وضعج وتشوفين لج فرصه افضل واحسن واريح والموضوع بيدج بعد الله قعدي مع نفسج وقلبيها براسج ولاتشاورين حد لأن هاي حياتج اذا شفتي ان انتي عندج الاستطاعه ان تواصلين بهالطريقه كان بها واذا شفتي ان محد بياكلها غيرج لا والله تصرفي وعلى طوووول وبالتوفيق حبابه |
.....
معليه انا ماراح اقول اللي حصل منك عادي لا ولو غضينا النظر عن طريقة تعارف وغيره فانتي قلتي من البداية انك فكرتي فيه كظل راجل ولا ظل حيطة وفكرتي بوجاهته وماله اكثر شي وقلتي انك متصورة هالوجاهة كل شي لكن بعد ما شبعتي منها غيرتي رايك وتبين زوج شبه كامل مثلك مثل صاحباتك ..كيف تصير هذي ؟! ومع الاسف احس انه خاطرك ان زوجته تعرف ع امل انها تتركه ويكون كله لك واظن هذا حرام انك تدمرين حياة انسان وثق فيك وكان واضح من البداية وعرفك بظروفه ولاتتصورين انك لو عملتي هالشي انه بيعديها لك وما راح تترك اثر بنفسه صدقيني حتى لو تركته زوجته راح يحاسبك ويشوف غيرك فانتبهي اساسا من انك تفكرين بالطريقة الانانية واحسني نيتك عشان ربي يوفقك ويسخر لك ومن رائي لو حابه تاخذين فيه فالمراة بمثل عمرك صعب تستغني عن زوجها وخصوصا في البداية ومهما حاولتي تشغلين روحك برضو راح تفقدين شي وشي مهم لذا من الافضل مادام انه غير قادر على انه ياخذك للكويت انه يفتح لك بيت قريب بالسعودية مثلا بالخفجي... والكويت والخفجي واحد تقريبا يعني يقدر يجيك كل يوم لو يبي او ع الاقل 3 مرات بالاسبوع بدل مرة بالشهر اللي ماادري والله كيف قبلتيها ؟ هذا غير انه متى مااحتجتي له باي وقت لضرورة مثلا تقدرين تطلبينه لانه فكري فيها عدل اذا ما حس انه مسؤول عنك فماراح يغير نظرته للموضوع -انك تبقي بعيدة ويمر ع حسب ظروفه - ومادام ناويه تخلفين فلازم يبدا يحس بمسؤوليته ناحيتك والا ناويه بعد ابوك هو من يودي مستشفى ولادة ويركض بولدك اللي ابوه يمر ديرتك يوم واحد بالشهر ؟! و بنفس الوقت تشوفين لك اي مشروع صغير يشغلك وان شاء الله مع الايام متى ما حس انك اسرة كاملة بالنسبة له مو مجرد متعة من غير مسؤولية -اسفة ع هالكلمة -مثل اسرته الاولى فراح يتمسك فيك وراح يفكر بحقوقك وحقوق اولادك من نفسه هذا رائي وطبعا انتي حرة وع فكرة .. زوجك ع حسب كلامك يمكن بالـ45 وهالرجل بهالسن بكامل عافيته ماشاء الله وقادر انه يخلف ويربي لعشرين سنة قدام اذا الله عطاه عمر فماادري ما اعجبتني تعليقاتكم على عمره وخصوصا انه مثقف فلا تخلين الشيطان يفتح لك هالباب وتعمقين النظرة داخلك وانتي اساسا بروحك قلتي انك اعجبتي بوسامته فانتي يا انسانه تتحمل نتيجةاختيارها وتصبر لعل وعسى او من البداية تنسحب قبل تتعقد الامور اكثر وقبل كل هذا ..استخيري ثم استخيري واستخيري الله يكون بعونك وييسر امرك |
يا أغلى قطرية إستخيرى الله قرارك بالحمل وفتح مشروع مش عاجبنى كونى واضحة وصريحة وحلى مشكلتك قبل ما تتورطى أكثر إنتى لسه على البر بلاش تدخلى عرض البحر وانتى مابتعرفى العوم. أرجو انك تكونى فهمتينى.
|
الله فيك كربج يا بنت بلادي ...
|
| الساعة الآن 04:35 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©