يفضل للزوجه ان تكون ربه منزل لتربى ابنائها لكنه للاسف لم يصبح مطلب اغلب شبابنا

سبحان الله اختي كل شي في هالدنيا نصيب .. لكن هذا لايعني انه الوحده لاتسعى لانها تثبت احترامها وشخصيتها المحترمه ...

ماقصد عن طريق الوظيفه المختلطه لا ... انما اقصد في المجتمعات النسائية لانه في النهاية اللي بيتقدم لك بيتقدم لك عن طريق امه اخته عمته وهكذا !!

ايضا اختي " ماقصدك انتي لانه عمري ماشفتك " لكن يعني لازم الوحده واعيد في المجتمعات النسائية .. بالاضافة الى اخلاقها وروحها الحلوه تركز ع كشختها وجسمها الحلو المرتب ..

اما اذا الله كتب لها العمل في مجال اختلاط فما في مانع " ماقصد شرعاً لانه في اختلاف ف ع المووضوع " لكن قصدي باختصار اذا الله كتب لك العمل في مجال مختلط ايضا تحافظين على احترامج وادبج واخلاقج .. تتكلمين مع الرحال لكن بقمة الادب والاحترام والضحك وهالحرابيط انتي بينتي وجهة نظرج فيها وماشاء الله سويتي عين العقل .. لكن اختي هذا لايعني انك تكونين عبوووسه لا كوني عاديه بثقل بدون ضحك ويدون عبوس . كوني وسط في كل شي ..

وصدقيني اختي لو كنتي خايفة ربج ومحترمه نفسج وكان عندج اللي يكرهونج مابيقدرون يقولون عنك شي ع قولتهم " امشي عدل يحتار عدوك فيك " ...

اكثري من الاستغفار وانتي رايحة وانتي راده ... ودايما قولي .. " اللهم من اراد بي سواءا فاجعل كيده في نحره " ..

وقولي " اللهم اجعلني احسن ممايظنون .. واخفي عنهم مالايعلمون ... وتجاوز عن سيئاتي فانت ارحم الراحمين "

الله ييسر الخير يارب ويرزقك الزوج الصالح الي يقدرج يااااارب ..

أختج .... أم فطومه :)

الأخت العزيزه ام الحسين والعمر،الأخ الكريم لا ارغب بالتعدد، الأخت العزيزه منى 777، الأخت العزيزه جروح الزمان
كل الشكر مني لكم والله يجزيكم كل خير ويوفقكم

الأخت العزيزه حاملة الهم الله يفرج همك يارب اخيتي، اشكرك على النصائح الطيبه وعلى الدعاء الجميل ووبالنسبه عن العمل المختلط هل عندك فكره ان كانو الرجال يفرقون بين المحترمه وغير المحترمه
سؤالي مضحك بس انا لما كنت اشتغل اشوفهم ما يفرقون ولا اعرف السبب والغريب يضايقون المحترمات؟؟؟؟؟
شكرا مره ثانيه اختي الغاليه

بصراحة فيه ناس كثير ينصحوني بأمراءه غير موظفة

عشان تكون مرتاحه في بيت زوجها وتؤدي اشغالها في المنزل على اكمل وجه وللأعتناء بالأطفال وغيرها

وبالنسبة لي ارى أن المرأة الموظفة تكون معظم وقتها مشغولة ويصيبها الأرهاق وكثر الاشغال (حتى لو فيه خدامة بالبيت)

أنا ما ابي أولادي يتربو على يد اجنبية (ولن ائتمن الخدم مع الأولاد لحالهم بالبيت)

هو صح أنو بعض الموظفات يخففوا عن الزوج بعض الأعباء والتكاليف المنزلية (لكن فيه شي أزين من شيء آخر)

وارى ان التدريس للمرأة هو الوظيفة الوحيده التي تجنبها من الأختلاط

تحياتي وتقديري للحميع

لما تكون البنت غير موظفه هل تعتبرونها غير طموحة؟؟

لا طبعا كونك درستي وخلصتي جامعه بنجاح تعتبرين طموحه

انا اشتغلت وحسيت ان الشغل كان فيه احتكاك بسيييط بالرجال من ناحيه المكالمات

سبب لي مشاكل وتركته والحين جالسه بالبيت وكل الوظايف اللي القاها يكون فيها اختلاط لاني ماابي تدريس

وبالنسبه لاهلك اللي يقولون ان الشباب يدورون البنات اللي متوظفين مو شرط ابدااا

انا اخوي كل ماجبنا له طاري وحده نخطبها له قال تشتغل بمكان اختلاط ماابيها !!!!!

وبعدين نصيبك ربي كاتبه لك مااحد ياخذ غير نصيبه بهالدنيا يعني العمل ماله دخل ..


الله يوفقك ويرزقك الزوج الصالح يااارب

أختي نايت ... قد لا املك الرد على الجواب على سؤالك بالضبط ..

لكن اللي دايما اسمعه ينقال .. المعدن الطيب دايما يبين ... وسبحان الله تصدقين احس اني حاسه بالضبط باللي صاير لج .. لانه قبل عرسي تكلموا عن ناس وااااايد وانا ولا ادري عنهم ووحده كانت من اقرب اصدقائي .. لكن ربي يوم بييسر حق عبده الخير ييسره لو وشو . .بس ربي يشتاق لسماع صوت عبده وهو يناجيه ويدعيييه عشان جي اقول لج لاتيأسيين ...

تصدقين في البداية ظنيتك صديقتي لانها من كم يوم تقول لي اني والله في حالي بس الناس ماتسكت وانا اعرف هالبنت عددددل يعني هي بين البنات مالها حس فكيف مع الشباب ... بس سبحان الله الناس تبي تتكلم ماتعرف شتسوي. ..

عاد تقول لي يوم قلت حق امي انه الناس تتكلم عني قالت لي يا بنتي شوفي لو في شجرتين وحده مثمره ووحده ميته تشوفين الناس واليهال " السفيهيين " يضربون الشجره المثمره المعطاء عشان يكسرونها ... بس انتي خلك اقوى منهم ..

وانا اقول لك نفس الشي .. حبي شغلج واعطي فيه كل قدراتج وطلعي فيه كل طموحج .. لاتستسلمين للناس التافهه اللي مالها الا الكلام والحرابيط ..

ولو تحرشوا وتكلموا مرة ومرتين يوم بيشوفونج قويه ووصامده وانج جايه تشتغلين وبس بيسكتون .. انني بتسكتينهم بتصرفاتج ...

اخيرا .. استخيري واستخيري واستحيري واستحيري ... وان شاء الله الله ييسر لج الخيره وين ماكانت ..

يارب اسمع خبر ملكتك من شيح الشباب الزين الخير الطيب ... يارب وهالمطر ينزل علينا استجب دعااائي يارب ...

اختج .. أم فطومه :)

بل العكس أنا أرى أنها ميزة جميلة في المرأة وهل العمل والدراسة إلا مشاكل في مشاكل وسبب كبير للطلاق

اختي حاملة الهم الله يفرج همك اللهم آمين
حاليا انا لا اعمل
الف شكر لكي على كل شي الله يجزيييك كل خير وربي يسر امرك وامر صديقتك ويكفيكم كل شر وحسد ، ولا تنسيني من دعواتك الصالحه
الأخ الفاضل شغموم الله يكثر من امثالك ويرزقك الأنسانه الصالحه

وأنا مالي اي تعليق على كلامي هل هو صحيح أو لا؟؟؟؟؟